mlccharlie's Profile

半年前已經留意到這間餐廳，今日適逢寶貝女生日終於可以試到啦，睇食評及看到食材都已經好吸引，本人是非常鍾意食前菜，餐廳用的不同配料配搭食材，調味非常豐富，我覺得佢哋個重點都係配汁將主角帶得更突出，例如薯條配腐乳豬油醬，兩個寶貝都話非常鍾意，刀貝薄切刺身，帕瑪火腿，炙烤牛肉，淨係呢三樣任食已經回本，餐廳特色其實是飲酒同埋飲咖啡，專業的侍應會因應我哋個人喜好揀選合適我們的白酒，我們都品嚐一番，真係食得好飽，跟住仲要想主菜，​松葉蟹腳蟹羔意大利麵味道非常濃郁恰到好處，加了$100 試埋咖啡鹽麴熟成封門柳，簡直係大滿足，我一定會再次帶朋友過去，分享俾大家真的不妨一試我們都有睇過之前的評語說服務態度一般，但係我哋今晚係感受到非常貼心而且服務好周全，總結這餐飯非常滿意…Read More

坦白講韓燒都好多間都很出色，今次專登由九龍走過來試食，是因為這間店有海景，跟朋友分開訂位註明要求海景位，去到同接待查詢，他說未能安排，結果坐在門口兩旁的卡位，唔好意思都沒有一句，我們兩家人利用這個平台訂位，很多時餐廳都會致電說明可以安排到有利位置，或者有交帶，這都算了，成間店的服務員，我形容他們的工作態度是無奈，好像不願意服務，都體諒應該人手唔夠，叫服務員沒有禮貌都算了，每次起碼要叫第三次才有人走過來，坦白講都不想再加食物，其實食物質素不錯的，不過點解韓燒沒有前菜提供，沒有泡菜品嚐，因為服務員關係，我們都不想查詢，坦白講都不會再幫襯，比預期真的有點失望！…Read More

他旁邊兩間店都無位，膽粗粗衝左入去，覺得無乜期望，結果喜出望外，我們食了個四人餐，每個菜我們都讚，頭盤個青龍椒烤得非常好味，芝士黑松露丸美味，燒雞翼食到小朋友舔舔脷，跟住11安士牛柳不輸蝕，還有個蕃茄薄餅，額外再加個30個月西班牙火腿，甜品玉桂條配朱古力醬，個個食到唔想走好想叫晒成間鋪的東西來試…Read More

下午茶時段，首先入到餐廳沒有招呼沒有人叫你數安心出行，隨便自己坐低都算，叫咗三次落單都冇人應，然後落單好似阻住佢工作咁都算，坐低發現位置冷氣好大風好凍，連隔離枱食緊個客都話突然之間好凍，我哋異口同聲一齊同待應講，但係完全唔理會我哋的說話，就話而家拖緊地，完全當聽唔到，態度係不理你，結果只有自己移位，呢位侍應我了解咗應該係餐廳經理（用唔鹹唔淡的廣東話回應）餐廳食品幾好食都好，服務態度超差不會再去…Read More