eatingisfun的个人专页

同A先生百無聊賴，去油麻地逛逛，順便去中南買文具，睇下附近有咩好食，就見到用龍蝦湯聞名嘅村爺爺。大愛米線嘅我嗌左龍蝦湯米線，配菜要左鮮牛肉、魚腩、油麥菜同埋響鈴。湯底非常非常鮮甜，有淡淡嘅龍蝦味。鮮牛肉醃得好入味，魚腩好滑無腥味，響鈴亦非常貼心地另上，等佢唔會浸到淋曬～A先生就揀左泡飯，嗌曬啲最吸湯嘅配菜，包括豆卜、腐竹、魚腩、蟲草花。兩個都對龍蝦湯讚不絕口😂，50幾蚊就食到高質嘢，大滿足～～～…查看更多

話說之前見到雜誌鋪天蓋地嘅宣傳，話錦麗係越南最好味嘅越南粉，然後竟然係香港開分店，行過幾次都大排長龍，仲要售罄添⋯⋯⋯今次撞正A先生可以早啲去排隊，一於試試佢啦～～～河粉湯底好清，但係有香濃嘅牛味，正～～牛丸好食，其他牛肉就普通啦。不過價錢只係50幾蚊，算幾抵食！近排生左幾粒暗瘡，嗌左杯雪梨崩大碗黎清下熱，不過我相信佢嘅草青味真係唔係人人頂得住😂小食就嗌左牛油雞翼同粉卷，雞翼炸得好脆，上面有啱啱溶左嘅牛油，邪惡度滿分。粉卷嘅蝦好鮮甜，都唔錯㗎～…查看更多

好朋友生日，決定搵d新奇有趣嘅餐廳同佢慶祝，咁岩佢又鍾意食糖，所以就帶左佢黎喇！一到門口就見到呢張宣傳poster，大愛海膽嘅我一見到已經話要嗌黎食。一版海膽伴risotto，海膽都ok新鮮，龍蝦汁意大利飯好香，配搭上黎好好味呀，$98超值，必食！小食拼盤嘅炸物香脆但唔會太乾，炸蠔好食呀個杯墊好可愛呀～～～鵝肝煎到表面香脆但入口即溶，配紅酒香梨平衡左佢嘅油膩感，食多兩件都仲得呀😂長通粉嘅茄汁酸酸甜甜好開胃呀又係羊架喇，究竟我地有幾鍾意食羊😂😂好少餐廳真係可以做到7成熟，Candies Foodies嘅廚師真係拿捏到啊，我地都好surprise！pizza嘅皮好薄好薄，好似餅乾咁好脆，芝士味好香～最後梗係要夾糖啦！有棉花糖同軟糖揀，如果有我最鍾意嘅可樂糖就完美啦hahaha…查看更多

呢日又同兩個好鍾意食野嘅朋友聚餐，行開佐敦見到有間新餐廳好似唔錯，見到餐牌幾吸引，價錢又合理就入左去啦～洋蔥湯好香濃，好味到連平時唔特別鍾意食洋蔥嘅朋友都唔抗拒喎～蒜蓉包好香脆，加埋洋蔥湯好好食呀～墨汁意粉軟硬適中，d蝦都好鮮甜，大家都好滿意喔我地三個都好鍾意食羊，所以一定要叫羊架啦！呢個羊架唔會太羶，火候又剛剛好，連配菜嘅薯仔都好好味呢煙三文魚沙律嘅沙律菜好新鮮，咬落sork sork聲架hahaha薯條係我至愛，新鮮炸好配埋cream cheese雖然邪惡，但盡得我歡心啊最後食埋甜品，三個飽到飛起haha朱古力蛋糕朱古力味非常香濃，New York Cheese Cake香滑芝士味濃，讚啊～…查看更多

小時光係觀塘工廈餐廳界都已經好出名，同朋友行過附近就決定去試下啦～因為知道呢到好多人排隊，所以今日提早食晚飯，6點幾就黎到，黎到已經見到餐廳半滿喇😵淨係睇門面已經覺得自己去左台灣咁😍😍😍餐廳嘅裝修用左好多懷舊、學校嘅元素，有好多鐵皮玩具，學校嘅檯同凳，漫畫書，最特別係侍應們都著左台灣嘅校服做uniform呢晚我試左肉骨茶，肉骨茶肉味同藥材味都香濃，但略嫌唔夠熱食物質素正常，但環境可以補救食物嘅味道啦～…查看更多

係附近做完野，見已經lunch time，就食埋野先返公司繼續搏殺～隨心行行下，見到呢間小小的cafe，就決定入去試下，工作之餘都可以chill下😏點左個all day breakfast配waffle，雞蛋就咁睇都已經知佢好滑，果然一試就將工作拋諸腦後，決定要好好嘆個lunch～沙律菜好新鮮，香菇同洋蔥炒得好香，香腸亦唔會太鹹～waffle焗得外脆內嫩，好少鹹食waffle嘅我覺得呢個配搭好新鮮😝咖啡亦做得非常出色，工作之餘都要食好野黎為自己加加油～～～…查看更多

通常去親卡通主題餐廳都係影下呃like相，對d食物嘅味道唔會有太大期望，但估唔到今次會有意料之外嘅驚喜😂叫左好多野食，大家都擺靚靚相機食先😝😝一向飲茶都要食叉燒酥嘅我今次都有叫，酥皮香脆，叉燒餡料都好好食後面嘅椒鹽豆腐我地鍾意到要encore，豆腐非常滑，椒鹽味道剛剛好，炸漿好薄，一啖一粒搞到我地食唔停流沙包個樣係Kitty，可愛到唔捨得食😍最後當然都係要殘忍地食左佢啦😂流沙包真係好流沙，一咬開個包就流曬d奶皇出黎，蛋黃味非常香，亦唔會太甜飯都做得好出色，連紅蘿蔔都係kitty樣，好有心思😍😍…查看更多

從來未試過食明太子料理，見到專食明太子嘅鱈卵屋覺得好得意，生日就決定去試下啦～～～拌飯加湯食好特別，仲可以隨自己嘅喜好加入配料，店員仲會好細心教你點樣食先會最好食添～橄欖油帶子，帶子好鮮甜，加埋香草橄欖油好香，多士亦非常香脆明太子薯條炸得剛剛好，唔會太乾，少少juicy，加埋明太子醬好好味呀～明太子玉子燒，本身已經好鍾意食玉子燒，加埋明太子係玉子燒入面好有驚喜！店家完全唔孤寒，加左好多明太子，啖啖都食到鮮味嘅明太子😍…查看更多

朋友已經食過呢間泰國菜幾次，約係放工後見面懶得諗食咩就帶我食佢嘅飯堂😂軟殼蟹牛油果卷軟殼蟹炸得好香脆，同埋隻軟殼蟹好多肉，配埋牛油果芒果同青瓜好清新，好味～燒翠玉瓜沙律因為未試過用翠玉瓜整嘅沙律，所以好奇嘅我地就點左呢個菜。翠玉瓜燒完之後好juicy，沙律菜好新鮮，配塊parma ham食真係好正😂就算係睇落普通嘅多士都好好食，甜甜地又d似丹麥多士嘅味道😍生菜包份量十足，生菜好新鮮，肉脆炒得好香，酸酸辣辣好開胃…查看更多

生日都已經過左勁耐，而家先的起心肝寫食評😂本身朋友打算同我食Mr. Steak慶祝，點知full booking，誤打誤撞佢就揀左Castello 4，點知為我地兩個帶黎無限驚喜。我地兩個一人叫左一杯cocktail，粉紅色個杯係lychee味，甜甜的好易入口。朋友個杯個底有個Jelly，好特別～～我地兩個海鮮怪見到龍蝦menu就雙眼發光，頭盤先叫左龍蝦配芒果沙律龍蝦鮮甜到不得了，以為沙律係芒果同其他生果，點知原來入面有龍蝦肉架！龍蝦lingerie，龍蝦汁非常濃郁，超級超級好味，大推！4 cheeses pizza邪惡到極點😂😂😂😂pizza嘅餅皮非常香脆，口感好似食緊薯片咁，配茄汁底唔會太膩，好好味😍…查看更多

睇雜誌見到呢排有間爆紅拉麵店🍜，呢日行過附近諗唔到食咩，就決定試試佢😂我揀左豚骨湯拉麵，湯底濃郁，麵條掛湯都相當唔錯～至於豚肉炆得非常淋，肥肉入口即溶，雖然好邪惡，但偶然一次真係小確幸😂溏心蛋滷得入味，連蛋黃都有味架！但係我隻蛋浸得太耐竟然熟左唔識流心😭😭😭😭所以絕對要提醒大家碗麵一到要食左蛋先，以免發生我嘅悲劇🙈🙈🙈…查看更多

朋友K好鍾意食莆田，所以決定呢晚約食飯就食我久違嘅莆田😂由於無book位，所以都等得幾耐，將軍澳人多，基本間間都要等。但莆田好貼心，只要你等位時間超過某個時間，入座後like埋佢fb page就送返野食俾你，值得一讚！我地等左45分鐘就送左個湯俾我地😝😝最鍾意食莆田嘅炒米粉，佢地嘅米粉好幼，而且炒得乾身，加埋佢個辣醬真係無得頂！😭😭黃金湯莧菜，湯底係好濃嘅鹹蛋黃湯，好好味，忍唔住要不黎飲！！鐵板鹽焗蟶子，海鮮新鮮真係用最基本簡單嘅煮法就已經好好食！除左野食之外，我地三個最鍾意就係飲佢嘅茶🍵，好飲到我地問侍應有無得買茶葉返去自己沖😂😂😂😂…查看更多

朋友K話想食沙爹之類嘅野，朋友I尋尋覓覓搵到Spice，三個決定去試下新野，點知一入到已經好有驚喜，環境舒服寧靜，好適合三五知己一齊食野傾計。Spice主打係食泰國同印度菜，menu有好多野揀，搞到我地花多眼亂。咁岩我地早食飯撞正happy hour，即刻order杯野飲解解渴😝左邊杯pina colada係朋友I的～飲落菠蘿同椰子味好balance，唔似出面椰子味蓋過菠蘿味，加上有少少酒味，好好飲呀～～我同朋友K就叫左smoothie，我就叫左wild berrie，好rich嘅berry味，酸酸甜甜好開胃😚😚至於kiwi smoothie都唔錯，極清爽👍🏻👍🏻後面係喇沙湯，朋友I好鍾意食喇沙，所以嗌碗湯淨飲，好濃椰奶味，正～～😂前面係冬陰功海鮮湯，海鮮好新鮮，湯味酸酸辣辣，一個人都飲得曬全碗😍有人講明要食沙爹就梗係要食啦😂兩串羊兩串雞，雞肉嫩滑多汁，羊肉無咩羶味，兩款我地都好鍾意！北印咖哩羊肉配cheese naan絕對係完美😍😍😍😍我同K比較食得辣，完全唔覺得佢辣，但I一向食唔到辣，就食到流曬汗😂😂建議怕辣嘅朋友就唔好嗌喇～～炒椰菜苗，正常味道，炒得好爽口因為I真係好鍾意喇沙，所以encore左碗喇沙湯麵，好味到連湯都飲曬😂😂大蝦柚子沙律從來都係絕配，spice用黑醋汁將佢地撈埋就更令人開胃😍😍…查看更多

做完野，行過見到sweetology，裝修好girlish，就坐低食個甜品獎勵下自己😝本來想叫Apple tart，點知竟然賣曬，咁唯有叫個最大路嘅心太軟啦～～雪糕用movenpick嘅 vanilla ice cream，讚👍🏻心太軟用dark chocolate整，所以有朱古力嘅苦味，對鍾意dark chocolate嘅人黎講真係福音😂😂一吉落個心太軟，d朱古力醬即刻流出黎，味道唔會太甜，配合苦味重嘅蛋糕甜味剛剛好，絕對值得一試～～～😍…查看更多

食過Espuma嘅晚餐同lunch，對佢地嘅質素相當有信心，所以決定約埋好朋友黎試下佢地嘅tea set👭睇到menu嘅種類相當多，鹹點甜點都具備，order完之後好期待呀！😆😆飲品我就order左earl grey tea macchiato，賣相精緻，雖然earl grey味唔算好濃，但配合濃郁牛奶又出奇咁夾喎～～炎炎夏日飲返杯透心涼嘅飲品真係好爽呀～～😝等左一陣，tea set終於送到喇！😍😍佢地仲用左espuma嘅e字做tea set嘅層架，夠曬獨特。見到眼前放左咁多野食，真係心大心細唔知食咩先好😂😂仲有我最愛嘅scone，脆脆的口感加上濃郁的牛油香，配埋cream食真係邪惡度滿分😂😂😂咁多款食物，除左scone之外，我最鍾意就係鮮菌酥盒😋鬆脆嘅酥皮配合鮮菌真係好好食，讚👍🏻tea set份量夠曬兩個女仔食👧🏻👧🏻，食量唔太大嘅我將早餐午餐都無食都食唔曬🙈🙈，好彩有好朋友幫手包底😅😅…查看更多