skskyi的个人专页

同同事落樓食飯因為呢一間比較近，餐廳又冇人，見到啲嘢都好似幾啱食，我哋一行六個人就入咗去點知中咗大伏🤮🤮🤮食物賣相其實好正常其中四個同事share叫咗以下食物意粉算係最好食 份量偏少味道可以，肉似係正宗豬面頰肉長通粉 淡而無味，完全唔知食緊啲乜差芝士pizza 一嚟到俾啲芝士吸引住跟住我哋切開 先知原來樓下篇食評係真㗎😰Pizza個底硬到癡線用把刀唔知對緊啲乜嘢，似得勁辛苦先可以分開🙄一咬落去，都知奶野，咬到牙較都軟凍咗食更加大鑊 真係完全咬唔開，尤其是係啲邊位☠️Parma ham pizza 🍕 有肉令到Pizza味道提升同樣嘅問題，個批真係難咬死人差 食到冇乜心機🤢補充一點，因為我哋四個人share，冇叫嘢飲但係侍應都唔主動提供水俾我哋我諗出面冇一間西式餐廳會係咁樣嘢食唔好食都算，連呢一啲細心位加下分都無💀所以唔需要再幫襯 唔怪之得間餐廳真係冇乜人喺度食嘢啦反而其他都排晒長龍 😌大家食完之後個感覺係，情願喺隔離食譚仔三哥放題條氣會順好多😂…查看更多

因為疫情嚴重 返工經常都叫外賣早就聽同事講呢間餐廳早餐好好食 價錢實惠👏🏻ok !!!! 一於試下 I cafe 😌我叫咗珍寶豬柳漢堡芝士煙肉脆豬😍聽到個名就已經覺得好吸引～ 打開個盒 賣相同我想像中差不多包內搽左牛油 有生菜🥬蕃茄🌟誠意之作 👍🏻 加埋沙律醬 味覺瞬間提升但我本身偏好茄汁 所以自己加埋落去仲正😂我地一共叫左4,5個餐 餐廳仲提供免運費外賣速遞！價錢比起叫網上外賣平台 更平🙂正～～～等我下次試下panini 先🤭…查看更多

幫襯左好多次，真心想為紅蔥頭平反(非打手)以4x元包餐飲 我唔會再要求啲咩有人話食物質素唔穩定 我相信每間餐廳都經常會發生 尤其係繁忙日子，想質素好啲不妨平日去食啦至於服務員態度差 ，我幫襯過咁多次 都冇遇過不特止，有一兩個仲好好。因為我都係熟客 每次都知道我食啲咩，飲啲咩，唔洗自己寫紙仔劃。仲每次都會拎熱水比我。一個小小既行為已經令我覺得好窩心！做得好，係要讚！香港人，唔係下下都要投訴，不妨欣賞多啲人地既好，唔好將人地不足或者錯誤無限放大啦另外，希望紅蔥頭可以改善下。唔好再要顧客自己寫紙，因為好多老人家或者唔識字既客人會感到好困擾，加上顧客自己寫既話，出錯機會係會大大增加！再加上，餐廳係有收加一服務費，如果要客人自己落單但又收取加一服務費，好似有啲⋯⋯？…查看更多

見新開黄埔站，特登黎行個圈😂男朋友話想食西餐 就入黎試下我地叫左個2人餐 $288 包括 ：湯*2沙律*1小食*1 主菜*2 甜品*1餐飲*2 南瓜湯，夠濃好飲。什菌湯 ，好足料 好濃，好正。心諗，湯都咁正，主菜一定仲正點知。。沙律汁無乜味，太多橄欖油⋯⋯唔好食，不過個份量係多既雞翼薯條變薯角？ 雞翼已經一分為二，食落方便啲，係入味好食但薯角唔夠味主菜一，芝士蜜糖薄餅 。 都幾特別 男朋話好好食，我就覺得一般。主菜二，白酒蜆肉意粉 重酒味，幾香，可惜蜆肉偏瘦加上份量少得可憐。。甜品 ，唔記得叫咩名幾好食。整體黎講，唔係太差。用膳時間尚早，得兩枱客，但上菜次序真係好奇怪。首先係黎沙律，之後兩個主菜到埋，先有湯，最後先到小食。我建議可以唔忙果陣將啲次序做返好小小。主菜可以hold 一hold 等小食，湯，沙律到左先出主菜都未遲仲有個湯太好飲，令我覺得啲主菜變左伴菜…查看更多

大滿喜我黎過好多次啦，令我再三幫襯原因係：地方就腳，食物好味，服務都可以。大滿喜係旺角站 E2出口 ， 大約行五分鐘到達。今次友人訂左19：00，我地18：50到左門口已經見到好多人係lift口等位，好彩有訂枱姐！入到去，見到個場都差唔多爆晒。 的確係好旺一坐低 發現原來轉左啲野食！果然無黎錯，可以試下新野。即時點左沙律同刺身。可能因為繁忙時間，出餐速度的確比前幾次慢，刺身等左成四五個字都未到 。初頭以為漏左單，叫侍應幫我睇睇，一分鐘後便到！GOOD !! 之後叫啲熟食喇，好多炒野都好快到左，但我點既牛尾，仲有燒物同炸物就比較慢 ，我懷疑當中漏左單。叫侍應跟進，侍應們都好樂意幫手追食物，而大約三分鐘即到枱！呢到要讚一讚佢地。👍大多數員工都有禮 食物落枱前會叫一叫枱號，向我地示意 不要亂動。尤其係鍋 熱辣辣，佢地都有提客人小心滾水。雖然好簡單一句說話，但作為食客都會覺得好窩心。😃不過服務就真係無喇，我地隻碟食到好多骨都無人得閒換過，但見到佢地個個都好唔得閒 又唔係偷懶 ，我都理解。。 唯有張啲骨倒落食完隻碟到，費時麻煩佢地了 😩刺身依然好新鮮 ，唯獨是份量真係少左，寫十，二十都只係得一半左右。熟食唔多講啦 多左新野 ：炸一口芝士，紅毛丹煙肉串，一口腸，魚肚羹，炒牛肚，鯛魚腩，風螺，燴飯...etc刺身好因各人口味，唔多講啦推介***卷物 （C / D ) 鰻魚芝士卷，芝士蝦卷，海膽魷魚手卷，龍蝦沙律手卷壽司(E) ， 黑松露三文魚腩 其他真係好普通熟食推介 ，（F）香芋丸，炸蕃薯，一口芝士，芝麻雞翼（G , H）雞軟骨，一口腸 （正）, 燒雞翼，菠蘿, 牛仔骨，海蝦（I ) 牛柳 ， 粟米，帆立貝（J ) 海鮮鍋 ，肥牛鍋，牛尾-環境方面 ，呢段時間好旺。 廁所衛生程度欠佳，廁所經常性無水（之前黎過好多次已經係咁，仲未有改善）..除此之外 , ，啲坐位又窄。。飲品雪糕要自助 真係幾煩 。 如果改返以前咁，寫紙形式就好啲啦至少唔洗阻住員工派食物之餘，亦可減少客人受傷既機會 。 總括，呢餐都好正 好飽 好開心 ！…查看更多

今次同朋友試大滿喜。其實好耐之前已經聽人講過間野幾好食，今次終於有機會試！ 我地訂左5點半 不過遲到 6點先到 照食到7點半 心諗啲野出得快個半鐘都夠，而當晚時段收費 $158+1 。一坐底 侍應好細心提我地檯號，同埋飲品低自助形式。飲品都好多選擇，有一般汽水，烏籠茶，康師傅冰紅茶，冰糖雪梨，水蜜桃仲有忌廉溝鮮奶同芒果汁呀 睇下有咩食，order簿 A -J 沙律，刺身，卷物／手卷，壽司，炸物，燒物...如此類推。。刺身幾多選擇下 ，三文魚腩十分肥美！卷物好好食，因為全部都有芝士！ 長話短說，圖中極力推介全部都好正。平價放題，可以一試。有意外驚喜…查看更多

下晝，友人即興撩我放題。我同佢都幾食得，不嬲都有鋪癮，所以一口就答應左！之前我地每星期都兩次。所以我地都去過唔少放題店。吉壽其實都去過好幾次，但之前懶得打食評，今晚食完 忍唔住要讚一讚！ 今日星期五 六點收費$178+1 入到去都未爆場。 一坐低 立刻點刺身 ~ 唔洗五分鐘已經到檯，速度要讚讚！不過冰山貝無論我寫六定十塊，佢都只係黎得四塊.... 心諗，唔緊要，食完再點。。食緊刺身同時 立刻點炸物，因為想攤凍少少食 無咁熱氣 紫心香芋丸，芝麻雞翼，芝士年糕。。呢啲都係必食 ，香芋丸極力推介，甜甜地 口感好正！我仲encore左兩次添！卷物都幾好，有四款 ，我地點左三款香芒田園卷 ， 芝士蝦卷，芝士鰻魚卷 ，啲 飯唔會太大舊 ，可以一試。十分之欣賞吉壽啲熟食，每樣都係熱辣辣，溫度夠。燒雞軟骨：無落鹽，太乾 ，都係大x喜好啲！羊鞍：入味好“林“牛柳粒：好重雪味，麻麻地炒帆立貝：可以不試燴牛尾：好正！好香好入味豬軟骨：蘿蔔好好味，主角豬軟骨反而一般燒雞翼：正！我一個人食左十隻！燒菠蘿：酸酸甜甜，消滯一流！炸蕃薯：推介 , 口感一流！牛乳海鮮鍋：內有 有菜 青口，蝦，豆腐 甜品 ：雪糕 雪條 燉蛋 （凍）燉蛋亦都好正好好味 呢餐好滿意 ，最重要係無漏單，侍應又友善所以食得好開心！very good ！！…查看更多