superfoodies的个人专页

同朋友慶祝生日，大家整體都幾滿意。環境幾靚，新淨企理。服務都唔錯。另外食物方面，唯一失色係當晚食嘅肉眼扒唔夠嫩同腍，其他食物都幾好。餐廳走日系型格路線，成個Vibe都好好Feel。當晚我哋有8個人，所以餐廳安排咗我哋坐房，私隱度充足，環境乾淨舒適。食物方面，除咗可以散叫之外，亦有一人套餐/二人套餐。當晚叫一共叫左4 Set二人套餐，每set $888，包左前菜、串燒、主菜、甜品同飲品；飲品可以揀cocktail/mocktail/wine。值得一提，切餅費只係$100🫶🏻…查看更多

趁屋企人生日，終於有機會食呢間Bookmark左好耐嘅潮州菜。整體嘅水準非常高，份量十足！避風塘肉蟹必食！肉蟹幾大隻，肉厚又鮮甜，食落啖啖肉好爽。加埋啲炸香蒜粒一齊食夠晒惹味欖菜肉鬆炒飯炒飯好有鑊氣，粒粒分明，每啖都食到肉鬆同欖菜粒香煎蠔仔烙平時食蠔仔餅都係炸，而呢到用煎嘅方式可以Keep到蠔仔水分，食落Juicy而不膩。竹笙鼎湖上素呢道懷舊粵菜原來喺製作上極為繁複，用料超豐富👀，有我最愛嘅竹笙，爽脆而且吸收晒上湯嘅精華，好入味炸蝦多士酥脆可口，內有大大隻蝦，好食…查看更多

已經係我第3次光顧🫶🏻，呢間新加坡30年老字號以A級加拿大黃豆每日石磨鮮製，豆味香濃又健康。每次經過會被吸引，今次一口氣試咗4款豆乳飲品/甜品！✨季節限定嘅蝶豆花茉莉豆乳凍，食落滑捋捋，每啖都充滿茉莉花嘅清香✨三色芋圓西米露粒粒香甜而且質感煙韌，超好食✨抹茶紅豆小丸子豆乳，🍵抹茶味好香濃，加埋絕配嘅紅豆同小丸子，口感豐富✨奶蓋芋泥小丸子：芋泥配豆乳出奇地夾，而且芋泥份量十足，第一次飲呢間就係飲呢杯，另外一讚小丸子質感軟糯，So Good！店員話我知佢哋嘅App經常有優惠推出，可以預訂同自取，好方便～…查看更多

有特色嘅手作Burger小店，主打外賣，亦有少量堂食座位。所有漢堡都即叫即做，好欣賞漢堡嘅麵包外脆內鬆軟，又有牛油香，睇返啲相即刻肚餓當日食嘅2款burger入面都夾有超級食物—羽衣甘藍，比普通生菜有更多膳食纖維「森間」安格斯牛肉漢堡內有安格斯牛、蘋果🍎、牛油果🥑、羽衣甘藍🥬同芝士🧀。安格斯牛肉汁豐富，超多材料而且好夾，整個burger口感十足柚子和牛漢堡牛味超濃又Juicy，和牛扒很有份量，肉質軟腍，唔使點咬近乎入口即溶🤪，內有焦糖洋蔥🧅加柚子醬汁，酸甜酸甜滋味增加清新感烤雞溫泉蛋沙律雞扒軟嫩多汁，金黃色嘅外皮好吸引🤩，整體份量超足料，沙律菜可以配沙律醋/芝麻醬任揀其一買任何漢堡/沙律，飲品減$10✨加咗Iced Americano同埋凍嘅濃縮咖啡菠蘿梳打🫧，同漢堡都幾夾，爽！…查看更多

成日經過荃新天地都見呢間餐廳好多人等位，想試好耐，趁平日冇乜人等位就入去試吓。由門口到餐廳室內，每一處都係打卡位，座位闊落，整個環境好Chill，好有度假感；而且食物高質！青檸吞拿魚北海道帶子鍋巴⭐️⭐️⭐️⭐️開胃小食好清新，吞拿魚加帶子再混合泰式香料，酸辣味道伴隨鍋巴嘅香脆口感幾好食冬蔭功大頭蝦意粉⭐️⭐️⭐️⭐️⭐️冬陰功汁掛滿每一條意粉，微辣之中帶椰香味，亮點係大頭蝦真心大隻，蝦頭內有肉之餘仲有勁多蝦膏生薑蟹肉芫茜青醬意大利飯⭐️⭐️⭐️⭐️身為芫荽控嘅我見到呢個飯即刻想試，每一啖飯都食到蟹肉，淡淡芫荽香加埋忌廉嘅Creamy口感，味道層次幾豐富Thai Green Milk Tea⭐️⭐️⭐️⭐️⭐️泰式奶茶加抹茶，口感順滑幾好飲，記得攪勻先飲Mango Mule Mocktail⭐️⭐️⭐️⭐️一杯好清爽嘅Mocktail，由熟成芒果、橙汁同薑啤調製，果香十足…查看更多

充滿日系感嘅舖面已經有Feel，內裡氣氛好Chill，啱晒同friend啤一啤、吹下水開到凌晨兩點，食宵夜都不錯～店內有大電視，可以約埋三五知己一齊睇波！適逢依家英超⚽開鑼，餐廳嘅清爽生啤同黑啤都做緊買三送一🍻當晚同朋友叫咗「生啤串囍串燒套餐*」$208，包6串自選$22嘅串燒加兩杯生啤，抵食！當時朋友問老闆可唔可以將一半白啤同一半黑啤兩溝，老闆話咁啱開晒所有生啤款，所以可以特別安排到🥰～*星期二、三、四供應🌟必叫🌟雞三角軟骨串：個人覺得係少見嘅部位，食到軟骨嘅爽脆又有雞肉，鐘意食軟骨嘅一定要試雞皮串：燒得脆卜卜又有鹹香，襯啤酒一絕！仲保留到適量嘅煙韌感雞腎串：爽口有嚼勁厚切牛舌芯串：厚切得嚟外脆內嫩多汁日式岩手雞肝串：軟熟口感，九分熟剛好蒜燒茄子：香滑軟腍，蒜香味濃自家製免治雞肉棒：軟嫩雞肉之中有滿滿肉汁，加埋軟骨同濃郁蛋黃汁，三重口感好出色…查看更多

踏入與別不同嘅八角形大門口，就知呢間餐廳走型格路線；樓高兩層，地下層為Sake酒吧，一樓則主要食串燒菜式。值得一提嘅係，老闆超愛Sake，所以呢到賣嘅Sake非常緊貼日本酒廠嘅新出產品，仲有draft Sake飲添餐廳主打日式燒鳥串燒，必食每日限量供應 「提燈」！自從喺福岡食過燒鳥串燒之後，就愛上咗食雞內臟，雞心、雞腎、赤雞肉、雞皮、雞肝、雞腸紫蘇蝦卷等等都超好食😋；當然仲有其他特色串燒，雞肉棒、超厚白鱔、豚肉生菜卷都係亮點推介❤️。所有串燒以備長炭即叫即燒，整體上無論味道、氛圍、風味都令我覺得好似去咗日本咗🥹前菜：🌟鮟鱇魚肝：厚度十足，口感粉嫩，入口即溶🌟酒盜芝士（內臟醬汁）：餸酒一流，醬汁偏咸同芝士好夾燒鳥：🌟提燈（限量）：香港好少有，必須趁熱食，咬落去瞬間就會爆發出濃郁蛋黃香，口感好特別🌟赤雞肉（即雞頸肉）：軟嫩Juicy，必試🌟自家制雞肉棒：肉汁飽滿，啖啖肉內有好細嘅軟骨，口感十足，加埋超濃嘅蛋黃一齊食👍🏻回味中雞心雞腎塩燒手羽雞尾串燒：牛舌亂切墨魚汁香腸特色串燒：🌟豚肉生菜卷：將燒到香脆嘅豚肉包住爽脆蔬菜，清新爽口，Size做到一口一件啱啱好👍🏻豚肉炒麵卷野菜：翠玉瓜車厘茄炸物：炸廣島蠔海鮮：🌟白鱔：肥美嘅燒白鱔外脆內嫩，肉質有彈性🌟雞腸紫蘇蝦卷：好特別嘅配搭，超鐘意，口感爽脆得嚟有蝦嘅鮮味，再夾雜紫蘇葉嘅香氣，層次感十足主食：蕾•釜飯：內有雞肉同菇菇，上枱香噴噴，撈勻濃郁嘅夢王蛋一齊食，大滿足！清酒🍶當晚飲咗一杯Sake，易入口之餘味道上嘅變化十分豐富，先有微微甘甜，後有礦物味，最後留有點酸，同所有串燒都好夾，呢款Sake令我留下深刻印象，好想再飲返🥹…查看更多

喺附近返工嘅朋友大力推薦我試雞湯米線，有日去開終於食到！果然冇介紹錯，係我鐘意食嘅嘢～招牌砂窩醉藥雞米線砂煲上枱時仍然滾到渣渣聲同出晒煙，雞件份量多，肉質有彈性，湯頭結合咗雞嘅精華，濃郁之餘仲有酒香，感覺好滋補養生。（除咗米線，亦可以揀米粉、粉絲、刀削麵、白飯、銀針粉或瀨粉)砂鍋雞湯翅（可揀半隻/全隻雞）$128半隻雞，$218全隻，性價比高。半隻雞嘅雞件大約15-20件，翅嘅比例都幾多下，湯嘅濃郁程度比藥膳湯更濃雞味，飲完啲湯唔會勁口渴。冷盤：醉三鮮（鮑魚、海蝦、花螺）酒釀海鮮都係招牌菜之一，一份Standard嘅醉三鮮有鮑魚、海蝦同花螺，未食已聞到香濃花雕酒味，3樣海鮮都爽口彈牙，酒味適中，甘甘甜甜好開胃，夏天食一流。…查看更多

木系主調融合日本寺院元素，環境寫意舒適，仲有榻榻米座位，感覺悠閑好放鬆～香蕉SPECULOOS曲奇黎之前睇過食評，Pancake由法國藍帶廚師主理，即叫即製，每啖都有濃郁蛋香🤤。有三塊厚厚的pancake，配有鮮忌廉、新鮮香蕉、Lotus焦糖餅碎同原塊餅乾，Pancake挺身又夠鬆軟，入口即溶；整體好清新，層次豐富，啲Cream好輕盈一啲唔膩～原條蒲燒鰻魚滑蛋飯超大嘅鰻魚燒到非常焦香，表面滿佈鰻魚汁，夠哂吸晴✨魚肉嫩滑細緻，油脂豐富，無骨啖啖肉😍；配埋又厚又滑嘅蛋包飯，無敵！炸蜜糖牛油雞翼外面炸得金黃香脆，肉質飽滿多汁，配蜜糖🍯同牛油🧈非常之夾，層次感十足，份量6隻亦啱啱好～牛油果咖啡配椰乳第一次飲牛油果咖啡，竟然係咁夾㗎喎！一開始啲牛油果喺晒底部，記得攪勻先可以每啖都飲到牛油果，香濃咖啡之中滲出陣陣椰香～另外值得一讚店員服務好好👍🏻，非常細心，食完甜品主動提供水呢個舉動令我好深刻～…查看更多

日日都咁熱，飲返杯冰凍嘅特色茶飲消暑解渴先～上星期去YOHO經過一間台式茶飲店，出咗一系列Colourful嘅夏日特飲超吸晴，咁啱當日仲見到抹茶軟雪糕做緊買一送一，即$25大大杯，抵喎🤤！最後揀咗我近期至愛嘅「香水檸檬鴨屎香茶」，真心必飲😍！嚴選茶香濃郁嘅烏龍茶品種「鴨屎香」，融合甘爽清新嘅香水檸檬，消暑解渴一流～男朋友揀咗「胖胖Oreo抹茶」，表面有Oreo餅碎同質感綿密嘅奶蓋，甜度啱啱好，抹茶亦好出色，店員果然好推介！除咗飲品之外，仲有多款台灣風味小食可以加配，當日去到見有做緊優惠，只要買飲品就可以半價買一份小食😆，即每款只係加十幾蚊。試咗鹽酥雞都唔錯，即叫即炸，誠意之作💪🏻。另一亮點✨舖頭有個空間比人坐低等嘢飲/嘢食，亦可坐低慢慢享用同打卡。Sharp醒螢光綠色為主題嘅高枱同手繪燈箱都係推介嘅打卡位，空間闊落舒適，不錯不錯～…查看更多

由炸雞開始興起嘅年代食到而家仍然最鐘意李家，記得第一間分店喺尖沙咀，當時排好耐隊先食到，但係值得嘅😋！到今日喺港九新界都有分店，好方便。由韓國人主理嘅炸雞店，除咗有經典嘅原味炸雞、甜辣炸雞，仲有其他新奇口味，例如蜂蜜蒜蓉味、芝士味、青辣椒蛋黃醬、香蔥、辣咖喱….半半炸雞（原味+甜辣味）⭐️⭐️⭐️⭐️⭐️即叫即炸，每一件都係皮脆肉嫩，每啖都充滿肉汁，每次食都係高水準。唔食辣嘅朋友必試原味，食完一件會好想繼續食第二件。甜辣炸雞口感微辣，紅色甜辣醬汁包住酥脆嘅外皮，連內裡雞肉都非常入味！本身鍾意食有骨嘅炸雞，亦可以加$10要無骨炸雞～韓式海鮮湯⭐️⭐️⭐️辣辣地嘅海鮮湯配有大蝦、蟹、青口、墨魚仔、魷魚同蔬菜，份量好豐富，鮮味得嚟好開胃，如果有埋一碗白飯就完美喇～叫咗Stella啤酒，口感清爽帶花香，味道唔苦易入口，同炸雞絕配🥹。Corona Rita非常Igable，忌廉汽水做底加Corona，啱晒少飲酒嘅朋友，配炸雞又係一流。…查看更多

位於南昌站附近嘅一間酒吧，早上以咖啡為主，夜晚就以酒為主，最近推出咗以東南亞為主題嘅Cocktail menu，當日同朋友食完晚飯去飲嘢傾偈，一次過試晒唔同風味嘅Cocktail，由輕飲到重，用味蕾暢遊東南亞🥂台灣Style✨Sour Guava Highball 番石榴梅子高球酒感偏輕，飲落好清新，第一杯飲就最啱！以Tequila做底，加入清爽雪利酒、番石榴汁同Soda，帶出微微香甜味道，杯邊分別有話梅粉、辣椒粉、九層塔，每一啖都帶出唔同風味～Cyclone Bitter 苦瓜菠蘿旋風氈酒為基底，融合柚子甜酒、新鮮嘅沖繩苦瓜汁、菠蘿汁，仲有自家製嘅海鹽黑糖糖水，整體好清新易入口～一杯Cocktail結合咗幾款水果味道，非常之夾，感覺好似去咗一轉沖繩☀️Cold Brew Gardenia Tea 梔子花茶💕低糖之選香港代表嘅一杯Cocktail，以氈酒為基底加入冷泡梔子花茶調製，入口有淡淡梔子花香，後勁有酒感，仲有蜜桃甜酒嘅味道。Sticky Rice 糯米飯💕必試以泰國為主題，一睇外型就知係芒果糯米飯。將白冧酒、黑糯米酒融合芒果果茸同檸檬汁，味道香甜清新；夾埋椰子味奶蓋一齊飲，好似食緊芒果糯米飯一樣。Salted Soy Milk Martini 豆漿馬天尼模仿上海特色早餐鹹豆漿，將Volka浸大地魚粉後，加入豆漿、苦精同雪利酒，味道鹹鹹地帶豆香；配兩嚿細細嘅油炸鬼令造型更令體，好得意～Stardust Penicillin 斑蘭盤尼西林最後一杯亦係最濃味嘅星馬風味Cocktail，以whisky浸斑蘭，融合檸檬薑汁甜酒、自家製咖吔醬糖水再on top加上開心果碎，飲落口感超豐富，酒感亦相對較濃。…查看更多

餐廳環境好有日本風情，好多細節位都盡顯心思，最特別係有得著日本浴衣體驗，仲有得玩小遊戲，挑戰成功就可以攞到特別設計嘅日本筷子😆當晚食咗壽喜燒晚市套餐「狐火すきやき」$723/位，可以食105分鐘。由主廚埋枱做傳統席前烹煮，由野菜、近江牛至雞蛋牛肉蓋飯都係即場即煮即食，全晚好似食緊Omakase咁，所有食材都好新鮮。由日本直送嘅近江黑毛和牛，係日本三大和牛之一，非常罕有矜貴，一年出產同得到認證嘅近江牛只有6,000隻，每日可以直送到香港嘅貨源亦少之有少，所以香港極少餐廳採用近江牛。壽喜燒近江牛：一份有齊肉眼、西冷、牛肩，主廚推介第一塊首先食原汁原味，肉質軟嫩甘甜配有滿滿油脂香，仲夾雜住一份烤焦糖香氣；點埋香濃蛋汁，又係另一番風味，牛肉更加甘香，口感超順滑。前菜：日本空豆爽口清新，自家製嘅芝麻豆腐超香濃，加咗少許Wasabi提升層次，赤海參漬物爽口鮮甜。淡路島洋蔥湯：咸咸地之中浸透淡淡洋蔥香甜味，仲有得買返屋企慢慢嘆。生海苔茶碗蒸：滑捋捋嘅蛋配搭鮮採生海苔，味道特別鮮甜。野菜：日本皇帝菜春菊、豆腐、鮮冬菇、蒟蒻麵，全部都索晒壽喜燒嘅汁同牛肉精華，超入味～另外值得一提嘅係淡路島熟成洋蔥，以壽喜燒形式煮，將洋蔥本身嘅清甜香迫晒出嚟，口感爽嫩，完全冇普通洋蔥嘅辣味，解膩一流。雞蛋蓋飯、赤麵豉湯：以滑蛋加牛肉碎配日本米，食埋碗飯真心好飽好滿足；赤麵豉湯鮮味十足，味道啱啱好，飲完唔會口渴。甜品：超濃牛乳奶凍配抹茶蕨餅奶凍份量超大，奶香極濃郁而且入口即溶；配甜度剛好嘅抹茶蕨餅，口感煙靭。餐廳而家有新張開業優惠，只要讚好社交平台加埋圖片評論分享或 Google Map 圖片評論分享，即送一盒時令清酒…查看更多

Cafe環境悠閑優雅，原來係首間賣輕盈低糖嘅希臘乳酪芝士蛋糕，好啱鐘意食甜品又怕肥嘅女生🥹。當日食咗全新推出嘅春夏櫻花系列蛋糕同特飲，全部都很不錯，相對健康之餘，味道清新而且一啲都唔膩。抹茶櫻花希臘乳酪芝士蛋糕⭐️⭐️⭐️⭐️用咗希臘乳酪做嘅芝士蛋糕，質感比平時嘅芝士蛋糕軟，乳酪味道突出，但唔係好甜。蛋糕口感層次分明；首層粉紅色啫喱同香滑櫻花Cream配搭特濃日本抹茶同希臘乳酪，中間仲有紅豆同麻糬，口感超豐富而且只係微甜。櫻花希臘乳酪特飲⭐️⭐️⭐️淡淡櫻花香結合希臘乳酪嘅濃郁柔滑口感，仲有些少士多啤梨乾，酸酸甜甜，令整體口感更加豐富。櫻花奶蓋茶⭐️⭐️融合茶香、櫻花香同奶香於一身，既有奶蓋嘅順滑綿密口感，又有櫻花茶嘅清新，好特別。柚子檸檬牛角包窩夫⭐️⭐️⭐️以牛角包為基底，搭配柚子同檸檬嘅酸甜風味，即叫即製，口感酥脆之餘帶有陣陣清新果香。…查看更多

元朗國嘅朋友介紹呢間無限時嘅和牛火鍋放題，高質之餘仲可以任食澳洲M4-M5和牛、頂級牛肉、牛白肉、牛肩胛、保濕豬豚肉、雞肉✨，自助吧有超多新鮮火鍋配料、各式飲品甚至有啤酒、自家製涼茶同甜品，仲有雪糕同炸物😍。自己本身少食放題，當時見到咁多選擇真心興奮，大人價錢只係$298一位，加送雞煲、打卡+留言再送大大籠蒸海鮮，CP值超高👍🏻，飲飽食醉好滿足，呢間真心必須二訪～火鍋放題一共有三個套餐揀，分別係食唔同嘅牛，任何套餐都會送日式和風雞煲。微辣嘅雞煲已經好惹味，即使係送嘅但係非常高水準，每一件雞嘅肉質都好滑，份量都唔少，配料嘅豆卜、紫薯同蕃薯🍠煲到入晒味好正🤤。實在太鐘意雞煲嘅湯底，最終用咗雞煲湯底直接打邊爐🫕，當日揀咗嘅套餐係可以無限時任食澳洲M4-M5和牛、頂級牛肉、牛白肉、牛肩胛、保濕豬豚肉、雞肉。澳洲和牛嘅油脂分布平均，牛味超香濃，入口即溶；牛白肉爽口彈牙；保濕豬豚肉軟嫩鮮甜；其他肉都十分高質，富油脂香之餘肉味亦夠豐富。店內做緊「打卡送免費蒸海鮮」活動，只要去餐廳嘅Social Media讚好、分享、留言就送大大籠蒸海鮮！每日數量有限，送完即止，提早預約就可以幫你優先安排～每款海鮮滿佈蒜蓉，已經調好味，並唔係就咁清蒸。5款海鮮包括蝦、鮑魚、扇貝、蠔、帶子，職員提醒食完雞煲就可以放個籠喺煲上面蒸，同埋蒸幾耐，而用餐期間密密地收碟，服務貼心超讚👍🏻…查看更多