Liz Law's Profile

同朋友晚飯完好似未夠喉☺️經過見到新開甜品店，主打台式甜品～鍾意芋圓地瓜圓既朋友話不如試吓😂我點咗個古早綜合刨冰。朋友點咗巨無霸芋圓4號加一份芋圓同地瓜圓～睇過食評其他人話份量少，但在我個人黎講份量好足🤔唔知道原本就係咁定係佢地改善咗～刨冰唔會過甜～黑糖波霸好入味，咬落裡面都好香黑糖味。朋友點既巨無霸芋圓真係第一次見咁大粒😮～見到咁大粒心急試吓，掛住食～朋友碗巨無霸忘記影相添😜另外加既芋圓睇到有芋頭肉既，拎咗兩粒食～地瓜圓都好重地瓜味真材實料～煙煙韌韌好好食😋完全唔似某啲店既用粉加色素搓出黎好假～整體黎講～係好食既～整體黎講～係好食既～…Read More

旺角樓上貓cafe好景商場對面大貓乖巧小貓好動食物即叫即製炸油不留過夜炸出黎唔會啡啡黑黑又夠脆茶飲有即沖同冷泡仲有意粉都好好食丫掃得太快影唔切薯餅係貓貓形狀😺芝士蛋糕係三層唔同質感…Read More

疫情下黎到食自助餐，因為之前生日晚飯食左一個非常失色而又價錢唔算太平既自助餐，為食既我實在心有點不甘，結果搜尋一輪下，見到the market做75折優惠，過往經常都要提早成個月都未必訂到位，現在疫情下即日訂都有位，平日扣埋折都係577一位左右，黎之前真係有啲擔心會好似生日晚餐既酒店一樣會將貨就價😅估唔到黎到之後，絕對冇後悔到，品質一樣好！龍蝦肉爽👍🏼燉椰子湯足料夠熱辣辣、羊架嫩、甜品唔會太甜，依然咁好食！無論海鮮、刺身、熱食、甜品都咁出色，可惜我咁大食都試唔晒所有野食，短期內都想再黎一次！…Read More

疫情下政府剛實施左4人一枱既情況下，今年生日選擇咗黎到港畔餐廳🎂過往洲際既甜品係都比我感覺係比較大件同埋比較遜色😞係服務上係好好，選擇呢度主要原因都係有大落地玻璃望到維港既景色，因疫情關係做緊75折，但今次比我印象係比較差既一次，冷海鮮品種少左，係訂枱時講左冇生蠔🦪我都有心理準備，但來到原來龍蝦都冇左😣只有係熱食既扒龍蝦，食到9點左右，都冇咩好選擇，想再飲多碗燕窩羹，點知拎到返黎發現都唔夠熱，開始凍左😞實在有點失望，如果以折後$763.x咁既價位黎食，實在唔值！黎咁多次，今次係最最最失望既一次！餐廳雖然規定左只可以坐一半食客，客人係少左，但係一間咁樣級數既酒店就唔可以做到品質咩？！最後祝願世界各國疫情盡快受控，希望唔好再有咁多人因疫情而死亡！祝福❤️🙏🏼…Read More

今日又經過老虎堂😍一直想試埋佢地個細珍珠，但又實在唔想放棄波霸喎，咁點算好呢？😅再睇睇餐牌上原來有一款叫虎虎生風厚鮮奶，有波霸都有珍珠可以一次滿足兩個願望啊！立即點左一杯黎飲，店員依然一樣咁有禮貌貼心提示要搖15下先飲，搖完第一時間立即飲啦！真有驚喜估唔到珍珠咁細粒竟然都好有質感，一樣好QQ，粒粒分明冇一舊舊，黑糖味同奶味都一樣咁出色下次來一次淨細珠先屯門店真係keep到水準黑糖珍奶黎講，我始終都比較喜歡老虎堂既波霸質感，試過其他有啲店既珍珠，有店既珍珠質感好似擦子膠咁…Read More

知道屯門開左老虎堂一段時間啦！之前見好多人排隊😮今日見條隊唔洗排太耐就買一杯黎飲😋埋到點餐實在都唔知點咩好，收銀員小姐見唔我太知飲咩好，就推介左我飲波霸厚鮮奶！等左幾分鐘就到我號碼到拎野飲時店員溫馨有禮咁提示我記得要搖十五下先飲，實在好貼心我當然急不及待搖完立即飲啦飲落奶味香濃本身有忌廉係裡面令到口感有層次波霸既黑糖味又夠入味，唔會太硬而且有QQ感覺下次試埋佢個細珍珠先得！真係令人好回味！飲過好多台式飲品，老虎堂都算係排心目中前幾名之選！…Read More

今日一個人午餐，本來打算去永樂街果邊搵食。途中見倒新開既台式飲品店，好大間好多人排緊隊，我當然唔執輸排埋一份。排在隊尾都睇唔倒有咩野飲, 不過可以係玻璃窗望倒員工沖飲品既情況。排到近收銀的位置，有d木牌寫住各種飲品名不過冇寫價錢。見到海報架有每日限量既黑糖粉圓系列，一於試下呢個。等左十幾分鐘左右，終於輪到我。叫左黑糖粉圓鮮奶，原來呢個飲品冇得少甜，咁我都冇叫少冰，萬一太甜都可以有D冰沖淡下。 買完又等左十幾分鐘，飲品終於到手，飲品分左三層漸變色都幾靚，店員叮囑要搖勻才飲。飲落去有濃濃既黑糖味，加埋鮮奶飲剛剛好唔會太甜。珍珠好新鮮，Q彈好咬口，份量都幾多，飲到最後有每一口都仍有珍珠，飲完飽左大半只係買左個麵包又一餐。如果下次冇咁多人，我都會試埋個水果茶。…Read More

同男友揸車入元朗搵食，路過見到間環境都幾好又可泊車係門口附近既餐廳，行入舖頭時經過門口既蠔吧都放左啲蠔係度，有蠔食，當然要試返幾隻，對蠔不太熟悉既我，就由經理代為揀選，蠔送到黎到面前經理細心咁介紹我聽點食，服務十分之周到，當中特別介紹左隻叫做Belon既蠔，第一次食就已經有啲愛上左佢大小適中，食完口入面留低點點帶銅既蠔味道，一試難忘當然唔少得點返杯白酒襯托下啦跟住到食主菜，因男友唔食牛但又想食啲肉所以特別叫大廚整左個豚肉，要左份五成熟既，冇錯豚肉選五成熟，好少聽呢~從來冇諗過亦未試過豚肉可以做到咁鮮嫩多汁，仲有點左個法國田螺，薯蓉夾住田螺再配上醬汁口感味道超棒呀啲野食味道同質素都咁好食，食完幾樣都仲未夠喉仲想食添，經理再介紹左個蟹餅我地食，本來我一箱情願諗應該近似泰式蝦餅既野黎，點知送給到黎面前，嘩，賣相已經好吸引，配上紫紅色既紅菜頭汁，超級驚喜，面層脆香，入面啖啖蟹肉香味，真係好驚喜，經理仲介紹蟹餅一定要熱食先好食，每樣食物都介紹細心，真係好耐冇遇過一間咁有心咁用心去做既餐廳又為顧客服務周到，今次亂打亂撞竟然會遇到間咁好既餐廳，實在係一餐超級驚喜既晚餐，食完今次一定會再黎食…Read More