or#Tm66483490的个人专页

服務太差，簡直俾錢買難受，完全唔值呢個價！一入座啲侍應已經企係張枱隔離大大聲咁傾計。上菜速度好快，但係未食完就已經埋嚟要收嘢。期間一個男侍應埋嚟收碟，一度想拎走我未飲過嘅麵豉湯。佢發現仲有嘅時候放返低，但係整反咗個蓋，用碗湯浸住咗個蓋。問題係佢完全無諗過整返好佢，或者換過碗湯，就咁行走咗🙄。入座嘅時候佢有講話用餐時間90分鐘，但係佢一早就上甜品，未食完嘅嘢照收走，食咗1個鐘都未夠就用行動趕你走。加上環境好嘈雜，用餐體驗勁差！唯一可取係佢食物唔錯。…查看更多

雖然灣仔果邊有好多間台式飲品店，呢間丸茶真係又平又好飲！啲店員服務態度又好，佢地個menu無得走冰，但係個店員都幫我盡量少冰到好似走咗冰咁😂而且第一次飲嘅時候唔知飲咩好又唔知邊款珍珠最好食，啲店員都推介得好好👍🏻仲有佢地啲珍珠好值得一提，佢地有好多款珍珠可以揀，聽講桂花好受歡迎，不過我都係鍾意比較常見嘅黑糖珍珠同芒果寒天。個芒果寒天真係好jeng，個口感好得意，而且寒天無咁肥🤣至於嘢飲，到現時為止試過幾款茶，都好好飲，不過唔算好特別。最值得一試嘅一定係奶蓋咖啡！！真係好好飲，又可以提神…查看更多

叫咗個外賣返屋企食，等就唔洗等好耐，而且係電話落單都幾方便，抗疫期間外賣仲有9折。但係電話打咗3次先有人聽Total叫咗三個餸:叫咗椒鹽排骨，超乾超硬超柴，而且有少少燶另外叫咗個賽螃蟹，個外賣無跟醋而且勁多姜，食每啖都有姜另外唔知係咪因為外賣嘅關係，兜賽螃蟹有啲少。唯一係津白湯年糕都還可以。不過之前堂食都幾好食，今次就真係好失望，本身想食百頁毛豆，但係佢又無，仲要質素大跌。好唔好食就可能要睇好唔好彩…查看更多

叫咗網上外賣平台外賣薯粉，然後發現超大隻曱甴係啲粉入面🤮🤮🤮搞到完全無胃口唔敢食🤢🤢而且好唔抵食！叫一個米線，加$8嘅墨魚丸得兩粒。然後都一定唔會再幫襯！…查看更多