曲豆的个人专页

千里迢迢入到白鷺湖，仲特登網上預訂位置，但網上預訂只有室外選擇，如果想坐室內只可以Walkin。一去到，侍應問你飲咩水，原來支水收你$65 1000ml，但完全冇提過要收錢😱😱。 另外叫咗個全日早餐以及三文魚蟹肉奄列。 每個餐$178至$200，要加一。個蕃茄酸的，蕃茄汁水。 三文魚蟹肉奄列，無味，邊個天才會將三文魚同蟹肉放埋一齊，裏邊一坺嘢🤯🤯🤯🤯 大家睇圖就明 幾難食全日早餐，d腸仔一定外國返黎，浸過鹹水，炒蛋好淡味。 不要加$30要咖啡 ，咖啡愛好者不要來！埋單$513 …查看更多

時代變 口味質素都變埋Lunch 黎食，入到d姐姐都好差態度1. 問拎餐牌 就叫自己掃qr code 2. 埋單問 會員有無優惠，佢話我點知有無 餐廳衛生程度差，餐具好多都有污跡。碟飯黎到，隻碟都有污跡，大家可以自己睇相。食物質素都差左好多，d飯黎到凍既，d咖哩又系唔熱既，食左個咖哩雞脾飯凍飲 $72。如果真系想繼續做落去，真系要改善下，一開頭個年質素好，依家唔會再去。…查看更多

灣仔10點真係無咩選擇，見到有車仔麵，就即刻沖入去食，太肚餓了。諗住肚餓食咩都好食，但個肚都覺得難食。$42 3餸1麵$47 4餸1麵凍飲+10 熱飲+8叫左蘿蔔、滷水雞翼、豬大腸油麵加左杯凍飲🥤👍🏻蘿蔔幾清甜，雖然睇得出放左好耐，但咬落都仲爽口既，清甜，無咩根。👎🏻滷水雞翼 ：無咩味，好似無味雞翼甘，睇色水就知。豬大腸：臭左，仲以為自己味覺有問題，點位隔離檯都話臭搞唔掂。最後店員自己試完，收返可換其他餸/減返錢。湯底：一般，個咖哩系咖哩醬 要自己撈麵：正常其實夜媽媽都只系想是但食下野，飽肚就得。結果系好唔開心地食完走左。…查看更多

👍🏻： 場地的確很大，亦有10多隻不同品種的貓貓🐱 ，陽光光線充足，蠻溫暖的場地。👎🏻：1. 收費問題：首1小時$60送一杯基本飲品，之後每小時收$60（無飲品再送）。即系留系度2小時$120 ，一杯飲品。我諗個場純粹比人影相睇貓，無其他值得之處。2.食物質素大部分飲品基本上都$50起，收得貴唔系問題，質素先系重點，你個杯細到。 水果茶：有一個茶包，再加幾粒細細粒既橙同蘋果，凍水果茶，無冰，暖的，大家睇下相就明。凍紅棗茶：有一粒紅棗，仲要系生既🥲🥲🥲 唔明點解你敢比客人飲。 我地同行仲叫左個包同薯條（$88+$22）：薯條好似無炸過甘，軟林林，好似個廚房唔洗煮甘。想食野真系唔好系度食。 每個鐘收$60，等杯飲品等左40分鐘。 好似明想你坐2個鐘，仲要飲品都好難飲。如果唔識沖嘢飲，寧願你提供可樂汽水就算，唔好亂咁沖出嚟，d貓甘得意都幫補唔到。3. 員工質素冇禮貌真係搞唔掂，問：飲品係咪我哋佢：你哋自己睇啦。 飲品要自己去飲品處自取，去到問佢又叫我哋自己睇。 以為有員工會幫手執枱，我哋食完就咁走咗去門口，個員工叫停我哋：自己扔垃圾，原來佢喺門口貼咗一張A4ize嘅紙，寫：垃圾自行處理。真係唔該都無一聲，好似得罪咗啲員工咁。👌🏻貓貓我諗啲貓貓應該好攰，大部份貓貓都係棵樹度瞓晒覺。不過佢哋真係都幾得意。…查看更多

又來到著名九龍東工商業區，出名人都冇嘢食，成日經過一間小店，都排晒隊，決定一探究竟！呢間野有賣台式飲品、吐司、日式小食飯等等。之前見過佢賣廣告，話雞髀好出名，不過見到人整雞味嘅$30，諗咗一陣決定唔買，試吓吐司先。吐司有分三種口味，今次三隻都有買。點解出面排晒隊？因為全部都係即叫即整，起碼等15分鐘，喺夏天實在等到辛苦。未到我覺得泡菜豬肉一般，但朋友話肥牛OK！ 去麵包底又煎香到，但我覺得個炒蛋出現咗問題，咬落去個口感唔係太好，味道好分開 ！ 唔夠融合！台式飲品都OK大家可以試一試，建議可以有咩工具俾人落單唔駛等咁耐…查看更多

旺角食咩好？又想平又想快最好食茶記！旺角茶記一般都要$50起食個午餐，光榮冰室又平又抵食，最衰係要等位，因為太多人食吧！午餐有四款，款款都係$50內包凍熱飲品。我通常都係食開尖沙咀嗰間，今次喺旺角試吓佢好唔好食啊！ 叉燒炒蛋飯，最重要係個雞蛋唔可以老，叉燒唔可以太肥亦唔可以太瘦，食落去，雞蛋汁同豉油汁混合起一齊，感覺都幾好，我會比90分。我見隔離枱食個蔥油雞扒飯，又大塊又好食咁，下次一定要試吓。飲咗杯凍檸茶，佢係英國紅茶底，同平時茶餐廳有啲唔同，個人就唔太喜歡。佢侍應唔多大家要俾啲時間等嘢食到…查看更多

想吃美食漢堡，屯門也不多。漢堡博士一直都想食，耐何堂食坐得唔舒服，要等外賣先買。好多選擇，全部都係即叫即製，大概等10至15分鐘左右就有得食。咁先叫英式炸魚煲，值得讚嘅地方係，佢麵包有煎過下，雖然煎得耐少少，但食落口感一流！ 舊魚即炸，所以仲好香口好多汁，咬落舊魚度有口感，再加埋蕃茄生菜，水感足。個醬汁系幾好味，我下次會再去食。餐廳仲有好多選擇，雞牛魚羊都有。由於係小店，如果要堂食嘅我就唔係太建議，因為實在太大油煙。…查看更多

夏日炎炎，最啱飲番一杯凍冰冰嘅飲品。渣甸街，實在太多選擇，見到有泰茶飲，就即刻走埋去了，實在太掛住泰國嘅味道。ChaTraMue，喺泰國當地其實都叫一間出名既企業，因為好多KOL去泰國飲，所以好多香港人都識，但好唔好飲就見仁見智啦，至少都能夠保留到泰國奶茶嘅味道。我返香港呢間舖，我係佢一開店嗰陣時黎飲過，都okay啵！ 廿幾蚊，點知今次買，成$30一杯了！！！貴都唔係咩問題，至少你都要好飲。整體而言，泰式奶茶無茶味，好似飲緊奶水甘加香料…查看更多

一直都想喺荃灣食張秀玲，每次都好多人排隊，今次12點嚟到終於唔使等位。佢午餐有set menu，價錢為$60至到$100都有，叫咗個烤雞青木瓜沙律配飯，同埋出色嘅泰式豬頸肉飯。烤雞青木瓜沙律配飯，我覺得個沙律係幾好食，都幾類似喺泰國當地食嘅沙律。我覺得個烤雞可以再整好食啲，一黎要再熱d，一黎烤味無咩，似煎，但整體食落都滿意。泰式豬頸肉飯，豬頸肉好似啱啱燒出黎甘，厚薄適中，有咬口，加埋個泰式汁一流。溫馨提示，細食嘅人要叫少飯啊！ 環境一流，侍應服務幾好，價錢唔貴，下次要黎食晚餐。…查看更多

中午來食老闆娘雲南米線！12:00已經有10多人排隊，點解多人都嚟排隊？因為佢個炸物好出色！ 有幾樣野必食：反斗蝦膠豆卜、炸雞球、魚肉響鈴、秘製豬腩肉！！！ 一定要食辣，雖然食到出晒汗，但仍然覺得好好食，如果要來記得早啲排隊。 如果大食嘅人，記得叫多幾個小食。老闆娘雲南米線喺荃灣佢出晒名，如果其他區嘅人我都會推薦食呢間。雖然佢環境係大排檔，但都叫乾淨，如果夏日炎炎，記得帶把風扇仔唔係一到食一到流汗，加埋罐可樂就完美。…查看更多

去大圍一直都發覺沒什麼好吃，行行下見到間越南菜新開，又見到入面坐滿曬人，梗系要試試喇。等左廿分鐘到就入到去坐，幾搞笑嘅係入到去，佢抹完張枱，但係見到成張凳都係飯，要我哋睇返佢抹。雖然好小事，都希望佢下次改善下。我哋兩個人，叫咗一個越南牛丸河粉及香茅豬扒撈檬。首先講吓個香茅豬扒撈檬，塊豬扒好硬，睇得出唔係好識整，同埋應該放咗好耐，偏咸。 食檬粉，最重要係個魚露，唔知係咪放得太耐臭既，咁我落少少就算，同埋都係好鹹完全冇鮮味。好失望。因為我唔食牛，淨係食咗個牛丸河粉嘅湯底，發覺佢都係好咸。對於一個經常去元朗嘅旅人來說，真係唔合格。唔係話要求高，而係基本越南風味都做唔到。最後嗰間嘅係，雖然佢個二人餐好平$18x蚊，好彩最後冇叫到。…查看更多

兩年前嘅屯門，只有一至兩間嘅精品咖啡店。但今時今日屯門已經有好多，今日嚟到我一間最想常飲嘅咖啡店。 有三大特點要推薦比大家。1. 佢真係好抵！ 一杯牛奶咖啡只係20幾蚊，下日炎炎如果想轉凍飲都係一樣價錢，出邊應該$40/$50一杯，佢仲係要質素高。 2. 除咗意式咖啡之外，佢有10款豆手沖咖啡，佢哋好似有個合炒豆場，個人認為烘焙質素幾好，如果要買樓都有得賣，同埋都好平下。 3. 如果肚餓，加$10就有個芝士火腿三文治，或者牛角包鬆餅等等。我諗屯門人都會鍾意黎飲而家咖啡店…查看更多

諗咗好耐去旺角食咩！？ 朋友介紹咗間食魚麵比我。 上到去726號一樓， 上到去已經好多人排隊。呢度最出名係食魚面及魚烏冬，一種彈牙啲、另一種就魚味重d，喺香港今時今日已經少咗魚麵店。晚餐大概全部$100內，最後叫咗一個西班牙黑毛豬魚湯魚烏冬，再加埋嘢飲。 雖然個麵既份報量烏少d， 但我覺得個味道幾好！！！最重要係記得叫佢比辣椒醬，佢個辣椒醬唔算太辣但好好味。黑毛豬反而一般，乾咗少少，同埋味道唔夠，整體來說是可以一試的。…查看更多

難得一早到了九龍灣，邊找找餐廳Cafe吃個早餐飲杯咖啡。cozy season早上主要做外賣客為主，早餐有幾種三文治、牛角包、早晨全餐得唔得。今天點了芝士火腿三文治，加$15轉左杯 mocha。他的三文治麵包底不是薄的那種，口感厚實，整體效果不錯，每天早晨最需要的就是早餐，吃得剛剛好。朱古力咖啡，他是用紫色那罐朱古力粉，配意大利精品咖啡機沖出來。看到別人吃的早晨全餐，即叫即整，下次都會食。環境好舒服，早上沒什麼人。…查看更多

尖沙咀咖啡好多選擇，但我通常都會去尖東number nine，一嚟我覺得環境好，二來飲品食品都好出色。如果有時間，想休息吓食個tea ，最好坐喺窗邊，望住個街景，睇落真係好舒服。佢嘅食物唔係普通Cafe嘅質素，之前食過佢嘅午餐同三文治，都好好食。如果飲咖啡鍾意飲手沖咖啡，佢都好多豆類選擇。最近飲咗杯cold brew 168，唔係個個地方都有得飲 咖啡控一定要試下。最好去之前打去問吓仲有冇，因為一定好快俾人買晒。…查看更多