stephyss的个人专页

尖沙咀海港城嘅六公館一向都係高貴典雅嘅格局，配以環境微暗溫暖燈光，營造高級餐廳既私密感，落地玻璃窗，可以近距離望到維港海景，無論日頭定夜晚都可以享受靚景，outside仲設有用餐區，望住維港吹住海風，無論打卡食飯都係一流，非常適合情侶拍拖、朋友小聚。鴛鴦蝦球，有兩款唔同口味。擺盤都幾特別，斜斜哋每邊三粒蝦球，中間用薏仁做點綴，蝦球啖啖肉，爽口又彈牙。兩款醬汁各有特色：一款芥末，微辣惹味，味道層次豐富，唔會搶走蝦本身嘅鮮甜；另一款咸蛋黃，令蝦球Juicy之餘，帶一點咸香。柚子黑鱈魚件同樣出色，鱈魚外皮香脆，魚肉嫩滑冧身，入口即化，柚子醬汁帶嚟清新果香同微微酸味。魚件吸收晒柚子汁嘅鮮甜，仲帶點爽口感，大大提升咗整體風味。龍眼蜜燒西班牙黑豚叉燒，叉燒都肥瘦均勻，肉質好Q好煙靱，蜜糖香馥郁入味。龍眼香氣滲入叉燒，甜味自然又唔膩，好口感而且有層次，咬落去啖啖肉好Juicy。原個南瓜燴蛋白好鮮甜，蛋白好嫩滑，兩者融合出清甜又舒服嘅感覺，入口好滑好冧，食完完全冇負擔，啱晒秋冬暖胃。斑片肉鬆脆米魚湯泡飯好特別，魚湯濃郁鮮甜，斑片啖啖肉，魚肉嫩滑入味，脆米粒粒爽脆，泡飯吸晒湯底精華。入口味道層次好豐富，成碗飯都有魚香同米香，真係好好味好滿足。…查看更多

PHI Coffee & Pancake尖沙咀中心分店，木系風格玻璃幕門採光十足，窗外仲可以望到街景，成日經過都幾想試吓，裝修簡約帶少少度假息，適合飯聚。佢哋最近推出泰式系列，清新得黎充滿泰式情調。椰香冬陰功海鮮意粉呢款意粉靈感來自泰式冬陰功湯，酸辣味好突出，入口鮮甜爽口，仲有彈牙意粉條同啖啖肉海鮮，食落層次豐富又夠惹味，完全唔會膩。泰式梳乎芒果糯米飯嘅粒粒芒果都好新鮮甜美，糯米飯煙韌又唔痴牙，沾埋椰漿更帶奶香，梳乎厘保持一貫水準，好有海綿質感，蛋香濃郁，整體滋味又有口感，甜度啱啱好。漢堡扒全日早餐賣相好豐富，塊漢堡扒夠厚身，咬落啖啖肉又Juicy，肉味香濃，一啲都唔鞋口；仲有香脆德國腸、煙三文魚、牛油果、太陽蛋同埋新鮮沙律菜，每樣都用料新鮮，配埋烘多士，食得好滿足又有層次感。羅勒檸檬特飲特飲夠清新，冰凍解渴，有陣陣香草香。糯米芒芒椰奶沙冰就最啱夏天飲，沙冰滑溜，芒果味鮮甜，椰奶唔會搶味，兩者平衡得好好，層次感都好豐富，飲落最啱打卡又消暑。…查看更多

電梯直上K11 Art Mall三樓就係火土燒肉，木系裝修配暖暖火光，氣氛輕鬆。佢哋抽風做得幾好，一啲油煙都冇。柚子汁風乾火腿薯仔沙律，帶著柚子汁酸香，入口好醒神又開胃。風乾火腿薄切帶油香，鹹香得嚟唔霸道。飲品點咗日式蜜桃汁，冰凍度啱，果香清新，甜度剛好，用嚟解膩一流。全牛特選拼盤，連擺盤都好靚。幾款部位切工靚，紋理均勻，落爐聽到嗶嗶聲已經聞到油香。燒到七成熟最正，外層微焦，入面仍然Juicy，肉味濃而不膩。牛肩位嫩滑，牛肋條燒起嚟油脂滲出特別惹味；牛舌薄切彈牙，舌根位帶少少好Q好煙靱嘅嚼感但完全唔韌，擠一啲檸檬汁提味，味道層次好豐富。夢見鳥雞腿肉。雞皮燒到微脆，入面保持嫩滑，咬落去好Juicy；塩醬鹹香收得好，入味但唔重手，真係好有口感。明太子雞翼，表皮燒得香脆，肉質保持嫩滑，明太子醬鹹鮮之中有微微辛香。迷你甜番薯燒過後外層略帶焦糖化，入面綿密又香。夢王蛋海苔飯，飯粒分明、煙韌度啱啱好，蛋液好冧同海苔香氣一撈開即刻散發出嚟，拌埋燒肉啲肉汁，味道層次好豐富。…查看更多

紅舎位於尖沙咀海港城海洋中心4樓412號舖，是一家以粵菜為主的餐廳，主打上海菜，環境舒適，適合朋友或家人聚餐。餐廳菜單上有不少特色菜式，包括皮蛋豆腐、醬燒排骨炒年糕、宮保蝦球及乾煸四季豆等，價錢合理，性價比不錯。皮蛋豆腐賣相誘人，豆腐細滑嫩滑，配合切得幼細的皮蛋，味道層次豐富.醬燒排骨炒年糕則以濃郁的醬汁包裹，排骨煮得入味帶肉香，年糕煙靱Q彈，兩者結合得非常有口感。宮保蝦球天婦羅炸得外皮酥脆，蝦球爽口彈牙，配上帶微辣的宮保醬汁，增添惹味而不搶蝦的鮮甜。乾煸四季豆炒得乾身帶香，四季豆爽口且保留鮮甜，帶點輕微辣味提升口感。…查看更多

最近同家人一齊去咗西貢嘅六福菜館食飯，餐廳連續十五年榮獲米芝蓮一星，實至名歸。地方雖然唔算好大，但分三層，座位安排得舒服唔擠迫，裝修走傳統粵菜酒樓路線，簡潔但乾淨企理.我哋叫咗4人海鮮套餐，椒鹽奇脆豆腐係開胃小菜，豆腐外層炸得金黃香脆，入面嫩滑得嚟帶有Juicy感，咬落去啖啖肉香同椒鹽嘅惹味好夾，唔使沾醬已經好好味。薑蔥炒蟶子皇鮮甜爽口，蟶子皇嘅肉質彈牙，薑蔥爆香得恰到好處，唔搶蟶子鮮味。椒鹽焗鮑魚份量十足，煮至彈牙又唔韌，椒鹽調味好鮮香惹味，鮑魚本身淡淡鮮甜完全保留，配合香口嘅椒鹽層層味道，啖啖肉感覺好到位。天婦羅桶蠔生菜包佢哋用嘅美國桶蠔夠肥美，炸得鬆脆香口，配上沙律醬同生菜包著食，好清新又唔膩。上湯開邊龍蝦伊麵用新鮮龍蝦，湯底濃郁順滑，有啖啖龍蝦鮮甜鮮味，伊麵吸收晒湯汁。鮮菠蘿生炒骨用咗新鮮菠蘿炒，排骨吸足咗酸甜汁，既帶菠蘿嘅清甜，又有炒骨嘅惹味口感，爽口又夠味。…查看更多

鰻魚四代目菊川-銅鑼灣利園一期，充滿日本地道風味，裝修和風設計簡約高雅，座位之間有距離感。仲設有小包廂、玻璃廚房，可以睇到師傅即場炭火燒鰻魚，感覺專業又放心。餐廳近期新推出「鰻燒和牛御膳」，擺盤精緻開胃，每樣都好吸引。原條鰻魚即叫即燒，煙韌香口，魚皮燒得香脆，魚肉厚身啖啖肉，每啖都食到佢炭燒嗰陣鮮香，外層微微帶脆但魚肉仲好嫩滑，油脂分布均勻，口感好細膩兼且Juicy，非常入味，用咗秘製醬汁，鹹香甜有層次，再加山椒粉提一提味，更加惹味。新推廣嘅和牛亦係賣點之一，厚度適中，燒完表面有少少焦香，咬落去好冧兼帶點彈牙，油脂滲入牛肉，咬落非常Juicy，味道濃郁但唔會太膩，好香牛脂嘅天然甜味。用咗日本米，每粒都吸晒鰻魚同和牛嘅肉汁同醬香，粒粒分明，齊晒彈性同香滑。少少配菜有泡菜同漬物，爽口又解膩，成個膳食感覺非常Balance。御膳仲配麵豉湯，熱辣辣飲一啖特別暖胃，味道清香。…查看更多

三日月「豐」一人套餐真係好豐富同抵食，感覺非常滿足。套餐嘅前菜有三小碟，配合清新沙律。前菜包括煙燻雞肉、汁煮茄子同味漬牛蒡，每款都各有特色，煙燻沙律配搭有柚子醋汁，爽口又開胃。大虎蝦非常厚身，蝦肉彈牙Juicy，配以濃郁嘅蝦膏醬汁，味道層次豐富，鮮甜中帶微妙的醬香。另一款海鮮係青口，鮮甜爽口，食出海鮮嘅新鮮感。茶碗蒸加入咗黑松露油，味道更加突出，蒸蛋嫩滑，唔會太鹹，暖胃又舒服。鐵板炒雜菜爽口帶甜味，平衡了整體口感。主菜我地揀左美國Prime肉眼薄燒卷同鹿兒島黑毛豬薄燒卷，牛肉質地嫩滑入味，豬肉有豐富嘅肉香而且不油膩，食落彈牙又Juicy。配菜嘅鐵板炒飯炒得粒粒分明，好乾身，味道適中，帶有好濃嘅蛋香。豆乳味噌湯味道適中，唔會好咸，為整餐添上健康感。…查看更多

銅鑼灣 V Point 28樓嘅聚星居，環境靚，窗邊位仲可以飽覽夜景，枱距間唔會迫促，食飯氣氛滿滿，傾計食飯好自在。 頭盤我哋叫咗老四川燈影牛肉，薄薄一片片，好香辣椒同香料味，入口微辣帶甜，牛肉乾爽入味，咬落非常脆口，好開胃。鳳梨黑醋松板肉擺盤好吸引，松板肉切得厚薄適中，爽口彈牙，黑醋酸香同鳳梨嘅鮮甜融合到好好味，酸酸甜甜好醒胃。 雕王醉鄉蝦一上枱已經聞到淡淡酒香，每隻蝦都好大隻又新鮮，啖啖肉，蝦肉嫩滑Juicy，酒味滲入去但唔搶味，仲帶出蝦嘅鮮甜，好講究火候。 紅燒乳鴿一咬落即刻感受到啲鴿肉嫩滑，皮燒得香脆又帶焦香，醃料滲得好入味。主食脆米和牛鬆炒飯，勁大鍋！份量足夠4個人食。炒飯粒粒分明，咬落仲有啲脆米嘅香脆口感，同和牛鬆嘅油香好夾。…查看更多

約咗朋友喺尖沙咀海港城嘅 Dan Ryan’s 食晚飯，呢間美式餐廳裝修係典型美式懷舊風，木枱皮梳化。環境唔會太嘈，燈光柔和。套餐包左個餐湯蜆肉周打湯，熱辣辣，湯底濃而不膩，Creamy得嚟唔會太杰，夠晒滑口，食到蜆肉同薯仔，好有口感。牛油果鮮蝦沙律，賣相唔錯，口感好清新，蝦仁爽口彈牙，牛油果好滑熟成度啱啱好，加上新鮮爽脆嘅生菜，整體配搭清爽解膩。費城芝士牛肉三文治亦都好出色，牛肉炒得好香，肉味濃郁又唔鞋，油香滲晒入洋蔥同芝士，啖啖都有拉絲效果。麵包焗得外脆內軟，成個三文治層次感好豐富。味噌煎比目魚柳，魚皮煎得微微焦脆，味噌醬汁本來諗住會太鹹，但出奇地同魚味好夾，微甜中帶少少鹹香。甜品揀咗招牌芝士蛋糕，質感夠綿，入口即溶，芝士味濃郁但唔會膩，下底嘅餅底做到香脆唔乾，好有咬口。…查看更多

The Point燈光柔和，環境舒適，來都來了，食個二人套餐吧，有餐湯或沙律，pizza，主菜，仲可以用優惠價加小食同甜品。是日餐湯係南瓜，用南瓜攪拌後煮成湯，加左忌廉口感好綿滑。沙律係簡單嘅雜菜沙律，火箭菜新鮮爽脆冇苦澀味，黑醋汁酸甜平衡，開胃清新。BBQ烤雞Pizza餅邊焦香脆口，中心薄身軟韌有嚼勁。配料超足，烤雞肉嫩滑唔乾柴，BBQ醬甜中帶煙燻香 ,焦糖洋蔥煮到冧好入味.麵豉醬烤三文魚，魚皮煎到金黃香脆，魚肉保持七成熟粉嫩狀態。自家調製白麵豉醬鹹甜適中，帶淡淡清酒香，完美襯托魚油鮮味。底下薯蓉好滑同creamy.香辣番茄醬燴雞翼係水牛城雞翼變奏版，炸到皮脆肉嫩，沾滿酸辣番茄醬，辣度溫和易入口。巴馬臣黑松露薯條，粗薯條炸到外脆內軟，撒滿芝士碎，上枱已經聞到好濃烈香氣。松露醬另上夠大方，點醬食松露味更香。雲呢拿焦糖燉蛋，蛋香超濃。焦糖層脆薄唔黏牙，甜度啱啱好。…查看更多

荃灣海之戀泰國餐廳Kopitiam By Saya，系大角咀果間米芝蓮必比登推介Restoran SAYA既姊妹店。店面裝修充滿泰國風情，芭蕉葉下的光影很有氣氛。檸檬葉燒雞原隻燒雞上枱超震撼！雞皮燒到金黃脆身，肉質嫩滑多汁。最正係用咗新鮮檸檬葉醃製，每啖都帶住淡淡香氣，點埋個泰式酸辣汁更加惹味。金柚子芒果沙律，金柚子果肉爆汁，配埋香甜芒果絲，仲有脆口炸蒜，酸甜開胃。特別鍾意佢個魚露汁，調得剛剛好唔會太鹹，好岩夏天食。爆蒜炒蟹肉滑蛋飯，滿滿嘅蟹肉絲混入滑蛋，每啖飯都食到鮮甜蟹肉。師傅用大量蒜片爆香，鑊氣十足，令蟹肉味更鮮，炒飯更惹味。煎香草比目魚配香茅椰子湯，比目魚煎到外皮好脆，魚肉都係超嫩滑。香茅椰子湯嘅椰香濃郁得嚟帶住香茅清香，好鐘意佢加埋捲粉皮，QQ哋口感好特別。新鮮椰青清甜解渴，仲要好大粒，椰肉嫩滑充滿椰香。…查看更多

食嘢系可以減壓嘅，如果你都有壓力嘅話，冇諗咁多，食咗先講…海之戀開咗間新餐廳「燐壽司」，冇可能唔去試吓啦…和風定食岩晒我胃口，前菜沙律夠爽口，芝麻醬落得夠重手，酸酸地勁醒胃。汁燒銀鱈魚，賣相出色，魚皮燒到金黃脆身，肉質嫩滑，蛋白質洶湧澎湃咁營養滿分，面頭掃咗層薄薄燒汁，多重口感超好味。茶碗蒸必食，蒸蛋滑撂撂，高湯鮮甜，底層有小柱同冬菇，仲有三文魚籽咬落去爆汁，食完濃味嘢啱晒中和味蕾～照燒三文魚定食，三文魚肥美厚切，師傅火候拿捏超準，面頭層焦糖脆皮，飆晒魚油夠juicy,照燒汁甜得嚟帶焦香，撈飯食一流！關東壽喜燒定食個湯底好清甜，一d都唔死鹹，肥牛紋理靚到雪花咁，煮耐啲都唔韌！勁足料，日本豆腐脹卜卜、金菇脆口、娃娃菜好入味，仲有流心溫泉蛋撈飯，暖笠笠好好味！ 跟埋嘢飲，巨峰提子梳打+白桃梳打，岩晒夏天，清新爽口。…查看更多

IFC「4口」，米色牆身襯木枱木凳，裝修簡單但乾淨企理。茭白炒蟶肉茭白切成薄片，爽脆冇渣，蟶子爽口彈牙，加咗福建老酒炒，聞到陣陣酒香，味道更鮮。紅菇海鮮麵套餐，湯底系用咗福建野生紅菇煲，粉紅色好靚，飲落鮮甜！炸黃魚脆到連骨都食得，點甜辣醬仲正！ 高湯米粉套餐嘅米粉索晒海鮮湯底，但好乾身。臘味雞肉卷好邪惡，臘腸油滲入雞肉，食落juicy唔乾身。 黑松露帶子煎到金黃，中間仲好嫩滑。黑松露落得夠重手，成碟香噴噴！蘆筍淨係要最嫩嗰part，完全冇渣。 桂圓檸檬茶嘅桂圓甜味同檸檬酸度balance得啱啱好，解膩一流 枇杷凍用新鮮枇杷打蓉整，食到果肉纖維，清清地幾好味。…查看更多

荃灣如心廣場嘅Parkside Nina，餐廳裝修真係靚到嘩一聲！成間餐廳設計係歐陸式教堂風格，高樓底配上弧形的拱頂，柔和的燈光，坐低已經覺得好有格調。紅酒糟虎蝦捲意粉有好香紅酒糟味，虎蝦大大隻，肉質爽口彈牙。意粉捲成一個個小卷，索晒紅酒糟醬汁，味道濃郁得嚟唔會太鹹。加咗少少香草，令成個味道更加有層次。原隻烤雞雞皮烤到金黃色，脆卜卜咁，但入面嘅肉仲好嫩滑多汁。配菜有薯條同雜菜，薯條外脆內軟，好味但好熱氣。單骨雞翼配香芒辣汁呢個小食好好味，雞翼拆成單骨，食起嚟好方便。配嘅香芒辣汁，甜甜地又帶少少辣，好開胃。雞翼炸得啱啱好，外脆內嫩，食到停唔到口。…查看更多

應該好多人都同我一樣好鍾意食K11 Gontran Cherrier嘅麵包，我最近發現佢同一集團的意大利餐廳Red Mamma Mia推出咗個限量Tea Set 悠閑下午茶套餐及三文魚塔，佢哋係限量供應架！真係幾唔錯，必食吖！平時排隊買完麵包就走啦，依家可以坐低high tea，食佢哋出品嘅麵包，味道絕對有保證！呢個下午茶set系每天限量供應，由2:30 pm 至5:30 pm，二人份 $ 318。包括一件是日精選蛋糕、一件Signature 馬德蓮貝殼蛋糕、一件季節限定蛋糕、芝士波波、布朗尼朱古力、原味鬆餅同士多啤梨醬鬆餅、時令三文治、時令果撻。另外配飲品，可以有冷飲同熱飲，選擇都幾豐富，有美式咖啡、伯爵茶（二人份）、英式早餐紅茶（二人份）、法式雲呢嗱玫瑰茶（二人份）、檸檬水、鮮奶仲可以加錢額外加咖啡、轉豆奶、轉燕麥奶，又或者免費轉脫脂奶 ！更可享有轉其他正價飲品減＄12 折扣優惠。加收10%服務費哋有個煙三文魚沙律層塔$188（2人份）。用咗三層架放置，感覺好特別，煙三文魚份量真係好多而且好新鮮，搭配一碟牛油生菜拼蕃茄、一碟芝士，仲會配埋多士同埋牛油！口感層次真係好豐富。…查看更多