busfaitony的个人专页

懶得落街買野食, 所以同老公決定叫CHEESE PIZZA我地都係第一次叫cheese pizza外賣, 叫左個HK$120的外賣快速遞餐任選大批一個+意粉一客+炸雞2件+湯2客送到的時間, 食物都還是溫的~粟米湯:我覺得應該叫"粟米生粉芡"是半透明的, 很淡很淡的黃色, 味道也很淡.....不好吃應該係罐頭粟米湯, 再用1:10的水去煲, 最後打多個生粉芡....墨西哥香辣PIZZAizza上的材料分量適中, 味道都可以, 但個pizza底我就唔係好識欣賞.>.<好難形容個PIZZA, 唔係一般食開PIZZA HUT果種....個PIZZA底好厚, 比厚批更厚, 有約一吋個底好油, 好似炸左咁...個盒底都油哂....食落好似食緊麵包的感覺...但又唔似麵包咁軟, 有d硬又有d韌...炸雞:成件油淋淋的, 是看得出的油淋淋....但味道ok....可惜真係好油....香辣海鮮意粉:最好味就係個意粉啦~說真的....並唔係特別好味...都係一般白汁意粉咁0羅...只不過相比係其他3樣野食....個意粉已經係超哂班.......其實我自己係偏向比喊的, 我老公就話比OK, 最後我尊重我老公..比個OK...…查看更多

上一次到大利來食豬排包, 已經係5,6年前既事當時係同中學同學一齊去食的, 我好記得個豬仔包外脆內軟+入味的豬排...真係一試難忘...所以今次同老公去澳門, 我強烈建議去食豬排包準時3點鐘到達但......今次, 我食唔返記憶中美味的豬排包了,,,換來的...是一個皮很韌, 豬排很油 同價錢很貴的豬排包...:(…查看更多

老公見到openrice d食評唔錯, 價錢又ok所以就book位同我去食"減肥前的最後晚餐"冷盤: 有翡翠螺, 龍蝦仔, 中蝦...我覺得味道一般...不過就有定時refill沙律都有幾款, 什果沙律,薯仔沙律,凱撒沙律,有隻酸酸甜甜的, 很醒胃數款火腿, 煙三文魚, 吞拿魚冷盤, 日式冷麵...ok好食!刺身有三款, 我推介八爪魚刺生...鮮味,唔韌,正~壽司我無食呀~ 個胃無位放d飯入去....熱盤: 熱盤我食得不多, 有些我無試到, 因為唔係好吸引, e.g. 炒飯,意粉,豬排,秋刀魚炸,菜芯~湯有2款, 中湯唔記得係咩, 西湯係洋蔥湯..yummy!!蝦丸真係好好味,我食左好多粒..叻喱牛仔肉好鞋, 唔好食...反而燒牛肉, 燒汁雞排,白汁芝士焗海鮮就ok羊架肉質很嫩, 燒得剛好~焗蟹蓋我就覺得一般, 其實入面的材料只係切粒的海鮮, 我寧願食白汁芝士焗海鮮...田螺焗薯蓉...很好味呀, 個薯蓉很滑, 不過lee個菜是第2輪先出,,,要食就要留肚..嘿~麵檔, 都係一般食物, 芝士腸, 生菜, 貢丸, 牛柏葉等等, 我地揀左喇沙湯底我覺得個喇沙湯底味道唔夠濃, 椰汁味太重~ 甜品:都算好多款選擇, 我差唔多全部食勻, 最重要係無一款難食new york cheese cake, 籃梅芝士蛋糕, 心太軟, 麵包布甸, 泡芙, 朱古力噴泉, 自製格仔餅, 焦糖燉蛋, 木槺布甸等, pan cake, 爆谷,brownie, 4款Haagen Dazs雪糕....etc~最好食係new york cheese cake, 焦糖燉蛋, 心太軟, 自製格仔餅 with Haagen Dazs雪糕飲品:　自助任飲形式, 有fruit punch, 橙汁, 蜜桃茶, 檸水, 檸茶, 咖啡最good係蜜桃茶!!我覺得灣仔區, 用hk$218可以食到咁既質數的buffet真係好抵可能個場唔大, 完全無要搶食既感覺, 食物款式唔算多, 不過有員工ckeck住定時refill坐得又唔迫, 好舒服服務又一流, 收碟又快, 個個員工都好有禮貌 　可能我又同我honey食啦~ 真係過左一個開心的晚上^^…查看更多

與老公到達澳門, 就立刻去食餐葡國BRUNCH~我們兩個人, 叫了西班牙海鮮焗飯(MOP78)和一份乳豬(MOP138), 還有兩個附送的豬仔包豬仔包: 好食呀~ 好耐未食過外脆內軟的豬仔包啦!!!西班牙海鮮焗飯: 有帶子,蝦,蟹柳,魚柳,魷魚和青口, 每粒飯都被蕃茄汁包住, 蕃茄汁不濃不酸, 味道剛好! 上桌時熱呼呼的, 加上飯面半溶的芝士, 讚!!! 乳豬: 皮脆肉嫩, 不會過咸, 都很好味, 不過如果你係怕肥的話就唔好叫啦~ 因為乳豬皮與肉之間係會有一層肥膏, 同埋係炸的, 會比較油...但好味...好矛盾....我地將全部食物食哂, 一件不漏, 很飽呀~ 很滿足!溫馨提示: 一入到餐廳, WAITER會問你要水或凍水, 如果你話要凍水, 佢就會開枝蒸餾水比你, 果枝水係要MOP10一枝喔(佢係唔會同你講要比額外錢的), 所以叫WAITER比"水"或茶就好了... …查看更多

因為lee間餐廳, 我決定寫我人生的第一個食評其實我對食物的要求已經不高但講真, 今次我都覺得d食物係可以用難食黎形容去食之前都有上openrice看過食評,不過見:)多過:(...所以姑且一試.....可惜.....魚生凍鮮味, 完全無魚味所有食物都好多好多好多油....除外芝士年糕外, 其他食物都好好好好難食.....我是說真的....我已經唔想再回想起果d食物...所以就有"難食"兩字概括它們的味道吧....我敢講係我食過放題最差的一間....還有..環境好迫, 5個人要坐4個人枱(我們是有訂位的:()服務態度方面, 有1個WAITER的態度差, 其他的都是OK的........希望大家去之前, 停一停, 諗一諗....…查看更多