kkwong824的个人专页

今次不是評論食物質素，主要是想講講他們的服務態度。由於公司在上環，所以平時也常常幫襯上環呢間白熊咖喱。今天星期日由於公司加班，下午放工後打算食番一個咖喱飯。當時下午2:30，店內只有4-5枱客，其餘都是吉枱，我一個人入到去找了一張卡位坐下，正想叫食物時，一位侍應要求我去角落的一個單人位，我跟住同侍應講，你有十幾張吉枱，根本無人，我可唔可以坐得舒服啲唔轉位？侍應跟著竟然話公司規矩，唔好意思。我想講，今時今日咁既服務態度點得架！如果是繁忙時間，我完全理解。但係餐廳根本無人那些規矩又是否需要一成不變？點都好，平常我每星期最少都會光顧一次，但今日開始，我諗我以後都唔會去，你大把卡位留番喺度。…查看更多

今睌老人家話想食西餐，咪唸住喺OpenRice search一下屋企附近有乜好選擇啦...見到呢間嘢，啲價錢都唔平，應該唔會好差...咪打算請老豆上去嘆番餐。山長水遠行到嚟工廠區，入到餐廳𥚃面，包塲咁濟，唔計我地自己，得一枱客，心唸好食都唔會冇人。坐低左，咪睇下有乜食囉，點知大家睇餐牌都睇咗10分鐘，完全唔識叫（唔好誤會呀，有中文英文㗎！因為啲餐好亂）。看看價錢，一個餐3度菜(餐湯，頭盤，主菜)，在荔枝角工廠區樓上舖，要成三百幾蚊，仲要加10%。我有冇睇錯呀？呢個價錢係soho區都有選擇啦？再望望D餐具，有污積的，唔係嘛？算！當時餐廳裡冇乜客，同埋帶住個老人家，唔太方便行出行入，最後我同老婆點了每人一份肉眼扒(要另外加$68），老豆就叫了一個daily risotto. (之後入咗其他兩枱客，都一樣唔識叫！哈...）等了一陣，店員送上麵包&湯，（我飲龍蝦湯，老豆飲羅宋湯）包&湯都係普通嘢，無驚喜。之後主菜到，先來是兩件肉眼，賣相跟「椰林閣」的沒有分別，食落有渣的。我同老婆講呢件野，$68都唔值。依家仲要on top加$68先食到，真攪笑（係苦笑）。到我老豆的daily risotto都到了，我地即刻問老豆好唔好食（因我老豆極少極少食西餐）？佢話幾好，心唸咁都好D，主要係想老人家食得開心。我見老豆食完D配菜，吃了兩啖飯就冇食，我就問老豆點解唔食D飯既？佢就話，D飯好硬，生米黎既，唔想食。我同老婆第一時間一齊試一試，點知真係生米得有D過份，大約7成生3成熟到啦。（其實係老人家之前未食過risotto,以為義大利飯係咁，又有少少怕驚冇面以為自己唔識野，所以一開始冇出聲），我地見老豆當時都食哂碟飯的配菜，只剩低D飯，就沒有打算叫餐廳更換。點知最精彩既部分到了，當叫飲品的時候，我老婆一番好心平心靜氣地同個女仕應講，話D米生的，請廚房注意一下。個女仕應都不停說「不好意思」等之類既說話，之後話會跟廚房講番。不出一分鐘，有一個疑似男經理的行過黎，用一D好似覺得我地唔識野既語氣講：「risotto生米係正常架喎.....」（可能我地當時著得比較街坊look)我老婆即刻火都黎埋，佢以前長駐歐洲做野的，risotto呢D野成日都食，貴同便宜既都食唔少，有少少生係正常，但絕對唔係生到得30%熟咬唔入都正常，跟本D米就硬既，食唔到。個經理乜野態度呀？我地係黎食飯，唔係黎俾人睇唔起架！😡🔥🔥🔥總結：食物質素，味道，環境，招呼，衛生程度跟幾十蚊的茶餐廳冇分別，甚至更差。跟出第一篇評論的朋友既睇法一樣，你想我再去都難。…查看更多