sinsinyym的个人专页

同朋友行街經過呢間餐廳，主要食潮汕藥同點心，11月30號前點心有半價，見佢咁抵食一試無妨啦！呢度嘅座位算闊落，樓底又夠高，朋友帶埋BB嚟都坐得好舒服，職員態度亦友善☺️呢度嘅點心選擇唔算非常多，不過行精緻路線，同埋有幾款點心口味都幾獨特，有別於傳統點心。◾️麻婆豆腐小籠包 $39 呢款小籠包係用咗麻婆豆腐做餡，估唔到幾好食！一口咬落係爆汁嘅，小籠包底仲有薄脆。◾️雪茄春卷 $39 呢款幾可亂真嘅雪茄春卷，係用咗酸菜魚嚟做餡，有椒麻味，好特別，值得一試😋◾️天鵝酥 $59 天鵝酥入邊嘅餡都係用咗滷水鵝肉，好香！個人認為都係必點嘅點心之一◾️紫蓉八爪魚 $19 呢款點心造型好可愛，小朋友一定鍾意😆◾️金魚歡水 $49 十分精緻嘅造型，食落同蝦餃係一樣的。◾️蟹粉拌麵 $198 啲蟹粉本身已經有調過味，蔥油拌麵本身已經好香，加埋濃縮嘅蟹粉，完全係一個冇得輸嘅配搭！◾️潮仙滷水炸乳鴿 $49 乳鴿本身係滷得好香同埋入味，但外皮炸得冇咁油會更好…查看更多

成日經過呢間cafe 都好多人食，原來朋友都有興趣，今日lunch就黎試下😌cafe嘅裝修以工業風為主，都坐得幾舒服😎lunch set會有餐湯、湯牛同包，飲品會有半價▪️安格斯漢堡包配薯條 $88 漢堡包可以配大啡菇，本身漢堡已經有厚又Juicy，加埋大啡菇簡直係畫龍點睛！▪️鮮茄龍蝦汁海鮮手工意大利麵 $92 龍蝦汁幾有鮮味，但略淡，粗度似烏冬，手工意粉質感有咬口亦都幾掛汁！▪️小食拼盤 $98 有5樣小食，包括炸蝦、炸雞、炸單骨雞翼、脆香軟殼蟹、薯條，炸得啱啱好，唔會油膩，啱晒咩都想食下嘅我😌▪️綠茶提拉米蘇 $80 睇中左呢款甜品睬耐，特登黎食，比起抹茶味奶味較重，有淡淡嘅抹茶香，適合一啲食唔到超濃抹茶味嘅人其他嘢▪️柚子菠蘿梳打 $60 非常啱夏天嘅野飲，好清爽🤩…查看更多

元朗嘅東北菜呢間都算幾多人食，好多人點片皮鴨係呢度嘅招牌菜，不過我今日想試吓呢度嘅其他小菜，呢度嘅座位唔算迫，但地下有啲黏黏地😂雖然侍應有啲忙，但都好好禮貌▪️乾煸四季豆 $74 走過油嘅四季豆好惹味！加埋啲肉碎送飯一流▪️口水雞 $78 呢度嘅口水雞style係加咗一啲辣醬係上面咁嘅，唔係川菜加紅油果種，份量應該有¼隻雞▪️京式醬牛肉 $76 呢款係冷盤嚟嘅，用咗牛腱去滷，加咗啲有醋嘅汁，都幾開胃🤣▪️紅油抄 （10隻） $50 每粒雲吞都大大粒，入面嘅肉調味適中，自己就覺得個汁唔係好夠辣，適合唔食得辣嘅人！…查看更多

呢排見好多人黎食呢間泰國菜，俾個火山排骨燒到，鍾意食泰菜嘅我梗係即刻嚟試吓啦😌當日八點左右嚟到都排咗一段時間先入到嚟，人氣甚高。呢間餐廳嘅裝修好有泰國地道大排檔vibe，一秒置身泰國😌◾️沙嗲豬串燒 $48直接用咗豬腩肉嚟燒，肥瘦均勻，啲肥肉都係偏爽口嘅，本身啲肉已經醃到好入味，本身啲肉燒到幾香，加埋個醬汁勁好食🤤◾️炭燒小牛扒 $148 小牛扒有炭香味，點埋佢個特製醬汁，直接令成個口感昇華◾️豬肉生菜包 $78 肉碎微辣，但有少少青檸嘅酸味，包埋生菜一齊食，勁清爽，俾咗好多生菜🥬對比平時食泰菜啲餐廳得幾片，呢度明顯大方好多😂◾️曼谷火山排骨 $148 火山排骨係今晚最驚喜嘅菜式，啲排骨嘅肉已經炆到好軟腍，淋上有大量香料製成嘅酸、辣、鹹、甜醬汁非常吸味，必點！…查看更多

至尊雲吞雞煲原來曼近開到黎荃灣，屯元天分店平時都好多人食，我自己都係常客，呢度啲雞除左啲醬好惹咪之外，仲要任加雞，實在係質素高得黎又抵食。咁啱見到佢哋嘅午餐都好平，如果喺附近嘅話可以試吓！一坐低落左啲雞嘅同時就即刻點炸饅頭先，饅頭都係必點，啱啱炸好外脆內軟，加埋煉奶勁邪惡😂每枱都會食😋呢度除咗可以任飲罐裝飲品之外，仲有水吧嘅嘢飲任飲😨有凍檸茶、凍菜蜜，仲有豆漿，羅漢果杞子菊花茶，仲有檸底冰杯，飲罐裝可樂必點！雞煲一上枱就勁香，已經可以即刻食，第二轉點左中辣平時食開小辣覺得啱啱好，第二轉點左大辣就覺得辣左啲🤣食完雞之後加湯打邊爐，我自己最鍾意食呢度嘅牛版腱，牛咪濃得黎又唔會太靭，呢度嘅韭菜餃都好好食，大大隻啲餡好飽滿😍最後買單嘅時候先知原來新張期間有全單9折，平時都唔洗加一，所以每位先$160，唔怪得九點幾仲咁多人食🫣…查看更多

呢間冰室中午係食小炒小菜午餐，夜晚係做任食邊爐為主，烤魚同埋雞煲好多人食，但我今日想清淡嘅就揀左椰子雞煲，$208一位。一坐底揀咗湯底就去拎啲前菜食，都幾開胃自助區嘅選擇亦豐富，有幾十種抵邊爐嘅食材，同埋多款飲品，仲有夏天最啱飲嘅解暑竹蔗茅根，表示非常滿意🤭連啤酒都可以任飲😱湯底鋪滿咗新鮮椰青水同椰肉，開火滾起陣時已經聞到好香嘅椰子味，雞肉質地算嫩滑，落鍋滾幾分鐘就可以食，啖湯入口清甜，有淡淡嘅椰子香，飲落唔會膩。最後唔少的當然係食雪糕啦，有5款味揀，滿足晒🤭…查看更多

呢間外賣店已經聽好多人講話佢地嘅炒米粉係好正，次次食飯時間經過都有好多人排緊隊，我打電話黎order 30分鐘有得拎，唔洗企定定等好方便😝◾️招牌炒米粉 $50 份量非常多，配料有蔥、紅蘿蔔絲、大量午餐肉同埋魷魚，成個米粉嘅鑊氣好足，勁香，又唔會太油◾️鹹魚雞粒炒飯 $55黎到門口已到聞到啲鹹魚嘅香味，米飯粒粒分明，炒到好乾身◾️手打牛肉餅淨食 $36第一次食手打牛肉餅，食落同潮汕牛丸係一樣的，爽口彈牙◾️炸雞中翼 $30 炸雞翼有蒜香味，但雞翼入面唔算太入味，如果醃耐啲會更好…查看更多

經過見到呢間新開既cafe ，決定試下，呢間cafe裝修偏簡約木質風，一邊聽住佢柔和嘅音樂，一邊享受佢哋嘅美食同咖啡，彷彿好似放低左世俗嘅煩惱咁😇餐廳嘅選擇唔算好多，飲啡食all day breakfast 為主，仲有啲輕食，沙律，意粉同埋自家製蛋糕。◾️Treeco $58呢一杯係呢間Cafe嘅signature，以餐廳命名嘅一杯嘢飲，一定要試喇😌係一杯開心果奶蓋脆皮朱古力咖啡，開心果嘅堅果味濃，奶蓋口感細膩，杯邊朱古力脆皮加埋咖啡一齊飲幾得意，啱晒飲唔到苦咖啡嘅我◾️生椰拿鐵 $52椰香味加咖啡真係絕配，有咖啡嘅香味之餘仲有椰子味，佢哋互相嘅味道又唔會搶過，好飲◾️超級全日早餐 $138 呢個all day Breakfast超級豐富，有成10樣野食，食完好滿足，最特別係牛角包窩夫，外脆內軟，推薦第一時間食左先。◾️鮮茄辣肉醬蝦仁意粉 $88 呢款辣肉醬意粉幾惹味，食落辣辣地好開胃🤤…查看更多

呢間有維港景嘅泰式fusion菜，由酒店大廚主理，有rooftop同室內座位，就算坐室內有超大玻璃，望到維港景！氣氛同環境一流，呢度啲Cocktail杯杯都勁靚，真係想每杯都試一次🫣◾️Wohoo, What A Day! Cocktail嘅面有食用花同埋一片橙乾佢為裝飾，呢杯主要嘅味道有芒果同埋菠蘿味，帶點椰子同奶香味，好易入口💕◾️i need to clear my mind! 由於呢一杯有vodka ，所以嗆口少少，主要飲到柚子，柑橘嘅味道。◾️Red Prawn and Scallop Carpaccio 紅蝦飲夠爽，帶子鮮甜，配上Creamy醬汁，口感絕配🤤◾️"Typhoon Shelter" Cuttle Fish 呢道菜似港式避風塘做法，魷魚走油後配上大量炸蒜，最特別嘅係加埋辣肉腸，仲有金不換嘅香味，味道上都幾有層次◾️Grilled Spanish Octopus Thick Egg Noodle with Pad Thai Crab sauce 超大條章魚腳非常吸睛，口感仲好爽彈，蛋麵口感軟滑掛汁，濃郁嘅泰式pad thai醬汁，味道偏甜，但麵幾好食😋◾️Baked Sambal COD fish 呢道參巴醬鱈魚係今晚嘅MVP! 鱈魚肉質嫩滑，參巴醬濃郁獨特嘅味道，完全令呢度菜昇華，超正🤩…查看更多

呢間野bookmark咗好耐，終於有時間黎試，點知真係好伏😓食完覺得呢間餐廳有少少糟蹋咗啲食物。我地叫左個set,有兩款小食同一杯野飲，另外加多一份窩夫。 野飲個奶蓋勁奇怪，似用啲cream打起就算，冇加到Cream Cheese咁，茶同奶蓋完全分開兩樣野，mix唔到。章魚燒係一pat粉咁，口感好差炸雞軟骨係最正常，不過舊檸檬其中一面係乾嘅焦糖麻糬窩夫，一上枱聞到啲燶味，心知不妙，點知上面啲焦糖係燶咗嘅😖😖😖…查看更多

係旺角行街經過呢間泰國菜，有人排隊等位，望下個menu見價錢幾抵食，決定一試😆◾️炸皮蛋蝦球 將皮蛋同蝦肉包埋一齊，蝦球外層炸得金黃酥脆，味道幾獨特，配上酸甜嘅泰式沾醬，解膩又開胃 。◾️串燒沙嗲 半打（豬肉，雞肉各半） 豬肉用泰式獨特香料醃製，香料味完全滲入肉中，但如果可以Juicy啲就更好😄雞肉串燒嘅雞肉嫩滑，沾上沙嗲醬，花生香味超濃風味十足。記得要趁熱食！◾️蝦頭蝦膏炒飯 炒飯一上枱香味撲鼻，米飯粒粒分明，炒得好惹味！入面有各種海鮮，蝦膏帶鹹香，口感豐富。◾️泰式乾炒河粉嘩左一聲，超大碟，好似平時出面食泰菜份量嘅兩倍！炒河粉再配上豆芽、蝦仁、雞蛋，食材都幾豐富。…查看更多

初次到訪呢間阿根廷扒房，餐廳位置好方便，環境同埋格局都好舒適。餐廳採用開放式廚房，可以見到即場烤牛扒，相當吸引！由於呢間分店係新開，所以有free flow pizza 優惠🤤◾️Chicken Sausage • $98 炭烤雞肉腸一定配埋經過醃製嘅洋蔥絲同埋紅椒絲一齊食，好開胃！◾️Flat Iron • $228 值得一提嘅係，上牛扒前佢哋會幫我哋換一個熱嘅碟，令牛扒冇咁快冷確。我地要左5成熟，肉質柔軟，肉味亦濃，無論味道或口感都十分出色。◾️Filet • $268 菲力牛排牛隻腰部的肉，同樣要左五成熟，可以將菲力柔嫩展現得淋漓盡致。這塊牛排肉質細嫩，又juicy◾️Fries • $58 一筒滿滿嘅薯條，有淡淡蒜香味，好香口！…查看更多

已經推薦過無數次嘅日式燒肉店，之前生日嘅時候同屋企人黎食佢地都好滿意😛openrice book買二送一嘅套餐，好豐富。今次同fd黎食lunch，啲lunch set都多定食選擇🤤定食已經包括咗餐湯、沙律、小食、甜品，同埋野飲。◾️黑毛和牛大判燒盛合 • $368 大判燒係我最念念不望嘅其中一款燒肉，所以今次點左兩份重點推薦🤣由於呢款肉比較難燒，店員會幫手燒，呢款肉油脂豐富非常搶火，燒完要沾上半熟蛋嘅蛋汁，口感柔軟嫩滑，油香豐富，入口係幸福嘅感覺🥰◾️黑毛和牛大判燒拼US牛板腱肉 • $258 呢一個套餐大判燒係一樣的，但其中一款肉係美國牛，美國牛肉質緊實少少，食落冇咁易覺得漏，食完會上埋甜品作結尾，大滿足😋…查看更多

菲律賓國民炸雞店，自從喺香港插旗之後都係姐姐們假日嘅聚腳地之一🫣呢度啲炸雞比起另一間連鎖快餐店的確係大件同埋Juicy好多，試完真係返唔到轉頭🤤 今次要左兩個C2套餐，可以選擇配薯條/薯蓉/白飯/粟米。今次嘢飲升級咗青檸茶梳打+$8，好湖新，配埋炸雞一齊食啱晒！炸雞同埋薯條係啱啱炸起，徒手拎起會有滾燙嘅感覺🙈炸雞配上特製嘅醬汁黎食會冇咁膩，薯條都非常脆身，唔會有軟林林嘅口感。原來佢哋仲有學生優，11am-530pm出示學生證會有九折👍🏻…查看更多

約咗朋友黎荃灣食野，揀咗呢間喺荃灣廣場嘅泰國菜，7點黎到坐左一陣已經好full，都幾受歡迎。◾️蛋包虎蝦炒金邊粉 $128 金邊粉可以揀辣度，虎蝦就一隻開邊炸過，勁香，金邊粉份量超多。◾️炸蝦餅 $78 有成6件咗多，外層好酥脆，入面彈牙有蝦味，仲冇啲原粒蝦肉增加口感，幾好食😋◾️豬頸肉 $78一上枱本身以為會好乾，點知一食落去勁香炭燒味，唔乾，好惹味😋◾️凍泰式奶茶 $22呢度啲飲品價錢都幾抵，不過略嫌唔係好夠濃🙈…查看更多