雞絲粉皮的覓食日誌的个人专页

次次路過店鋪已經想試，今日終於搵到機會一試。叫咗一個雜錦撈麵，一個雜錦湯米。個湯看似清淡，但絕對夠味，加埋索哂湯嘅米粉，真係好好味。更藉得讚嘅係老細嘅細心同用心，佢好快就留意到我哋想要d咩（例如水，辣椒醬），跟住問我地要唔要多d。食完再吹水，發現老細真係好好人，聽下佢遇到嘅人同事，幫助過嘅例子。好人一生平安，希望老細長做長有…查看更多

炸脾外脆內軟，平時唔喜歡食肉嘅男朋友都食咗好多， 同行朋友亦讚好好味。我食嘅豬扒飯味道OK, 但相比起炸脾就顯得失色。另外有幸一試豬腳嘅味道，都好好味，有媽媽煮嘅感覺。但想食就真係要耐心等候，因為人手少，都有唔少客。同埋好欣賞佢哋有自家煲嘅涼茶， 仲要係無糖，感覺上可以中和下炸脾嘅邪惡。…查看更多

路過長沙灣，深水埗個頭， 好似諗極都無頭緒食咩… 見到呢間鋪頭寫住星級私房菜，又未去過，決定試一試。見到menu入面好多野都好想試，但兩個人肚容量有限，結果叫咗：蒜米雲耳，蜜餞脆蝦球，竹笙木耳浸時菜同荷葉飯。雲耳蒜香味濃，但醋味唔會過份嗆喉，好開胃，一舊接一舊好快就食完， 不過可以雪凍佢就更正。蜜餞脆蝦球：好好味！！好有日式嘅味道， 上面仲有木魚絲tim~ 大大啖咬落去嘅感覺好滿足竹笙木耳浸時菜： 蝦球夠濃味， 呢個菜又夠清淡，非常好~荷葉飯：配料足， 有火鴨絲， 瑤柱，冬菇等等， 飯又炒得夠乾身， 男朋友吃得津津有味食飽飽繼續係店內坐下。鋪內的店員都比較上一輩的， 但佢地非常有禮貌同熱心， 會介紹你地咩好食，又會幫我地斟茶換碟。之後老闆仲介紹我地食佢哋嘅招牌菜：豬潤海蜆煲， 可惜我地已食飽，但聞到隔離枱飄來嘅香味都想試下 希望下次同多d人再試下其他招牌菜先…查看更多

肯德雞係舊日嘅某些開心回憶， 偶爾會心癢想食來回味一下。今次真係令我心死。巴辣雞腿包非常細，雞唔脆都算， 但個包擺咗好耐令到個麵包都乾哂，真係個包仲脆過舊雞囉。薯角一盒都唔知有無十舊。食完其實都飽，但個感覺真係好好好空虛… …查看更多

多次路經都店外都有熱心嘅店員介紹，但每次都未有興趣想食西餐。今日想食西餐就特意前去一試。一如既往， 在店外店員已落力介紹， 之後帶我地入座， 枱的旁邊還貼心的擺了一張椅子給食客放袋。小小的餐廳座位不多，佈置簡潔， 但欣賞店內的牆壁向餐牌都是人手繪製，這就是小店的心思。食物叫了牛肝菌虎蝦意大利飯，香辣漢堡扒意粉， Parma ham pizza。跟餐有沙律，湯， 甜品， 飲品， 另外like咗fb page有黑松露炒蛋多士送。沙律正常，蘑菇湯好重菇味，有菇粒又夠忌廉味。意大利飯味道幾好，夠濃， 但亦因太濃，食幾啖已經好漏啦…好彩有個香辣意粉中和下 個意粉比想中辣， 又夠茄，男朋友食得超滋味，我就要係咁飲水， 不過我都好中意食pizza味道不過不失， 不過餅底有d濕。飯後有芒果布甸做甜品。飽飽的一餐， 非常滿足！！！ 非常欣賞小店職員的熱心， 每一枱容都介紹今晚有咩特別推介，邊d抵食，或者如何配搭叫菜。還有，每碟主菜都份量十足， 大碟得來入面配料例如菇菌，洋蔥之類亦落足料， 所以味道絕對ok。而且亦有給素食者嘅食物， 照顧到小眾朋友的口味。如此有心的小店， 值得再去， 希望佢哋亦可以keep住質素。(PS. 廚師一路煮會一路唱歌，非常正 XD 而且聽嘅歌亦係我喜歡的。整餐飯我都係一路聽歌一路唱歌一路食飯。)…查看更多

成餐飯成咗一碟齋菜沙律(黑醋汁有d嗆喉), 兩碟意粉 (一碟肉丸， 一碟煙肉蝦， 味道都正正常常), 大蘑菇 (都正正常常), 但估唔到最出事係杯飲品…食完成餐飯, 杯冰都未溶， 杯野叫“matcha frozen”, 但一d抺茶味都無， 得少許唧上面嘅cream味啜極都啜唔到上黎， 真係極難飲入口:(…查看更多

其實係度都食過幾次， 驚覺原來一直都無寫過食評， 今次寫返先。百零至二百蚊嘅價錢有一款main dish 同十幾款嘅頭盤任食。每日嘅頭盤款式都唔同，食過嘅有多士，唔同嘅沙律，蛋餅，燒牛肉，吞拿魚串等等， 味道都ok。主菜有Burger, 意粉， 扒類嘅選擇，份量會細d, 不過食頭盤都食飽一半， 所以唔怕唔飽， 味道一樣都唔錯， 而且即整嘅主菜夠哂熱辣辣。主菜隔一排就會轉餐牌， 就算熟客仔都唔會咁容易生厭。因為我每次都係平日黎， 所以人流唔多， 靜靜地舒舒服服食餐飯真係好正…查看更多

揀選呢間韓式炸雞只為挑戰佢嘅辣雞，第5級叫做後悔級，聽落好刺激咁半半雞： 一半蒜香， 一半後悔辣，蒜香唔錯，的確幾有蒜味。好食得辣嘅朋友試完後悔辣， um… 唔算好辣啫… (又要繼續搵其他辣野挑戰佢地…) 但雞肉唔算好滑…七色乳酪沙律：嘩，幾大兜， 4個人都食唔哂味道一般。仲食咗腸仔拼盤同玉子燒， 味道都係正常， 唔難食亦唔特別好食。 不過呢度勝在坐得舒服愜意， 平日過黎又唔多人， 最緊要係比個舒適環境我哋傾偈， 食物又唔難食就好好了。最後，仲叫咗個甜品作結個甜品反而出色， 奶味嘅雪花冰加上黃豆粉同麻糬嘅朋友 …查看更多

愛食辣嘅男朋友得閒就同我洗腦話呢到d麵好辣， 今日就如佢所願入黎食辣啦！一心所試嘅8椒， 一落單， 侍應小姐即係O咀， 驚我地應付不來， 不過結果落完單轉頭就話無8椒， 得6椒 檔次完全唔同個炸雞唔錯，但麵質同以前已經唔同， 而家又幼又淋。牛肋粒炒讚岐烏冬：蕃茄汁同西餐個d差唔多，偏酸。烏冬ok, 最驚喜係牛肋粒， 軟淋淋而且有牛味。不過太西餐化嘅野好似唔太夾烏冬咁， 襯意粉好似夾d😂味蔥玉子燒: 無甚驚喜， 似食緊嘅感覺似蔥炒蛋櫻花蝦薄餅： 櫻花蝦夠香，薄餅都脆脆地， 配上微酸嘅醬汁， 都唔錯。無骨雞翼： 本身叫“炸芥辣雞翼餃子”, 但完全無芥辣味總結： 環境夠舒服好坐， 食物雖然質數唔算好， 但因為本身預佢唔好食， 反應而家仲令我有d驚喜，同埋d野起碼上枱時都熱辣。侍應們都算勤快。…查看更多

難得一間食肆可以連好易滿足嘅男朋友都食到無心機。外表好亮麗，潮氣十足，一入到黎得幾檯客， 侍應都係企係吧檯後面， 無諗住出嚟招呼客人， 到我地坐低咗，佢遞餐牌都依然係吧檯後面遞比我哋， 感覺已經 好啦， 叫咗個蘑菇牛包餐，泰式沙律。 外貌其實係不錯， 但沙律真係只係將羅馬生菜，紫洋蔥圈，蕃茄件，急凍蝦，罐菠蘿粒擺埋一齊，再撈d泰式辣醬。本來expect個醬會有調過， 但係我期望過高 個包就更加唔個點講， 麵包靱， 牛肉都係靱而且無牛味， 個菇一上檯就係咁跣出嚟:(所以唯有將佢搬上碟先， 但菇味都唔濃。薯條都有d出事， 軟淋淋。跟餐要咗一杯蜜桃伯爵茶， 甜但唔覺有伯爵味。成餐結果要成$200， 食m記好過:(:(:(:(:(:(…查看更多

晚飯時間來到， 座無虛席， 因為無訂位， 所以只可以坐吧檯位， 但無損雅興。叫了慢煮八爪魚， 炒磨菇， 蕃茄肉丸同西班牙飯同男朋友慢慢食。慢煮八爪魚果然係慢煮，好細緻柔嫩， 同平時硬綁綁的不同，連少食八爪魚嘅我都同男朋友爭食炒磨菇唔知係咪加咗雪利酒嘅關係， 有d偏酸， 但菇味足。蕃茄肉丸就略嫌普通， 茄味清， 肉丸粗鞋。西班牙飯有海鮮又有肉， 海鮮質素不俗， 又配上唔同嘅肉類， 想咩都試下嘅人就arm哂。可惜我地食到後段就覺得非常飽, 下次都係叫海鮮西班牙飯好了 另當時做緊happy hour某d飲品做買一送一優惠，好抵飲！ 而且我地坐吧檯睇住bartender整， 杯杯飲品都落足料， 所以我哋每人都飲兩杯難得係荃灣區有d咁雅緻嘅西班牙菜， 而且味道唔錯， 環境氣氛都ok, 最重要係價錢都非常討好，like…查看更多

早兩日同男朋友慶祝生日， 但總嫌餐飯令佢唔夠滿足開心，加上睇到報導覺得唔錯， 就拉埋愛吃拉麵嘅男朋友過黎。每人食咗一碗極上拉麵， 好好味， 男朋友嘅清湯arm arm好, 我嘅濃湯就有d太濃加鹹， 麵質適中，開頭有d偏硬， 但食到尾變軟就剛好。配料足夠， 唔會好似坊間只得兩片唏噓嘅叉燒， 而且隻蛋仲夠流心又入味。男朋友食完過兩日又話想食， 得閒都再幫襯下…查看更多

慶祝男朋友生日， 食咗以上食物加芒果蝦塔沙律， 總括來說：平凡！平凡嘅外觀， 平凡嘅味道。雖然唔係有伏， 但同男朋友慶祝生日總想食物會好味DD, 令佢開心dd 不過要讚嘅係呢度嘅侍應招呼好好， 會細心介紹下佢地嘅食物餐飲， 仲有環境都唔錯， 適合三五知己來放工吹水 。…查看更多

路過見到呢間鋪頭好想試， 但眼見佢嘅開鋪時間係4：30pm都已經眼都突埋… 香港鋪租應該唔平ga?? 竟然4：30pm開鋪都夠賺？？咁令我更想試，所以決定夠鐘再回來一轉！再回頭已經有十數個人在等， 既然特意前來， 點都要繼續排，點知一排就半個鐘了… 但只係可以落order, 落完order仲要等多25分鐘， 咁計落差唔多要等一個鐘… 我叫咗紫菜明太子($34)，味道其實正常， 無甚驚喜，價錢都合理， 但係為咗呢舊蛋而排一個鐘， 真係唔會有下次囉…查看更多

有一次路過已經想試， 不過最終無去到。今次專登食tea時間前來， 試一試佢嘅味道。磨菇牛肉漢堡 : 好味 - 輕輕烘過加上牛油嘅鬆軟麵包， 炒過嘅洋蔥同磨菇， 充滿肉汁嘅牛肉， 惹味嘅汁醬， 係小店竟然搵到有一定水準嘅漢堡包， 唔怪得成日都坐滿客人啦！男朋友叫咗得州牛肉漢堡，我無試到， 但見到好快食哂， 都應該好味啦跟餐小食： 粗薯條不過不失， 芝麻醬沙律同樣不過不失， 水牛城雞翼焗得幾脆， 但唔夠刺激， 如果可以有不同辣度選擇會更過癮！ 跟餐飲品：green tea latte - 比我預期嘅濃嘅抺茶味，幾好…查看更多