wong alice的个人专页

係食金寶之前, 在COWBOY SEVEN 買了一杯CAFE LATTE 飲熱烘烘的LATTE, 口感好滑, 咖啡的味道雖然唔係好濃, 但很香, 咖啡同鮮奶的比例配合均勻, 一杯二十二蚊, 坐在舒適的沙發上一邊聊一邊品嘗, 抵!:)店員十分友善, 特別係架眼鏡的哥哥, 笑容友善, 為人隨和, 給人客很舒適的感覺:)唯一美中不足係商場的空氣很差, 很多店在裝修中, 或者等遲些沒有商店裝修才去都唔遲…查看更多

尖沙咀的金寶好易搵, 正係開於以前東英大夏的舊址, 在商場四樓起初以為全店只有六張枱 再望先知道原來另一邊仲有十幾張枱, 等了十五分鐘就有得坐生蝦刺身一碟有九隻, 八十蚊, 價錢中等, 味道激辛, 蝦肉爽甜, 好味係無用置疑, 唯覺得店主應主動為客人提供冰水救火, 免人客主動要求先俾, 美中有點不足菠蘿飯好大個, 內裡的飯可分六小碗, 肉鬆勁好味, YUMMY泰式通菜係水準之作, 味道夠濃, 下了大量的蒜蓉, 椒絲, 豆板醬, 有鑊氣咖喱牛腩煲跟麵包做得不錯, 牛腩稔熟, 易趙, 麵包熱辣辣, 咖喱汁咸了點, 不錯好夠椰香同夠杰, 用火爐煲住食令咖喱食到尾都唔會凍很美味的一餐, 但食物的選擇不算很多…查看更多

潮流飲綠茶, 我alice 最近每日都會買一杯飲, 因為日日都係三十四度, 熱死人咩:(咁多間之中, 呢間都算係最差的一間, 凍烏龍珍珠, 十二蚊一杯, 但係好難飲呀, 完全無茶味之餘, 仲好似腥腥地咁, 珍珠唔煙靭, 泡沫的味道又古怪...大家要飲珍珠奶茶, 呢間會比較失望的…查看更多

最近比較少食米線, 因為覺得唔夠飽!朋友的相約之下, 去到這間在深水埗的雲南風味過橋小鍋米綫, 食完之後給我的印象很不錯! 朋友為我叫了一碗酸辣過橋米線, 份量十足, 阿姐先給我一碟有生菜, 肥豬肉, 韮菜, 火腿的材料, 另外仲有一大碗淨米線! 之後, 一碗大大的有雪菜的酸辣湯再送到我面前, 朋友叫我把所有材料一拚加進酸辣湯之中酸辣湯很好味, 酸像是梅子的酸味, 不是醋更不是檸檬, 再加上雪菜的味道, 未食米線我已經先連飲三啖湯 米線好滑, 很可口, 這碗米線有很高的水準呢! 另外仲食一碟炸雞翼, 一碟兩隻, 隻雞翼好大隻, 幾抵食, 不過缺點係炸粉比較厚, 還好係唔算好油膩這間米線絕對係食得過的…查看更多

看過雜誌的介紹之後, 去到位於天后的風尚台灣小吃食午餐的時間到來, 有多款價錢不貴的午餐選擇, 我揀了一份紅燒牛肉麵的午餐, 飲品要了一杯珍珠奶茶, 都係四十蚊的代價!牛肉麵的味道比較清淡, 同之前食過幾間台灣麵的味道很不同, 例如毓民的牛肉麵, 都是比較咸的, 但這店的牛肉麵就無咁咸, 對我來說是很合適, 但對其他人而言就未必了, 牛肉很淋, 加了一隻鹵得不算入味的鹵蛋, 碗麵整體的感覺係清一點, 但味道不差珍珠奶茶水準可以, 奶不夠滑, 但茶味清香, 合格!店內的裝修簡單, 小小的店坐位不多, 但坐得尚算舒適!…查看更多

當我發現離開場只有三十分鐘之際, foodcourt 就係我唯一的選擇了本想食越南粉一碗, 一來上次食過好食, 二來要快, 但只到店舖做緊燒豬頸肉紅飯的介紹, 便問店員要唔要等好耐, 得返來的回應係四分鐘, 便決定買四分鐘做的飯, 一定唔會係細心作品, 不過這個飯餐, 水準都不差, 紅飯頗香口, 少少酸酸甜甜的茄汁味道, 為胃口提振一吓, 四分鐘, 個人認為無可能燒得熟一塊厚厚的豬頸肉, 不過, 預先燒好的豬頸肉仲熱辣辣, 就像剛燒好的一樣, 我想可能係預先燒至半熟, 有客人要時再燒熟吧, 不過味道很好, 有香茅的味, 另醬油醃的味道咸, 甜適中, 算唔錯了配菜有薯仔, 蕃茄跟青木瓜沙律, 店員吩咐要把青木瓜點沙律汁食, 沙律汁的味道很可口, 不可以錯過除了湯粉, 原來此店都有不錯的飯類食品供應呢!…查看更多

星期六晚, 一家四口去到創發食潮州菜, 都係因為睇完蔡瀾先生的飲食介紹書大讚之下才會去試的!我地叫左幾個地道的潮州餸, 包括川椒雞, 反沙芋, 鹵水鵝肉, 沙爹牛肉芥蘭, 炆雙冬同潮式炒麵線食! 幾味菜色都ok, 特別係個潮式麵線, 第一次食, 比廣東式的炒麵更優勝, 麵線係白色的, 有點似米粉, 但味道卻帶甜, 而且靭度比較強, 加入韮菜, 雞蛋來炒, 好好食; 沙爹牛肉芥蘭係另一個印象比較深刻的菜色, 沙爹好杰, 叫一碗 "妹" 食很滋味!炆雙冬即係冬菇同冬筍, 有少少酸的味道, 主要係因為筍本身的味, 唔係變壞左的味道, 汁好似係蠔油但又唔係蠔油, 因為係黃色的, 唔知佢點整出嚟但係又幾好食!本來食物都唔錯, 但服務就真係麻麻, 好似明明碟麵線未食哂, 伙記居然話拿拿聲夾埋佢我幫你收左佢, 有無搞錯.... 仲有碟雙冬都仲有兩隻冬菇, 都同我收埋...好似想趕客咁, 好食都無用!…查看更多

這晚上朋友提議去和民食,我無反對, 因為已經好耐無去食和民其中一個特色就係成日會有新菜色, 不過三兩年前會好有新鮮感, 但現在可能已經麻木了, 因為轉來轉去, 都係不外乎gor 幾樣今次再食, 都係叫番一路以來食開好食的食物, 包括鯖魚燒, 滑蛋豬扒鍋, 和風海鮮pizza, 六色刺身同埋枝豆! 我很喜歡食和民這條燒魚, 四十八蚊但係大大條, 又好肉, 燒到香噴噴, 比燒三文魚更好食! 拮上檸檬汁, 會更加好味; 豬扒鍋每次都好想食, 吉列豬扒打隻雞蛋落去, 自己調校火喉, 我鍾意半生熟就熄火, 雞蛋食落更加滑pizza係一個薄批, 有四件, 醬汁有甜味, 唔係單獨只有芝士, 應該係加入了千島醬, 呢種口味我都好接受! 批本身唔係好脆, 味道好但口感差少少! 刺身係比較失色的一環, 像三文魚等材料都唔夠新鮮, 都係食番熟食比較好!服務ok, 環境十分舒適, 我因為坐卡位, 好濶落, 打橫瞓仲得…查看更多

or的榜上, 發現這間冒起得很快, 於是就去試食去到熟食廣場上面, 有點混亂, 因為原來唔係張張枱都可以坐的, 每張枱都有"專人"打理, 連聲sorry 之下, 坐番去曾記張枱, 就叫了韮菜粿, 芋頭粿同蘿白粿每款兩件食, 因為見其他人講一個人可以食三隻以上, 所以兩個人食六隻就剛好啦不過原來size都幾大隻, 味道十分之好, 韮菜係最好食的一種, 煎到脆卜卜, 有豬油的香味, 芋頭就無咁好食, 入面的芋頭切成一粒粒, 如果再細粒少少就perfect! 蘿白係白蘿白, 切成絲來包粿, 味道都唔錯價錢都好平, 三個幾至六蚊一件, 經濟又美味, 值得大家嚟試食:)…查看更多

晚餐唔知食咩好, 行過大家樂, 門口的座地海報好像很熟口面, 原來係新出的霜花板燒牛肉飯!點解熟口熟面? 因為佢同最近流行的pepper lunch 賣的鐵板差不多係99% 一模一樣, 會唔會比人告架, 咁抄法:(這個霜花板燒牛肉飯, 價錢比pepper lunch 賣得更平, 只係$44.5, 但係除左個鐵板之外, 仲包埋杯紅豆冰, 感覺上比起跟杯汽水的胡椒午餐更抵, 而且仲有個香蕉雪糕船送, 咁我就試一試啦同pepper lunch一樣, 都有兩兜汁醬淋落個鐵板度, 飯粒就有少少唔同, 除左粟米次外, 佢地仲有紅蘿白粒, 牛肉一般, 切得薄薄的, 感覺係幾熱氣的食物個鐵板最吸引的地方, 唔係味道, 而係個package包左好多野, 感覺比較抵, 可能都已經唔係新奇的食物, (pepper lunch 已經飲左頭啖湯) 所以試過一次就算了…查看更多

最近又一在openrice冒起的餐廳, 首推這間將軍澳的食店, 一心想去試, 就算呃, 都係俾佢呃一次兩個人去食, 都食左多款食物, 不過以小食為主, 食物首先係個炸雞翼, 味道都ok, 不過唔算好突出, 焗田螺就一d都唔好食, 太油了, 而且味道單調, 仲要係無香草的味道, 講真, 田螺同魚翅都係同類, 只係依賴個調味去令人覺得好食, 食物本身就唔係好似魚生咁去食食物的本來風味的, 這客田螺我覺得佢做得太求其了雖然價錢平, 但係一間這樣的餐廳, 又點值得我專登來吃呢?…查看更多

做左openrice 擁等超過一年, 好感嚟自覺得佢地提供了很多食店資料, 初初覺得有些店好似好做馬, 點解會咁多好評, 不過有些食過之後, 原來都真係有水準, 何況如果唔好食, 點唱好都只會晏花一現, 呃唔到大家個口感想講完, 講番至尊食店, 我之前覺得佢都幾好食, 不過一千個好評, 真係好誇! 今次再食, 覺得味道無上次食咁好, 一如以往都係食個常餐 (其實食來食去都係得幾款, 炒蛋, 燉鮮奶), 但今次食的炒蛋比較鞋, 味道都好似好淡, 牛油方包的牛油查得唔係太平均, 一啖厚厚的牛油在嘴裡令我覺得很不舒服, 义燒湯意就ok, 都係雞粉的味想講多樣係今次呢一班侍應有個別比較粗魯, 希望有關方面留意 …查看更多

早兩日落銅鑼灣行街, 食左兩餐晚飯 (light dinner), 因為貪心, 想一餐食兩樣唔同的食物先去freshness burger食個照燒雞肉鮮堡餐, 首先要讚係個地方真係好乾淨企理, 坐位好舒服!:) 但食物就唔算好特別, 個雞肉包跟一杯可樂, 賣到$36, 價錢唔平, 但係雞肉的teriyaki 汁唔夠味, 我覺得淡左d, 生菜絲就唔係太juicy, 有乾的感覺!teriyaki汁, 係一樣好令人lam 利的醬汁, 一定要多同埋夠甜先好食, 但係呢個雞堡就一般, 唔夠重手, 不過因為環境唔錯, 其實又唔係難食, 所以都可以俾個ok佢…查看更多

約埋成班同事入將軍澳食聰嫂, 印象只係一般而已我食左一碗開心樂園, 配料有好多, 又有芒果喱, 綠茶果凍, 水間珍珠, 西米粒, 椰奶, 花奶, 芒果汁大混雜, 但唔好味:( 綠茶果凍配芒果jelly 係十分之不配合的, 味道怪怪地, 都唔知點食..西米粒雪到硬哂, 都唔知點入口...食左一舊share 的芒果斑戟, d cream係完全唔凍, 入口有種怪怪的感覺, 好似隔夜的cream咁, 但芒果肉幾甜, 唔知係唔係個雪櫃壞左第一次食, 印象不太好, 下次除非有人請, 唔係都唔會食:(…查看更多

登打士街已經成為我的掃街旺點了, 今日又去掃, 第一站係愛爾蘭瘋薯我買左一兜炸洋蔥圈食, 此處的洋蔥圈係即叫即炸的, 一兜廿五蚊, 其實都幾貴, 大概有十二圈到, 洋蔥圈不知是否炸過左籠, 差原多係啡色了, 雖然"瓊"乾d油都用左三分鐘, 令到洋蔥圈完全唔油利, 但係因為炸得太燶, 食落有好大陣苦味, 我都o即左好多茄汁落去去"闢"陣苦味, 但係都無用:(聽人講薯條會好好食, 唯有下次再試, 但個洋蔥圈真係要俾喊面了:(…查看更多