keithwkc75的个人专页

行過見到間野有外賣飲品做一送一，買左兩杯試下，由於間野附近有洗手間，所以買左之後，我屋企人去洗手間既時候，我便暫時將兩杯飲品放在果間野的bar台位置等，當時中午四點鐘左右，間舖冇乜人食野好多吉位，而我係企係度等冇坐低的，點知有個職員走埋黎呼喝叫我走，話外賣飲品係唔可以在餐廳裡飲，我兩杯野飲筒都冇拆只係暫時放在台上，咁都要俾人用粗鄙語氣趕走，好委屈唔知點解幫襯間野要受間野既氣，係咪輸左馬搵人出氣? 香港餐廳真係惡，連放杯同佢買既飲品都唔俾，好小氣！永遠唔會再幫襯呢間野！…查看更多