今日去左灣仔搵男朋友食Lunch，第一時間就簡左Amoy。因為之前已經去過一次，好記得佢嘅牛肋條意粉🍝，所以今日難得去左灣仔，緊係要食多次啦🤓Amoy嘅lunch menu係價錢上係港島區黎講都算偏便！仲要係物美價廉，份量雖然唔可以話超級多，但以lunch黎講，都好夠🤩今次我地兩個就照樣叫左慢煮牛肋條意粉🐂同埋龍蝦汁鮮蝦意粉🦞，兩份都係$65～牛肋條都係好入味同埋肉質軟熟，睇黎應該都花左啲心機去烹調。而鮮蝦意粉，雖然選材上用嘅係急凍蝦，但調味上不算太濃，反而剛剛好帶帶出蝦肉嘅甜味🤯而且餐廳嘅上餐速度好快，我地落左order大概5分鐘左右，就上左牛肋條意粉，然後隔左差唔多2分鐘，就上埋蝦意粉。啱曬遲放Lunch趕住食，但又想食好啲嘅打工人👍🏻環境方面，餐廳店面唔算太大，不過燈光偏柔和，採用黃調的暖燈，所以整體黎講都舒服嘅。唯一美中不足嘅係，今日都算多人，所以我地冇得坐卡位，坐左係bar檯隔離嘅高檯，背脊冇嘢可以挨，所以都有點兒唔舒服。不過，尼個其實對我地嘅用餐體驗並無太大嘅影響。😆畢竟，食物好唔好食先係最重要架嘛！😼…查看更多
