ChingChingYiu的个人专页

一直以來都見到好多朋友去ATUM Restaurant打卡食tea set，而呢間餐廳亦都係一間好熱門嘅慶祝生日嘅餐廳，今次終於到我book咗呢間餐廳同朋友慶祝生日啦❤️ 餐廳位於K11 Art Mall內，不過搵咗陣先至搵到喺邊😅 全店的裝潢都十分簡約，以黑白灰為主調，加上佔店舖一半牆身嘅巨型玻璃窗，顯得空間感十足，就算無乜點開燈，窗外滲入嘅光線都足夠了，簡潔得來又帶幾分神秘感，有點高冷的格調。🖤🤍 Menu上有好多選擇，由appetizer至main dish至dessert都有，第一次來真係會眼花撩亂，每樣都好想試🤭😍 Hot Mocha ☕️ $46Not bad. Hot Latte ☕️ $46 朋友好鍾意食的包😂 Main dish來了～～～ 咸蛋黃·萵筍·蟹肉特菲麵🥚🦀🍝 $178Salted Egg Yolk • Asparagus Lettuce • Crab Meat Trofie 特菲麵嘅口感好特別，好有咬口，實實在在的，較為煙韌，咸蛋黃味道雖然唔算太突出，但夾埋一絲絲蟹肉來食，整體味道和口感都挺豐富，亦毫無違和感👍🏻❤️ 吞拿魚·黑炭大蒜油飯🐟🧄🍚 $188Tuna • Charcoal Grilled Leeks Risotto吞拿肉半生熟，吞拿魚味重，尚可。Risotto味道則不過不失，兩者夾埋一齊食都是普普通通….. 😣 紅桑莓雪葩·竹炭朱古力雪糕·蛋白霜🍫🍨 $88Raspberry Sorbet • Bamboo Charcoal Chocolate Ice Cream • Meringue預先order定的驚喜生日甜品🤭🤭 原來都咁大隻碟😂 酸酸甜甜的raspberry味配上竹炭朱古力雪糕，互相中和返各自的極端味道，好味😋❤️ 📍餐廳十分着重擺盤，猶如藝術品，而且味道亦不錯，埋單連10% service charge total $600，係一間可以再回頭的餐廳～…查看更多

有時搭車會經過呢到，門口大大個生招牌霓虹燈「芳華絕代」好吸眼👀👀 終於都有機會同朋友嚟試吓，一行四人嚟到呢間泰國菜餐廳食晚飯～ 呢到不能盡錄，主要都係scan QR code睇入面嘅menu落單，清晰好多。 酸辣肉碎炸旦沙律🥗 $68第一次食炸蛋，幾過癮幾特別😆 呢個沙律好開胃。 豬肉碎生菜包🐷🥬 $88味道中規中矩，如果肉碎再辣d會惹味好多，生菜太少，唔夠用黎包肉碎。 泰式蝦炒金邊粉配豬頸肉🦐🐷 $98豬頸肉味道不錯，可惜金邊粉硬咗一餅咁，味道同口感都一般。 泰式去骨海南雞（半隻）🐥 $98雞件算係每一舊都有肉食到，不錯，都算滑！☺️ 泰式炒椰菜苗🥬 $88少少辣椒吊味，令椰菜苗味道無咁單調，炒得唔錯👍🏻 泰式串燒拼盤🐖🐏🐂 $108肉就無乜特別，而串燒的靈魂醬汁就調得算係唔錯，唔rich但有味，所以沾醬食都算惹味啦～ 燒原條魷魚🦑 $98呢條魷魚燒得有d hea，完全無味，有汁沾來食都補救唔到😣😣 小食拼盤🦐🐟🥕🐓 $98整體不錯👍🏻 單骨雞翼方便食👍🏻 炸蝦餅、魚餅、春卷都屬正常發揮。 泰北波波腸🍡 $68好的骰嘅一口波波腸，其實內有乾坤，入面係芝士餡，實話實說味道一般，不過個芝士餡有啲驚喜，但口感係較實正，芝士餡亦不是流心的，所以驚喜中又有點失望😂😅 Hot Mocha ☕️ $38朱古力味尚算濃，而且夠大杯。 另外，仲order了Iced Latte ☕️ $38、兩杯Stella🍺 $58，啤酒有buy 1 get 1 free，抵！ 📍餐廳好大間，有兩層，上層嘅位比下層多，座位同座位之間都好闊落，唔會好迫，亦有洗手間提供。餐廳裝修有特色，除咗門口嘅生招牌neon light之外，全店亦有好多neon light打卡位。食物質素屬一般中等水平，食完成餐飯都無一碟食物係覺得好出色好好味😢😣 埋單連10%服務費total $1041💸💸 …查看更多

「好茶養生」位於moko商場內，在一個corner位裡，唔捐窿捐罅嘅話都好難搵到。 飲品選擇都算係多，有中式養生茶、水果茶特飲、泡泡系列茶飲、銀耳露，仲有gelato同埋甜品，有凍飲亦有熱飲，不過既然係養生茶，咁就揀杯熱嘅試下先😊 買咗一杯熱桂花雪梨茶，既清熱潤肺又可養顏🤩，仲可以揀少甜👍🏻 加多$20配件小小的cake，不過得一個蛋糕選擇，就係玫瑰荔枝慕絲🌹 桂花雪梨茶🍐+玫瑰荔枝慕絲🌹 $58杯茶其實不錯，不過如果係用茶袋包住d料會好d，因為d桂花飄黎飄去，飲到成口都係，唔係個個都鍾意飲埋落肚😅😅 茶袋就可以解決到呢個問題，飲落都順d。 雖然叫咗少甜，不過都略嫌太甜😣😣 而個玫瑰荔枝慕絲就比較遜色，酸酸地係幾開胃，但係慕絲質感似落咗好多魚膠粉，叫慕絲有點不合適，而且餅底好唔夾，是一個失敗之作。 📍總括而言，養生茶可以再試下其他口味，甜品就不了。…查看更多

🐈🐈‍⬛🐈🐈‍⬛🐈🐈‍⬛🐈🐈‍⬛🐈🐈‍⬛ 放大假的最後一天，男朋友帶我去貓貓cafe同貓貓ssssssssss玩😍😍😍 真係為我嘅大假畫上完美句號。💓 星期一下午，無book位嘅情況之下，唔使等位就入得去啦！一入到去要着鞋套，咁就唔怕整污糟地方，同時避免主子們變污糟貓或食到👍🏻 呢間貓貓cafe勝在無收費，每人最低消費一個lunch set，就可以同貓貓玩兩個鐘啦😍🐱👍🏻 用QR code落單方便快捷，每個lunch set都會跟一個沙律仔同一杯drink，不過大部份飲品都需要加錢。 香辣蒜香煙鴨胸野菌橄欖油炒扁意粉🌶🍝 $86（包括 +$14 Iced意大利榛子咖啡）味道一般，唔難食，但唔好味🙈 偏油😖 煙鴨胸比想像中賣相差，成塊煙肉咁😅 黃金炸蒜卡邦尼煙肉扁意粉🥓🍝 $84（包括 +$9 凍蜂蜜紅棗茶）味道都係好一般，又未去到難食，但真係稱唔上好味🙈 好港式嘅卡邦尼，好稀嘅汁。😖 兩碟意粉都係千篇一律，一樣嘅意粉、一樣有半粒蕃茄仔&幾條幼苗做裝飾、一樣形狀嘅肉類、一樣嘅香草灑係面頭，一樣嘅菇菌、一樣落d洋蔥……. 其實食物方面都真係幾無誠意…. 有d失望☹️😣🙈 吞拿魚粟米野菜沙律（跟餐）🥗有幾條菜食下，還好啦！ 凍蜂蜜紅棗茶🍯🍹太甜了…… 後悔叫咗呢杯嘢😣 雖然食物真係好一般，不過我都明白來得貓貓cafe最主要都係想同貓貓玩🥰 見到d貓貓隻隻都肥肥白白，同埋員工都好錫貓貓們，所以食物質素嘅嘢可以暫時忘掉😂😂 呢到應該有幾十隻貓貓sssssssss，全部都好可愛啊😍😍😍 雖然佢地都係比較cool，但係望住佢地訓教個樣，我個心都已經溶化埋啦🥰🥰🥰 俾大家睇住幾隻先啦🤭 小插曲：嗰日有另一枱食客夾硬抱起貓貓打卡影相，就算貓貓反抗都唔理，好彩有員工喝住佢🥹🥹 📍總結一下，貓貓cafe來說，係抵玩，埋單連埋10% service charge都係total $187 💸💸 玩兩個鐘乜都抵返晒🥰💓 食物方面可以改善，不過為咗見d貓貓我都一定會再次光臨🐱💓 🐈‍⬛🐈🐈‍⬛🐈🐈‍⬛🐈🐈‍⬛🐈🐈‍⬛🐈…查看更多

炎炎夏日突然好想食碗拉麵，而且男朋友係拉麵愛好者，所以就去到「拉麵來」食晚飯為星期日作個完美總結啦☺️💓 以前食過幾次旺角嗰間，老實說隔咗咁多年，味道就唔係好記得啦，不過拉麵店嘅裝修依然記憶猶新，有一種日本自家經營嘅小店feel，擺滿童年懷舊回憶，好有特色🇯🇵！ 自家製餃子🥟 $40餃子熱辣辣，個底煎得脆脆的，餃子入面嘅肉汁令口感特別豐富，味道好鮮，加埋附上嘅醬汁，oishiiiiiiiiiiii😋😋😋 超好味💓💓💓 温泉玉子雞肉汁拌麵🍜 $82伴麵一定要有溫泉蛋，蛋汁掛麵令味道更豐富，雞汁清得黎都算夠味，撈埋一齊食清清地咁幾好，雞肉有點乾而且太簿，唔足料，不過味道幾好算你啦！😂🙈 北海道牛乳忌廉湯雞叉燒拉麵🍜 $98（加一隻溫泉蛋 +$17🥚）味道清甜，特別鍾意紫椰菜，好少喺拉麵見到呢樣配料，牛乳忌廉湯味道好濃郁，男朋友一啖接一啖咁成碗湯都飲埋😆😆塊雞叉燒好特別😍 埋單total $237💸💸，無service charge，不過香港拉麵店一向性價比都一般吧😅 另外，呢間店鋪真係好熱，由入去到走都流緊汗，全場嘅客人都一樣瘋狂抹汗😂 真心建議開大d個冷氣，食拉麵本身已經熱，炎炎夏日就熱上加熱，店家都想客人食得舒服㗎嘛…. 😅😅😅…查看更多

由於多咗出街食飯，想盡量食返健康d，同時清清腸胃，所以每一日都會為自己安排一餐係食沙律，平時食嚟食去都係嗰幾間，行過Oliver’s Super Sandwiches見佢有自選沙律就二話不說——買！！！😂😂 自選大沙律套餐🥗 $85可以最多揀四款沙律，包一杯熱飲，另外可以加錢要小食or轉其他飲品或湯都得，任君選擇。而我就只係揀咗3款沙律，包括燒甘筍藜麥羽衣甘藍沙律🥕、刁草薯仔吞拿魚沙律🥔、紅菜頭啤梨沙律🍐。 呢個沙律唔算係好健康嘅沙律，因為都偏多醬，所以調味一定唔錯，我最鍾意係kale嗰款，最fresh，另外兩款都唔錯👍🏻 而且份量都好飽肚，飽到杯咖啡都飲唔落🙈 下次可以食細沙律套餐應該都夠飽😂…查看更多

返咗十幾個鐘頭工，拖着疲累嘅身軀去到石門京瑞廣場食晚飯，我同男朋友都好鍾意食點心，朋友都推介過我食呢間，今晚終於有機會嚟試吓😍 Weekday嘅夜晚8點幾來到，不用等位🤭 店舖較細，坐位亦較迫，不過小店就是這樣，都不成問題😊 呢度係用QR code落單，快捷又方便。 我哋order咗5樣嘢，一個金銀蒜香海蝦飯、一個9件點心拼盤、一籠雲石芝麻包、一碟瑤柱臘味蘿蔔糕、一碟金銀蒜籠仔蒸娃娃菜。 瑤柱臘味蘿蔔糕🥕 $30蘿蔔糕個面煎得幾香脆，大大件，滿足🤭 雲石芝麻包🍽 $26芝麻包好好味啊😍😍😍 芝麻味濃，芝麻餡夠多，一咬開個包就咇出來😋😋 雖然唔係流心，但係味道好出色！鍾意芝麻味嘅朋友一定會好鍾意呢個包❤️ 蒸廬拼美點（9件）🍽 $60原來呢個拼盤都有一個芝麻包，即係我哋兩個人總共食咗四個芝麻包ssss😂😂😂 不過除咗芝麻包之外，呢個拼盤仲有好多唔同嘅點心可以試😍 每件點心都偏大件，最鍾意係個素菜餃，好足料😋 其他點心都係正常發揮，勝在性價比夠高！👍🏻 金銀蒜香海蝦飯🦐🍚 $58蒸飯面頭有啲菜心碎，即刻感覺健康咗😂👍🏻 不過呢個飯其實冇乜味，都係需要加豉油或者其他汁去吊吊味，而d蝦係無鮮味，當然咁平價錢都無期望過有好出嘅鮮味啦🙈 飯就真係白飯咁，無乜飯香，結論呢個飯純粹係填肚之選。 金銀蒜籠仔蒸娃娃菜🥬 $30好欣賞就算係一碟娃娃菜，佢都會擺啲配料喺面頭，有心思嘅表現👍🏻👍🏻 老實說性價比係高，不過餐廳唔算係好乾淨，碗筷都有好多污跡，唯有自己檢查多次抹走佢消下毒咁🙈 不過我都會再回頭，因為呢d都尚算係minor嘢，好多餐廳都會有出現同樣情況。 埋單total $204💸💸，我哋食到咁飽都只係$102一個人，仲要係第一次來所以嗌多咗嘢食，真係好抵食！值得支持的小店💛💛💛…查看更多

來到放大假的尾聲，星期日下午去尖沙咀行陣，經開尖東又見到black sugar coffee，未食早餐嘅我就忍唔住推門進去了🤭 其實之前都到訪過幾次了，不過係其他分店，喺香港來講都算係多分店，而且地點都算方便，就嚟有種「總有一間係左近」嘅感覺🤣🤣 呢間分店嘅面積唔算大，不過都好cozy，一入門口就有一張矮長枱同梳化，勁想坐呢到，但要食野就唔係好方便下下烏低身食，所以都係坐返入面啲枱。呢度係order咗野食俾埋錢先坐低慢慢嘆的，我哋一行二人，Order咗兩杯咖啡同一個pasta。 Iced Americano ☕️ $40呢杯係我order嘅，但隻豆偏酸，我本人不太喜好太酸的味道，所以同男朋友交換咗黎飲🤣🤭 Hot Flat White (Large) ☕️ $45男朋友order嘅flat white，仲可以加$5揀大杯size，佢唔夠飲，所以嗌咗杯大嘅，我覺得有呢個option實在太好了，鍾意飲多啲嘅人可以有更好嘅選擇👍🏻👍🏻 Lobster Bisque Shirmp Pasta🍝 $148 店家話Spaghetti係自製的，食落口感偏硬，好實在的感覺，唔錯！味道調配亦幾好，夠濃郁，sauce掛麵，好rich咁，夾蕃茄味就好基本嘅做法，不過老實說lobster bisque味唔出，但蝦都處理得ok的，如果再到訪又諗唔到食咩嘅話，我應該都會再食多次呢碟pasta😆😆 埋單total $233💸 呢到無service charge，但店員都有提供足夠service，好impressed👍🏻❤️ 同埋而家有得儲印仔換free coffee，有個藉口俾我以後再黎多d啦😆💓…查看更多

💓💓💓獅子生日lunch💓💓💓 同獅子朋友食lunch慶祝生日，一行3人，提早一星期打咗去book位，可以request個甜品寫返個靚名咁，送朋友一個小驚喜😆 我地嗌咗3個lunch set，每個set都會跟一碗湯、一件小蛋糕、飲品（可加錢飲其他咖啡或茶），亦可加錢要個靚d嘅甜品。 蜜糖煙肉粟米薄餅🍕 $116（包括+$18 招牌水果茶加奶蓋）薄底pizza，屋企都焗到嘅口感，都焗得夠脆，餡料都係普通港式餡料，味道不過不失，好處係唔會覺得好滯好heavy😅 招牌水果茶加奶蓋🍋🍏🍇一般～～ 龍蝦湯叉燒脆米泡飯🍚 $133（包括 +$15 熱玫瑰鮮奶咖啡）成餐最好味係呢個飯，味道算係夠濃，叉燒半肥瘦，口感不錯！ 極黑豚扒伴季節沙律配百里香燒汁🐖 $143（包括+$15 熱焦糖鮮奶咖啡）豬肉好厚好大塊，但略嫌太乾，不juicy，但味道過得去，唔夠多燒汁搞到有d有汁有d無汁蘸。薯條正常。 熱焦糖鮮奶咖啡 ☕️不錯喔～ 藍莓香芋戚風蛋糕🍰 $58提早一個星期request的happy birthday😂😂 講完個名，聽電話果位staff同我自己都忍唔住笑🤣🤣 蛋糕味道一般般啦，無乜味，海棉蛋糕一個，但用黎俾朋友影相都算係咁啦😆😆 變成了道具蛋糕🥳 另外，跟餐的湯比較普通，但小red velvet蛋糕幾好味！😋😋 餐廳有d打卡位，加上全粉紅色嘅裝修，走少女風，吸引好多女士嚟打卡，食物真係不過不失啦，唔係好好味，但又唔係難食，不過唔會好想食多次🙈 埋單連10% service charge total $495。…查看更多

2022-8-29 美好的星期一，因為有得放假😙 於是就一行二人去咗旺角食早餐，諗來諗去都未諗到食咩好，行到附近見到呢間點心店，咁就不如飲茶啦😋 點心紙上有整整一頁係牛肉點心，原來呢間店有「牛肉世家」嘅稱號😆 可惜我唔食牛，所以睇返其他點心，好彩點心種類同選擇都好多，唔使怕無嘢啱食😊 瑤柱杞子燒賣皇 $33燒賣味道一般，不過有杞子有瑤柱，亦夠大粒，一穩4粒都只係$33，都算係咁😀 竹炭熔岩奶皇包 $26望落同平時酒樓嗌貨嗰啲好似差唔多樣，但食落有分別，奶皇餡好明顯比平時食開嗰啲色水淡d，好似稀d咁，味道一般，奶皇味唔太夠。 脆炸韭菜餃 $29超好味😍😍😍 好味到唔捨得一啖食晒佢😚 炸得好脆好香口，但唔會乾，仲有肉汁爆出黎😆 好滿足啊💓😋 海苔香煎蘿蔔糕 $23唔錯唔錯！ 煎得脆皮可口，有少少焦嘅脆脆，但唔會煎到燶咗，加埋甜醬就perfect啦😋 蜜汁叉燒腸粉 $28普通水平，無咩特別，不過都足料😊 皮蛋瘦肉粥 $21不錯喔！ 味道挺好，尚算足料，略嫌蛋皮唔夠多🥲 環境都乾淨，唔會太迫，性價比高💓茶位$6一位，total $172，平均每人$100都唔使，好抵食喔😋😋😋…查看更多

之前已經食過幾次唐宮小聚，唔同分店亦都食過，不過次次都係晏晝飲茶，今次係第一次喺度食晚餐😁 一行二人，放工想食中菜，又諗唔到有咩出色嘅中菜食，而之前喺度飲過茶都幾滿意，咁就不如試吓晚飯啦😛 我哋兩個人order咗5樣嘢食，又眼闊肚窄咗😂🙈 肉鬆抓餅🌮 $49熱辣辣食幾好味，餅皮偏軟身，唔使好用力咬都咬得開，肉鬆加蔥簡單美味，不過手抓餅都係要配埋芝士同蛋先至最好味，如果有就好了😝 紅油抄手🥟 $59呢碟紅油抄手份量都多，不過每一粒都比較細粒，但咁樣仲好，一口就食到，調味亦唔錯，如果再辣啲就好啦。 煸四季豆🥗 89有家的味道😂😂 同媽媽煮的四季豆有得揮！調味很好，豬肉碎又夠多，撈飯好好味😋😋😋 水煮魚春卷🫔 $59好有創意！之前已經食過，我哋好鍾意食，辣辣地好開胃，春卷炸得夠脆口👍🏻👍🏻👍🏻 蠟味煲仔飯🍚 $79原價$89，堂食減$10！二人份量剛剛好，蠟味味道一般，條辣腸太咸😖 我最鍾意食潤腸，不過佢條潤腸無論口感定味道都係好一般。飯算香且夠入味，唔加甜豉油都OK。 員工服務態度OK，不過執位執得好慢，明明入面好多位都要等15分鐘，可能人手唔夠？？🙈🙈 店舖較大，尚算闊落，坐得舒適，茶位$10一位，會員減$50，埋單連service charge total $353，還好吧，好似都係飲茶好啲😂…查看更多

沙田新城市廣場行過少少嘅偉華中心搵到一間唔過$100嘅台灣食店，實屬感動🥲🥲 三杯蜜汁烤雞扒湯麵🍜 $58蜜汁烤雞扒好大塊，肉質易咬開，蜜汁味算重。而湯麵就較普通，味精味濃，麵太淋，不過有條菜，都算係咁啦，仲包埋一大支茶，絕對對得住個價錢。 除咗湯麵，仲有便當，而嘢飲方面仲有其他選擇，喺沙田來講性價比算係好高，$58嘅餐，食物質素唔差，包嘢飲，有位坐，份量多，我最後都食唔晒🤣🤣🤣 下次再試其他😊😊…查看更多

好幾年前，同屋企人食過尖沙咀Marco Polo嗰間夜上海，只記得當時覺得幾好味，但係冇再去食過。而男朋友喜歡吃中菜，所以生日飯就去夜上海啦❤️ 古法煙鴨蛋（燻蛋）🥚 $28好味😋蛋黃質感超好，味道亦剛好！ 不過一人半隻已經好足夠，一隻可能會太漏。 稻草扎肉🍖 $40好入味，用塊包夾住食，再加埋d汁，好滿足😋😋 不過如果肉再多少少肥膏嘅話，口感會好啲。 龍鬚魚絲🐟 $360夜上海signature dish⭐️ 呢碟魚絲要手工好而且步驟繁複，誠意一定滿分，味道都唔錯，上海菜來講略為清淡，魚肉結實👍🏻👍🏻 楊州炒飯🍚 $85男朋友係一定要食飯嘅人，所以叫咗碗楊州炒飯俾佢食😂😂 我食咗一啖，都幾好味，但唔需要食飯嘅人其實真係可以忽略佢😂😂 火腿津白🥬 $188無特別，普通發揮，賣相亦一般🙈 煎鍋貼🥟 $80個底煎得夠脆，但肉汁少，唔係特別出色，可忽略。 小籠包🥟 $80比鍋貼好味，正常發揮，唔係特別出色🤷🏻‍♀️ 員工服務態度幾好，做嘢爽快，又會介紹菜式俾我哋，不過門口長期冇人帶位，等咗一陣先有人行出來，可能疫情關係，員工人手唔夠，但我覺得都係可以大家互相體諒的❤️💯 店舖環境很好，枱與枱之間好闊落，又乾淨，而呢間分店係比較光猛，之前去Marco Polo嗰間係好暗嘅，裝潢方面都係固有中國古典路線。 因為好多人都話有隱藏收費，我就直接比張單大家睇吓，蔗汁、薏米水、酸菜都有收錢，不過都係有限錢，如果大家好抗拒的話可以試吓問員工，我就無乜所謂。埋單連Service charge total $1249 💰 總結：由於已經唔記得當年覺得嘅好味係有幾好味，所以冇期望就冇失望😆，今次再食唔再覺得好好味，食物尚算中上，但唔係頂級，服務態度優質，環境舒適，地理位置方便。…查看更多

返工返咗成個星期，終於到咗星期日，可以回回氣🤩 大約2pm來到大安茶冰廳，有條短人龍，還掂朋友未到，咁我就排住隊先啦，等咗around 30mins 終於入得去啦🥲 我未去過呢間coffee shop嘅前身，不過睇佢嘅裝修同食物都知係主打懷舊情懷結合新派味道，話題性十足，門面一大幅牆身保留咗舊式茶餐廳擺放蛋撻、麵包嗰d包點暖箱，而家就用嚟擺甜品、蛋糕等等。店內就以卡位為主，唔似舊式茶餐廳嘅就係環境乾淨😆 好事來的👍🏻 嘢食同嘢飲選擇都唔多，我哋3個人order咗一杯Hot Latte、一杯Flat White、一杯Iced Coffee Now、一個Almond Egg Roll、一個Caramel Egg Taft、一個Bagel Toast with 奶醬、一塊OT Cookie，差唔多order晒成間餐廳嘅甜品😂選擇較少，價錢亦偏貴，咁就要睇吓味道值品值呢個價啦🤨🤨🤨 Flat White 肥威☕️ $38咖啡味道唔香濃，好普通嘅一杯咖啡，不推薦。 Iced Coffee Now (Horlick Coffee) 啡立刻☕️ $48面頭鋪滿胚芽，飲落幾得意，Horlick嘅甜味混合埋無乜味嘅咖啡，顯得咖啡更加無味😆😆😆 口感有趣，味道普通，創意搭救。 Almond Egg Roll 杏霜卷蛋🍰 $28食到有杏霜味，但未至於好濃味，亦稱唔上香滑，口感較硬身，卷蛋嘅蛋糕偏實淨，賣相白雪雪咁係幾靚的，但係味道真係一般般，無乜味，死甜味為主，食咗幾啖就唔想食。 Caramel Egg Tart 焦糖蛋撻🥚 $36相比之下呢個蛋撻嘅味道係成餐最好的，沒有之一。 曲奇撻皮食落無咁油膩，而且脆卜卜，蛋撻面頭鋪滿焦糖趣趣，望落好似好甜，但食落還好，係可接受的程度，蛋漿稱唔上好香滑，不過內藏焦糖流心餡就真係好驚喜😍😍 即刻加返少少分，係用心之作👍🏻 OT Cookie 檸茶曲奇🍪 $40呢塊曲奇完全唔值$40，創意係有嘅，但真係一d都唔夾，可以用難食來形容，好大陣伯爵茶味，再加埋又係死甜味為主，食咗一啖已經頂唔順，完全食唔出有檸茶味，對呢塊檸茶曲奇唯一嘅感覺就係消費緊新舊融合👎🏻👎🏻 Bagel Toast 比高多配奶醬🥯 $32呢個Bagel可以選擇配奶/醬/油，三選二，男朋友揀咗奶醬。一個字：差👎🏻👎🏻👎🏻👎🏻👎🏻 Bagel無論口感、味道、質感都唔掂，配埋奶醬9唔搭8，一d都唔好味。 📍呢間鋪主要係消費懷舊情懷，食物同咖啡都低於坊間Cafe普遍水準，價錢定價亦都太貴，一d都唔值，一係就無味，再唔係就太淡味，一係就直頭唔好味，無可否認係有創意嘅，但係有創意嘅同時係唔可以忽略對味道嘅追求，極為失望，性價比超低，不會再來。…查看更多

又一個星期六，同男朋友去尖沙咀食拉麵😚🍜 唔使等位即刻入得，唔好睇佢門面細細，入到去都幾多座位😊 男朋友order咗一碗中辣嘅增量叉燒辣麻味噌拉麵（$115），而我就order咗小辣嘅一碗特製辣麻味噌拉麵（$120），呢間拉麵店係主打麻辣味湯底，基本上所有拉麵都可以揀不同辣度，岩晒我呢d鍾意食辣嘅女女🌶🌶🌶🥰☺️😆 當然唔食辣嘅朋友都可以揀唔辣😊 特製辣麻味噌拉麵（小辣）🍜 $120一見到塊叉燒就流晒口水🤤🤤 一層肥肉一層瘦肉梅花間竹，食落又香又軟，勁邪惡😋❤️ 麵條口感水準okay但不算突出。老實說，湯底超一般，毫無辣味、毫無麻味，只有一陣陣苦味，聞落亦無香辣味，$120得條玉米荀加塊肉加d麵，望落極單調，原來師傅俾少咗隻溫泉蛋我😐😓😵‍💫 有d失望，餐牌上都無乜食物選擇，咁都可以俾少咗😂🙈 呢隻溫泉蛋好出色，碗拉麵加返隻溫泉蛋即刻昇華咗，蛋黃漿係日本雞蛋嘅顏色，超流心，好味😋 📍價錢同香港普遍拉麵店嘅價錢差唔多，唔記得有無收加一，其實餐廳主要都係自助式，枱面有齊調味料同水壺。另外，對碗拉麵湯底都幾失望，味道一般，所以性價比都一般。不過餐廳好貼心地預備咗圍裙，等大家唔使食到成身都係😉 …查看更多