飛天小豬的個人專頁

A1 Bakery係我至愛既麵包店，一向都有幫襯開都知新開既大圍分店有外賣熟食，但望個價錢從來無想試既衝動。聽到同事講有8折送飲品，今朝番工前經過，就特登去買黎試下。見到意粉櫃前有放8折宣傳牌，最後選左$44三文魚沙律，問左店員飲品只可以+$7 加購，最後埋單要$51，係無折既（可能沙律無做優惠？）。包裝係唔錯，要撕開側邊條膠條先可以打開，完全做到防漏功能。小妹係研究左一陣先開到。睇番個樣，三文魚睇落都ok，味道無腥，香草味道適中，份量就一大一小兩塊。掀開睇下d菜，普通生菜、青瓜、少少粟米，係個檸檬汁味道幾吸引，一倒出黎就有陣清香，食落會有少少忘記左d菜唔多靚既事實。總結係味道可以，份量好少，女士黎講左食完都唔多夠，絕對只可當一個前菜$44一個沙律，只係外賣唔係有咩service，份量再多番少少會吸引d，番工但求飽肚既話，或者試差唔多價錢既意粉就比較適合。因為外賣lunch box唔可以同餐廳比較，所以小妹完全當係試下。咁~試完左啦~…查看更多

其實當日一d都唔悠閒，行色沖沖只想食個急飯，拎飛之前好猶豫，會唔會同另一分店一樣咁慢悠悠（指等位），結果幾分鐘就有位。Lunch set包一個湯，主菜，飲品。蘑菇湯味道唔錯，亦唔算特別。明太子蝦意粉，本身鐘意食偏辣既明太子，所以食落幾開胃。魚子同櫻花蝦都幾配合，日式魚片既出現就笑左，換多隻蝦感覺會比較好。英式檸檬茶，茶包黎。實在無咩時間亨受咖啡，今日就飲住先，下次再試其他。埋單$120，唔可以話好特別，但係尖沙咀算抵食，要一個人又坐得舒服更難得。搵日會再黎，希望到時可以慢慢享受食物同氣氛。店員好有禮貌。…查看更多

話明係全餐，當然係每樣菜式都係有牛油果啦！依間黎自英國既Avobar好出名食牛油果，所以專登早d到拎位，但因為疫情需要探熱先可入座，最後都要人齊先入得。星期日好多人排隊，又要等埋朋友，pass左一張台後以為仲要等，原來安排入座個staff一早幫我地留左位。首先講下個 Starter，有我好like既Avocado Guacamole。香脆玉米片配牛油果醬，微酸中帶辣，非常開胃。一般Guacamole都有加入蕃茄洋蔥，依個係無既，唔緊要，一樣正，食到唔停口。Egg Benedict 賣相精緻，小妹唔食蛋，無法評價味道，齋食toast同煙肉就有d淡口。證明蛋汁對依道菜式黎講有幾重要。Orange Salmon作為一個主菜，份量比我預期中多，表面煎得香脆，有些少腥但可接受，配酸甜醬汁味道尚可，反而配菜既牛油果青瓜沙律很吸引，fresh得黎帶辣，建議撈埋salmon一齊食。黎得食superfood，當然要叫番個Superfood salad。第一次食羽衣甘藍，原來係無味既，所以一定要撈起佢，連埋牛油果、藜麥、豆腐、甘筍絲食。只有一個感覺，就係非常清新，突然覺得成個人健康左（咩事）。最後值得一讚既，所有staff都好nice，仲問我地味道點，叫我地寫下食評咁，於是小妹就好唔專業咁寫左啦！另外有d唔方便，係只收cash同電子貨幣。另另外，食完一餐好飽，但原來無咩熱野落肚，好凍囉大家擔心胃寒的話，點菜時留意下啦！…查看更多

抗疫期間習慣左唔出街食飯，但又想慶祝母親節，唯有叫外賣啦!之前試過午餐味道唔錯，但一人餐款式少好難試曬咁多款，今次終於可以試多幾款一家人共享。總共叫左2個set，1個2-3人set，一個1人晚餐。面包:哄得非常香脆，餐廳仲俾左橄欖油黑醋，食極都唔夠。叫開1人餐都有，仲以為每個餐一份，結果唔係! 一家人剛剛夠分。2-3人餐：前菜-精選冷切盤家人鐘意食Parma ham，指名要order，食落入口甘香，香腸則比較淡，唔太識分芝士，但得一款啱家人口味。主菜1-牛面頰扁寬面手工面好香蛋味，唔會好似其他咁硬，牛面頰只算係肉碎，分量少左d，都幾好味，清曬。主菜2-大蝦墨汁結他面未打開已經飄黎海鮮湯既濃郁香味，有少少辣，全家一致讚好，仲有墨汁面唔會食到成口都黑曬除左兩隻蝦，仲有唔少蝦肉。一人餐：前菜-紅菊苣沙律沙律菜新鮮，有果仁芝士，好簡單既沙律主菜-意式香腸貓耳面醬汁是辣的，都幾特別，只係貓耳面偏硬，香腸真係好少，有d 失望。甜品兩個餐各有一份Tiramisu以包裝黎講，環保包裝非常整齊乾淨，拿出黎唔會成手汁絕對重要!!味道係唔錯的，當然外賣係會唔夠熱，不過唔想成日唸住幾時要戴番個口罩，又想同屋企人慢慢享受天倫樂，係可以一試。最後係本人都鐘意收Pici 既postcard。好sweet。…查看更多

同兩位朋友組左團, 得閒扮下貴婦去High Tea XDD今站選左IFC St Betty, 估唔到咁多人餐牌唔係好多選擇, 朋友又唔大食, 於是叫左個二人Set, 再加一杯飲品。三層High Tea Set, 最底層既咸點。三文治。 真係好細件, 最傳統既煙三文最好食, 牛油果火箭菜好奇怪, 芥末烤牛肉就ok, 莎莎醬朋友食左一半。小妹鐘意食旁邊小小圓圓個件, 好香芝士味。第二層係鬆餅, 配果醬、忌廉。果醬好像提子味, 不過鬆餅唔夠香, 一般般。第一層係各式甜品, 都係外國人口味, 偏甜。所以都唔一件件放上黎講啦, 馬卡龍就係綠茶味, 但係入面個醬係咸既........小妹鐘意飲紅茶, 所以叫左大吉嶺, 唔太識邊隻好, 於是選左第一隻朋友叫左朱古力, 話好味。…查看更多

又再去一次Habitu!!今次試左之前想試既菜式－－意大利雲吞！！露笋好綠好脆, 放得好有心思!! 一睇個賣相, 即刻有曬食慾 雖然汁唔多, 不過夠香, 掛係雲吞皮上, 真係好入味, 而且雲吞皮好軟, 以為入面芝士會好膩, 加埋菠菜又無喎!!味道一流!!最後依碟雲吞,連汁俾小妹清曬。仲要唔夠叫多杯咖啡!焦糖咖啡, 唔知係用焦糖當糖, 而係燒到香脆!!飲落好特別, 有種焦香, 但係唔係「燶」味, 而且咖啡香濃好飲。值得推薦。…查看更多

係大圍依個細小既地方, 想靜靜地飲杯咖啡, 其實都幾難。但終於俾我搵到依個綠洲, 放假時可以坐低, 飲下咖啡, 睇下書。焦糖咖啡, 好鐘意上面既笑臉, 不過就偏甜。真係偏甜, 感覺係焦糖落太多了。再黎一 碗三文魚碎飯。好有家庭feel, 唸起午夜食堂。哈哈。不過好似其他食友咁講, 款式簡單, 個價錢睇落的確貴左少少。:)最後等到三點, 先叫到依個出名既麥片梳乎厘, 但係就好失望。個賣相好靚, 只不過太甜!!! 而且入面唔均勻........總體黎講, 味道一般。只係大圍依個區, 想要個咁既環境舒服服服文藝下, 我唸我都會再黎。…查看更多

小妹係Habitu fans，但係好少去依間分店。依間分店環境唔錯，比常去的分店安靜好多。黎到Habitu一定會唸起佢主打既咖啡。 Cappuccino係最簡單既, 唔好飲就弊啦!!:) 而一上台就聞到咖啡香，泡沫飲到最後都仲未散開，奶味唔算太過，非常唔錯。不過就係個芝士雲昆……真係唔係故意比較，大家都可以去睇下小妹去另一分店既相，睇下兩邊賣相既分別。另外，雲吞皮好硬，有少少未夠熟，醬汁唔夠濃，掛唔到汁，最後小妹都食唔曬，剩左好多邊邊……睇到隔離台Full breakfast其實唔錯, 點解個雲吞會咁呢? …查看更多

同朋友2個人唔洗等位就入到去,侍應馬上拎面包籃黎。面包夠熱, 但唔係好合小妹既口味, 所以即刻開始點菜啦 同朋友都鐘意食芝士同煙肉, 完全唔洗考慮就叫左個拼盤,黎到見唔到cracker有d失望, 一般都好少有醬, 不過食落都ok。下次無cracker唔會再叫, 因為除非叫酒, 剩食芝士好膩。食左一半已經飽飽地。:)小食叫左雞翼, 有六隻,細細地, 味道好淡, 最後加檸檬汁先好少少,而且只算係暖, 我同朋友心唸:唔通係冷盤?依個炸芝士意大利飯係素食, 幾特別, 切開係飯同芝士。味道香濃, 外脆內軟,不過一開始以為係流心芝士囉!!!原來唔係!哈哈哈!!!不過3個份量好多, 食左1個好飽!! 1個既SIZE有手握咁大。 …查看更多

因為鐘意食日西式, 所以行經黃埔就去試下依間聽聞唔錯既Kichen J。門面ok乾淨, 過左食飯時間, 無咩人唔洗等位。同一般日西式餐廳一樣, 叫個主菜加$$就可以轉set。我叫左個焗肉醬芝士長通粉, 跟既面包算香脆可口, 加芝士肉醬都算可以,不過通粉就唔得,太硬唔夠唸,而且芝士味道唔夠,肉醬太多太酸, 面頭個層既根本唔係芝士碎,而係面包碎!! 所以焗完非常硬!! 加$10跟既沙律同咖啡, 沙律無咩醬汁,菜都叫新鮮既。不過本人實在有個疑問: 雖然只係一般既菜,但係放入碗既時候係唔係應該都用心d,而唔係d菜亂七八糟,跌曬出黎呢? :(仲有杯咖啡.....只係一杯苦既水,全無咖啡味,飲左幾啖就唔洗再飲。最後加既抹茶紅豆新地,餐牌圖如下:最後出黎係咁:見到個樣,我同朋友都忍唔住想笑, 問依舊係咩黎??不過新地總算係交黎再組合,當然唔好唸住水果好新鮮啦,但係味道已經算唔錯。總之一句講曬:「有圖有真相」啦....…查看更多

本人非常鐘情於抹茶, 所以慕名而來的。門面非常清爽, 貼左一D CAFE 既報導, 俾客人邊等位邊睇定有咩美食好介紹。因為試過等唔到位, 所以預早訂位, 最後都因為天氣問題, 坐唔到陽台。2個人坐係窗邊, 好耐無咁「疏扶」, 同朋友邊食邊睇下書, 又望下對面辦公大樓, 心裡有一種「好彩自己都未習慣營營役役既生活」既嘆息……咳,,,,離左題添....講番野食。叫左個有機豆腐漢堡, 好香濃既芝士, 豆腐份量好足,食完就好飽。不過點都係素食, 對我黎講淡口左D。 奄列入面有蕃茄仔同芝士, 附面包。好有心機做既菜式, 好美觀, 用料好足好新鮮, 由於以健康為前題, 對本人黎講淡味左D。HeHe 比起熟食, 甜品方面就真係要豎起姆指。依個蘋果批有鬆脆既外皮, 叉開之後, 蘋果香就散發出黎, 入口軟滑, 又保持到蘋果既爽甜! 再黎一個抹茶心太軟, 頓時覺得自己無黎錯, 好香既抹茶清香呀! 唔會太甜, 因為即時整, 所以夠熱, 流心就足料, 雖然等到最後先黎, 朋友同我都非常滿意。最後為左圓滿, 叫左杯matcha soul。由豆奶同抹茶沖成, 裡面混有桂花, 飲落都幾特別, 無唸過抹茶都可以跳開紅豆, 同其他食材做配搭。 睇黎以後飲抹茶, 都唔洗一定下下「宇治金時」。…查看更多

聽BIGPACK 依個名就知道同旅行有關, 店裡面果然有賣爬山用既大背包, 同埋其他用品, 不過各位食客大抵都係為食野而黎, 無咩人上前睇貨講番正題, 同朋友3個人預先訂左位,不過因為唔滿客,所以都係隨便坐。可能係外國人開既餐廳, 部份侍應講英文, 中文識聽少少咁, 不過都好有禮貌。係似係經理既介紹之下, 我地叫左個芝士火鍋香腸套餐。朋友好鐘意食香腸, 話香腸都唔錯, 有唔同口味, 白色個隻淡味少少, 雞肉腸就偏咸。個人最鐘意芝士既濃度, 唔似X粉X個D, 好似忌廉湯咁, 起碼都有芝士香味, 不過可能用既芝士唔合本人口味, 覺得略酸, 但依然合格。:)芝士西蘭花,正!! 不過試唔到下面食友講既"芝士焦", 好似個爐唔係咁夠熱。侍應推介既咸豬手, 肥中帶瘦, 好好味, 唔會得層厚皮, 肉又嫩又滑。依個豬手餐係跟一杯啤酒, 飲唔曬唔緊要, 可以叫侍應俾多個杯, 自己分裝。啤酒泡沫充足,飲到一半仲有保持到, 味道係比一般啤酒淡,但勝左麥味香。我地仲叫左個煙三文魚薯餅, 依個好好味,要三文魚同薯餅一齊放入口, 先會有種軟滑中帶爽既感覺,因為薯餅既薯仔係條狀, 咬落去有口感, 唔會一舊粉咁。:) 而且薯仔又可以中和煙三文魚既咸味, 食得無停口, 不過要提大家, 依個菜算前菜, 但係3個人分就會好飽。甜品係蘋果批+香草雪糕, 配藍莓醬。同樣要3樣一齊食先食到真味。正!蘋果批熱辣辣,配上 雪糕既冰涼, 係好飽既情況下,竟然好快就清曬見底。…查看更多

依間COCO過7點都要等位, 所以今日6:30就衝入去,剛剛好仲有個卡位。我覺得佢地有一點幾好, 就係可以坐4個人既卡位, 你2位佢都會安排你入坐, 仲唔會催促你埋單。好,講番食物先。依到賣既係咖哩飯,所以同朋友都點左咖哩, 佢有套餐,所以同朋友加左3樣, 湯、飲品同甜品。首先黎既係洋蔥湯, 都OK, 好有洋蔥味, 只係咸左少少。:)我叫左個忌廉雞肉奄列飯。 已經唔係第一次食, 次次都幾乎點依個。最初以為忌廉汁加咖哩會好奇怪,點知又唔錯喎, 本人唔太鐘意食太辣,有個忌廉中和番, 又幾得意, 多左少少奶味咁, 所以之後都食左好多次。不過, 奄列飯只能夠選唔辣、少辣, 無得大辣。朋友叫左個炸雞咖哩飯。 咖哩飯有得選飯量同辣度, 女性朋友選左3度辣, 話都幾辣下咁, 雞肉有DD少, 不過就好食。每台都有一小瓶漬物, 本人鐘意食, 覺得似瓜類, 脆脆地甜甜地, 同咖哩一齊食都幾合拍。奶茶,用LITON既Yellow Label 茶包, 依隻茶包出名淡, 所以加奶後茶色見上圖, 淡而無味。最後既甜品係雪糕, 士多啤梨同曲奇, 好creamy, 曲奇好香, 食完一杯唔夠想再食多杯。…查看更多

朋友生日,一早預約左張8位台,第一次唔洗等位就入得去。以Applegreen黎講, 旺角依間分店既環境算唔錯,起碼唔會太逼,又唔會太噪,仲有大方台夠我地8個人坐,哈哈。人未到齊,我地先叫左個全份既棒棒雞沙律,無錯!係全份!份量真係嚇親,不過好彩8個人分。 材料十足, 菜好新鮮,就係雞絲比較少,同無咩汁,撈起上黎幾辛苦,但係味道唔錯。再加上個香蕉核桃面包,實在好配合,好好味,一個人食一件都唔夠。提下大家,依份香蕉面包一定要開口叫先有,唔係就唔跟。小食叫左炸珍寶蘑菇配黑松露醬。好唔好食,我地成班朋友份左兩批,好食既就覺得佢好鬆脆, 配合醬料好香, 食到唔停口, 就算食到尾凍左都一樣好食, 再加上份量足,真係裝到鐵罐底;而另一派就覺得好油, 食完喉嚨唔舒服,一件就唔敢再食。本人最鐘意個醬料, 將蘑菇切小份, 沾厚厚醬汁, 再送入口。香辣柚子雞翼, 無柚子味, 少少辣,少少甜 普普通通,無特別。Cabonara 正正常常,不過附送一片蒜蓉包,非常香脆可口。香腸拼盤無咩驚喜, 唔覺得有煎過,似水煮。:(香腸有3款,有一隻香辣腸,辣到好難入口,豬肉腸就覺得好油膩,另一隻好普通既雞肉腸咁。至於炸薯皮就不過不失,唔似炸過唔脆,而且唔夠熱。主菜叫左巴馬火腿蜜瓜Pizza, 巴馬火腿同蜜瓜係絕配,不過兩樣野都太薄,而且唔平均,所以整個Pizza顯得味道太淡。建議多D巴馬火腿, 但係皮就好脆,鐘意食方形既Pizza。最後我地叫左個甜哈拼盤。新拼盤無以前咁靚, 焦糖布丁太甜, Apple crumble 唔錯,好香好清甜, 至於杏仁曲奇,朋友都唔多鐘意杏仁味,所以俾左好低分。另外仲叫左個三文魚扒,但係唔係咁好食,有少少腥。…查看更多

難得10點去到又一城，打算坐低食個豐富早餐。Cafe Habitu對我黎講一d都唔陌生，不過通常都11點半先開門，好少見到咁早開，於是好開心咁入左去。講起依間餐廳，因為有兩種，一種係有侍應招呼，一種係自助購買食品，所以話招呼野食好唔好，真係好講地區，而又一城依間真係第一次去。環境方面，雖然鋪位細細，坐位安排都算闊落。朝早客人唔多，侍應好自然咁安排客人隔開坐，唔洗聽到隔離台講野。:)我一個人入去,侍應叫我隨便坐。:)時間太早，只有早餐Menu，最後決定選左$88的Full Breakfast，飲品叫左Coffee Misto.咖啡先上，夠熱，Misto味道本身就比較淡,杯面既泡沫,飲到最後都仲有。最後上個早餐，本人玩緊手機，個侍應服務唔錯，幫我搬開杯咖啡，輕輕咁放低個早餐。早餐內容有：厚多士：同配牛油、果醬，幾好，自由選擇，兩種一齊食都得豬肉腸：兩條，好食，不過有少少膩小蕃茄：唔係生既，好甜，好新鮮茄汁豆：無咩特別炒蛋：好嫩，又無覺得生炒雜菌：有本人鐘意食既冬菇…查看更多