GIGI WONG的個人專頁

Iced match Espresso latte $48抹茶牛奶咖啡 分三層 好有層次 唔太甜 好味Matcha milk ice-cream $68Croffle 外脆內軟 加埋牛奶雪糕 抹茶雪糕 最初以為會唔會淋晒 但又唔會呀 我係比呢個甜品吸引左黎架 牛角包同窩夫都試得多 crossover都係第一次 有驚喜心太軟 $42流心就一定架啦 朱古力味重 但係細份左d 可能我太鐘意心太軟 唔夠喉Latte float brown sugar ice-cream $52用沖繩黑糖沖咖啡加埋雪糕 一樣咁好味 咖啡本身唔甜 加左個雪糕岩岩好 …查看更多

脆炸香雞芝士漢堡份量夠勁 塊炸雞雖然唔算厚 但係大塊過個包差唔多一倍 外賣返去食 8分鐘路程 但都保持到咁脆 不錯 蕃茄生菜令個包無咁滯 最鐘意佢仲有菠蘿 酸酸甜甜好開胃 他他汁足夠 真係好足料 女仔黎講一囗都夠唔到個包 好誇張薯條係粗薯條 返到去都仲係熱辣辣 佢仲有好多口味既醬汁任揀 我就揀左松露味 不過我都係覺得薯條要配茄汁先叫絕配加$3飲品轉桂花茶 由於個餐真係好大份 轉個茶唔洗汽水都幾好 當然有能力飲汽水最好啦總體黎講絕對係抵食 我期待佢快d有堂食 我可以去多d …查看更多

今日老公生日 三大一小叫左兩個$1380 餐 一個$1980嘅餐 首先前菜來個雞肉沙律 雞肉醃熟咗好彈牙 幾清新 日本生蠔幾大隻 爽口 吞拿魚刺身 鰈魚刺身同火炙鰈魚邊 火炙完既鯛魚好香 d油脂出哂黎酥炸金鯛金黃色 脆口好食日本銀雪魚 廚師煎到好脆口 表面金黃色 內裹好滑口 個魚皮烘到脆卜卜 用咗好多心機 底部用咗什菌汁 但係我覺得就咁食已經好好食 個汁伴碟可以喇煎鮑魚（北海道） 鮑魚本身好新鮮 有一次佢仲走出左個盤 食嘅時候好嫩滑 唔會韌 廚師話呢一隻鮑魚係食海草大 所以佢口感一流印尼蝦大隻又爽口 每一道菜 廚師都整得好靚 放上可食用嘅花 令人賞心悅目和牛多士 和牛雖然炸咗個面 但係唔洗用力都咬得開 好好食龍蝦（西澳) 可能放耐左d 好似唔太新鮮 不過個醬汁用咗海膽龍蝦膏煮 所以醬汁好好味熊本和牛 因為好飽所以叫廚師煎耐少少 等啲油出多啲唔好太膩 好味煎鵝肝入口即溶 金箔顯得好矜貴海鮮湯隻蜆好大隻唔會韌 仲有好香舞茸味訂檯時remark左生日 有個蛋糕仔可以影相本身仲有個炒飯 但係真係太飽喇 所以走飯因為個小朋友呢樣唔食嗰樣唔食 廚師都好細心 問佢想食啲乜盡量滿足 結果整咗個天婦羅 又問佢食唔食雪糕 廚師真係好人 呢個餐份量真係好多 細食既可以考慮午餐…查看更多

餐廳有室內同室外 以白色為主 環境舒服 夏熱天時叫左杯藍蝶花西柚熱情果梳打水 同菠蘿青檸梳打水 真係透心涼 All day breakfast 就揀左吉士包 另加$15食班尼迪蛋 真係好好食呀 隻蛋一降落睇得出好流心 震騰騰咁 一切落去蛋黃流晒出黎 好正 炸素魚同薯寶都炸得好脆 跟左個炒野菇 特別d既仲有菠菜餅 跟餐轉特飲都係$10 都幾抵 …查看更多

煙肉溫泉蛋忌廉意粉-隻蛋黃超黃 又大隻 又流心 好治癒呀 望落細細碟 都幾足料 忌廉汁好夠 真係好好味Espresso tonic - 底層tonic 面係espresso 層次分明 咖啡味香濃 帶d酸 好特別Single origic chocolate - 好濃厚既朱古力沈底 好滑口 如果鐘意朱古力迷一定要試Dirty tiramisu-呢個甜品係我特別推介 賣相討好 甜度適中 蛋糕好滑口 d朱古力咖啡味 湧晒出黎 每次黎都必叫 今次叫既野太重手 溜左dd 不過整體係好食既 之後會繼續幫襯…查看更多

呢間cafe係元朗黎緊 性價比都算高既一間 因為佢既大all day真係好大 今次揾多兩個朋友仔一齊殲滅佢🤭早上唔算太肚餓 三個人叫左大 all day 每人一杯飲品大 all day $118其實呃like黎講絕對係首選 腸仔有三款 一大兩小 腸仔煎得岩岩好 一d都唔乾 皮脆肉嫩炒蛋幾滑 份量合理 煙三文魚兩塊同茄汁豆正常野 all day必備 牛油果半個 🤭時令牛油果 唔硬又唔過熟 岩岩好 沙律菜有埋煎蕃茄同洋蔥 份量取勝炸薯角好脆 味道唔會太咸 仲有主角牛角包 焗到個面好脆 內裡好鬆軟 都幾大個 我認為牛角包係呢個all day最好食既野 另外我地叫左breakfast tea 佢無比奶我地 之後補返mocha唔太甜 latte仲加左$4 hazelnut 好好味🤤 另外每一杯飲品跟好味蝴蝶酥一個 整體黎講呢個餐雖然唔花巧 但方死你食唔飽咁 好大份 顏色又豐富 打卡影相一流 唯獨是出餐時間有小小耐 可能10am岩岩開鋪無耐 我等左食物20mins以上 如果返工lunch食就好趕…查看更多

今日下午茶時段 比佢出面餐牌d相吸引左 八層高士多啤梨pancake整得好靚 所以決定入黎試下座位寬敞好舒適 可能下午茶時段 餐廳唔算多人 套餐兩個人$160 除咗pancake 仲有炸薯條跟芝士醬 兩杯飲品 pan cake都整得幾靚 如果可以再鬆軟啲就仲好 size細細塊 所以八塊叠起賣相好得意 薯條係粗薯條 炸得好脆 熱辣辣送到 除左芝士醬之外 我仲叫埋茄汁 其實兜薯條都幾大兜 鍾意點醬汁嘅我 一兜芝士醬又點會夠？另外叫埋一杯 熱齋啡 凍檸茶 飲品算係正常嘢啦 如果兩個人坐低飲杯嘢吹下水 其實都係唔錯嘅選擇…查看更多

好值得介紹既火鍋店，食左好多野，無論熟食定火鍋配料都一流！一黎到就叫咗個極品招牌鍋底（ 海參火腿花膠海螺片）-個湯底清清地唔錯招牌四色丸- 墨魚蝦鯪魚豬肉 餐牌上有好多丸選擇 有選擇恐懼症嘅我哋當然嗌四寶最穩陣嘩鬼蝦條- 油炸鬼釀海蝦滑 油炸鬼脆卜卜 浸落個湯底度一流 索曬味漢堡芝士丸- 賣相討好 小心爆漿棒棒三滑-好似係墨魚滑 鯪魚滑 豬肉滑 唔好意思 因為太飽食唔曬 唔太肯定水上飄飄- 墨魚滑釀魚肚 上面好多蟹子 魚滑彈牙 粒粒都好大粒生蠔 好大隻脹卜卜 好夠喉自製四寶餃- 一次過滿足曬四個願望真係好 炸蠔 炸得好脆 好好味 仲有埋沙律醬手切本地肥牛- 唔韌 好好食 夠淋 唔會有筋 而且都幾大碟 拖一拖水 超正午餐肉上枱嘅時候 我哋話最鐘意食午餐肉 職員問我哋點解唔叫炸？我哋先發現原來加$可以炸 無理加幾多 照炸 結果職員幫我哋攞入去再炸 好細心 呢間火鍋店好多拼盤 叫左十幾碟 六個女仔食 九支啤酒 每人$450 大滿足 其實餐牌上面仲有好多次刺身 熟食 小菜 海鮮等 選擇好多 一間好全面嘅火鍋店 下次一定要再去…查看更多

今日去試新店，估唔到閒日都要book位，又真係幾爆場喎！店仔細細，都幾企理， 新開張期間七折，幾吸引！特選牛肉盛 $438 有牛肩牛腹肉眼同燒汁牛肉，我最鍾意嘅係肉眼， 有厚度，好濃嘅牛肉味牛舌三點盛$218 牛舌根 薄切牛舌 中落牛舌 ，牛舌芯好食，雖然寫係薄切，但都有一定厚度小食叫咗炸雞軟骨$38，份量好足夠，有提供檸檬同沙律醬北海道唐揚魷魚嘴$48都有跟沙律醬，好軟身唔會韌食燒牛牛當然要叫蟹子沙律$65！ 好大兜呀！自家制韓國泡菜$38,份量取勝，如果爽囗d酸d仲正飲品方面叫咗巨峰梳打 荔枝梳打 冰茶， 都係$38左右,價格合理總括嚟講七折係抵食， 可以再嚟多幾次 ！如果正價就叫做合理價錢…查看更多

今次四人同行試下呢間高級印度菜，門囗個裝修好靚呀！呢條街我試過三間印度菜，三間裝修都各有特色，好鍾意花碟，連埋銅色既餐具，燈黃色既餐巾，好濃厚嘅印度色彩小食，佢搭個薄荷醬汁食，清清地又脆口，幾好味😋Raj kachori, 上面有咁多醬，以為個味道會好濃，但咬落又唔濃喎，好似個炸薯波，裏面有薯蓉、香料，面頭滲上神石榴，旁邊放塊蝴蝶花瓣，造型好靚左邊係Masala coke，咸咸地既可樂，感覺好特別中間係signature飲品chutney's iced tea,有清香既桃味，容易入口，好味右邊係mango lassi，芒果奶昔，好滑，唔甜， 仲有塊花瓣喺上面點綴下Butter chicken唔辣，個汁比較'杰' 身, 雞肉嫩滑當然要配返garlic naan啦～好軟熟， 新鮮出爐冇得輸Tandoori seabass, 條魚燒得好靚🐟，d肉好鮮， 旁邊放咗啲洋蔥連埋醬汁，值得一試，火喉控制得岩岩好， 所以條魚都好滑Achari beef short ribs 煮得好淋， 唔會'鞋'，好重牛味🐂，個汁稀少少，同頭先butter chicken成對比，中間既辣椒超辣🥵一個naan bread又點夠喉？再加多個butter naan，一樣整得咁好味總括嚟講廚師真係好叻，所有食物煮到啱啱好唔會過咗火，每樣食物都色香味俱全，但係印度菜嚟講呢個價錢都有少少貴，高級既印度菜👍…查看更多

行過門口比個名-脆弱雞腿包吸引左😂就決定揀呢間餐廳試下呢間餐廳除咗有漢堡包🍟之外，仲有其他意粉🍝飯類🍚可以選擇不過既然今日睇中咗個脆弱雞腿包，當然要連埋薯條汽水啦脆弱雞腿包🍔雞肉嫩滑，d汁啱啱好，唔會太多，最緊要個包都放置得好整齊，d 餡唔會歪嚟歪斜將軍噢堡個漢堡好似肉餅咁滑，可能粉多過肉，不過又幾岩我囗味❤️，平日出面啲快餐店漢堡包塊漢堡通常都好咸，呢度無呢個問題至於薯條係波浪紋🍟，炸得都幾脆加埋店舖d 壁畫就覺得好開心， 當然要同啲畫影番幾張相啦😂上校食雞食到好大隻喎勿當奴oppa…查看更多

呢間食店開咗幾個月 今日第一次食 店舖唔算大 位唔多 閒日夜晚唔使等位 一入到去 餐廳怖置似d懷舊日本小店 日式poster 樽裝可口可樂 小量裝飾品 簡簡單單 侍應先問係咪第一次嚟 再問需唔需要要介紹食物 佢話比較受歡迎嘅有北海道特濃蟹膏意粉同牛肉漢堡包 今日唔係好肚餓 結果我揀咗意粉同胡麻雞扒沙律 跟咗兩個蘑菇忌廉湯 又幾好味喎 磨菇味好濃 比想像中好 意粉會跟多個小沙律 不過得粟米同菜 如果加埋蕃茄賣相會再靚啲 雞扒沙律個雞扒煎得啱啱好 主角係蟹膏意粉 蟹肉都算多 d汁夠多又好味 另外加個冷萃泡茶 同凍齋啡 晚餐嚟講每人九十蚊都算可以接受 而且份量都好夠 可以再encore…查看更多

今日喺yoho食咗間唔錯嘅西餐😋 呢間西餐已經係第三次食 可能未畀人發掘到 所以排隊唔多人 呢度最出名嘅係牛肉🐂 今次叫咗個五成熟嘅特濃腰板牛 我哋要求五成熟 廚師煮得岩岩好 塊牛肉無根好好食🤤 牛味都好重 另外叫咗個（小肥薯條）- 個餐牌係咁寫㗎 我都希望食咗只係小肥😬 $55都幾大兜 同埋炸得好脆 叫咗個三色芝士 $128都幾好食 又多 好夠喉 重點推介 酥炸五花腩 一款幾特別嘅菜式 個皮炸得好脆 啲肉都好嫩 送返杯啤酒 $68都唔貴🍺正 ～再來個簡單嘅小老闆沙律 今餐真係好滿足👍…查看更多

次次經過都見到咁多人排隊,閒日終於可以少啲人，試到佢喇！朱古力奶昔好足料，不過一個人飲有啲漏，好彩老公幫口飲，始終都係朱古力所以都比較甜，不過係好好飲嘅。另外叫咗個海鮮沙律，有蝦、帶子、三文魚同蟹子，蟹子好爽口，咬落去卜卜聲，三文魚帶子都算多。咖哩吉列豬扒蛋包飯，咖哩汁夠多，豬扒 小肥，有啲豬筋幾好味， 蛋包飯裏面嘅飯係咖喱炒飯， 連埋出面啲咖哩汁，雙重享受。士多啤梨梳乎厘係呢間鋪頭嘅招牌甜品，要下午茶嘅時間先可以試到，賣相吸引，呃like好幫手，的確好食，梳乎厘軟綿綿。今次揀呢間餐廳係因為有海港城coupon， 食咗六百幾蚊減番300蚊，幾抵食，但係如果冇coupon就覺得比較貴。…查看更多

今日第二次黎茶聊食lunch， 因為真係好掛住佢嘅髒髒黑糖珍珠鮮奶 ❤️因為佢係用奶做底， 整體黎講唔會好甜，得珍珠有小小甜，好鍾意，留意返跟餐加17蚊可以轉，價錢合理。另外叫咗個好似用辣油炒既豬頸肉意粉餐，辣辣地，好醒胃， 但因為用左辣油，所以有小小油膩，不過係好味嘅。再叫咗個肉醬漢堡包餐，薯條炸得好味，上到枱都仲係熱辣辣，個包嘅肉醬味好出，之前試過牛肉漢堡，但係呢個肉醬味d肉味出好多。整體嚟講，賣相吸引，食物好味，lunch意粉餐$88， 漢堡包餐$148,轉餐加$2x幾蚊，有湯有飲品，旺角黎講都幾值得，令人有深刻印象，下次可以再試其他食物。…查看更多