為食小隊NaNa's Profile

睇戲日~~期待已久既一套戲，今日終於有假去睇^^睇戲前，梗係要醫醫肚先"小隊決定係戲院附近搵間特色餐廳試試~經過雷拉面既門口，俾門口既menu吸引，拉面有4款，有一款中左小隊胃口"結果我地揀左呢間拉面店試一試~~店內，大概有20人位置，裝飾簡潔，色彩繽紛，其中有一部分裝修有條大麻繩，背景用鐵片做底~近似豚王既裝修，小隊以為係同一集團既分店~裝潢有專業拉面店既風範，但味道絕對有待改進!!!一共叫左2樣主食，吉列豬扒蛋包飯&一個黑色拉面(我唔記得左叫咩名)先講下個蛋包飯，我最欣賞件厚豬扒，外層炸漿唔會厚，肉質嫩~岩岩好"不過蛋包飯就稱唔上好食，飯好乾，加左d海鮮一齊炒~唔加好過加，仲完全冇味....失望 到我最鐘意既拉面環節，3個字"好 難 食!!"呢個拉面，得個色，0味道，上面有d蟹拆肉，其實真係唔知食緊咩...冇味既面，加埋有蟹殼既蟹肉。真心冇誇張，我食左2啖就放棄左~~咁唔好味，點解唔改良個配方先推出市場??補反張環境相，我覺得裝修得好精美，但色.香.味.同樣重要，店家好好做好味道方面，另外我欣賞呢度有勤快既員工~為呢頓晚飯挽回一d分數"價格唔貴，唯食物參差，有待改善。…Read More

對於甜品，真係好難抗拒T^T近排反工好鬼忙，所以獎勵下自己，一d都唔過份呢間嚐糖，開張食到宜家，d水準都仲keep到，真係唔錯"平時我會自己揀佢個車仔甜品，不過今日男朋友話要試下其他，所以揀左榴槤野~男友食"榴槤雪蛤因為本人麻麻地食雪蛤，雖然個雪蛤應該係用其他野扮，但味道唔差~個汁底幾清，加埋最愛的榴槤肉，good!~我食"榴槤王子本身我就係榴槤既粉絲，呢個榴槤王子都唔錯，入面有榴槤肉，小丸子，粒粒蒟蒻，仲有黑糯米，簡直一次過滿足我3個願望不過可惜汁太少，乾憎憎。。。所以我問個待應拎多碟汁，先岩岩好咋><不過整體，有晒我歡喜元素，正!!~王子2個人食2樣，甜品都唔錯，滿足到我個胃，不過服務就差左d~可能店小妹太年輕，定趕收工?掛住同廚房既同事傾計，出單就飛張單落枱，黑口黑面。。。食野，除左質素，服務都相當重要，希望店主好好留意下服務質素，等客人食得開心，自然回頭率都會高啦~順帶一提，我好鍾意佢既裝修，整到好似個班房咁，每次去親都好有反小學果陣既感覺，我一定會繼續幫襯呢間小店，水準ok，又開到3點，岩晒我呢d夜班一族~~旺角有呢間甜品店，真係有褔，好好繼續加油!!期待有新產品…Read More

次次去沙田食完飯都會想黎呢間Tony Wong一試~不過會成日唔記得。。。又或者排長隊搞到冇得食，掃興~~~今次慶幸可以一試入到去職員就遞menu俾我地~我最想試既野，竟然賣晒。。我地3個人，一人叫一樣野~分別係chocolate lover,iced nougatine parfait,chocolate molten cake~順帶一提，可能臨收工啦~d staff 完全唔想理我地，要自己行黎行去點野。好似唔想做我地生意咁-.-"Chocolate molten cake呢個正，個心太軟好似有少少秦子味，不過個皮如果可以脆反少少就好喇~佢仲有杯車厘子湯飲，不過唔好飲。。我最欣賞佢個雪糕上面的菠蘿garish,有心意做到細緻~正!Iced nougatine parfait好奇怪既甜品，可能唔岩香港人口味啦~主角牛耳餅味道唔錯，不過白色的部份就味道有d奇怪，不過第一次試下就算了~至於本人好鍾意食生果，所以其他生果，俾我食晒Chocolate lover一個唔錯既選擇，個蛋糕包括左4款唔同做法的朱古力~個馬卡龍，好好味~唔太甜，脆脆地。另外有邊朱古力mosse ,都唔錯。仲有個朱古力啫喱，煙煙韌韌，好特別~正!最底有朱古力蛋糕，可惜我地食左好多關於朱古力既野，所以濟濟地。。。整體都唔差，係價錢貴左少少~同埋建議下，服務員應該出黎睇下客人有咩需要。。。…Read More

為食小隊"之消夜情報~~滿堂紅雞煲放題"""""前菜任食(前菜唔錯)，*個蒜泥白肉"正&個酸齋"正正~~有8款煲底揀(麻辣雞煲/酸菜魚/啤酒鴨煲/椰汁雞煲.....)，*一次食過清椰子雞煲湯"麻麻~~*今次食麻辣雞煲"唔錯~~火鍋料任食(料就麻麻地)，*其實都算差，期待改善，不過都有肥牛食。任飲各式飲品(大概有10款左右可以揀)，*應有盡有最後仲有雪糕任食(雀巢，3款味道)~~~~~*紅豆，雲尼那，芝麻食晒都係$128就可以拍下屁股走人"重點係任你坐~~收4點~~~~服務態度好好~d位都坐得好舒服~(3星"中等)都算係一個消夜新浦點，如果d火鍋料品質好d，咁一定有4星半!!…Read More

10個人的飯後甜品+吹水夜~之前食過，覺得佢唔錯所以叫班朋友仔一齊黎食 一去到就見到個場爆爆地，以為要轉場，不過待應好快就安排左間房俾我地~(ya"有得食!) 10個人叫左唔同野黎食~各有千秋，不過我最推介係芒果千層班戟!!!! 但係我地成班有一致觀點，就係服務態度差!!俾錢睇面色…好唔ok，仲有唔夠主動!!下下都要叫人入黎…間房好焗，又要自己行出去叫人開(入到黎個樣又不滿)，開左又較到冷氣16度…特登嗎？冬天較16度。。。真係冇問題???…Read More