Dadalyk的个人专页

無得周圍飛，唯有香港四處搵嘢食，今次就到少嚟嘅大角咀食嘢。由於Book 咗位所以唔駛等，直接就入得去。環境幾趣致，係機場主題餐廳，我覺得帶小朋友嚟佢地應該會幾鐘意。我地揀咗商務艙晚餐，係2人套餐。有6道菜配茶或咖啡。包括：小食：西班牙蒜片蝦: 蒜片蝦食落香脆鮮甜，好香口。沙律：凱撒沙律 配煙三文魚，沙律菜都好新鮮，分量幾多，調味適中。黑松露野菌忌廉湯：湯飲落香滑，我好少會飲晒啲湯，但呢碗就飲晒，味道唔錯。燒美國牛小扒：牛扒雖然係容易整嘅嘢，但整得好食都好難，重點係火候。我地都覺得口感啱啱好。幾嫩滑。燒虎蝦龍蝦汁意大利粉：意粉掛汁，蝦燒得啱啱好，香口得嚟幾鮮美。…查看更多

今日相約朋友在EMAX見，因為德福果啲餐廳差唔多都食過，所以想行遠啲，去試下EMAX嘅嘢食。橫掂都有穿梭巴士，仲要少人搭，其實仲方便過去megabox。烤鴨蜜桃橙柳沙律：發揮了沙律清新開胃的作用，酸酸甜甜嘅滋味。香煎焗蘇梅醬豬肉眼扒:蘇梅醬即係點燒鵝果啲，我一直都覺得蘇梅醬配咩都好食。豬扒肉質鬆軟配上醬汁好惹味。牛肉煎蛋芝士漢堡配薯條：burger好食，麵包烘得幾好，牛肉配上煎蛋令到牛肉更加Juicy。味道都唔錯。發覺佢地擺盤都好色彩繽紛，營造出東南亞的氛圍，感覺好舒服。…查看更多

難得週末有2日假，梗係用來hea啦，懶懶的攤在家，星期日訓到中午先起來，一時間都唔知食乜好，但係又好肚餓。梳洗完畢就同埋阿媽即刻落街去搵嘢食。一向都有食名昇館， 因為近屋企同埋佢嘅營業時間好長，早餐、午餐、晚餐都供應，所以食快餐一定會諗起佢。加上佢嘅價格都合理，質素又唔錯，份量又足，所以我哋屋企都算係常客。今日我點咗蜜汁叉燒炒滑蛋飯，呢個飯餐份量算係幾多，滑蛋鋪滿飯面，半熟滑蛋用嚟撈飯一流，食晒成碗飯都無難度。叉燒都唔錯，唔會過乾過硬，加上一杯凍檸茶，即刻飽晒。…查看更多

去咗尖沙咀同朋友聽個course，聽完一輪完咗就要叫佢諗下食乜，得出結論就係打邊爐，佢話去過附近有一間係唔錯嘅，咁唔嘥時間即去啦。2個人都容易安排座位，好快已經有得坐。俾咗個卡位我地，好闊落唔會迫。啱晒我地可以慢慢傾計。點咗冬陰功湯底，味道好香，一開火滾兩滾已經聞到酸酸辣辣，即刻開胃晒。湯底本身已經有蝦喺入面，所以直接飲都已經有鮮味。點咗牛肉，我地2個都好鍾意食，牛肉唔會過肥，牛味濃，色澤顯示係新鮮貨。初初以為冬陰功配搭牛肉會好奇怪，但係原來味道係夾嘅，唔點醬料都已經食得。朋友係蟹迷，點咗2隻海蟹。2隻都有膏，加埋冬陰功湯底，鮮味十足。…查看更多

This restaurant is located in a commercial building and the entrance of the building can be missed very easily. Luckily I met up with my friend at the MTR station and walked together to the restaurant, otherwise I might need to circle the block a few times to find this place.We had the Pad Thai and Chicken Panang Curry. Pad Thai was very authentic and super flavorful. The chicken curry was very rich in flavor, the coconut milk matched the curry very well. It was tasty with lots of chicken in it. We had the Mango Sticky Rice for dessert and it was really good. The fresh mango was super sweet, the sticky rice was prepared nicely. I loved the chewy texture of it and the coconut cream was delicious. This dessert is one of the must try items.…查看更多

以前一大班兄弟聚會都會選擇係上品，不過而家大家返工又有女女陪，同兄弟出去嘅機會都少咗好多。今日難得大家又聚在一起，梗係老地方見啦！食過好多次，都無影過呢度啲環境。其實呢度環境都幾中國風，幾有FEEL。特別係啲燈，紅噹噹，幾喜慶。最適合就係一大班人打完波去食。我地都叫咗幾多嘢，又火鍋，又刺身。我地一致都覺得呢度啲食材好新鮮，刺身好鮮甜爽口，真係好正！鮑魚鮮甜又咬口，真係好想一個人食曬佢，不過我驚比人打，所以我要克制下我對鮑魚的喜愛。一邊打邊爐食刺身一邊高談闊論，真係好享受！我地都叫咗好幾款牛肉，牛肉拼盤有好幾款牛肉，包括頂級本地鮮肥牛，牛柳粒，雪花肥牛，安格斯肥牛，牛胸尖等。我地驚唔夠食，於是又叫多碟牛。費事大家食唔飽啦。我地都叫咗好多嘢食，佢呢度選擇都幾多下，不過我地就少叫蔬菜類的食物，因為覺得係出面食菜好唔抵，叫咗好多肉類，丸類。後尾掛住吹水和食嘢都無影到啦。普遍嚟講，嘢食分量都幾多，最重要係都好新鮮。環境又唔錯，又離地鐵站近。如果再聚，我唸我地都係會揀呢度。希望可以繼續保持質素。…查看更多