VictorVictoria的个人专页

今日放假同屋企人3個人黎呢度食點心放題......諗住點心應該都OK啦唔會差得去邊......點知中大伏!!!啲伊面凍嘅......燒賣蝦餃勁細粒......水餃一食就知係灣仔碼頭......咩炒蛋蛋角個啲仲衰過屋企工人煮......咕嚕肉酸到癲......比較落到口嘅係炸子雞同豉油齋腸粉......真係唐記都好食過佢完全係好似佢係入面訂啲公仔點心出黎就算數...千其唔好黎食點心放題啊!!!!!!!!!!…查看更多

長沙灣不嬲都出名多好野食今次就黎到肉肉強食個名得意之餘仲岩哂鍾意食肉既我哈哈餐廳上樓梯係閣樓，唔同地舖，都算寧靜同夠空間感首先講餐湯同餐飽，係好懷舊既味道好有細個食西餐既回憶羅宋湯同牛油麵飽當然係絕配地好味!茶餐廳式既凍奶茶同凍檸茶都做得相當不錯我地嗌左吉列豬柳，配黑椒汁，炸得好鬆軟，而且只係$20一份，勁抵食!而厚切豬扒就啖啖肉，配蒜蓉汁一流，好有豬味，食落十分之滿足!芝士漢堡飽都好好食，啖啖肉漢堡扒配埋雜菜茄汁非常之夾最後仲嗌左我最愛既羊架!!羊架質素好高，有肥有瘦，比例適中配埋洋蔥汁同薯條真係好好食!總括而言，食完肉肉強食感覺十分滿足從餐湯同餐飽到每款主菜都好好食，性價比極高! 推薦比各位食肉獸朋友!…查看更多

今次黎到大圍既大圍小館食晚餐係一間中菜館好近地鐵站，門口仲有好多燈籠吊住，吸引又好有氣氛入到門口都感覺到十分乾淨企理，枱同枱之間都唔逼，feel到係著重客人用餐質素同體驗既餐廳由於疫情關係，枱同枱之間仲有由天花板吊到落腳既長膠幕隔住，非常有心機，比到我地對餐廳衞生既信心餐前小食有合桃同麻辣雲耳，我個人唔食合桃但係雲耳就比我清哂，辣辣地好開胃 ☺️我地兩個人嗌左四個餸:大孖豉油雞半隻 - 超好味! 雞肉超級嫩口，經理話係無激素既雞，食落同平時既豉油雞的確有所不同，豉油都好有香味，絕對係我食過最好食既豉油雞 😍腐乳炒蝦球配西蘭花 - 有新意既配搭! 第一次試腐乳夾西蘭花，味道夠特別又新鮮，蝦球大大粒，同腐乳同西蘭花當然都夾，有驚喜 😄心多多大魚塊 - 呢個係我覺得最好食既菜式! ❤️ 粟米斑塊同甜酸魚塊大家應該都食過。呢味餸係大大塊既魚塊，然係粟米味同甜酸汁另上，比大家自己選擇，very good idea! 平時普通大排檔茶餐廳就咁淋哂所有野上啲魚度，明明汁多過魚反客為主但大家好似習以為常咁當撈飯，今次試呢味菜先令我醒覺原來應該好好細味返魚塊既滋味 🤗 兩個汁(粟米/甜酸) 都好好味，我就梅花間竹咁每樣點下。但其實最要讚既係啲魚塊，外層個炸衣一啲都唔厚，唔會令你覺得食緊啲炸粉，薄薄地正情有少少酥皮既感覺，但又非常夠香口，入面既魚非常有魚味而且好嫩口，好好食得黎仲要真係大塊! 每塊都有手掌咁大塊! 真心極力推介呢味心多多大魚塊 🤩啫啫生菜煲 - 熱辣辣既啫啫生菜煲 👍🏻👍🏻 上菜時仲係炸炸聲，經理上菜後仲係我地面前再炒多幾炒，十分之香! 生菜既淋度都好適中，好食 😊四個餸都好好味但係份量好足所以我地食唔哂 😂 但都決定要打包拎走留返宵夜 😋最後再上埋甜品桂花榚同椰汁糕 ☺️總括黎講真係好滿意，無論環境同服務都好好，野食方面又有心思同埋真係好好食，食得出食材係高質既，非常推介同一定會再返食 🤗🤗🤗…查看更多

今次夜晚係旺角凍凍地想打邊爐就搵左呢間好多like既喜鍋火鍋店係旺角/油麻地既地舖一坐低店員就主動過黎比新信封我地裝住口罩，超貼心！餐廳都擺左好多其他清潔護理產品，係而家呢個時勢真係好customer friendly同好有心，值得加分！👏🏻👏🏻👏🏻餐前小食要左日式胡麻冰菜口感好得意！好少食到呢一種菜胡麻醬加埋凍冰冰既菜好開胃！準備好哂打邊爐～揀左香莤皮蛋鍋，本身無乜期望但係個湯底黎到好有味！朋友唔食牛所以嗌左日本黑豚肉啲黑豚肉大大塊，又夠厚，有份量有誠意而且食落好有新鮮豬肉味！好好食 😋手打蝦滑都唔錯，幾彈牙菜我地嗌左秋葵同芥蘭苗啲芥蘭苗原來打邊爐係超好食！份量有成籃咁多，芥蘭苗打邊爐個口感好好，尤其每條幼幼地咁，打邊爐一流，超級推介！另外都嗌左紅薯粉做主食，飽飽 😋呢餐食得好滿意，雖然門面唔係啲咩冠冕堂皇既大舖頭，但無論係服務同野食質素方面都好出色同有驚喜，值得一讚！…查看更多

去左朋友係太和既屋企玩，完左之後好早就黎到呢間食串燒既酒吧度食晚餐一入門口就見到好大部電視播緊英超，有大賽的話應該好好feel!嗌左好多串燒食 😊 同埋黑松露薯條小食同埋黑松露帶子飯，選擇都幾多黑松露薯條熱辣辣，正! 羊架嗌左兩件，好夠份量，肥瘦岩岩好，羊味好出眾，超推介!燒玉子有4件，好厚身燒臘腸都係我既至愛! 好香口燒粟米4件，燒得好香甜，又唔會燶黑松露帶子飯都好食，帶子夠厚身，黑松露都夠份量~燒雞翼出色，醃得好夠味!總括黎講好滿意，份量同味道都好好，尤其岩哂凍既天氣食熱辣辣既串燒!…查看更多

今次Friday lunch黎到銅鑼灣既玄鮨試下米芝蓮日本菜餐廳係一棟好新淨既大廈，包哂全層裝潢方面我會形容係日式同西式既配搭有食Omakase既bar枱，都有平時見開既餐枱有日式氣氛之餘又唔會全部都係木咁見好多人嗌Deluxe Chirashi我都點黎試試係豪華刺身飯先上左前菜小碟同蒸蛋前菜係酸酸既蘿蔔絲，開胃蒸蛋有雞肉同蔬菜，嫩口同夠滑湯方面係一個蝦湯，極重蝦味!! 非常濃郁!!刺身飯方面賣相好好，好多唔同種類既刺身包括我好鍾意食既海膽每樣刺身都好鮮甜同夠份量，好厚身，啖啖肉甜品係芒果布甸，同樣樣係好好味好滿足既一餐臨走再欣賞左一陣個靚靚日本酒櫃同米芝蓮獎Happy Friday Lunch!…查看更多

烏溪沙站既百份百今日黎一個人食晚餐環境比較昏暗感覺上都唔係好乾淨咁嗌左漁香肉碎茄子煲$66有個煲仔餸連埋飯同熱飲感覺上都唔算貴既個茄子煲都算香既茄子都煮得夠𣺉個汁就鹹左少少咁多肉碎份量就比較少茄子多到最後都食唔哂好似齋食茄子咁哈哈口味比較單一個飯佢話係「有營藜麥飯」但係同平時感覺無乜分別飯都唔算大碗野飲方面嗌左熱奶茶算係不過不失總括黎講環境同服務都麻麻地雖然係連鎖餐廳但都有好多其他連鎖餐廳既質素更好行返入去迎海薈商場個啲餐廳比較高質價錢都相若…查看更多

年尾公司比較得閒，走左黎銅鑼灣lunch食Omakase朋友介紹呢度$380有十二件Omakase!今次特登黎試試比起超正宗個種成間舖都係食Omakase既店，呢邊比較似係有Omakase食既日本餐廳哈哈因為都有其他set既選擇想食超正宗Omakase既可能未必岩但係唔係超高要求又鍾意食高質日本野既就岩哂，性價比岩返個師傅肥肥地，隻手好有肉地哈哈，好有握壽司既感覺 🤩佢一個人服待7個人，所以都無特別逐件壽司介紹，不過我都無乜所謂，好食就得前菜有沙律同蒸蛋沙律酸酸地，開胃；蒸蛋都滑，好食既壽司飯全部本身有汁有色，溫度同口感都唔錯，有質素講講其中幾件壽司：帶子不嬲都係我最愛 😍 帶子壽司好鮮，又夠大粒，夠厚身，超好食!拖羅都好好食! 本身無特別鍾意食拖羅，食完呢舊終於明白點解咁多人鍾意食 🤩蟹子大大粒，好甜 👍🏻海膽壽司唔知點解影出黎好似唔多咁，但其實係份量勁多! 見住個師傅唔洗錢咁係咁添啲海膽落件壽司度 🤩 真係添到瀉左 🤩 同樣係好鮮，我本身唔多食海膽但係都愛上左 🤩最後仲有面同雪糕，雪樣有得揀wasabi味，幾特別，成個食哂 👍🏻不過Omakase真係食得比較耐 😂 差唔多兩毎鐘，大家預返時間總括而言，本身$380既Omakase唔算好大expectation但都算食到Omakase level既野食完都算有驚喜，就算加埋service charge覺得物超所值!得閒放縱下都會返黎食 🤩…查看更多

屋企樓下既桃園今次食一人晚餐環境格調比較昏暗周槽感覺又好似唔係好乾淨感覺都係一般連鎖茶餐廳咁樣本身都無乜期望，諗住隨便食個飯，都應該係差唔多咁既味打開餐牌見到啲小菜啊個啲連飯同湯要加成廿蚊去到八九十蚊就諗住一條友嗌個碟頭飯算見到有個「黑松露叉燒粒蔥花炒飯」，又幾吸引，$65又唔貴，就試呢個上菜有少少耐不過個飯黎到個賣相已經好唔錯睇得出係炒得夠乾身，廚房有功架食落個黑松露味岩岩好，唔會好over但又出奇地同個叉燒同埋蛋炒飯幾夾成碟食哂，好好味 🤩…查看更多

一到冬天就成日都想食湯麵今次黎到樂湯雞佐敦既分店舖面都幾新，光猛乾淨，感覺唔錯兩個人食晚餐嗌左「砂鍋花膠雞湯翅」配粉絲同埋「藥膳醉雞」配米粉個砂鍋花膠雞湯翅，聽個名都已經知道幾補現實都好足料，啲花膠勁大塊!熱騰騰滾住咁上，冬天食好舒服雞肉都好食，唔老最後成鍋湯輕鬆飲哂!藥膳醉雞都好食，醉雞係凍上，米粉連藥膳湯熱上醉雞都未擺到落枱面已經聞到好勁既醉雞味，落料夠足試左一細啖啲酒係勁重酒味!凍食都別有一番滋味個米粉都好食，藥膳湯都係輕鬆飲哂!佢隻米粉係比較晶瑩個隻，似係出面食開啲實既米粉同粉絲既中間所以配呢啲湯就最岩，好融為一體兩個人食左$136有咁多料又有靚湯飲又好味十分推介 🤩…查看更多

Weekend黎到觀塘既海潮朝聖食個lunch門口要排隊但好彩唔長，我地走既時候條隊長左好多 😂入面地方唔大有啲迫，不過反而營造到有種地道既感覺黎之前已經睇過有咩特色菜，今次都係嗌左幾樣出名既野蔥花蛋治烘底：呢個真係無得輸，好出色，蛋既份量好足，其實嗌既時候有啲唔係好想像到可以有幾特別，不過食落真係好滿足，佢個飽仲有夾住牛油，簡真係畫龍點睛，令到成個飽昇華左!蔥油手撕雞肉丁撈通粉：呢個菜式好有創意所以諗住試下，係好食既，不過感覺似係兩樣本身好食既野撈埋一齊咁 😂 係你可以想像到既味哈哈，同埋有少少唔係好明點解要撈通粉，下次可能會揀返撈丁 🤩豬軟骨煎米粉：煎米粉都係好多人推介既菜式，係幾特別，無試過咁樣食米粉法 😂 份量有啲多，成餅米粉...豬軟骨同配埋既蘿蔔都OK，蝦條春卷幾有味椒鹽燒賣：幾好食，外面燒烤椒鹽味，入面魚肉燒賣𣺉𣺉地幾有味魔鬼奶油多：又一個必食! 甜得好滿足 🤗 奶油，牛油，朱古力/阿華田粉既配搭好好，有創意又好食! 同埋眼見基本上每枱都嗌哈哈凍啡樂：又係呢度既特色! 飲落感覺幾特別，隻味有少少似鴛鴦 😂 咖啡既苦加上可樂既甜，有啲似鴛鴦但係係有氣版哈哈總括黎講係幾好食尤其係第一次食，但係味道偏濃（尤其某幾味菜）當日食唔哂打包左煎米粉同撈通粉，第二日都食返哂 😊 百零二百蚊食到咁多野同咁唔同特色既野都幾不錯 🤩…查看更多

屋企樓下既泰國菜收工係樓下一人晚餐嗌左個炭燒豬頸肉飯，配凍奶茶出乎意料之外咁好食!!個豬頸肉肥瘦適中，燒得夠香，份量都好夠再配埋佢個醬汁（有啲似甜酸汁）真係好好食!其實個汁本身都好好味，餸埋白飯一流雖然係簡單既一個飯但係個豬頸肉同埋個汁都做得好出色翻食之選 🤩仲要杯凍奶茶都勁好飲! 我會形容係港式同泰式既完美配合版奶茶味出之餘又有啲甜，好岩我口味 😊價錢方面$68但係要加一所以$75收信用卡，方便 👍🏻唔算特別平但係個飯真係好好食，凍奶茶都好好飲一定會翻食 🤩…查看更多

呢間店都算幾出名門面同入面既裝修都好地道好有風味今次兩個人黎食lunch都幾full，要係出面等位不過唔算等好耐，5分鐘左右坐低左之後啲樓面有少少做唔切因為真係好多客哈哈不過態度非常之好 😊我地一個散叫，一個要餐單嗌既係咖喱Laksa蝦肉肉片，配濛粉餐要左辣味蝦湯底既蝦肉四寶面，配小食同野飲，揀左Satay雞脾肉串同凍奶茶咖喱喇沙湯底個個幾好食! 湯底非常唔錯，夠濃味，都唔會太辣蝦肉同肉片都唔錯，不過唔算大隻或者厚身，份量一般豆卜就非常夾個湯底! 好食另外試左朋友個辣味蝦湯底都唔係好辣，但係勁重既蝦味!至於個雞串都好出色，燒得好好，有驚喜奶茶就正常，感覺可能飲可樂或者檸樂會更加岩feel哈哈…查看更多

天時凍諗住打邊爐收工收得晏，返到馬鞍山已經9點所以就換埋衫先再落去食9:30宵夜兩個人嗌左一豬一雞，最平之選 😂每人$69，肉每人一碟，配菜任食加埋一都係$151.8兩個人total，簡直係抵食 😆個湯底揀左甜醬油同蕃茄鴛鴦湯底甜醬油個邊好食好多，蕃茄湯底麻麻地等湯底滾既時候就食住沙律等沙律我夾左粟米，中華沙律，同埋有個類似吞拿魚螺絲粉既，幾好食 😄湯底一滾就即刻食肉獸上身 😆豬肉好食! 配埋甜醬油湯底又有甜味又有肉味肉切得夠薄，唔韌，豬肉好滿意!雞肉就正正常常，肉質都唔錯，唔會韌或者老但都係豬肉好食啲，下次可能兩份要哂豬配菜方面，要推介既係芥蘭苖!芥蘭苖平時都少食，今次仲要有得任食，我地夾埋最起碼食左三十條以上 😂不嬲鍾意食芥蘭但又怕太硬太粗，芥蘭苖就岩岩好打邊爐淥又可以控制鍾意幾𣺉好好食啊! 建議大家試都有生菜，娃娃菜個啲，不過呢啲大路野係其他地方都有哈哈另外佢仲有個餃子都幾好食仲有佢個拉面都幾好食，最後填飽埋個肚岩哂野飲方面，汽水個啲都係任斟Overall好滿意! 會再食 🤩…查看更多

屋企樓下既香港達人其實呢間野都算係商場入面佔地比較大間既一間餐廳但硬係比人一種質素差一級既感覺今日晚餐都試下啦本身想嗌佢個晚餐既咩蒜蓉粉絲茄子但係佢話要等成30分鐘，咁我就話唔等啦...要嗌其他...最後揀左個「芝士龍蝦汁吉列豬扒撈公仔面」諗住芝士撈公仔面應該一定好食...不過個面一上，望落都覺得怪怪地食落個汁都有啲怪，我諗就咁芝士味應該會好啲...佢隻咩芝士龍蝦汁...唔會真係有龍蝦味之餘仲搞到個汁怪怪地咁...不過食多幾啖都接受到既，又未去到好難食咁豬排就一般啦，普通炸豬扒不過我覺得吉列炸野同芝士撈面本身就唔係好夾...整體份量就一般啦，撈面都預左佢唔會多唔會再食...可能一開始應該嗌返啲正常中式餸菜會穩陣啲 😂$50連熱飲，嗌左茶走茶走都好飲既不過整體黎講真係麻麻地 😂…查看更多