Makcham的个人专页

今晚同個朋友出咗奧海城果邊，原本都唔係好諗到食咩，但見到有間地舖食泰嘢嘅「泰爸爸」，就決定食佢～🛶泰式拼盤 $138拼盤包括咗炸蝦餅、炸魚餅、春卷同埋串燒雞。多人嚟食時好啱揀呢個拼盤做小食～佢份量都算多。蝦餅同春卷正常發揮嘅好食！炸魚餅我好耐無食過，點埋個甜甜辣辣嘅醬👍🏻而串燒雞肉好嫩，就咁食已經好正！連埋個甜甜地嘅沙嗲醬更加無得彈！鮮蝦炒金邊粉 $88食得泰嘢好多時都會叫返個炒金邊粉，而呢個金邊粉好足料！好多蝦～🦐🦐🦐泰式香茅燒雞（半隻） $98香茅燒雞肉質好juicy！唔會韌，而個醬汁都係微微辣。泰式炒通菜 $72食得多肉就點返碟菜，味道唔錯！通菜好入味，辣辣地，係油咗少少～最後再點咗兩杯嘢飲。椰汁沙冰 $30平時嘅椰汁沙冰多數都會好甜，但呢杯相對地唔會好甜，反而變得有清甜嘅感覺！值得推介！泰式凍奶茶 $28呢度環境同食物質素都好ok，有機會都要再嚟食過！…查看更多

踏入新一年，同個fd收工諗住唔好hea食，搵間好少少嘅餐廳試試～見到佐敦”PLATO!” 評價同質素好似幾好，一於試試佢！🍻原本都十五十六諗緊點咩食好，但見到個至尊二人套餐幾唔錯，一於直接揀佢唔駛諗咁多！蒜片白酒欖油紐西蘭青口先嚟頭盤青口，即使係2人套餐，但份量非常足！紐西蘭青口肉質夠厚，個汁好入味～😋餐湯方面，羅宋湯正常發揮。而朋友轉咗做法式龍蝦湯🦞，試咗佢少少，味道都幾香濃！唔錯～德國脆皮咸豬手主菜方面，我哋其中一款揀咗咸豬手～塊皮真係堅脆～咬入口果陣都勁脆勁響！好似食厚切薯片咁～😝豬手肉好嫩好林唔乾身，值得推薦！炭燒美國安格斯肉眼牛扒醬汁唔會好濃味，所以唔會遮晒肉眼牛扒原本嘅味道，亦都食得出幾香牛味🐂。叫咗5成熟，但比預期中熟咗啲啲～如果再生少少就更好。巴馬火腿牛肝菌意大利飯個套餐雖然只包兩款主菜，但由於無飯落肚硬係差少少。於是就加多個意大利飯～牛肝菌好香，連埋咸咸地嘅巴馬火腿同意大利飯非常夾。朱古力心太軟配意大利雪糕套餐包咗一款甜品，自己一向都鍾意食朱古力，而且又見多人推薦呢度嘅心太軟，咁緊係要跟一跟！一叉開，香濃嘅朱古力醬就漏晒出嚟，連埋個雲里拿雪糕一齊食，無得輸～呢個推介果然無中伏！🤪最後兩杯飲品我哋都揀咗奶昔，我點嘅朱古力奶昔飲落有一粒粒嘅朱古力碎，夠晒濃滑！🍫而朋友果杯OREO奶昔個味就係cookie & cream雪糕～都好飲！呢一餐好飽好滿足！今次揀咗二人套餐，下次再食唔叫餐嘅話，burger/pizza 好似都可以一戰！…查看更多

喺荃灣搵食，好多時經過小巷都會見到”Zeppelin Hot Dog Shop”有好多人企晒喺門口幫襯同等熱狗。🌭呢晚一於都叫款熱狗嚟try try佢～點咗熱狗之後其實都唔算要等好耐，大約十零分鐘喥就有。多人幫襯而又即叫即做，點都預咗要等一等。澳式風情熱狗 $38熱狗到手熱辣辣，香濃嘅千島醬汁配埋菠蘿、煙肉、芝士粒同紐綸堡腸，夾晒入好軟熟嘅熱狗包喥！呢個組合無得彈～好啱我口味～呢間值得再食，同埋下次再食會加$12配多兩款小食/汽水。今次太飽只為一試個熱狗係咩料～🤪…查看更多

之前同朋友難得地約喺太和食飯，先發現原來太和都幾多嘢食可以一試。結果今晚收工再戰太和，去咗一間酒吧餐廳”Noc Noc”食吓嘢吹兩咀。有晒聖誕裝飾，呢啲時候嚟幾有氣氛～🎄先嚟小食方面，叫咗兩款：松露樹皮 $58其實一開始叫果陣唔係好知係咩嘢嚟，見朋友話叫就試吓咁～但食落都幾有驚喜，樹皮好薄好脆，就咁食都已經食唔停口，連埋沙律醬食仲正！炸魷魚圈 $68另一款小食係炸魷魚圈🦑，份量算多，適合多人share食。魷魚唔韌同熱辣辣，但食果陣點多啲醬會好味啲，唔點醬嘅話味道會略為有啲淡。主菜方面：黑松露雜菌天使麵 $118呢款係會令我下次想再食嘅pasta～🤘🏻一送到嚟已經好香黑松露味。天使麵煮得啱啱好有咬口，而且好多汁同雜菌，所以一啲都唔好乾！好味～德國鹹豬手 $198以前食過太多又韌又乾嘅德國鹹豬手。原本有少少擔心會有近似嘅情況，但食落發現鹹豬手皮脆肉雛，豬手皮夾埋甜甜地嘅蜜糖一齊食幾啱我口味，厚薯條我都照點蜜糖唔拎茄醬～飲品方面雖然主打都係酒類，但又見有咖啡飲，今次一於試吓佢☕️:Caramel Cappuccino $42平日叫caramel多數都係落焦糖醬，而呢喥竟然好似焦糖燉蛋咁燒一陣焦糖係面，唔怕甜嘅我覺得好加分！Caffé Latte $38最後總結一吓，呢喥食物同咖啡都比預期好。環境偏暗，同場都多人邊食邊飲酒吹吓水咁～…查看更多

住馬鞍山咁多年，一直都唔易搵泰國嘢嚟食，始終真係無咩選擇。不過前排先知原來係馬鞍山廣場入面有間叫「新泰東南亞餐廳」，收工一於約埋個friend去試一試！🤪平日晚飯時間，雖然未去到門口要大排長龍，但入面其實都full要等一等。而餐廳入面好寬敞同舒適，坐低慢慢諗食咩好都未遲。鐵板蠔仔炒蛋 $98份量好大，兩個人食嘅話預有少少多。呢款係我去泰式餐廳都經常會叫嘅一味菜，而呢間煮得好好味，蠔仔好大隻又夠多，仲要炒得嚟一啲都唔乾身！椒鹽軟殼蟹 $78係避風塘嘅味道！😋軟殼蟹炒得好香口，相對較為濃味。同埋軟殼蟹即使唔算好多，但以呢個價錢嚟比都算合理！泰式燒春雞釀香茅黃飯 $188燒春雞送到上枱後店員再即場切開，香噴噴熱辣辣嘅黃飯再湧出嚟～燒春雞肉好雛，而且因為要釀飯入去，所以春雞入面嘅骨都去晒，啖啖肉！串燒沙爹 $88串燒共有6串，雞牛豬各2。好適合多人share食！沙爹醬甜甜哋，串燒本身亦有醃好，就算無沾沙爹醬都好有味～今次人少，叫唔到太多嘢食，所以無點到咖哩同印度薄餅。下次有機會都要試吓佢～😋椰青 $45去得泰國餐廳，當然要飲原個椰青！非常清甜解渴同解辣！不過呢度飲品選擇都算幾多，下次食可以試吓其他嘢飲～總結嚟講，喺馬鞍山食泰國菜終於有返個選擇～雖然價錢未係最平民，但食物質素同環境都叫滿意，同朋友/家人間中食吓都唔錯！🤘🏻🤘🏻🤘🏻…查看更多

今晚同朋友去咗旺角「Running燒」食韓式燒烤放題。好耐之前其實都喺喥食過一次，感像中係一間可以翻兜再食嘅韓燒店，今晚一於叫埋朋友再戰一戰～🥩💪🏻應該係平日關係，今次去到都算快就有位～唔駛點等位。一坐低店員就即拎咗前菜俾我哋邊食邊落單。當中塊蘿蔔係用嚟清潔個鐵板用。唔知會唔會有人食錯過。😆主要嘅落單紙有3張（其實仲有1張係酒類，但我哋今次無飲酒）聽落3張紙好似唔係好多，但實際上睇埋紙上嘅食物會發現各式各樣嘅肉類/海鮮/小食同熟食都有。基本上張張紙都好有衝動想點晒佢！蒜蓉芝士生蠔、生蠔、扇貝、帶子、魷魚圈海鮮類整體食落都新鮮，而且賣相都算吸引！👍🏻當中我特別鍾意蒜蓉芝士生蠔、帶子同魷魚圈～蒜蓉芝士生蠔即使唔係好大隻，但燒溶咗嘅芝士配埋蠔呢個組合，其實都已經無得輸！🥴而魷魚圈就算燒耐咗，食落都依然好淋，好味！茄子、厚切豬腩肉、辣味五花肉、豬頸脊肉厚切豬腩肉非常好燒易控制，厚實嘅豬肉🐖，連埋生菜同醬汁包埋一齊食，好！滿！足！醬汁牛五花肉🐂牛肉之中，醬汁牛五花肉係我呢餐食過其中一款特別鍾意嘅肉。五花肉唔易燒燶，而肉身薄切，本身醬汁好入味，燒好其實直接食唔需要點其他醬汁都已經好good～最後都想講一講佢哋嘅熟食～柚子味炸雞🐓呢喥炸雞有三款口味（原味/柚子/噴火）。炸雞炸到外層好香脆而內裡juicy～選擇咗其他味嘅話就會配埋相應醬汁俾你點嚟食。我平時唔係特別好柚子味，但估唔到炸雞加上柚子味竟然有新鮮感而又好食！值得一試。水冷麵🥢平時食放題，相信好多時都會盡量唔點粥粉麵飯，又唔知幾大碗，又怕太飽肚食唔到其他～但呢碗水冷麵份量唔會好大，其實只係幾味就可以KO，同朋友share嘅話，食完差啲想再叫多碗。😝 水冷麵麵質幼身好彈牙，湯底冰涼又少少甜甜地幾清新～食咗咁多燒肉，整返碗食吓幾啱！…查看更多

今晚約咗朋友聚一聚食吓嘢吹吓水。朋友話有間新開嘅日本餐廳可以一試，於是就跟咗佢哋去「溏串小町」try try！🍻入到去個環境寬敞，啲位唔會泊得好埋。而且個裝修幾啱feel，俾到我喺日本居酒屋食嘢嘅感覺！🇯🇵值得一提係呢喥order嘢食係直接scan佢地個QR code嚟揀嘢食，入面會直接show埋價錢同埋check返叫咗啲咩都方便！揀好嘢食之後，店員拎咗個前菜元貝我哋食。味道鮮甜好好味！新鮮粟米 $28特盛牛柳串 $68豬五花腩 $28日本博多雞肉 $48相信呢喥串燒都會係必試之選，雖然店員有推介我哋一款串燒拼盤，但我哋俾特盛牛柳串吸引住！所以決定散叫串燒～果然串牛柳無令我失望，🐂肉夠厚但唔韌，燒到唔會過熟，咬落去仲有肉汁！另外🐓雞肉亦都好味，唔乾身，可以點少少調味料（香草檸檬/麻辣海鹽）吊吓味！日本蠔肉刺身 $68火炙三文魚皮壽司 $40帶子壽司 $48生蠔夠大隻，好有鮮味而又一啲都唔腥！值得一叫～而火炙三文魚皮壽司🍣有驚喜！原以為魚皮會好乾身，點知食落先知原來係咁肥美。仲要份量多，非常抵食！🤑鱈魚干 $68味道同雞泡魚乾差唔多，都係甜甜哋少少煙韌，連蛋黃醬一齊食會好易食唔停口！👍🏻冰鎮原隻魷魚仔 $33冰鎮效果好似令到魷魚🦑肉質更爽口！平平哋當小食咁叫嚟試吓都唔錯～加洲卷 $38醬油湯烏冬 $38清酒煮蜆 $58就咁食蜆肉時，少少清酒味，而蜆肉原身味道仲仍然係喥，都幾鮮甜。鐘意酒味嘅可以加多少少清酒嚟食～🍶最後總結一下，呢喥食物水準同環境我覺得都係中上水平！👍🏻係部分食物價錢偏高，但幾適合成班friends一齊去聚聚，叫多幾款share食～…查看更多

收工約咗朋友喺荔枝角睇戲，比較少嚟荔枝角，所以直接喺app搵間特色少少嘅餐廳試一試！最後揀咗去”Pizza Piazza”食意大利薄餅！🍕門面見到佢哋嘅burger其實都幾吸引，但今次同朋友預咗食pizza，如果另一樣又漢堡包好似太類近。所以今次只好skip一skip！Order咗之後會先送上熱辣辣嘅軟包，再配埋橄欖油同醋俾你一齊食～雙拼薄餅(辣肉醬至尊+芝士四重奏) $158講講呢喥主打特色pizza🍕，款式選擇有好多，睇埋細字發現原來可以雙拼！啱晒唔多人而又想試多個口味嘅我哋！Pizza即點即焗，送到嚟嘅時候好香好熱，睇落已經非常吸引！辣肉醬至尊辣得嚟好惹味，有令人食完即想再食嘅感覺！芝士四重奏🧀原以為食落會好漏好滯，點知又完全唔會，咬落去少少煙韌而又濃厚嘅芝士，掂！西班牙黑毛豬扒 $168份量比我預期中多，黑毛豬扒夠晒厚切，竟然仲要有兩塊！豬扒厚身得嚟唔會韌，配埋佢個醬唔錯！另外佢個side係好甜嘅番薯條🍠，唔駛茄汁都已經好好食！意大利仁餅朱古力奶昔 $38呢款奶昔唔算稠，比較似凍朱古力奶。朱古力味非常濃，加埋餅碎嘅口感幾good～👍🏻意大利芝士蛋糕 $48我哋見佢有個雪櫃show晒啲cakes出嚟，雖然都已經好飽，但忍唔住都想食返件！😂 食落件tiramisu霖酒味偏重，頂層好creamy好軟滑！…查看更多

可能因為我成日搭車都會經過「台灣麵」嘅關係，每當喺荃灣想食台灣嘢嘅時候都好易諗起呢間鋪。今晚一於去食一食佢！每次食都必揀呢個餐！一個大碗分兩邊，A/B 任揀，連原本係麵嘅都可以改做肉燥飯！自由度極高！👍🏻雙排雙格餐 (A+B款) $65今次揀咗A.香酥雞腿肉燥飯+B.韮菜肉雲吞乾拌麵。雞腿🍗真係成隻劈三嚿咁上，連埋肉燥飯喺底，份量好足！另一邊三隻韮菜餃雖然唔可以話好大隻，乾拌麵亦唔算好多，但整體嚟講兩邊加埋個份量都係中上同埋味道都good！👍🏻建議比較大食嘅話最好就咪揀晒兩邊都係麵底，如果唔係就有機唔夠食。酥炸花枝丸(6粒) $33另外叫咗款小食，送到嚟果陣熱辣辣🔥，而且花枝丸味道都一向無死，好味！雙拼餐餐飲轉台式飲品都係加$4，價錢合理！我叫咗凍胚芽奶茶，叫少冰真係少到俾我～👍🏻台式奶茶少少偏甜，而胚芽如果可以再多啲就更好！…查看更多

出開大埔嗰邊搵朋友，夜晚佢推介咗一間泰國新派餐廳話要同我一齊食吓！所以就跟咗佢去呢間「木船」試一試喇！🛶行到去門口其實都已經有啲人排緊隊等位，但好彩2人枱咁啱有張俾我哋！👍🏻雖然呢間餐廳唔係啲好寬敞嘅餐廳，但入到去個感覺都算舒服同埋個環境幾colorful！青木瓜沙律 $62食得泰嘢好多時都會叫青木瓜沙律，少食辣嘅我一心都係食少少就算，等我朋友食多啲（佢太鍾意呢個沙律😂）。估唔到佢又出奇地好味，夠凍得嚟又甜甜辣辣幾開胃！Combo小食拼盆(小) $52除咗個沙律外，都諗住叫多個小食。最後揀咗小食拼盆，感覺多啲泰小食可以share食。招牌菠蘿炒飯配虎蝦 $158起初見menu張相好似好堅，以為出到嚟個樣點都會有啲出入，結果一送上枱時望到即刻眼前一亮！串燒菠蘿🍍勁甜勁好食！虎蝦🦐配埋個汁嚟食好夾，但留意一吓個汁有少少偏辣。菠蘿炒飯份量比我預期多，啲飯去到好底都仲有！食到我地勁飽，叫得上招牌，果然有驚喜！😝上：迷紅小象 $45下：夏日芭東海灘(菠椰) $58嘢飲方面我哋叫左兩款。迷紅小象係菠蘿、蘋果同香蕉做出嚟嘅沙冰，飲落去菠蘿同蘋果味好出，酸得嚟好醒胃！菠蘿椰子🥥沙冰就比較接近平時椰汁沙冰，但又有啲菠蘿嘅酸甜吊一吊！幾特別～其實呢喥嘅嘢飲都幾有亮點，好多都好大杯，賣相又夠勁，搞到我唔識揀！😂見到隔離位飲咗呢杯，都好似好吸引咁！有機會真係想試試佢！…查看更多

見自己都有一排無飲台式飲品，所以今晚喺荃灣食晚飯時特登唔飲嘢，留返個quota嚟試試呢間新開無耐嘅「珍煮丹」。🤫唔知係咪夜咗嘅關係，買完嘢飲唔多駛點等就有得拎～黑糖珍珠鮮奶 $30平時嘅我好多時叫嘢飲都會慣咗叫少甜，今次我呢杯飲品我就叫咗半糖少冰！杯嘢係好飲嘅～同埋佢個底係鮮奶底🥛，主要嘅甜都係嚟自黑糖喥，但我覺得半糖之後都依然係偏甜，所以唔想飲太甜嘅可能要喺甜度方面揀半糖以下。珍珠好多，多到我無吸晒，但其實佢係好味，粒粒都沾滿黑糖同非常煙韌！👍🏻最後講講，店員好細心同我講半糖會少咗黑糖問我有冇問題，拎嘢飲時又會提我點樣搖勻啲黑糖，態度好好。…查看更多

同朋友3個人去咗尖沙咀一間叫”The Right Place”嘅酒吧餐廳喥食生日飯。由於一早已經book咗位，所以去到嗰時好快就可以安排到位置俾我哋～👍🏻美國安格斯牛肉芝士漢堡 $138🍔黑色burger賣相吸引又夠晒份量。安格斯牛我揀咗5成熟，整出嚟效果非常juicy多肉汁，一啲都唔乾！除咗牛漢堡排之外，個漢堡入面仲有煙肉、煎蛋同芝士。The Right Place拼盤 $298呢個拼盆包括咗避風塘雞全翼、燒蠔、軟殼蟹、黑毛豬腩肉同埋燒粟米。起初諗唔到叫咩小食好，所以一於揀個拼盤樣樣有啲可以大家share食。當中成個拼盤比較值得推介嘅係個避風塘雞全翼，避風塘好野味，小小辣好啱做小食！另外佢哋嘅燒蠔同軟殼蟹都幾好食。海膽鮮蟹肉扭捲粉 $188扭捲粉偏硬身而海膽同蟹肉嘅味道唔係好出，感覺就係食緊茄汁扭捲粉咁，唔算有咩驚喜。朱古力心太軟·馬卡龍·椰子雪葩 $98🥥椰子雪葩嘅椰子味好重，啱晒我呢啲鍾意椰子嘢嘅人！心太軟亦都好食，一叉開個外層蛋糕，熱辣辣嘅朱古力醬🍫就即刻漏晒出嚟！連埋雪葩一齊食，又冷又熱嘅口感無得彈！🥴另外可以一提嘅係呢喥個環境、燈光同埋啲歌都幾正！有個大screen播吓啲edit過嘅片再夾埋音樂🎶，幾啱feel！…查看更多

今日落好大雨🌧，喺旺角行行吓頂唔順，諗住搵個地方坐低食啲嘢同避吓雨，於是就入咗去「紅茶」食返個tea啦！呢間茶記好大，坐位亦好多，有上下兩層！感覺即使唔多人(1-2人)都依然可以安排到卡位。👍🏻芝士炒蛋魚柳包伴薯皇 $40 (凍飲+$3)上枱時啲薯皇勁熱辣辣！雖然唔係有好多嚿，但以下午茶嚟講呢個份量我接受～🤣反而個魚柳包🍔竟然好夠份量，有魚柳、芝士、生菜、炒滑蛋、配埋千島醬汁同埋令成個包加晒分嘅蕃茄！好係茶記漢堡包嘅味道！值得一試～👍🏻最後簡單講返杯凍奶茶少冰，味道略嫌有少少過甜，同埋落咗好多奶～ …查看更多

今年其中一餐生日飯去咗尖沙咀嘅”LAB EAT Restaurant & Bar”。由於一早已經book好位，所以去到唔駛等就有得直接入座。👍🏻(L) Virgin Mojito $68(R) Green Apple Soda $68海膽蒜蓉多士 $78@頭盤叫咗呢款海膽蒜蓉多士，好好食！海膽鋪到好厚，味道鮮甜又非常creamy！夾埋蒜蓉多士脆脆嘅口感一齊食好正！炭燒美國黑級和牛西冷10安士 $398叫咗5成熟，食落都係略嫌有些少熟得滯，🐂肉質相對會韌咗同嚡啲啲～下次如果再叫可以試生少少。另外，喺西冷下面嘅薯菜有驚喜❗️因為佢唔係平日食扒時有嘅薯條/薯角，而係炸蕃薯🍠，甜甜地幾好食～海膽黑松露意大利粉 $258去得呢類餐廳，硬係會想試吓佢啲pasta！呢款海膽黑松露意大利粉賣相吸引，黑松露獨特嘅香味未食都已經被吸引住！今次海膽放喺意粉上面，唔會好似頭盤多士咁有凍食海膽嘅感覺，但微溫少少溶嘅狀態反而更有入口即溶嘅效果，令意粉個味道變得更出色！好好味🥴瑞士傳統熱溶芝士配新薯及火腿 $168最後呢款raclette cheese雖然落單時已經有提到要時間整熱啲芝士🧀，但估唔到等到差唔多食晒先嚟。嚟嘅時候佢哋會直接喺你面前將一舊經熱溶咗嘅大芝士剷啲喺配菜上面！味道都ok，如果唔係最後先上嘅話，夾埋其他嘢食會仲good～…查看更多

旺角朗豪坊嘅「丸十寿司日本食堂」自己成日都會經過，而且好多時喺門口都有好多人等緊位。難得今晚想早啲食飯，而且見6點鬆啲又唔駛等位，所以終於可以一試！🍣燒雞泡魚乾 $68🐡份量唔算多但可接受，呢款燒雞泡魚乾係偏軟身，唔係燒到好乾身較煙韌嗰種。味道一樣夠甜夠好味！鮪魚盛合 $168包含4款鮪魚壽司，有食得出嘅新鮮！鮪魚嘅口感都各有不同！特別係本身鍾意食鮪魚嘅話，呢款盛合可以滿足一下你喺日本時食嘅感覺！丸十彩虹卷 $78🍣壽司顏色同賣相都好吸引！特別鍾意壽司入面嘅牛油果，味道同魚生好夾。香蔥鮪魚蓉海膽丼 $198飯上面嘅鮪魚蓉好足料，唔會搞到食到最尾得返啲飯！海膽亦非常鮮甜～兩樣加埋，大大啖大大啖咁食，好滿足！最後補返，嚟埋個丼果刻先發覺自己今次叫得太多鮪魚！完全俾鮪魚矇閉咗我對眼～好彩個friend都鍾意食鮪魚～😂…查看更多