威化餅的個人專頁

初頭我諗住有養樂多會好杰, 仲預算飲完要買支水沖沖個口.點知佢又好希架喎, 但又有益力多味.蘆薈切到好碎, 用筒已經可以啜哂入口.杯野都算幾清新之選, 唔會甜耶耶…查看更多

之前試過幾次同事買武太郎一齊食, 就算隔夜再叮都好好食.今日行完街9點幾無食飯咪買個淑女餅食, 佢響個烘爐到拎出來, 雖然只係暖暖地, 但都好好味, 又唔油, 食完咀都唔駛抹咁滯.雖然佢好濃味, 不過食完都唔會口渴到即刻買野飲.5蚊咋喎, 隔離拮串魚蛋都唔得啦…查看更多

一開始睇openrice就知依到好評好潮, 不過對我來講, 真係太遠, 又唔識路.直至上次去大角咀剪頭髮, 先知道, 原來車品品響我剪開頭髮的斜對面就係喇.今日理髮之前突登走去食個tea先.因為下午茶關係, 所以只係試左個魯肉餃..果然好多蝦子, 魯肉餃個皮好得意呀, 唔會因為水煮而淋左, 仲仍然好有咬口呢. 好味.飲左紅棗茶, 好足料, 又唔甜.食完整頭髮整左三個幾鐘都唔覺口渴.係咪瘦瘦帶眼鏡的人係老闆娘呀? 佢真係好有禮貌呀, 我坐響最門口個位, 聽到佢講最多的係「唔好意思」「多謝哂」「拜拜」, 連送貨來的都係咁講. 仲成日笑咪咪的好nice, 另外兩個樓面我覺得都唔係評語講到咁差呀…查看更多

其實呢間學校都有西餐食的, 而且比中餐更出色呢.首先一上抬的麵包籃已經加左唔少分, 大約有8款小麵包新鮮熱辣任你食, 麵包癡(如我) 一定咩都未食已經食飽左一半.呢到d野食做得好有心機, 無論頭盤, 湯, 主菜, 甜品都做得好好.係要忍受下緩慢的上菜速度同埋學生們邊做邊學的蝦碌野.可能你會聽唔明佢講乜同埋隨時有打爛野聲中菜環境靚, 無論室內室外. (向數碼港+海景)每個月的某一日仲有special, 主要會食一個地方菜, d學生仲會著民族衫好得意.不過我覺得野食一般啦, 要我揀我會落樓下食西餐…查看更多

約朋友行街, 佢四點都未食飯陪佢四圍搵食, 結果求其入左依間. 唔想齋坐就嗌個甜品啦.芒果浴裡面有椰果呀大小西米呀芒果肉呀同芒果汁.芒果可能過左時期喇, 唔甜得來仲幾酸下.汁底唔夠甜, 個甜品都唔會好食.30蚊, 好貴!!…查看更多

我久唔久就響到買份蛋沙律三文治當午餐/ 晚餐.有次同事問我響邊到買同埋幾多錢. 其中一個人係估「一定超過廿蚊」, 另一個和議「一定啦咁多料」當我講「$7.5」個真相俾佢地知時大家都好驚訝其實依份三文治真係好抵食, 唔會好似東海堂咁將d餡淨係堆滿哂係面, 個底就齋包. 而且裡面d生菜蕃茄都算新鮮, 起埋仲索索聲又唔會係茄頭茄底.仲有試左蜜糖綠茶紅豆包, 好軟熟, 甜甜地, 不過無蜜糖味又冇綠茶味, 紅豆好多好有口感. 唔係唔好食, 不過唔好為左蜜糖綠茶而買…查看更多

排隔兩條街的板前排左個幾鐘先嗌得40張拾, 仲有百幾個no先到的我地只好去第到醫肚.行行下見到羽壽司, 三張拾後到我地所以決定坐低.打開個menu, 好多創意野. 名就唔係好記得喇, 大概似元氣個波士頓卷啦, 炸蝦卷上面有塊芝士依d啦.無乜要求, 但求醫肚.有要求的人可能繼續排緊百幾張抬等食…查看更多

四個女仔四個main course, 先上的係home made蕃茄湯, 蕃茄味好重較杰身, 酸酸地好開胃. 不過個餐包同附送的鵝肝醬就麻麻地. 朋友揀沙律唔飲湯, 佢話菜都好新鮮, 而且係醋唔係沙律醬, 好幾.四個餐包括有忌lim煙肉蛋黃汁意粉, 帶子蝦墨魚汁意大利飯, 西冷扒(紅酒汁), ribs.前兩者比較好食, 個汁煮得好creamy, 但又唔會滯到唔想食. 扒同埋ribs都普通啦, 我唔係好鍾意個汁. 席上其中一個朋友之前食過, 佢話d main course唔駛揀貴, 反而平平地仲有驚喜, 因為佢地都好有心機去煮. 但貴的就較普通.之後係甜品, 每一個餐可以用餐價嗌一款, 每款都係加8-18蚊左右. 好經濟.我地要左home made cheese cake, tiramisu, 法式焦糖x蛋, 心太軟.老實講, 除左心太軟之後, 其他的都唔合格, 平都係咁話.尤其個cheese cake同tiramisu直情好失望.cheese cake個餅底同cake分開, cake又冇cheese味, 質感奇怪, 有少少彈牙feel. tiramisu嚴重酒味, 海綿蛋糕太多.不過, 個心太軟真係非常非常之好食.唔甜又唔漏, 味道苦苦地, d朱古力漿漏出來之後亦好快凝結番. 下次食淨係叫依個甜品ok喇最後值得一讚的係個飲品, 可以轉做果茶, 要左個青蘋果茶幫助消化. 杯野飲係好濃的綠色, 好香蘋果味, 少少甜. 我以為果茶要加錢啦, 埋單先發覺原來唔駛…查看更多

呢間茶餐廳串到飛起, 唔係話員工態度, 而係開門時間.星期日同公眾假期都唔開, 一至六8點鐘說閂門.所以平時星期六編中我番早的話一定嗌佢個豐富西式早餐.呢個早餐真係好豐富, 有豬柳/魚柳, 拼火腿腸仔太陽蛋, 再揀蘿白糕/多士/麥皮/夾餅. 嗌杯熱柚子蜜都唔駛加錢, 食到飽飽都係18蚊. 正!而且佢仲有好多什麼歐陸式早餐呀, 出前一丁麵餐呀, 唔會好似其他茶記俾福麵轉丁要加錢.另外法飽又係好好味, 外型似長型的餐包. 夾住洋蔥雞扒/芝士火腿/咸牛肉, 有時下晝冇咩胃口嗌一份已經好滿足.肚餓時我會嗌佢一盒飯, 豬軟骨非常好食. 我最鍾意佢有得揀唔同的菜又有唔同炒法(有馬拉又有腐乳等等), 加款肉做個碟頭飯, 裡面係好多菜. 難得碟頭飯做到有咁多菜唔係放一條菜心唔嗲唔掉.我次次都係叫外賣, 間鋪頭的真身響邊我都唔知. 所以乾唔乾淨就真係唔知, 不過食左咁多次都冇事囉…查看更多

呢個應該改名做大蝦沙律醬pizza, 塊pizza好多好多沙律醬, 平時食夏威夷風情都有千島醬, 但唔係多成咁囉. 好似唔駛錢咁落. 呢個批一定係芝脆批, 但食唔出邊到有脆到, 唔知邊邊烘乾左0個d係咪呢.依排食慣大批, 有一日得四個人嗌左個細批.原來每一件切開左係細好多, 同埋無大批咁好食.…查看更多

原來有咁多分店, 我都唔知自己去左邊間.我嗌左碗鮮百合栗子糊, 貪佢唔係到到有得食, 朋友先試我一啖, 佢話好似溶左的栗子蛋糕.真係好香栗子味, 只不過同平時食的栗子口感唔同, 百合就食唔出喇, 甜度ok. 16蚊一碗都合理另外叫了一碟黑燸米芒果芝麻卷, 甜得滯, 而且黑燸米偏熱, 搞到d芒果怪左, 同埋芒果太少喇. 芝麻卷亦都唔香芝麻味, 淨係好甜, 依個麻麻地.笑臉for栗子糊only成間鋪得兩個樓面, 好忙. 因為久唔久就有一大堆人響門口叫外賣, 又要寫單送糖水埋單, 做唔切…查看更多

今日幫公司拎蛋糕, 總共三個.(1) 瑰麗王后(唔知個名有冇記錯呢) 應該係楊芝金露蛋糕啦, 我見佢面頭有西施柚肉. 不停聽d人講好好食好好食, 係三個中最大亦係最快無哂的一個.(2) 黑森林, 穩陣, 冇特別, 勝在唔太甜, 圍住d朱古力好好食.(3) Tiramusu, 我見到時仲有半個, 而個瑰麗王后都冇哂咁滯, 後來可能d人冇咩選擇所以先食, ok喎, rum酒味適中, 輕輕的cheese味唔會變左cream, 最緊要係需然佢係一個蛋糕, 但係質地亦都好濕. 跟住一傳十好多人走過來消滅哂.…查看更多

好耐無食過謝記, 對上一次一碗粉都仲係16蚊.今日莫名其妙想食墨魚丸(平時我唔食的) 所以嗌左碗墨丸魚皮雲吞米加多碟炸魚皮.墨丸一d都唔爽口彈牙, 不過係我杯茶(唔知點解我食丸類除左貢丸, 我鍾意食粉d, 所以我諗我呢個評語不能作實啦), 魚皮雲吞呢我一直覺得係謝記最好食, 縱使出面好多地方賣的都ok. 佢個皮係有少少腥味令我覺得真係有魚皮做材料, 而且好有咬口. 加左價到17蚊的一碗粉好大碗, 食唔哂!其實來謝記我主要係食佢d炸魚皮, 好似有報紙介紹過係用邊隻魚去整, 我冇深究, 知道佢好食就得啦. 將佢浸落d湯到, 濕濕地但保持脆口, 最正! 不過佢碟魚皮縮左水喎, 少左好多. 都唔係平要16蚊碟架啦.…查看更多

一向都好鍾意食蕃茄包呀香草包, 不過唔係好多地方有得買. 一日走入來見到好似厚吐司的蕃茄芝士包(但係一包八塊咁買), 即刻買來試下先.個樣幾好樣, 啡啡地紅紅地, 仲有一粒粒乾蕃茄粒.一打開個袋, 我即刻忍唔住大嗌「好香呀」.咬落去亦都好香蕃茄味, 芝士味呢我食過兩次都食唔出.口感亦唔會乾爭爭, 又唔會好似排包咁油, 唔錯唔錯.不過呢佢就冇貼到expiry date囉, 所以我都盡量響兩三日內見佢無發霉情況下食哂佢…查看更多

中秋節同事買了一個蓮香雙黃月餅回來食, 一口咬落去, 蓮蓉好滑好滑啊! 一啖傾情, 第二日自己走左落sogo諗住送個俾自己咁話啦, 點知我發現到原來有四黃月餅的, 諗住一年先一次, 所以幾大都豪一豪佢. 不過買左之後冇一個人唔話我痴線, 哈哈. 獨立包裝個袋裡一直有d黃油浮出來我就好期待中秋節, 砌夠四隻腳切來應下節, 原來四黃月餅係唔會一切開就見到黃ga, 因為平均切四份的話就會一份一個蛋黃被蓮蓉包住. 其中一個話我痴線的人講得0岩, 蓮香緊係食蓮蓉啦, 佢個黃一d大一d細(我分到個細><), 而且唔係成個都漏油, 我食的有一半開始乾乾地, 唔好食咩又唔係, 蓮蓉依舊好滑. 出年都係唔好咁豪, 買個三黃算, so c wong話最好食架!…查看更多