toniwong2020的个人专页

這個舖位以前是專吃魚的餐館，原來轉成了泰國餐廳，是一班年輕人經營。本人光顧了幾次，付這個價錢，食物質素都保持得非常之高，他的招牌粉面泰鬼汁，燒肉飯，泰式香葉肉碎飯; 泰式綠奶茶，泰式奶茶，竟然可以少少甜或者少甜或者走甜。一向都好怕傳統嗰種超甜，每次來我都會忍不住點一杯配食物。舖頭空間很有限，晚上都需要等位，但無阻食客前來嘅意欲，因為元朗應該得佢咁好食。佢嘅泰鬼汁用嘅卷卷粉，以前喺九龍城南角道食過，依家可以喺度食到！職員熱情好客，感覺到氣氛好好，落單時埋單時也會同食客交流，感覺到用心經營，同埋對飲食嘅熱誠。希望可以堅持住，繼續俾我食到！燒肉同醬汁真係冇得輸！…查看更多

2025年9月3日中午食lunch，被門口的餐單照片吸引入內，職員熱情好客，為我端上熱的綠茶。餐牌只有全日定食及下午茶。本人單叫了日式咖喱牛脷烏冬，餐牌上是沒有牛脷烏冬相片。食物來到大感失望，日式咖喱都是正常咖喱磚的味道，烏冬質感是彈口的類似讚岐烏冬，四至五片的厚切牛脷，牛脷及烏冬都是白烚的，其後在淋上大量嘅咖喱汁。這樣說應該知道味道是怎麼樣？感覺這個收費$58的咖喱牛脷烏冬不跟飲品，（另外加$8有汽水紙包嘢飲)。這就像小食亭都可以吃到的東西，煮法非常簡單便捷🧐。本人比較喜歡吃牛脷，可能下次再光顧，應該查詢是否香煎鹹牛脷？離開時，看見旁邊的一張二人枱，也吃剩¼碗牛肉烏冬及三份一的牛肉飯。…查看更多

8月17號星期日早上10:36落單，等咗21分鐘才能取得外賣，而該外賣只是一個沒有分湯的火腿通再加一隻煎蛋，麵包再加杯凍檸茶走甜。那麼簡單的一個早餐都需要等21分鐘，樓面計埋收銀只有兩個職員，廚房入邊就唔知，既然沒有請足夠人手去應付早餐時段，根本就不應該設有早餐。人哋購買外賣的時候，作為良心嘅職員，應該要同顧客講，需要等20至30多分鐘。令人非常之勞氣，不知所謂。…查看更多

7月15日大概晚上七時，到該店買外賣，整個下單過程，職員無笑容，下單的時候幾乎零交流，沒有覆單，亦無告知大約製作時間，店舖內的上層大部份都是空置，下層亦都有兩張空置枱及正在執拾的座位。本人是一名懷孕6個月的孕婦，當時，外面天色還亮，天氣30幾度高溫，本人光顧不少餐廳，等候外賣時都會獲邀請在店內的空位坐下等候，就是這一間荃灣老庴邊，不主動安排，期間本人站立在店內等候，期間一名店內比較年青肥胖矮身材的女樓面，擺出一副生厭的面臉，不禮貌地要求本人離開店舖等候。但其實當時地下是有一個四人枱已結帳，而樓上亦都有不少空置的座位。難道等候外賣的客人就不是顧客嗎？本人明白香港食肆空間有限，但本人看不出該等人有應有的好客之道。食物質素正常合理，外賣包裝穩妥，點了芝士肉鬆蛋捲及鹽酥雞滷肉飯。…查看更多

星期五下午係海港城，諗住食芽莊午餐，見餐廳入邊都唔少人食，望海地窗口位滿座，同朋友坐低係走廊位之後，女職員比午餐Menu ，望一望錶2:25，就問女職員會唔會有下午茶，女職員帶啲口音回應有下午茶要2:30，於是我就話等多5分鐘睇埋下午茶餐牌。跟住就睇吓午餐餐牌先，三分鐘之後，2:28個女職員行埋黎，話而家無下午茶，如果要食午餐就依家快啲嗌，如果唔係只得散嗌。我哋覺得好奇怪，一時又話有一時又話冇下午茶，又唔早啲更正返，同埋佢冇笑容，態度欠佳，語氣急促，亦都冇解釋，逼住要人即刻落單。因為太肚餓，咁就即刻求其叫咗午餐牛肉湯粉跟小食炸雞翼同香茅豬扒飯跟魚餅。我的豬扒非常之硬同柴，朋友話牛肉湯粉一般，亦都冇跟到調味配料(辣椒青檸九層塔)，之後要再問該女職員拎，佢先黑口黑面拎俾你。另外令人驚奇嘅就係原來佢嘅泰式魚餅，係厚煎鯪魚肉餅，餐飲超級難飲。我諗食過泰式魚餅嘅人都知道，根本就係兩回事，嚴格啲講，佢違反咗商品說明。其實一個餐都$120，咁樣都已經係$240。呢間嘢食唔好食都預咗，其實係人都知佢做遊客一次性生意，唔會有回頭客，但係星期五下晝嚟食飯唔係嚟受你氣，同催促人哋落單。最後都有密切留意該名女職員，外表不像本地人，留意過佢同其他客人對話，應該識講廣東話，有四圍騰工作，但唔明白點解唔解釋(一時話有下午茶一時又話冇)。最後埋單忍唔住問咗一個男職員，佢就話平日係有下午茶，係今日先冇下午茶。老實講，我覺得街邊越南嘢都好食過佢好多。…查看更多

覺得失望，今次係第二次幫襯，平日午餐時間，同同事一同入座，坐低後，因為越嚟越多人，就被再次俾調位，都冇問題。調咗喺門口收銀處隔離張枱，食嘢嘅時候不斷俾人撞，同埋門口收銀女人態度欠佳，叫人入座嘅態度有啲似喝狗，收銀女人唔知點解不斷大大力開閂個櫃桶成廿次，成餐飯食得好唔舒服，好唔安樂，同埋震耳欲聾。粉麵正常，米線酸辣湯底正常OK，出名係炸蝦卷但覺得好粉，墨魚丸係幾好食。地方尚算衛生，枱面有梅菜配料，份量都足夠。不過，短期內都唔會再去食，因為本身荃灣幾多米線嘅選擇，免得食個lunch都要受氣。…查看更多

炎熱的中午時間，正在找尋鴨屎香檸茶，走遍整個荃灣，看見這間呀杏飯團店有賣鴨屎香檸茶，滿心歡喜，急不及待馬上品嚐，完全不是那種味道，只是普通的檸檬紅茶，亦不及茶餐廳。:(這個價錢，令人失望。…查看更多