CoupleORFoodie的个人专页

話說今日同朋友出街，順便慶祝吓佢嘅生日，然後我哋就去咗K11嘅依間日式咖啡店，本身以為嘢食選擇好少，點知原來佢有好多嘢食可以揀，我哋一入到去就即刻有位，店員仲好好服務咁俾咗卡位我哋坐。朋友分別點樣白桃梳打同埋紫薯牛乳，成杯整出嚟都幾好睇，好有日本咖啡店嘅風格。最近天氣開始凍，所以都病病哋所以點左杯一番柚子煎茶，個人覺得幾好飲，佢甜甜地，不過又好清淡，配埋野食我覺得啱啱好唔會好Heavy，茶黎講佢仲可以叫店員過黎加熱水Refill，大家可以值得一試。主食方面我就點咗壽喜燒牛肉蛋包飯，佢嗰個壽喜燒醬汁幾好食，好有日本風味，然後滑蛋都好滑，個店員仲好好服務咁幫我哋切開個蛋，可惜佢做唔到日本咁樣一刀切就成隻蛋攤開嘅感覺，整體來講都算唔錯，鍾意蛋包飯嘅大家可以試吓。除此之外，我哋仲點咗依個南蠻炸雞，佢用咗蛋黃醬配埋甜醬炸雞，呢個配搭好新鮮，不過整體可能有少少Heavy，我哋每人都係食咗一嚿就飽啦。我同朋友都好鍾意食蛋包嘅嘢，所以我哋就點多咗個明太子蛋包意粉，可以見到佢擺盤幾靚，佢明太子味好出，食落有少少似卡邦尼意粉，感覺幾特別。甜品方面，我哋就叫咗伯爵茶戚風蛋糕，佢甜品來講唔算太甜，而上面嘅cream有少少鹹鹹地嘅味道配搭返佢個蛋糕整體上好驚喜，朋友都覺得好掂幾好食。…查看更多

今日難得放假，咁就約下男朋友仔屋企人去飲茶啦。最近好多人北上去左玩樂，所以香港茶樓都算係少左人，今日好好彩無派好耐就入左去食 。首先點左個叉燒燒鵝拼盤黎食下，佢叉燒都幾入味下，不過就有少少筋，但整體上來講都算係半肥瘦幾好食下。然後男朋友仔好鍾意食叉燒，所以就點左叉燒腸同埋叉燒包食下，兩個點心都好足料，尤其係叉燒腸，好滑，值得一試！不過叉燒包本身可能以為有三個，點知黎到先發現得兩個（以前明明細個食有四個！！）可能太耐無飲茶，問返Uncle先知原來最近都係兩個一籠。個椒鹽豆腐都幾好食，佢出面幾脆口入面豆腐就軟綿綿，夾埋效果幾好。仲有點其他點心試下，個人最推介係古法馬拉糕，佢好鬆軟好絲滑，搞到我地都忍唔住點多籠。但係比較失色就係個蘿蔔糕，有一兩舊係唔夠脆（可能係我個人口味問題，唔夠脆嘅蘿蔔糕唔好食！）不過整體黎講，佢蘿蔔唔算好散，食落都係唔錯的。同埋燒賣，大大粒嘅魚肉燒賣，好適合一家人去食。個叉燒瀨粉都唔錯下，叉燒同上面拼盤一樣優秀，瀨粉個湯底幾好飲而個啲瀨粉都幾有彈性幾爽口下。點心黎講有甜品食真係唔錯，本身以為茶樓點心都係個幾味，不過果然有驚喜，佢紅豆豆腐花，豆腐花比出面街上面嘅滑好多，第一啖食落好清新，好甜美。然後咖啡糕黎講都好唔錯，食到濃濃咖啡味，份量黎講好足料。…查看更多