hk.eat.formula的个人专页

呢間燒肉放題餐廳真係幾唔錯嘅，今次揀左「霞」嚟食，佢嘅餐單真係好豐富！有好多唔同嘅牛肉部位，質感都好，每一塊牛肉都好好食，好嫩滑，燒得剛剛好，唔會太焦，肉味又好。而且佢嘅爐燒技術好好，燒出嚟嘅肉都好香口。佢嘅海鮮種類都好多，我試咗扇貝、廣島蠔、黃金螺、金菇、蜆仔、鮑魚同魚干，所有有殼嘅海鮮都洗得好乾淨口，佢哋將蠔同金菇用一個錫紙兜燒，好乾淨衛生，唔洗擔心容易燒濃。揚物都好好食，我特別鍾意佢嘅炸蝦多士，蝦同多士好搭，一口咬落去芝士都會爆開，但要小心熱。佢嘅炸餃子好正宗，原汁原味，同埋佢嘅香芋丸同蕃薯天婦羅都好有口感，外皮又脆口，好香甜。…查看更多

喺九龍城有一間好出名嘅私房菜餐廳，主要以粵式飲食為主。最受歡迎嘅菜式當然包括上湯焗龍蝦伊麵。佢哋嘅菜式都用咗新鮮嘅食材，令人垂涎欲滴。我哋去咗試咗上湯焗龍蝦伊麵，真係好豪華。龍蝦肉質鮮美，湯汁濃郁，再配上香港嘅彈牙伊麵，真係令人回味無窮。蒜蓉粉絲開邊蒸琵琶蝦，粉絲口感爽滑，蒜香味道十分濃郁，真係好好味，令人食指大動。不過，如果你想食佢哋嘅海鮮菜式，最好要提前預訂。餐廳亦有備麻雀桌俾食客娛樂，好啱同朋友聚餐時使用。如果你有啲特別嘅要求，例如想要自訂語句展示喺餐廳嘅大型屏幕，餐廳都會樂意為你提供服務。最後，如果你想要包場包房，都可以向餐廳預訂。…查看更多

🔖 有時覺得麻辣火鍋嘅單點價錢真係太貴所以唔捨得食，但發現呢一間 台式邊爐都有麻辣鍋，望落好濃味，而且仲係放題，喺觀塘同尖沙咀都有分店 💬 餐廳最低價套餐如果19:30前離座只係$208/位，呢個價位已經可以食到牛舌，而且仲有麻辣小龍蝦任食，另外梅酒，清酒隨便refill，仲任食台灣小食禮物糍粑，芝士條，台灣腸，甜品可以食雪糕，芋圓.. 💬 湯底叫咗麻辣燙同埋椰子雞湯，麻辣湯底真係好足料，師傅用咗好多種香料混合熬製，二椰子雞湯，清新解膩解油，肉類水準不錯，以牛肉類比較出色，豬肉就切得好薄都幾滑！ 💬 最開心就係仲有花膠任點，海鮮類好似魷魚都幾爽有咬口，台式小食，好似鹽酥雞，台灣腸都做得幾有風味，而且都新鮮滾熱辣，最後甜品選擇幾多，所以成餐都叫做幾豐富，有性價比！…查看更多

🔖 上星期去左想食好耐嘅和牛燒肉一郎，佢地最大特色就係用嘅牛有專屬嘅識別番號，食材嘅背景，原產地資料全部都可以查到，保證食材品質！而且仲有自動訂單軌道添，啱曬打卡人士！ 💬 放題價錢由低到高都有，今次食套餐其實體驗已經好唔錯，B餐已經提供名物選擇例如牛舌，牛里脊肉等等，大推厚切牛舌！牛味超濃，而且夠曬咬口，越咬越美味！另外仲有勁大塊嘅牛里脊肉，真係好難得香港食燒肉放題可以見到咁大塊肉，加埋壽喜燒蛋汁食真係一級正！ 💬 除左牛肉，餐廳嘅豬肉雞肉選擇都有唔同醃料選擇，另外仲有刺身同小食，水準都唔錯，生牛肉撈蛋黃做得唔錯，另外和牛卷幾足料！ 💬 最後仲有好大個沙律甜品區，餐廳嘅雪條全部係日本牌子，有別於一般日本放題，口味全部都係比較少見嘅，終於大大舊棉花糖可以燒黎食！…查看更多

🔖 HAKU最近遷址去到ifc mall的四樓空中花園，全落地玻璃飽覽維港景色，米芝蓮級行政總廚 Rob Drennan 主理多國菜精髓融合，順應季節變化為菜單帶來源源不絕的驚喜元素，絕對係一流高級享受 💬 Wine pairing 推介加配由主廚親自設計配酒順序，保證滋味陪添 💬 UNI TOAST 海膽幾厚而且鮮甜，竹碳多士脆口 💬 OTORO 拖羅紫菜塔賣相靚，紫菜塔皮好新穎 💬 HOKKAIDO SCALLOP 個汁調較酸酸地，可以帶出帶子原有嘅鮮味！ 💬 KANPACHI 刺身加上血橙汁，鮮味可以更加出 💬 SQUID 魷魚吸收曬醬汁精華，配合天衣無縫！ 💬 CHAWANMUSHI 茶碗蒸超級順滑，有好濃厚一層清湯所以望落呈橙色 💬 PARKER HOUSE 餐廳自家焗製麵包，未出爐已經聞到香味，加埋特質黑松露牛油，世一美味！ 💬SABLEFISH 慢煎銀鱈魚加牛油，增加味道層次 💬 KING CRAB 蟹肉好香而且好厚，係頂級貨源！ 💬 KAGOSHIMA PORK 豬肉經過慢煮所以能夠保留肉質夠嫩夠腍！ 💬 APPLE 蘋果青檸雪芭好香，入口好冰凍好fresh 💬 MEDJOOL DATE 咖啡雪糕香滑又濃郁，好出色 💬 PETIT FOURS 紅莓軟糖，肉桂脆捲同埋蛋糕仔…查看更多

🔖 有慶祝活動就想食高級啲，今次去到位於尖沙咀嘅鮨舞，佢地由壽司豐改名重新裝修，剛剛開放試業階段，師傅話希望顧客除左享受美食之外，成個晚餐就好似欣賞一場視覺盛宴咁樣，師傅表演食材處理，介紹食材都好專業，我真係食得好滿足！ 💬 今次食左$1688嘅冬舞套餐，首先先付有幾道迷你小菜，鮑魚好彈牙配醬汁好fresh好開胃，食完展開全道餐就啱曬不過！ 💬 然後有5道刺身，首先係針魚刺身切成條狀就好似冷麵咁，加埋冷醬油同蔥，好清新同埋食到針魚嘅鮮味。跟住就有燒左口魚邊，配上柚子汁酸酸地凸顯鮮味。跟住到手掌咁大隻嘅長崎生蠔，真係好難得食到咁肥美嘅生蠔，加埋師傅特製檸檬沙冰簡直係天堂般享受！然後有好印象深刻嘅深海池魚，配上當場磨製嘅芝麻仲有好得意可以用筷子夾得起嘅豉油，好突出，最後就係大拖，油脂爆香唔洗多講 💬 熟食係炸金鯛，外皮炸到卜卜脆金黃色，魚香好重加上南瓜魚湯，過渡到壽司啱啱好！ 💬 開啟我最期待嘅壽司，帶子超厚切好鮮味，鯛王真鯛配上師傅蒸完炒乾嘅海膽粉，令成件味道口感更豐富，之後就係黑目魚，經過風乾之後燒燒佢去逼出所有油脂，入口即溶，跟住到重點香箱蟹！超名貴難得食到，師傅背後拆好曬殼分曬肉，籽同膏再捏成壽司比客人一啖過品嚐所有精華！另外仲有圓碌碌青魚飯卷，滑嘟嘟嘅白子，原來白子係美肌恩物黎㗎！然後就係鮟鱇魚肝以60-70度溫度低溫慢煮50分鐘至腍身質地，再加上柚子增加鮮味解漏，最後就係北海道海膽，最傳統包住紫菜一啖食，又甜又鮮真係一百分！ 💬 最後有立魚魚湯，奶白色清清地解解膩同埋飽足感，呢餐真係好完美，多謝師傅精彩專業嘅解說同埋製作！…查看更多

💭 天氣轉涼梗係食火鍋啦，今次呢間仲要有其他嘢食例如刺身，海鮮，其他台式小食，仲可以燒肉食和牛。 💬 刺身雖然係一次性供應，三文魚係好食，二海鮮就有鮑魚、蝦、魚等等… 💬 跟住今日仲有雞煲食，可以揀辣度，仲有少少豬皮喺入邊，正呀！ 💬 食完雞煲再食燒肉同埋打邊爐，啲肉滑捋捋正呀！最後梗係嚟㗎甜品做結尾啦，有各式各樣嘅雪條同雪糕可以食！ ✍🏻 食方程式💯 味道：90💯 環境：90💯 服務：88💯 CP值：95…查看更多

🔖 大圍616燒肉就場主打黑毛和牛，佢地嘅和牛封存45天就可以提供到最高級享受比顧客，我超級推介！ 💬 首先餐廳職員會簡單介紹醬汁同埋佢地餐廳牛肉嘅特色，基本上佢地嘅套餐可以話極為豐富，第一係刺身5款，全部厚切超新鮮，特別拖羅品質超高，跟住就有沙律，成個沙律足料，加左黑醋好開胃，裏面自己仲有烤牛肉！ 💬 今次試左佢地主打嘅西冷薄燒，果然名不虛傳，油花靚到爆燈，職員仲好好幫我地燒埋，叫我地要包壽司飯同埋點蛋汁食，其他肉類都係好高質，肉眼上蓋好嫩，橫隔膜超濃味同埋要慢慢咀嚼，封門柳醃製都好入味但唔會功高蓋主！ 💬 另外仲有一個炒飯，炒飯好大碗而且材料落好多絕對唔孤寒，總括而言真係好豐富嘅一頓晚餐，超級滿足，好推介慶祝生日或者紀念日！…查看更多

🔖 立鮨係香港有幾間分店，聽朋友講佢地壽司整得出色但價錢又唔會好離地，有單點又有Omakase，而且以前仲有企位食壽司添，所以今日收工就去左 💬 餐廳裏面bar枱座位就唔係好多，有限時70分鐘，menu選擇其實幾豐富，壽司刺身小食樣樣齊，壽司全部大大件仲要厚切，特別係魚腩壽司，火灸拼盤燒得好惹味，另外仲有d比較少見嘅壽司例如北海道羅臼寒鰤魚腩壽司同埋北海道活象拔蚌壽司，兩款都係味道淡但鮮味好重！ 💬 另外仲有海膽迷你特盛，細細碗醋飯上面有一層層海膽，雖然細碗但係其實都好震撼，而且海膽非常甜，食得出高質素！…查看更多

🔖 銅鑼灣呢間串燒題次次都滿座，因為佢真係好抵食，10幾廿蚊就有一串肥肥美味嘅串燒🥰 💬 叫咗勁多串燒嚟食，全部都好香口，肉嘅油脂爆曬出嚟正呀！例如有佢哋嘅招牌肥腸，羊肉豬頸肉全部都好大件好抵食。 💬 除咗各式各樣嘅串燒之外，佢仲有一個貼心嘅地方就係可以將啲串燒喺火爐上邊保溫，所以每一串串燒都係亂暖笠笠，啱晒咁凍嘅冬天食。 💬 除咗串燒之外，佢仲有甜品叫，例如炸饅頭黑糖麻糬同埋其他小食叫，食完所有串燒之後仲可以叫一蚊冰粉，一蚊大大碗仲要無限任叫！ ✍🏻 食方程式💯 味道：92💯 環境：88💯 服務：70💯 CP值：93…查看更多

🔖 銅鑼灣呢間大喜屋放題次次都滿座，因為佢真係好抵食，二百幾蚊就可以食3個鐘啦！ 💬 首先梗係叫盤刺身食下先，啲刺身好厚身，全部都好鮮甜，三文魚一定要狂食先係放題，另外有勁多款壽司可以揀，仲有海膽壽司添！ 💬 食完冷盤再叫熱食，竟然有炸軟殼蟹呢樣野叫，真係估唔到唔錯唔錯！另外熱食都係即叫即整，炸物炸鮮奶都可以一試。 💬 之後再加雪條同埋佢哋雪櫃嘅甜品食，選擇多，嘢飲都有啤酒類型可以揀，實在太滿足啦😍😍…查看更多

💭 今次介紹一間抵食高質嘅放題，位於尖沙咀嘅燒魂，除左日式料理仲有燒肉，佢地嘅燒肉係質素高到可以比美燒肉專門店㗎，食肉獸朋友們一定要去啊！ ❤️ 餐廳座位舒適寬躺，店員好好服務㗎，店員哥哥仲會教你燒肉點樣最好食添，放題真係好少呢啲服務㗎 💬 刺身類每一件刺身都好厚切好新鮮，三文魚紋路清晰，甜蝦好鮮甜，馬刀貝好爽口鮮甜，真係樣樣新鮮！ 💬 壽司每間壽司都可以一啖食入口，推介火灸壽司同埋黑松露大蝦！ 💬 燒肉類私心推介，蜜運豚后肉醃料好入味，絕對出乎意料！另外和牛油脂感爆棚，入口即溶，另外牛舌都係我地不停order嘅item，好香牛味而且彈牙 💬 揚物天婦羅全部都係熱辣辣新鮮炸，唔會太厚粉，蟹餅好足料大件 💬 一品料理 青椒豚肉生薑燒同爽脆腸中寶，全部都用心製作，豬大腸外皮卜卜脆㗎！ 💬 鍋物番茄牛肉烏冬用石鍋上，已經係出乎意料，冇諗過有放題會咁做，而且牛肉仲要唔老，成個石鍋仲沸騰緊，真係太正！！…查看更多

🔖 行街見到呢間只有五個座位嘅日本菜餐廳，等左陣就入去試，原來入面有個日本人，落order會同你講日文，好似去左日本咁 💬 所有菜全部即叫即整，而且師傅會成日幫你浸茶，服務周到，有禮貌 💬 試左各款壽司，壽司上嘅刺身全部厚切，帶子同拖羅好鮮味好正，而且火炙味道好出，燒完勁香 💬 另外試咗個三色丼飯，入面除咗有好厚好厚嘅三文魚之外，仲有蟹肉、鮮甜嘅海膽，同埋好厚肉嘅帶子，如果大碗啲就更加抵食了 ✍🏻 食方程式💯 味道：88 💯 環境：83💯 服務：95 💯 CP值：94 …查看更多

🔖 尖沙咀喜來稀肉長期爆場，咁受歡迎究竟蘊藏咩秘密呢？ 💬 喜來烤肉餐廳推介牛肉，花紋分布均勻美觀，醃得唔會蓋過牛肉味，牛味幾濃 💬 喜來五花肉醃製個醬好正，每塊五花都好入味，油脂感爆發好香！ 💬 石鍋牛肉拌飯新鮮熱辣石鍋飯好香，配料好多，有煎蛋，牛肉，芽菜，蘿蔔絲等等，加埋醬汁撈埋就最好食 💬 韓式雪花冰清淡冰涼可以消除油膩感，全個冰都係採用牛奶紅豆杏仁片，所以唔會太甜 ✍🏻 食方程式💯 味道：87💯 環境：82💯 服務：83💯 CP值：86 📍 喜來稀肉 (尖沙咀)尖沙咀金巴利道79-81號金栢閣1樓連地下…查看更多

💬 食得傳統鐵板餐太多，想搵啲新意搞搞，今次帶大家黎到牛極感受下不一樣嘅鐵板餐體驗 💬 首先入到門口點餐係用日本式點餐機落單，設計完全參照日本設計，自助電子付款，方便快捷又好玩 💬 餐廳係半放題形式，白飯沙律湯任添唔嬲，個牛肉湯味道唔錯，解油膩可以飲多一兩碗 💬 雞扒燒得好香脆，份量都算OK，食落啱啱好，如果有其他醬汁自己加就更加好 💬 黑豚腩片，腩片剪得好薄，油脂豐富，燒到焦焦脆脆再落啲鹽同黑椒會更加過癮…查看更多