mongandcha的个人专页

一條短短的西菁街隱藏着各個地方美食，元朗人真是幸福了。今晚想吃台灣菜,自然來士林。我們點了牛肉麵,台式豬脚麵，酥炸尤魚鬚，台式拼盤等。牛肉麵湯底濃濃，牛肉味入湯，牛肉淋，份量夠大，水準之作。三件豬腳大大舊，炆得夠淋又入味，鍾意食豬手的我舉腳贊好。胚芽奶茶，獨特口味，好似加咗好立克咁，幾野味好飲。其余尤魚鬚和拼盆唔算特別好味，屬大路之作。地方較窄，食完就拿拿聲埋單去附近吃糖水啦！…查看更多

勝利牛丸在元朗個名好响，我搬咗嚟有七八年，由賣二十蚊碗食到今日三十二蚊，間中放工後過來食下，也算老顧客了。十年如一日每次都係丸腩米。(因為佢祗供應油麵但我唔鍾意食)老實說勝利有點名大於實，但又唔算差嘅，丸腩米三粒牛丸實實淨淨，粉比肉的比例比較多，所以相對唔算彈牙。牛腩唔係炆得好淋，份量適中，但柱候腩汁湯底濃濃，加埋D冬菜太多了，碗湯會偏咸唔敢飲太多。賣32元唔算抵食，但又過得去醫得飽個肚咁話啦！…查看更多

中環有很多平吃的美食，行過泰昌見排起長龍，於是人排我又排，試下佢好評最多嘅蛋撻和沙翁。食評說泰昌蛋撻有幾好吃，都係要試過先知。剛出爐疍撻的確色香味俱全，賣相色澤金黄，熱辣辣又香又甜，加上酥皮鬆化可口，此撻名不虛傳真係好食。至於沙翁一向係我嘅至愛，鬆鬆軟軟的沙翁，但又有小小脆脆地，外層洒上白砂糖，吃來蛋香滿滿，滋味十足，水準和蛋撻在伯仲之間，仲稍為秤先少少。簡簡單單，祗花七元就可品嘗到如斯之美食，原來生活這麼美！…查看更多

昨天經過中環一樂店，因為吃飽了所以錯過了，今日剛好做嘢又經過大埔一樂店，所以决定要斬反舊叉燒加料做餸。外賣時付款了就在外面等，所以冇得揀，想肥D或瘦D就要返屋企打開再看看你的運氣了。之前曾食過佢嘅燒鵝都算唔錯，同样係燒臘出品嘅叉燒就可能比下去了。叉燒嘅肉質吃來較實，蜜味稍為偏低，後生仔食無問題，老人家就要趙多幾啖了。人生的際遇在乎運氣，買一樂嘅叉燒亦如是，雖然今日買到嘅叉燒偏瘦冇咁好食，但我睇店上掛住嘅叉燒、睇起上嚟又幾肥美，希望下次我嘅運氣會好D啦！…查看更多

行過真香，買点手信給老爸做零食。這間橫巷小店，自產自銷，沒有恆香、榮华那麼街知巷聞，但平凡中有靈秀。鳳凰卷(小罐73元) :內有椰絲、砂搪。吃來香脆可口，濃濃的蛋香，椰絲和糖，口感簡單就是美，吃出了一份懷舊情壞，加添了幾分人情味。店內多款老式餅食，陳設懷舊鋪排，七八十年代風貌，彷彿回到那些年...物輕情隆，希望老爸吃出當中的心意啦！ps:我自已買了一罐食，我打開試食時家中隻為食貓，聞到香味即時撲上枱來搶食，可見此鳳凰卷的吸引力！…查看更多

暑假放得差不多，女兒又要再飛了，都係時候吃番餐了。在露台餐廳，看着窗外美景，吃着豐富美食，一家人最緊要開心。這個Leisurel unch 所費不菲,730元另10% charge.我再加一個任飲drink package 108元,啤洒汽水任飲。坐在這裏吃得很悠閒,沒有很多人和你搶蟹蚶和鮑魚吃，你可以慢慢地挑選你心愛的食物。服務也很貼心，永遠有人幫你把碟收好，把水加滿，把你的餐巾摺疊好，十分的服務。說到食物，可以說重質不重量，貴精不貴多，其中幾款很好吃無限供應的鮑魚，鮑魚味濃，比生蠔更高貴。海鮮冷盆方面：蟹腳、蟹蚶、翡翠螺和帶子等都很新鮮、大大隻絕無半點欺場。那塊牛排配一種英式麵包加點燒醬汁很好吃，食家們不要錯過！酥皮龍蝦湯，湯不會太濃之餘還內有幾舊大龍蝦肉，喜出望外！各式甜品西餅和雪糕都很好吃，不過真係食唔到咁多。雖說：好花不常開，好景不常在。不過，我好想把美景留住常在。…查看更多

踏進了Sky dinning 101的電梯，隨着高度的攀昇，耳朵內的氣壓搖擺不定，感覺就好像冲上雲霄一樣。入到田舍家內，走廊兩旁盛載著各款名貴的紅酒，加上維港360度無敵海景，彷彿大地在我脚下，給我很GRAND 和土豪金般的 Feeling。今晚我們 Book 了炉端燒的座位，這裡很旺場，經常 Full house，要訂座就要提早。穿過簾幕後，入到場內己經高朋滿座了。這晚為慶祝親友們久別重逢，大家都不介意豪一豪，點了不少平時捨不得吃的佳肴美食，其中有幾樣值得一提：燒南瓜點題是件牛油，配搭了日本的南瓜，入口芬芳香甜，加上了濃濃的南瓜味、混入了甘香的牛油，值得一試。燒雞翼加點檸檬汁後，更能帶出雞肉的鮮味，燒得好，剛剛好皮脆肉滑，令人回味無窮。燒香芋小小的日本香芋，外表平凡，內心潔白無瑕。配以海鹽，吃來芋香迥縈，猶如少女般惹人憐愛，所以說就算是愈簡單的食材，做得好時猶如上菜！燒喜之次看見了它，有一點肅然起敬、捨不得吃下去的感動。厨師們真手工精巧，條魚燒得像條龍一般活靈活現，怪不得 Kinki 有日本魚王的稱號，也有着王者般的價格！雖然唔捨得食，我仍然連頭連骨都趙埋，味道來說，好食到非筆墨所能容，真係食過先知乜野至係 Good fish！宮崎5A和牛燒燒得皮脆肉嫰，5成熟左右，入口即溶，牛肉鮮味汁多，無得彈！年糕甜甜地，特別好食，因為係我自己〝樁〞出來嘅！這晚炉端燒的氣氛非常熱閙，三四十人生著圍炉共膳；把酒言歡，每個人的面上都掛着歡樂的笑容！大家來自五湖四海；素未謀面；但每當厨師奉上食物時，都會留露出對食物欣賞的眼神，給對方食客一個微笑。此時此刻，眼前有佳肴美酒，窗邊盡是美景良辰；這晚、並沒有繁星給我照亮，卻伴着有久別重逢的親友，和身邊所愛的人。有道是十世修來同船渡、同枱食飯皆是緣，所以要珍惜眼前人！:)…查看更多

周未的 The One,適逢是母親節前夕,遊人如鰂,好不熱鬧.吃完晚鈑,正為明天的禮物而煩!經過 Harlans cake shop,目光被那色彩繽紛的 Macaron 所吸引著特別是"開心果馬卡龍"，覺得很有意思！真心希望天下的母親們都開開心心,龍馬精神！餅未吃，已甜入心！一口氣買了數盒，母親們收到一定會很開心:)…查看更多