女神ED的个人专页

 放LUNCH, 原本想食隔離間車仔麵, 點知冇開, 好似封左鋪咁, 一心想食辣湯粉既我就建議不如見呢間, 又可以自己揀餸. 我地一行4人, 等左大約5分鐘先有位, 因為Lunch時間都好多人下入座後 一直掙扎緊嗌佢既大窩料定自選料好, 因為大窩雖然有好多配料, 但單中我唔o岩食既都有不少.最後有同事一粕大窩,亦有選擇自選配料本人所點既自選四餸麻辣大辣烏冬湯味唔算太過辣同麻, 入口叫做香口, 而原本想轉紅薯粉, 不過賣哂, 而我本人又唔食米線, 所以轉烏冬, 烏冬為密封包裝廉價質式, 不過呢個價錢, 預左唔會係咩質素, 冇問題的. 只係鳥冬一散開就撈起, 好似仲未淋透.大窩過橋米線麻辣湯大辣 (麻辣湯會跟埋炸醬)清湯自選米線最意外驚喜應該係個墨魚丸意外地爽口彈牙, 一d都唔粉口. 另外牛丸麻麻地, 咬落有渣既感覺…查看更多

平時好少食韓國野.... 雖然依家去韓國好平...但想食韓國料理 香港其實都好多選擇, 今日就同親愛的揸車入黎試呢間韓國料理.同親愛的噎嗌左佢個芝士排骨.. 由於掛住睇同食 好多野食竟然唔記得影相 真係大蒙佢個芝士排骨 卷緊時 已經聞到好香既芝士味 真係望住口水流  開餐後 佢個芝士加埋熱辣辣既排骨原有醬汁 食落d芝士味真係好香好滑好濃 加埋惹味排骨 肉質夠嫩口啖啖肉, 真係忍唔住啜多幾嘴另外嗌左個綠豆餅 上面有一層香濃脆口芝士 食落口感煙煙硬硬 口感非常好 呢個都係意外驚喜的好食 , 仲有蒜頭雞腎  除左好香既蒜味外 炸完好香口既雞腎咬落好爽口 口感好好,自家泡菜 咪睇佢色水紅當當 食落味道偏向少少酸辣 好開胃 醬汁唔會過多太濃厚太咸 又唔會話辣得誇張 唔錯價錢唔算貴 下次會再黎食…查看更多

天時暑熱, 最適合飲杯冰涼既茶解渴, 一般台式珍珠奶茶又太甜太多奶好易肥... 所以就揀左試飲呢間呢一間D飲品都係以唔同, 除左每一款飲品都可接照你既要求去調教唔同分量冰與甜外......每一種飲品都以唔同既茶膽去調教.....ORDER完之後 企係店鋪到等 其實佢都仲有好多茶葉 果茶賣 我地仲試飲左佢有一隻人参熱茶, 飲完 好甘口 一D都唔苦澀, 雖然好熱 但飲完好舒服, 等左5分鐘左右 就拎得飲品先講一講冰蜂蜜檸檬綠茶, 飲左一啖飲得出唔係蜂蜜味, 不過唔會過甜 覆蓋檸檬同綠茶味 幾好飲至於另一杯 百香果鮮橙綠茶   一飲 橙汁味較重, 類似果汁先生, 唔似鮮渣橙汁, 因為冇渣, 另外仲有一粒粒籽係個口到... 哦原來佢將百香果打碎去再MIX埋一齊 飲落去 好似冇左個茶味.. 不過都好好飲   冇所謂 下次會再試  …查看更多

多年好友生日食飯... 凍冰冰唔知食咩好 朋友提議食呢間...坐得舒服 可以慢慢傾計, 價錢唔算貴, 而且味道又ok!我地每人揀左個dinner set, 跟埋湯 飲品 甜品 都係百令蚊... 環境加味道質素 值得!個扒 幾嫩口 D肉唔會太乾身, 不過我要求5成熟.... 就熟左D 變左7成熟左右..甜品  個朱古力蛋糕好好食......  唔會偏向超甜....而個心太軟就 重黑朱古力味 個蛋糕面食落去有少少黑朱古力苦味... 呢樣就未必O岩人人口味, 對我黎請是OK的…查看更多

今日紅日 特登由港島南揸架車入黎元朗食個 ALL DAY BREAKFAST! 有人會過太瘋狂, 但我覺我呢個係享受!環境上, 店面細.... 開得都幾晏 特登入黎食 要企係到等佢開門SET 鋪....因為我地人太多 所以要坐OUT DOOR, 不過依家冬天 坐OUT DOOR 曬下陽光 都幾舒服丫... 係多路人行過望下你JER 如果有養狗 仲可以帶埋佢坐OUT DOOR ~~選揀就...  一般   , 有咩食? 去相~~ 試佢既凍咖啡 好重咖啡味, 唔會太多奶或太多糖水另外個SET 有水果有意粉 煎煙肉水果可能因為剛開鋪既關係, 未夠解凍... 仲有D 雪氣....意粉不過不失... 偏淡味.... 煎煙肉 穩陣野 煎得夠香口....總括黎講 咖啡是值得讚的…查看更多

之前聽過尖沙咀個間好出名既老店好好食, 見銅鑼灣都有間, 緊係要試下啦...!!!我地 一行5個人 叫左醉乳鴒, 野山椒雜菌炒帶子, 水煮牛肉,  美味醬鴨醉乳鴒 - 幾好食... 有酒香味但唔會太甜澀, 夠入味... 唔會得個表面有味野山椒雜菌炒帶子 - 夠惹味.... 不解釋水煮牛肉 - 粉皮先係招點...入哂味......美味醬鴨 - 個皮包住d肉 加埋醬 唔錯配搭!!!!…查看更多

其實至尊雞煲, 之前已經試過佢係旺角既分店... 但無奈港島人, 好日唔過海, 下下想食雞煲都唔係辦法... 終於 等到佢開黎港島, 而且仲係方便交通既銅鑼灣!!! 新開張冇耐, 緊係黎試左先!!!!上到黎 發現比旺角店坐得舒適 起碼所有櫈唔係膠櫈, 係有椅背既皮櫈, 仲可以翻開個SEAT位 將手袋放落去, 真係貼心既設計! 最適合我地女性會拎手袋同冬天食唔想外套吸哂雞煲味, 擺落去 very good!!!!今次5個人食, 點左兩個煲, 一個係米酒雞 一個係小辣雞煲, 講返個米酒雞 係新野來的... 幾香米酒味 適合冬天暖胃同唔食得辣既朋友. 而個辣雞就同平時一樣 香料十足  火鍋料上 同平時分店 一樣 話多唔多 話少唔少... 但當你等緊個煲來臨時... 出面有好多小食 任你夾...有魚蛋 燒賣 餃子 炸雞翼 糖水 湯 連雪糕 同雪米糍都有... 煲前小吃...  想得週到...  價錢合理 100鬆1位...…查看更多

今晚同同事收工特登過海黎試呢間, 聽講呢到睇夜景一流, 如果放煙花既日子仲要預早成個月訂枱tim...我地4個女人, 其實樣樣望落去都好想食, 但食量唔多, 點左幾味...最特別係佢個片皮鴨, 你可以揀一鴨兩味... 片起既就包住d皮點醬食, 剩返既就炒麵食....另外仲有個 好好味既 恭親王羊腩肉 香而不蘇... 其實我本人好怕食好蘇既野.... 但呢個炸脆後 咬落仲有肉汁而唔蘇 令我一食再食三食.. 食左好多舊..   份量上 我覺得款款都ok 正常例牌份量.. 環境舒適, 如果同良朋聚餐傾計 係一個好地方!!!下次一定會再黎, 大家如果要黎試真係記得book定枱 真係好full下.....…查看更多

之前親愛的過黎澳門做野,食過十月初五街個間牛記一直念念不望, 但原來呢到都開左間, 今次澳門游, 一落船就可以大飽口福o勒~~~~先講環境, 同一般粉麵茶餐廳無異, 位都算多, 親愛的話總店坐得差d, 坐底落都發現幾多飛飛, 我呢d O型血就最惹蚊.....見到個餐牌.... 好多野都好想食... 好日都唔過澳門, 要試 當然要冇遺憾咁試....於是我地嗌左1. 蟹黃撈麵2. 墨魚餅撈麵3. 炸蝦餅4. 大辣咖喱豬扒麵先講一下個蟹黃撈麵... 親愛的話同總店個麵底是不一樣的, 冇味...唔知撈乜 極失望...而我個墨魚餅撈麵... 我同親愛的都覺得墨魚餅OK 幾好食... 麵 都是一樣..真係唔知佢撈乜...炸蝦餅... 食出唔係新鮮... 腥腥地 都係個墨魚餅好食D至於親愛的 佢唔食辣 但極力推介我試既咖喱.... 唔... 黎到見到所謂既大辣...只係落好多紅油... 咖喱唔算濃.... 筆幾匙落墨魚餅個撈麵到加味... 只係筆到D 咖喱水........真係幾失望下....豬扒有點硬...價錢真係唔算抵...因為樣樣都好細碟下...而且都唔平.... 茶餐廳 每人100 先剛剛飽 真係有點........…查看更多

今晚親愛的同我特登過黎澳門睇水舞間, 難得過黎, 緊係要食得特別d啦!親愛的就從網上blog搵到呢間開左幾個月既餐廳試新野...一入去 雖然位置唔多, 但原來是兩層的 而且親愛的又book定位 做到野!難我地睇完menu後, 揀左銀雪魚同安格斯肉眼扒 最後仲叫多個意粉加個甜品事不宜遲 去相其實中間仲有個小插曲, 原本我地兩人只係叫左兩個main, 但食食下發覺唔太夠喉, 就叫多個意粉補飛, 然後食緊個意粉途中, 上左個心太軟(因為落單時叫定埋 預時間上, 因為要趕船), 老細見到我地仲食緊個意粉, 即刻停上心太軟, 再焗過個新既, 等我地食完意粉 時間剛剛好 就食得, 呢種重視質素既精神, 值得加分!…查看更多