ap49xtgcbpsm的个人专页

這道菜色彩豐富，主要包括豐富蛋白質的雞胸粒、豆腐、西蘭花和蘑菇。雞胸粒經過精心調味，外焦內嫩，散發著誘人的香氣。旁邊的豆腐呈現出滑嫩的質感，吸收了調料的味道，增添了口感的層次感。鮮綠的西蘭花則提供了清脆的口感，與其他食材形成美妙的對比，並且富含維生素和纖維。最後，蘑菇的柔軟和微妙的香氣為整道菜增添了風味，讓人食指大動。這道菜不僅美味，還富含營養，適合追求健康飲食的人士。…查看更多

老細請食飯，我介紹佢嚟晴空啦，上次2家人帶小朋友嚟食過午市定食，都有質素，所以今次同老細試吓晚餐omakase, 我哋三個人，叫一個晴兩個空，咩都試下嘛🍣晴 前菜 係水母，空 前菜 係鮑魚肝醬煮鮑魚。水母真係未食過，好爽又脆卜卜，加埋酸汁好開胃。鮑魚煮都好入味，加埋肝醬襯到絕。剌身新鮮 ，1）鰈魚薄切，卷起包住紫菜，是手工食材啊，襯上個汁，又是開胃之選。2）北海道紫海膽配三文魚子拖羅蓉，一定要相機食先啦，勁勁勁新鮮，可以媲美上次去北海道旅行食果隻呀😋。3）象拔蚌刺身，師傅加咗柚子皮，提升左成件事，覺得好清新。4）煙燻青魚，師傅話係用心製作，用櫻花木來煙燻自家製的，勁香燻木味，加埋秘製醬油，加少少Wasabi就好夠味。5）拖羅，係大大片厚切Toro，炙燒左咸咸地，加咗塊紫蘇葉，自家製Wasabi漬，用一塊又脆又厚紫菜包住食，脆到好似薯片咁，唔係講笑！和食1）牛油大蝦及2）汁煮吞拿魚面豬燈，原來塊面果舊肉又大又淋吸哂d汁，又幾好味woo😂😂最後來個香蔥吞拿魚腩卷😋，男人老狗都叫飽了。甜品係密瓜、甜到入心。唔洗又有得食餐好，十分滿意！…查看更多