phoenixkwan1129的个人专页

今日去新同樂食lunch，首先一入到去，諗住叫個1人餐再散叫小食，我哋就問個服務員1人餐份量多唔多，個服務員竟然好串咁話lunch嘅份量梗係少啦，身為一間米芝蓮嘅餐廳，服務態度咁樣完全唔得。首先一開頭黎左個湯，個湯同平時老火湯一樣差唔多，冇話啲乜嘢特別差。跟住呢個點心薈萃，我覺得個燒賣係好食，另外仲有個蝦餃同埋類似粉果嘅嘢，都算ok既。之後嚟咗個豚肉柳，呢個簡直係難食，連茶餐廳質素都比唔上，佢係一嚿肥膏，側邊啲肉係完全咬唔到，味道又唔好食，好似用嚟煲湯嘅肉，唔係就感攞嚟食咁樣，咬咗一啖咬唔到之後就冇食到。之後就黎咗個煲仔飯，煲仔飯嘅質素都可以，不過唔特別推薦，因為同普通酒樓質素差唔多，如果去一啲專食煲仔飯嘅餐廳食一定會好食過呢度。我哋仲叫咗兩個小食，一個小籠包一個四季豆四季豆係好食嘅，味道ok又冇渣，但係個小籠包都係難食，佢個皮做到好厚，都係嗰句，普通酒樓都好食過佢。整體而言，服務態度唔係咁好，另外呢間嘢嘅食物質素只係得2-3道菜係好食，2-3道菜正常，2-3道菜難食，但係一間米芝蓮二星完全係接受唔到，我唔會再嚟幫襯。…查看更多

文華的服務真是一流，這次已經是第三次在這餐廳用膳。這裏的環境和服務質素真的十分值得推介，最重要的是食物味道均不錯。本人的喜好是比較清淡，而這間餐廳正正做到這一點，食物不會太濃味，保留了當中的鮮味，如果喜歡濃味一點的可以選擇他們附設的調味料，當中包括有自家豉油、豆瓣醬、XO醬。唯一要挑剔的是分量比較少，如果份量可以增加多一點點就更加完美。…查看更多

整體感覺OK，職員都好有禮貌，不過食物質素同埋價錢就有少少唔成正比，不太值得推介。另外，無免費泊車，得$20折扣，每個鐘要比$80。日本柚子醋紅蜇頭：有豐富嘅柚子味，酸酸地，食落幾開胃，海蜇頭都非常之爽口，好食。浮萍菊花：呢個湯睇得出師傅嘅刀工非常之好，係一塊感細面積既豆腐上面都可以整到咁靚嘅菊花形狀，加上飲落去個湯清清地，幾好飲，整體感覺唔錯。桂花瑤柱炒素翅：炒得幾乾身，都食得出有蛋白、瑤柱、粉絲呢啲材料，又唔會太咸，都ok。魚湯鮮腐竹浸時令蔬菜：莧菜好食，配埋魚湯加腐竹，清淡得黎岩岩好。炸脆芝士澳洲龍蝦配海鮮湯燜伊麵：龍蝦嘅賣相完全唔得，好似食剩完就咁放落個碟咁，本身以為呢一個價錢嘅龍蝦係會幫你拆埋，我哋可以好方便就咁食，點知係要自己拆肉，仲要冇鉗，個龍蝦本身太鹹，所以我哋都食咗少少就冇再食啦，以於個伊麵都算入味，不過因為個龍蝦嘅感覺搞到差晒。仲叫咗一個薯仔絲，不過因為太油同埋太鹹嘅關係，食咗兩啖就冇食，本身佢哋話再煮過，我哋話唔使啦算啦，然後佢地就直接幫我地取消咗。山楂糕：山楂糕唔錯，有好豐富嘅山楂味，但係又唔會太甜。百利酒蛋撻：食落第一啖會覺得係普通蛋撻，不過食落去會發覺有酒味慢慢滲出來，都OK。紅棉露：佢有少少合桃露加埋落去個紅豆沙度，我本人覺得麻麻地，可能我自己本身都係比較傳統鍾意就感食陳皮紅豆沙多啲。…查看更多

第一次試，服務非常好，職員比我既感覺非常熱情同有禮貌，值得讚賞。裝修方面，本人覺得好有食西餐既感覺，性價比唔算太高，不過食物既質素同賣相都真係唔錯，非常值得推介。賣相一流，青瓜配柚子非常清新，有開胃既效果龍蝦夠彈牙，側邊嘅菜都好好食醬汁味道一流超鍾意食呢個發邊豆，又唔會太咸。…查看更多

性價比高，環境ok，坐得都舒服，職員個d都ok，可惜佢地落場時間比較早，我哋1:45先到，2點已經last order，2:30已經要走，所以呢度要預一預時間會好啲，或者book枱個陣問清楚。宋嫂魚羹：魚羹味道唔錯，就算唔加胡椒粉都唔會腥。上湯菠菜：出面食個d菠菜好多時都會有渣、唔多咬到，呢度可能菠菜新鮮d又夠腍所以ok，另外有金華火腿味道岩岩好。雞煨面：煨面最緊要夠腍，佢ok，雞肉都算唔錯，加埋個湯岩岩好，好食。四隻鮮肉小籠包：小籠包個皮唔算厚，入面肉d湯汁都多，加埋醋食唔錯。…查看更多

香草烤雜菜及甘筍：4.5/5，燒得啱啱好，食到有少少鹽粒，但係又唔會好鹹，味道good，雜菜種類幾特別，喺出邊唔會周圍都食到，值得推介。黑松露薯蓉：4.7/5，有豐富嘅黑松露味，但又唔會好鹹，好食，呢個一定要試。松露野菌忌廉湯 ：3.6/5，湯嘅味道偏濃，有少少鹹，似醬汁嘅感覺，不過側邊嘅菇同埋薯蓉就配搭得幾好。法式芝士磨菇焗波士頓龍蝦（半隻）：3.4/5，龍蝦質素正常，唔算話係好出色個d，反而側邊嘅芝士蘑菇整得好食d，可以唔洗試。慢煮西班牙全橡果黑毛豬：4.1/5，醬汁加埋d配菜，係幾好食既，肉質林林地，有啲肥肉，不過等嘅時間有啲長，差不多成45分鐘，所以要預多啲時間等。雜莓意大利奶凍：4.2/5，奶凍配埋上面既雜莓冰酸酸地，中和左奶凍既甜味，岩岩好。碟豆花檸檬蜜·自家漬：我地叫左凍飲同熱飲，兩杯都好飲，酸酸地，有檸檬味，又有蜜糖味，唔錯。總括而言，整體都唔錯，可以再去，不過因為佢地有自己種d香草葉之款既野，坐入面會比較多蚊之，呢樣要留意下。…查看更多

前菜算係最好食既野香芹黃魚羹 （每位):3.5/5，帶dd腥味，不過加完胡椒粉之後都可以接受，唔算太難飲。干扁竹筍四季豆:3.8/5，兩個字講曬，好食。醬燒茄子:3.9/5，味道啱啱好，唔太鹹，食落去有層次感，中間包住啲肉肉。弄堂菜肉雲吞（6件):3.6/5，雲吞皮夠薄，味道唔錯，不過正常好多地方都食到，冇咩特別。肉絲炒淮山麵:3.3/5，成個面冇咩肉絲，九成半都係麵，食緊嗰刻我就喺度諗：唔通啲肉絲好貴，不過好彩都算好食過平時食開嗰啲炒麵嘅。椰汁小玉兔 （4件):1.1/5，比1.1分純粹係因為佢個樣夠靚，但味道真係超級難食，仲衰過出面啲人工糖水既味道，千祈唔好叫。總結而言，整體環境同服務質素都算ok既，不過唔知係咪因為人多嘅關係，比較嘈，之後我哋要求轉出邊嘅枱，好彩又咁啱有位，先靜返少少。…查看更多

繁忙時段，餐廳嘅服務仍然幾好。上湯灼菜心：$40/48分數：2.8/5有啲硬，本人唔太鍾意。:(惹味厚切茄子：$34/38分數：3.9/5味道質感都唔錯，個汁配搭得好好。奇味椒絲牛柏葉：$30/34分數：3.5/5開頭正常，可惜食到最尾有啲鹹。櫻花蝦蜜汁叉燒腸：$34/38分數：3.8/5個皮幾薄，叉燒係一粒粒嘅，唔會一大舊，幾容易咬，加埋啲櫻花蝦幾特別。:)瑤柱海皇灌湯餃：$45/48分數：3.8/5味道唔錯，最緊要唔會太鹹。銀耳椰皇燉桃膠：$40/48分數：3.3/5正常，唔會太甜，感覺唔太多料。總結：坐得幾舒服，食物整體ok，服務都唔錯。…查看更多

鎮江肴肉 : 如果5分係滿分，有3.3分。正常野，有陳醋味，不過唔係我個人鍾意嘅口味。鮮魚羹 : 如果滿分係5分，有3.4分。冇腥味，不過有少少骨。豆豉蒸排骨 : 如果5分係滿分，有3.8分。味道都OK，肥肉比例較少，口感唔錯。豫園小籠包 : 如果滿分係5分，有3.6分。小籠包頂部有啲硬，味道都算ok嫩雞煨麵如果5分係滿分，有3.5分。啲麵唔係一條條完整嘅，略嫌有啲太碎，不過味道都算可以，麵夠林。上湯小棠菜如果滿分係5分，有3.8分。味道唔錯，係我鍾意嘅口感，林林地整體嚟講，下次都可以再嚟，不過性價比唔算高，但係環境都算ok，有海景望下，都岩傾下計既。…查看更多

我地叫左兩個Set Lunch，本身諗住再叫多兩個小食，不過因為太飽，所以最後都冇叫到。南瓜湯：用杯裝，可以直接飲幾好，味道同份量都啱啱好。如果滿分係5分，佢有3.9分。沙律：正常，醬汁唔會太多，都算ok。如果滿分係5分，佢有3.3分。八爪魚串：正常，唔會太濃味，可惜質感有少少硬。如果滿分係5分，佢有3.1分。主菜-焗黑醋無激素雞腿伴野菜飯值得推介，味道同質感都好好，份量好足。如果滿分係5分，佢有4.1分。主菜-醬油橡果豚肉野菜丼溏心旦配埋有少少醬汁珍珠米嘅白飯唔錯，豚肉既質感都ok。如果滿分係5分，佢有3.9分。整體黎講，食物質素唔差，性價比都高，環境都ok，加上可能我地食得晏，唔太多人既關係，靜靜地傾計一流。唯一我覺得唔太好既係廁所，出入都好迫好迫，如果唔太急既話，建議行多兩步去附近既商場會比較好。…查看更多

餐廳差不多全場滿座，可能因為夜晚冇得堂食既關係，又或者係好多人都覺得呢間餐廳幾好食。:)好彩我地係一早book左枱。焗鮑魚酥：正常，個汁幾好食，可惜鮑魚唔算太入味，如果滿分係5分，佢有3.3分。麻醬抄手：個皮幾滑，可惜醬汁同雲吞嘅味道唔太夾，如果5分係滿分，佢都有3.2分既。秋葵淮山：呢個我地覺得好好食，淮山口感一流，又唔太鹹，如果滿分係5分，佢起碼有4.8分，非常值得推介。煸四季豆：份量頗多，兩個人食會好啲，一個人食太多，肉碎比較濃味少少，不過整體都ok，如果滿分有5分，佢都有4.1分。迷你餛飩：份量適中，比較細粒，一個人食都ok，雲吞皮都算薄，如果個湯再濃味少少會更加好，如果滿分係5分，佢都有3.5分。得意小豬：賣相一流，見到都會好想食，性價比好高，唔會太甜，有乳酪味，如果滿分有5分，佢有4.5分。陳皮燉梨：原個雪梨上，有陳皮味，不過味道有少少偏甜，整體算ok，如果5分係滿分，都有3.7分。牛肝菌臘味年糕：抵食，有少少牛肝菌味，不過糕有少少粉，如果滿分係5分，佢有3.1分。整體食物質素唔錯，性價比又高，如果唔太追求服務既，呢間餐廳值得一試。…查看更多

招牌黑叉燒：個樣幾靚，盤下面又有蠟燭整住，叉燒唔會吹到凍曬，唔錯。如果滿分係5分嘅話佢有3.5分。西湖蓴菜雲吞雞：因為得兩個人嘅關係所以淨係叫左半隻雞，份量黎講都有少少多，每人起碼要飲兩碗湯先飲得曬，至於雞個部分我哋就食淨咗少少，不過味道都幾好。如果滿分有5分嘅話，佢都有3.8分。鹵肉碎炆茄子：呢個幾鍾意食，肉碎加茄子配搭得好好，又唔會太咸，就咁食唔配飯都可以。如果滿分有5分，佢有4.1分。青菜煨面：自己個人黎講都幾鐘意食煨麵，貪佢林林地，唔洗咬得感辛苦，加埋啲菜喺入邊健康得來又有少少口感。份量岩岩好，如果滿分係5分，佢有3.8分。豆沙南瓜餅：性價比幾高，甜品我就不嬲唔係話太鐘意，因為驚佢太甜，不過呢個唔算太甜，又有啲煙煙銀銀嘅感覺，都算可以。如果滿分係5分，佢有3.6分。整體黎講其實大部份食物質素都可以，最緊要嘅係我覺得啲侍應嗰啲都算有禮貌，環境正常，係咁啱坐嗰張凳我覺得唔太好坐，凹咗少少落去，同埋一開始坐正風口位，其他都冇咩特別。…查看更多

我哋叫咗個兩位起嘅自選午市套餐再加多樣野，買埋小食合桃、花生、辣椒醬、醃蘿蔔，埋單都係$6百幾，性價比好高，整體食物質素又唔錯，服務幾好，坐得舒服，啱傾偈。:)香茜鮮魚羹：冇魚腥味，有少少既芫荽味，唔錯。雞絲粉皮：同出邊食開嘅雞絲粉皮差唔多，都OK。長江燻魚：套餐有兩塊，份量岩岩好，味道比較濃，不過食落味道都ok。糟溜魚片：有濃濃既酒香味，質感味道都唔錯，唔會有魚腥味，幾好食。菜飯：啲飯唔會太硬，食落感覺健康。干扁四季豆：出面有啲食落會太鹹，不過呢個岩岩好，就咁食唔配飯都唔會覺得太濃味。蘿蔔絲酥餅：唔跟套餐，我哋另外分開叫既。有豐富既蘿蔔甜味，質感鬆脆，幾好食。小籠包：個皮夠薄，加埋少少醋，好食。椰棗拉糕：唔會太甜，我鐘意佢薄薄地，食完都唔會太濟。…查看更多

餐前小食有合桃，合桃香脆、芝麻夠香、唔會好似出邊咁放到林晒。龍蝦湯龍蝦金魚餃：感覺用心製作，成條金魚感樣好靚，個人黎講覺得好好食，所有野配搭得好好。番石榴帶子餃：皮薄餡靚，又有少少番石榴既甜味提鮮，唔會太鹹，無論味道同質感都一流。:)梅菜皇匈牙利鬈毛豬叉燒紅米腸粉：用紅米夠健康，個皮夠薄又滑，味道清清地唔錯，配搭都幾好。上湯西蘭花：雖然簡簡單單但係味道唔錯，如果可以再整林少少會更加好。鮑魚滑雞札 (2件)：$98材料有鮑魚、雞、花菇、豬皮、魚肚，係完美嘅組合。5/5乾清棗皇糕：份量有三件，兩個食都ok，甜度岩岩好，食落煙煙銀銀，鍾意呢一類甜品嘅朋友一定要食。 雪燕陳皮桂花燉雪梨：有淡淡既桂花香，甜度岩岩好，唔會好似出面個d糖水感得個甜字，完全試唔到其他味。另外因為落左雪燕，食落嘅口感非常好，呢個一定要試。如果滿分有5分，佢有6分。…查看更多

話梅淮山：呢個係食完會好肚餓嘅開胃前菜，我覺得兩個食份量會偏多，3、4個人食就岩岩好。雲耳百合炒木蘆筍：正常嘢，性價比唔高，可以唔洗試。紅菜頭素粿：皮薄、粿入面有好多菇菌類，味道岩岩好，一定要試。潮式灌漿蘿蔔糕：出邊好少食到，食落有啲煙煙銀銀嘅感覺，幾特別，味道都係岩岩好，一定要試。鮮肉小籠包：小籠包嘅皮最緊要，佢個皮夠薄，入邊嘅湯夠曬味，係幾好食嘅，不過女仔黎講就唔可以一啖食晒，略欠有啲美中不足。蘆筍帶子腸：個皮幾滑，就算吹凍咗都唔難食，味道啱啱好，食多幾條都唔厭，加埋佢自家製嘅XO醬更加好味。總括嚟講環境唔錯，食物ok，服務正常。…查看更多