Yeelanlan的个人专页

同同事食晏嗰陣時經過謝斐道突然發現開多咗一間 港式茶餐廳， 於是入去試下。 夥記極力推介我哋食焗飯同咖哩， 於是我就嗌咗個豬扒焗飯同咖哩雞飯。 首先講豬扒焗飯， 豬扒軟硬適中， 唔似出面啲茶記用鬆肉粉拿到塊肉冇曬質感， 估唔到仲有兩大塊豬扒厚切， 份量十足， 焗飯亦有炒底， 夠乾身夠香。 焗飯個汁唔會太酸, 仲有我至愛嘅芝士喺上面, 勁. 好食過一哥焗飯多多聲.而我同事就食咗個咖哩雞飯, 個咖哩汁好有層次感. 有啲似日式咖哩唔會好辣, 辣中帶甜. 雞肉都做得好嫩滑, 入口唔會鞋, 啲咖哩汁用嚟撈飯真係一流 我覺得呢間茶記唯一唔好之處就係啲卡座位比較狹窄, 好彩我同我同事都係纖瘦之人, 仲未頂住個肚腩 不過呢份量真係太過多， 覺得有啲浪費食唔曬。 對呢間茶記有唔錯嘅印象，下次必定會再嚟試其他菜式…查看更多

酸辣湯沒有酸味也沒有辣味， 也沒有竹筍， 差點兒目測也看不見木耳，只見豆腐 。 小籠包皮厚又硬又乾，湯汁稀少， 豬肉餡料又咸， 買公仔点心仲好食過佢 或者去便利店食 都好食過佢。 醉雞沒有花雕味 ，肉質又硬 不夠嫩滑。-上海粗炒麵質差劣， 份量少。 紅油抄手一點辣味也沒有。 雞絲粉皮質量好似BB糊仔一樣, 雞絲只得幾條， 難食到極點.侍應生服務超五星級服務， 問佢攞一碟豆瓣醬不理睬。 仲要打烂碗。所有食品賣相超差，質量超唔掂。 不會再來。差！ 差！差!…查看更多