笑話小姐的个人专页

激死我! 我今日約12:50pm落order, 講到明要咸蛋肉餅煲仔飯外賣, 之後問佢幾耐, 佢話半個鐘就得 (因為送過黎都幾近), 唔使好耐... 咁等啦, 嘩! 足足一個鐘先送到... 激死我! 好啦, 一開, 嘩! 勁細盒囉~ 唔抵! 個肉餅咸到嘔... 飲多多汽水都唔得! 最重要: 佢俾左咸魚肉餅飯 (唔食咸魚架!) , 嬲到我即刻打去問, 佢竟然 (毫無悔意) 答我, "今日冇咸蛋喎!" 下?! 咁點解我落order個時唔講?! 明屈我!!! 早知就唔叫呢d咁既rubbish.永冇下次! …查看更多

今晚走去jordan覓食! 聽聞呢間腸粉店好出店要排長龍, 今日就一試啦~ 嘩~ d阿姐既服務態度不敢恭維, 差~ 問佢拎籌, 佢話等下啦, 一等就唔知走左去邊囉~等左約15分鐘, 終於可以就坐, 點知佢話要一次過落單, 因為所有腸粉都要等至少30分鐘 (但唔知點解外賣只需要10分鐘就得喎~)... 原因: 即叫即做, 係要耐d架喇~ 唉, 所以只好叫碗皮蛋瘦肉粥頂住肚先~粥類:皮蛋瘦肉粥既味道唔知點解就係同平時d粥店既味道唔同~ 點樣都describe唔同個種唔同之感, 但唔係話難食個隻~ anyways, 入面都有幾多餡, 不過略嫌太多瘦肉~ 腸粉類:牛腸: 唔好味~ d牛肉好薄, 食左好似冇食咁~ :( 唔係平時係酒樓食個d~ 我只食左2啖就算~ 叉燒腸: 反而有surprised! 叉燒切成既size唔錯~ 又幾好咬, 同埋都幾入味~ 唔錯啊~ btw, 個腸粉皮冇我想象中咁靚... 其實呢到d價錢又唔係平, quality唔係特別好, 又要等好耐, 十分唔值! 唔會再黎~…查看更多

女人天生就鐘意行街. 一行街就可以連食飯都唔要, 最後, 買到店鋪收工, 亦代表食肆收工, 大鑊! 11pm, 唔係要食老麥celebrate bday咁陰公下話... 好在仲有watami! thank god. 係佢last order之前 (11:20pm) 落哂order, 就可以安心等佢上菜~ 一睇之下, 原來我地差不多係最後既customers, 哈~ 可能冇人啦, 又或者想早d收工啦, d食物上得好快~和風pizza依舊脆又香口, 而且唔油又唔多肉, 真係每次都要叫一個~ 和民沙律就今日俾左好多沙律醬, 成大pat, 所以有過多之嫌, 如果有返多d菜就正喇~ 哈~ 菜爽但唔算甜, 而且雞肉都好係有好多咁~ 今日既沙律麻麻地啦~ 雜菌野菜炒 (豚肉) 係最差! d豬肉好難食, 點講呢... 唔韌唔腍咁, 個texture好怪, 而且冇乜味~ 另外d菜好少, 少得好可憐, 而且仲要苦~ 好苦~ :( 仲有油得異常得人驚, 見到有層好厚既油係底浸住d苦既菜, 真係食左2啖就唔好再搞我, 好在有bea咭半價, 唔係喊都冇謂~ 和民拉面係第一次叫, 發覺入面既叉燒同豬肉都唔錯喎~ 湯味可能偏鹹, 但加返d韌到十足既拉面又ok喎~ 佢d拉面真係幾好味, 夠韌幾好咬口~紙包雞, 又係半價物, 見佢新新地咁, 叫個試下, 點呢... 似糯米雞? 總之個外表非常唔attractive. :( 其實我都唔記得個味, 因為nothing special, 只記得自己食左一啖就話唔會再叫, 大概係因為唔係好出色吧~ 朱古力蛋榚既雪糕球又係未上到台就已經融融地~ 無計~ 但加上佢個蛋糕真係好味~ 夠甜, 正~ 但可惜我唔認為佢值咁高既價錢, 平返d就差唔多~ 好耐冇試士多啤梨芭菲, 一試又有個種驚艷既感覺~ 哈~ 因為真係好好好好好好好味~ 份量又夠多 (不過就係因為太full, 好難放羹入去 ), strawberries唔酸, 幾甜架, 外表又靚, 雪糕好凍, cereal好脆~ 哈~ 好鐘意呢~ very good~其實當我地finished所有野都已經12:15pm, 過哂佢關門既時間, 但佢都冇趕我地走, 服務真係幾好~ …查看更多

今晚, 星期四, 去玩之前到呢間店到食返餐先~ 時間約10pm, 店鋪入面只有2張台客人. 環境幾靜, 好relaxing. 燈光都幾暗下, 但都仲睇到menu, 但個情調真係唔錯~ service好好, d waiters好friendly同helpful. very good~ :) 一望個menu, 有n咁多種burgers, 每個都可以配set (either beer or soft drink) 或者just the burger. 齋burger就最平, 配chips & soft drink 就貴多 $10, 配chips & beer 就再加多$15~ burger大部分都係roughly $40左右~ 都算係咁丫個價錢 (其實係呢個location, 算平架喇~ ). 但真係好多款, 都幾難決定要乜野, 我認為如果多d人一齊食既話可以試多幾個國藉, 會開心d~ 同朋友共2人, 叫左一個 mexican burger with chips & a drink ($58) 同 masala chicken burger ($40) share.according to the description on the menu,mexican burger:grilled beef patty with gaucamole, salsa, and green chilis.實物: 成個burger好厚, 疊到好高. 有好大塊beef (好入味, 唔係壓到好實但絕對唔會易散, 腍腍地, 煎得好香~ 正!), 另外有tomato同lettuce (大量已切絲). veggie新鮮幾甜同爽, 但唔凍. 如果之前係雪過既話, 冰d會再加分. 但都唔錯~ 成個包其實食落就唔辣既 (even d sauce supposed係辣既~). 咁多個醬入面, 最出係salsa, 可能因為蕃茄醬本身係出d, 所以就cover左gaucamole既味~ 但我嫌所有sauce份量都較少, 有d唔夠, 佢放返多d既話會好d~ 但其實佢差不多每張台都有mustard同ketchup, 唔夠佢既sauce可以自己落呢兩種~ btw, d waiters見到我地台冇 (而我地亦冇留意到), 好主動咁拎俾我地~ 幾好喎~ 至於d chips就炸得唔錯~ 脆同金黃, 而且唔油, 唔會食到成手都係油~ 同埋有好多, 食唔哂~ :)masala chicken:masala chicken breast with raita sauce實物: 成個burger又係好厚同又係疊到好高. 有大塊chicken breast(呢個就唔係幾好因為d肉好實, texture唔得, 而且煎得唔係好香, 差左少許), 又係有tomato同lettuce, 但我就頂唔順個raita sauce. 呢個sauce不論聞定味都好似cheese (因為我唔鐘意太cheese既野), 所以有點想嘔~ 個sauce入面既粒粒好refine, 好細粒, 都ok既~ 但總之我就唔多欣賞呢個burger~另外, 個包既入面係有烘過, 所以好脆, 正~ 而且成個包都好易一分為二, 好易切~ 唔錯~ 同埋個manager見只得我個friend有drink, 我冇, 所以都送左杯drink俾我 (呢杯diet coke就咁order都要$28~), 真係多謝哂~ 算係頗美好既一餐~ …查看更多

蝴蝶酥 $42行過又點可以唔買返包試下呢? 話說佢d蝴蝶酥唔油 (即係唔會成手油淋淋) 但酥, 但又唔會跌到d碎一地都係喎~ 勁! 佢呢個酥其實相對地實喎, 唔係個d鬆鬆散散個唔好味既曲奇餅~ 所以食一塊都有少少飽肚既feeling. 唔係好甜, 中間仲有少許鹹味, 非常惹味, 令人食過唔停~ 加上每塊細細塊咁, 金金黃黃, 真係拎完一塊又一塊~ 同埋佢任人試食, 搞到我好有temptation食哂佢成罐啊! 哈~ 不過$42咁細包又真係貴左少少囉~ 呢d都係耐唔耐食一次 (睇佢都估佢幾高calories!). :)…查看更多

經常去九龍灣個間, 都未試過呢間總店, 今晚食完飯就過黎試下啦~ 嘩! 多人到呢... 佢已經有好多鋪位, 但都係超多人... 不過好在等左唔算好耐就已經有位, 太好喇~ 而且仲可以坐新鋪, 唔使坐得咁逼, good!新鋪呢邊都幾大幾闊落, d位唔逼, 坐得好舒服! 而且好光好乾淨~ good! :) 推介坐呢邊~ anyways, 見到佢呢間d choices多過九龍灣個間, 咁就of course要試下啦~ 叫左個熱戀小伙子 ($26)... 我之前已經試過其他phases (eg 失戀小王子同埋初戀小仙子)... 仲差呢個未試呢~ 就睇下佢係咪好sweet先~唔, 原來係一個芒果做主打既甜品, 細細杯 (但唔抵囉, 咁細杯要$26!), 顏色鮮豔 (因為仲有幾塊切到非常非常薄既strawberries + 一個心型既 "jelly"), 頗吸引~ 芒果唔酸, 好甜, 但可惜分量少, 只有幾舊仔, 唔夠喎~ 個d芒果汁做成既sauce就真係好正, 夠凍~ 但個雪糕唔知點解好快融囉... 真係要快手將個雪糕球食落肚~ 個d strawberries又係, 好心唔好咁慳啦, 俾多d都得架... 唉~ 個d jelly又滑, 好得意, 又唔甜, 不過好易就碎哂囉~ 激死我! 由於太細杯. 唔使5分鐘就俾我ko左 (咁partly都係因為真係幾好味, 令人一啖又一啖咁吞哂入肚~)! 最乞人憎既就係佢個杯, 的的骰骰咁, 但又塞滿左d "jelly", fruits, 咁... 根本一舀就會流瀉出黎, 好麻煩囉~ 佢可唔可以預返少少位俾我放入個羹舀一羹囉~ 下次都係要返金枝玉葉算數~…查看更多

ok, 今日黎kowloon city, 其中一個target就係試下呢到既蛋撻 ($11有3個!) ~ 我見佢間餅店咁懷舊, 係呢到咁多年, 應該係好味先得啦, 點知呢... 首先, 個蛋, 就顏色幾靚, 好黃, 好似幾吸引咁喎~ 而且個蛋好似好有彈性咁, 唔係好水, 應該會唔錯架喎... 但個蛋撻皮係 "火農" 既, 有好大陣 "火農" 味係個蛋撻到溢出, 已經扣哂分... 焗到過哂火, 唔得啦! 個皮又非常油喎, 食完真係成手油, 要用液洗手先得~ 由於佢個皮落左好多油, 所以好酥皮, 即係一路食會一路跌d碎~ 但亦都因為油份過多, 只能食一舊 (好 "濟" 嘛~). 另一個大問題就係一d都唔甜... 人地個d蛋撻好甜架嘛, 佢一定係低糖少甜, 所以唔好味囉~ 唔甜又油既蛋撻, 真係食一個都嫌多囉~ 激死我! :(…查看更多

從來都冇expect過朋友們竟然真係會走去九龍城tony wong到買個生日蛋糕俾我~ 我見到個刻真係差d感動到落淚... 大家真係好有心, 真係多謝哂先~ (據悉呢個一磅既cake 要$290!)講返個cake先... 佢地買左個mango napoleon俾我, 好明顯就非常之咁靚啦. 首先, 個面有好多薄薄既mango, 仲有好多碎酥皮, 成個蛋糕金光閃閃, 加上支蠟燭, 真係非常吸引~ 外面有個spiral既朱古力花條, 感覺好grand呢~ 但可惜佢送個支蠟燭燒得好快, 所以條spiral好快就俾d火熱到融左... 好可惜呢~ (建議: 大家唔好用佢既蠟燭, 真係勁快燒完...)anyways, 到切蛋糕個刻先知到大鑊, 因為硬到喊... 係! 係硬到我切都切唔入, 佢把膠刀唔夠力 (同埋真係太硬喇個cake), 只能用把金屬刀 (用把咁鋒利既刀都要好用力囉~ 你imagine到底佢有幾tough... 應該可以擲死人!) 切好幾份. 好在佢係正方形, 非常易分~ 呢個係一個好事黎~終於都可以食, 發現左一個好大既問題, 就係由於佢都幾高身 (即係厚啦~), 而隻叉又拮唔入喎, 咁到底點食呢? 最後只能逐層逐層 (好似共有4層~) 咁分開食~ 哎呀~ 咁咪有失食napoleon就即係多層蛋糕之意? 冇計, can't help. 唔係點食?! texture呢... 每一層既酥皮好實, 但一咬就會碎, 但又唔會有好多碎片跌落碟~ 酥皮唔油, 冇一種膩感. 入面d cream好實, 唔係輕泡泡, 大概係因為custard黎吧~ custard唔算多, 同埋唔係好甜, 所以唔會好 "漏". 芒果唔酸, 反而幾甜, 不過可惜唔係多, 每層都只不過夾雜住好幾舊 (仲要係細細舊) 芒果罷... 唔夠喉~ 所以我唔覺佢係一個mango napoleon, 而只不過係一個普通既napoleon (真係好在佢外面有芒果點綴下得知佢係mango napoleon~)... 至於平時係其他餅店甜到漏又或者難食到嘔既朱古力牌反而幾好味喎, 有陣朱古力既香味, 而且唔甜, 加上都幾滑, 似平時買既朱古力咁, 唔錯喎~ 不過to be honest, 得知個cake咁貴, 覺得唔抵囉~ 佢收咁既price, 應該出d更值既貨囉~ …查看更多

可能因為long weekend既關係, 所以好多人. 老細問完我地幾多人之後就踢左我黎呢間. 噢, 但我明明係想試泰菜喎, 好在2間原來互相提供泰/越菜~ 好在~ 由於太旺場, d侍應又唔夠喎 (得3個咋~), 所以佢地一去冇回頭, 明明落左單, 但唔記得去拎過黎, 之後提佢咩, 佢又再落多次order... 搞到d賬單錯哂~ 水又係叫n次先會加一次. 唉... 就憑呢點 (唔夠人手) 我信我已經冇下次, 再好味都係咁話... 更何況都唔係好味到咁+勁勁勁勁勁勁勁勁勁勁勁污糟 (d野感覺好唔衛生囉~ so dirty)...泰式(豬)沙律 $50辣辣地咁, 但還可接受. 由於只有鹹同辣味, 無甜同酸, 所以呢個沙律係唔會開胃既~ 份量頗大, 但可惜生菜唔夠, 所以係會食淨. 不過佢每塊菜 (同埋好新鮮好爽! :)) 都好大片, 所以每片都可以包到好多菜料架~ 所有菜料都切得非常碎, 所以唔使多咬就可以吞落肚. 但其實唔係好special, 麻麻地only.椰汁青咖哩(雞) $45由好多種咖哩可以選擇, 但我地最後settle左係呢個青咖哩雞到. 但上到台, 發現其實都唔係好青, 因為俾d椰汁mix埋哂, 哈~ 所以顏色都幾淡囉, 唔係好吸引~ 不過都幾香, 聞到椰汁味~! 佢上台個時仲有個蠟燭係下面燒住, 保暖呢~ 哈~ 不過好快就熄左, 可能係唔suppose last好耐? 個咖哩煲入面真係只有雞, 咖哩, 同d香草架咋~ 真係冇其他野 (如carrots... etc), 而雞真係有好多塊, 同埋已經切得好細舊, 所以好快就舀完一羹又一羹~ 同埋d咖哩一d都唔辣, 而且好稀, 所以真係送飯得好緊要, 要叫幾碗先得~ 哈哈哈哈~ 但可惜叫極佢都唔肯拎飯過黎, 所以最後只能give up清左呢煲咖哩既諗頭~2個人total $141, 還好啦~ 但環境唔得, service唔得, 坐得唔舒服, 好逼, 又好驚佢地d侍應拎住個d有汁既野會倒瀉落我到 (因為d路太narrow), 有d唔多好囉~ no next time. sorry.…查看更多

同朋友去滿記食甜品, 但受夠了芒果, 決定試新野, 點知係錯! 我諗住試下個芝麻糊配紅豆沙... 點知由個外型開始就已經唔夾, 即係顏色唔靚~ :( 所有野都太深色~ 咁試下啦, 點知個芝麻糊太甜, 而個紅豆沙就立時被比下去, 變得一d都唔甜~ 不過好在都仲有d紅豆既香味, 同埋d紅豆仲可以咬下, 所以紅豆沙個part未至於好似completely唔見左咁~ 但個芝麻糊真係好出, 芝麻好香~ 但... 佢真係唔夾囉... 所以芝麻糊&紅豆沙不能同時擁有... 一山不能藏二虎...…查看更多

好匆忙咁去左買個奇華面包頂肚因為好趕好趕, 點知入開都幾多人排隊買野喎~ 哎呀~ 好在店員快手, 唔使點等~ 太好~今日既收獲係$6.5既黑麥芽吐司~ 做乜鬼香港同大陸+台灣一樣叫方包做toast, 仲要係用吐司呢2個字... i just can't accept this! btw, 其實都幾貴, 因為只有薄薄既5塊~ 噢... 呢個黑麥芽吐司好moist, 都算濕喎, 但係唔油, 唔怕隻手油 "林林", 幾好喎~ 顏色有d似好好好好淡既芝麻餬, 即係灰灰咁. 我開頭仲以為有d小麥係入面, 點知冇既! 即係成個texture都好滑, 無野咬, 呃人!!! 所以佢應該改名做 "黑麥幼芽蛋糕片" 會好d~ …查看更多

是日大雨, 仲要周圍行, 唉, 唔好搞咁多野, 入黎呢到食個甜品就算啦~ 呢到已經我第二次食, 但依舊無人~ 但老闆已經唔係到, 換上服務一般既侍應. 唉... 無乜客人就係咁傾計, 唔多理我地~ :(朱古力木糠布甸 ($26)賣相一般 (雖然有粒strawberry係面), 砌得唔係幾靚, 搞到朱古力餅周圍都有~ 好在味道幾好, 可以彌補~ 木糠布甸夠凍夠硬, 但一放入口就即時融化, 而且唔係好甜, 唔會俾人有好 "漏" 既感覺~ 最好既: 唔會好乾身, 幾moist,唔會梗親, 所以可以多食好幾件~ btw, 呢個木糠布甸既朱古力味都幾濃, 食每一啖都有陣朱古力餅 (其實好似oreo既味!) 既味發出~ 幾好~芒果雪花冰 ($33)賣相唔係幾attractive, 雖然有山咁既shape, 但d冰片得唔靚, 唔夠薄, 好亂, 無美感. anyways, 顏色幾鮮豔, 都似芒果個種黃既~入面有d生果咁, 但放得好求奇, 唉, 都費時食~ 至於個味呢... 唔... 我唔會話佢有好重既天然芒果味係到囉~ 其實都幾obvious係人造flavor, 不過好在唔係難食似藥水個隻人造味, 所以還好, 可接受~ 但可能由於室內太暖, 所以d冰融得都幾快下, 有點似鬥快食完~ 唔鐘意! :(總覺得.以前黎食好味d, 服務好d, 但而家好似質素有下降之嫌~ …查看更多

行過大圍, 有好多野食, 但阿媽想食粥, 所以只好食海景~ 一入到去, 咦, 佢根本唔係粥店, 根本係一間茶餐廳, 但咁岩有賣粥罷. 有點被呃之嫌~ 叫左碗艇仔, 發現佢熬得唔錯, 好入味, 但唔會好鹹, 料亦好足, 粥又幾綿, 整體不錯, 好彩~ 另外叫左個牛利酥, 但好差! 首先, 炸得唔夠耐, 入面只係岩岩熟, 出面唔夠脆, 而且異常之咁油, 油到可以搾返一碟油出黎, 可以想象有幾得人驚! 好在顏色還好, 可以呃得下人. 炸兩既腸粉皮一般, 唔係特別滑或薄, 入面既油炸鬼普通, 不過成個combination同d sauces撈埋一齊又幾正喎, 幾好味, 但其實呢個都係甜醬同麻醬既功勞, 唔關個炸兩事~ 哈~ 9加多杯凍檸茶, 但要差唔多五十多~ 好似貴左d喎 (以咁既quality)...…查看更多

新正頭, 反轉成個紅磡, 除老麥外, 就只有幾間茶餐廳開門, 合發係其中之一. 一入到去, 嘩! 店鋪細, 但塞滿哂! 勁! 而且就咁睇發現大部分人都認識, 應該係熟客, 睇怕只有我地係同呢到格格不入~ 哈~朝頭早8點, 個腦未function, 求奇點左一個早餐set, 就係沙爹牛配雪菜肉絲米線加杯熱檸茶~ 沙爹牛既沙爹汁超濃味, 所以好鹹. 雪菜肉絲之雪菜明顯係好入味個種, 所以又係鹹~! omg, 成碗都好鹹, 搞到我不停咁飲熱檸茶解 "毒". highly recommend大家唔好好似用我呢個combination叫早餐, 唔係會鹹死! …查看更多

行經此串燒店, 同行人士推介, 加上體力值已經跌左好多, 要補給一下, 就要左個沙爹雞肉. (黑住面既) 老闆娘由熱櫃 (幸好此櫃有保溫功能, 幾驚呢支串燒係凍架!) 取出一支雞肉串 (咦, 都幾大串丫~), 放入本身已所預備好既沙爹醬中浸幾秒, 之後放入個膠袋到俾我, 感覺上好似有點被呃既感覺, 但好彩沙爹醬唔係偷工減料 (冇用水溝到稀哂), 所以還好~ 沙爹醬味道頗甜, 唔辣, 但唔突出, 一般啦. 雞肉唔鞋唔韌, 易咬易入口, 冇雪藏味 (呢個好重要~), 軟軟的, 唔錯~ 還可以丫~ :)…查看更多