彈弓狗的个人专页

今日經過油麻地中華書局，發現旁邊新開一間Cafe，睇下門口餐牌覺得唔錯，有飯、意粉、炸魚薯條，價錢都合理，所以就入去幫襯首先講下餐廳環境，牆身是灰水泥，再掛上不同的油畫同壁畫，真係好似置身係外國的餐廳一樣，由於太多食物選擇，我睇左15分鐘餐牌先下到主意，點了一個Dinner Set我點了香煎珍寶帶子意大利飯Risotto with Pan fried Jumbo Scallops $158，由於未到晚飯時間，所以我等左一陣已經食得首先上了是日餐湯，今日係忌廉粟米湯，我個人認為個湯比較杰身，如果可以稀返少少就好啦，飲完湯侍應就上主菜，我已經聞到好香，首先試下意大利飯，軟硬適中，每粒飯都充滿忌廉味，好濃郁，最欣賞整個Risotto都唔會太鹹Jumbo Scallops果然好Jumbo，廚師將帶子兩邊煎成金黃色，賣相一流咬落去食唔到雪藏味，只嚐到帶子的鮮味，睇得出餐廳用左靚料，因為我本身都鍾意食帶子意大利飯，所以我一口接一口食唔停，好快就清空個碟今日只食了Risotto，下次會再來試下其他菜式，特別係烤德國豬手，因為見到隔離枱點了呢個菜，好似好好味咁…查看更多

今日同老公去食丼丼屋，我地大約2點去到，仲有午市定食老公見到即刻叫左限定的海膽魚子丼可能預先整定，海膽丼好快到，微暖的海膽同魚子鮮味十足，海膽味道甜而不苦，魚子晶瑩剔透，但$98的價錢黎講，份量較少，有點寒酸，但都好好味！問題黎啦，我叫左日式鹽味炸雞扒溫泉玉子丼，等到老公食完個海膽丼都未到！足足等左25分鐘！如果我係上班族Lunch Time食真係超趕:(味道方面，成個丼好濃味，有芽菜芝麻，另外鹽味炸雞扒好正，雞皮炸得好脆，又入味，將溫泉玉子整散再撈飯，正評語：價錢偏貴，味道幾好，等得太耐！…查看更多

住長沙灣的朋友介紹我去CHOO CHOO，所以同老公提早訂位食晚飯，CHOO CHOO位於順寧道，有Google Map導航，由長沙灣C2出口行十分鐘左右就到餐廳以火車為主題，隨處可見Ticket Label等等的小裝飾，店內的電視螢幕會播放風景片段，猶如置身係列車入面，好特別餐牌，每樣都想試法國啤酒炸石頭魚柳配薯格$148賣相一流，炸石頭魚柳份量十足，外皮炸得金黃香脆，魚肉十分嫩滑，而且真係食到淡淡的啤酒味，好正！至於薯格味道有別於快餐店，薯味出眾，成個菜都好好食因為魚柳同薯格都屬於煎炸食物，食食下覺得熱氣？唔緊要，CHOO CHOO特別配上蘋果沙律，酸酸甜甜，既開胃又清熱，可以減去油膩感，好有心思，值得一讚黑墨魚筒西班牙海鮮飯$198海鮮配料超多，有青口、帶子、大蝦、黑墨魚筒，每樣海鮮都好新鮮，完全唔會有雪藏味，特別要一提黑墨魚筒，滿滿的墨魚汁蓋上墨魚筒，好容易切開，好鮮味！西班牙海鮮飯調味適中，加上黑橄欖，好好食今餐非常滿意，但CHOO CHOO座位較少，想食的朋友記得訂位呀！:)…查看更多

見荃灣廣場新開School Food，今日同老公去食LunchLunch Set包小食、主菜、飲品同甜品，相比散叫係抵啲香辣雞翼、韓式炸餃子老公話雞翼好辣，所以我無食到，而且炸餃子都係普通好食，賣相唔靚，睇到碟底果塊生菜就知:(深海奇趣飯比個名吸引，其實由粟米片、八爪魚同沙律組成，味道清淡，粟米片好好食，至於沙律味道普通七色牛肉伴飯呢個飯好香，相比深海奇脆飯，顯得濃味，好惹味健康果茶今日係熱情果茶，好飲，酸甜解渴今餐食左差唔多$200，完全唔抵，味道普通，下次散叫算…查看更多

今日同成班朋友去聚會，有朋友係元朗食過Stormies覺得好食，所以一早預約左圓方的分店，Stormies位於圓方的Civil Square，部Lift好隱閉，比較難搵，好容易會去錯左ICCStormies有戶外同室內部分，我地今次揀左室內，但係我覺得同戶外無分別，因為室內完全唔夠冷氣，好熱，好彩問左餐廳要左杯冰水降降溫，唔係都幾辛苦:(松露芝士薯條配蒜香松露醬薯條份量好多，炸得好香脆金黃，新鮮熱辣，蒜香松露醬好重松露味，點埋薯條一齊食好正不過我覺得醬的份量比較少，如果可以多啲就好啦招牌廚師沙律由於好多都係煎炸食物，所以叫左廚師沙律清下熱，配料有chicken breast，egg，tomato，chick peas，pancetta等等，味道唔太特別，普通salad一個野菌意大利飯配黑松露醬野菌份量超多，我諗野菌同意大利飯比例係一半一半，我寧願意大利飯份量多啲，而家唔知食菇定食飯不過我最鍾意個意大利飯係脆身，好好食虎蝦辣肉腸茄汁意粉虎蝦好大隻，爽口新鮮，由於加左辣肉腸，意粉辣辣地，夏天食都幾開胃公司三文治麵包烘得香脆，有Ham，生菜，雞蛋，蕃茄，食完已經好飽總結，食物質素普通，而且唔夠冷氣，如果同朋友想飲杯啤酒傾下偈食下薯條都OK，但如果聚餐就唔係一個最好的選擇啦…查看更多

今日同老公去左旺角瓊華中心的茶木，餐廳位於10樓全層，面積好大紅燒牛肉麵呢道雖然係茶木的招牌菜，但我係第一次食，成碗麵香噴噴，除了牛肉，仲有蘿蔔、紅蘿蔔、芫茜等配料，質感硬硬的手工麵配上非常香濃的牛肉味湯底，好好味！紅燒牛肉應該採用左腩位，肉質好淋，仲入口即溶添酥炸雞扒配肉躁飯雞扒外皮炸得香脆乾身，顏色金黃，食落口完全唔覺得油膩，酥炸後的雞扒好香，入面仍保持到肉汁，肉躁味道正宗，唔會太鹹，撈埋白飯食好開胃！玫瑰星際特飲老公試新出的特飲，真係有玫瑰乾花，佢話係果肉加上有氣的梳打水，感覺似雜果賓治，甜甜酸酸幾好味榛果咖啡香濃的甜忌廉配上榛果咖啡，甜度適中，忌廉上的餅乾好好味，好飲呀食完呢餐勁飽呀！…查看更多

Crostini分店開得越來越多，除了咖啡、牛角包和蛋糕外，原來Panini味道也很好Turkey & Cheese Panini $29Lunch time的Crostini不算多人，見到廚櫃的Panini賣相十分吸引，立即點了火雞芝士Panini等了5分鐘，店員奉上香噴噴的包，Panini烘得香脆，坑紋十分漂亮，充滿意大利香草味，薄片的火雞肉配上芝士，味道一流，成個包十分好吃…查看更多

今日係特別日子，老公帶左我去位於皇后大道西的Gees吃晚飯，由西營盤站A1出口步行約六分鐘就到，好方便餐廳侍應遞上Main Menu、Dessert Menu和Drink Menu，餐廳燈光柔和，每枱枱面都有小蠟燭，好浪漫我地點了Prime Rib Eye、Shrimp tomato sauce with angel hair、一杯1664同Iced lemon tea點餐後，侍應隨即送上麵包，共有三款，微暖的麵包塗上牛油，十分好吃Prime Rib Eye $298肉眼扒外表煎得香脆，香氣撲鼻，牛扒的脂肪和肉比例適中，帶點油脂香，牛肉味道濃烈，還有兩球超軟滑的薯菇和烤菠菜Mushroom做伴菜，整道菜無可挑剔！五成熟的肉眼扒帶點血水，呈現淡粉紅色，賣相很好食客還可以將牛扒沾上海鹽食用，會更加帶出牛肉鮮味Shrimp tomato sauce with angel hair $68意粉當中我最喜歡天使麵，而Gees將天使麵煮得剛剛好，不太軟身不太硬身，又容易咬開，配上特製的蝦干蕃茄醬，整體配搭一流，蕃茄醬中帶有濃烈的鮮蝦味，真係好惹味由於今日實在太熱，餐後喝上一杯凍飲，感覺更好今餐非常美味，食物水準一流，餐廳環境優美，最適合情侶進餐，非常浪漫，侍應服務周到貼心，Very good…查看更多

今日比較趕時間，只能經過Starbucks買早餐，見到廚櫃選擇不多，勉強揀左芝士腸包$25叮熱後的麵包好香，本身諗住幾好食，誰不知麵包十分乾身，乾到刮口果隻，我個人不太喜歡乾身麵包:(不過麵包有黑椒同香草，我都幾欣賞至於脆皮芝士腸同平時食的熱狗腸差不多，芝士味可以再突出少少，Starbucks仲比左亨氏茄汁我唧，感覺真係食緊熱狗但$25食呢個包真心覺得唔抵，因為真係太普通寧願比$8去買返普通腸仔包食，無下次…查看更多

麥當勞已經推出醒神早餐好耐，絕對適合我呢種唔食薯餅的人，價錢比套餐平，又可以試到套餐無的包，例如是麥芝蛋包，同最近勁賣廣告的芝士魚堡、芝士雞堡芝士雞堡，凍新鮮檸檬茶 $21好開心麥當勞出返新鮮檸檬茶，我好鐘意飲，但停售左好耐而家早餐加$3可以轉，我當然唔會錯過！其實芝士雞堡係老公推介我食，一試就愛上佢同11:00am開始提供的麥香雞包好似，不過個包用左硬身鬆餅白包，多左塊芝士，少左生菜，但塊雞一樣好好食，配埋芝士同沙律醬真係好夾，唔怪得麥當勞最近勁賣廣告啦凍新鮮檸檬茶我習慣走甜，因為可以飲到茶香，不過今次茶底比較混濁，可能比左隔夜茶我，好彩味道無大問題，檸檬有3片，所以都夠檸味，OK:)食呢個餐既飽肚，又可以唔洗浪費薯餅，very good…查看更多

新屋附近係荃灣廣場，食肆種類多元化，有平有貴，今日想平平地食個Lunch先返工，所以揀左MX香煎雞扒飯(可配鮮茄或粟米汁)配凍檸茶$47如果唔加配飲品就$38，其實$9加杯凍飲真係好貴，不過大熱天時當然要飲返杯凍飲解暑啦，唯有比佢賺下啦！講返個飯，我揀左鮮茄汁，味道同焗豬扒飯個汁一樣，香煎雞扒好大塊，外皮煎到好香脆，雞肉仲保留肉汁，配埋個汁連飯一齊食，真係好好味呀…查看更多

今日專程去油麻地的村爺爺食龍蝦湯店舖位置十分方便，由油麻地地鐵站A1出口轉右就到下午茶時間，除了湯泡飯外，還有西多士、三文治等等的選擇，不過我今日目標係招牌龍蝦湯，所以我點了極上海鮮龍蝦湯泡手打烏配配凍檸茶走甜 $81等了10分鐘左右就上菜，嘩！好大碗！好足料！唔影相都唔得極上海鮮包括魷魚、青口、帆立貝、蜆仔，仲有大大個龍蝦頭，好豐富，絕對適合喜歡海鮮的我龍蝦湯十分鮮甜，充滿龍蝦膏的味道，好好飲，味道絕對唔腥海鮮全部都好新鮮爽口，睇得出係用靚料，我特別鍾意魷魚仔，質感好滑身，味道好鮮！手打烏冬口感煙韌，粗幼適中，連湯食好惹味至於凍檸茶都係茶餐廳水平，茶底夠香！老實講，呢個價錢食到咁鮮味香濃的龍蝦湯泡飯/麵，真係物超所值，我肯定會再黎…查看更多

今日Lunch再次光顧「茶室」，提早15分鐘打電話落單，放飯行去即刻拎得外賣肉骨茶配油條白飯 $55肉骨茶味道正宗，帶有濃郁的藥材味，入面有冬菇、豆卜、生菜和豬骨，兩隻冬菇又大又厚肉，好足料所以材料都吸收肉骨茶的湯汁，好好食！至於油條白飯，油條微暖，略嫌不夠脆身，不過唔太油，肉骨茶配白飯十分惹味，今餐真係好飽…查看更多

自從上次食過Home Bar之後，一直好想搵機會食多次，不過我同老公都要返Shift，等到尋日終於就到時間一齊去食Dinner侍應安排我地到角落的四人枱，昏暗燈光加上R&B音樂，Home Bar真係一間非常有情調的餐廳今日我同老公今日叫了巴馬火腿蜜瓜同兩個Set Dinner巴馬火腿蜜瓜（6件）$90巴馬火腿鹹鮮味十足，配上爽甜多汁的蜜瓜，好好食唔洗5分鐘已經比我地極速KOSet Dinner分別跟餐湯、沙律、蒜蓉法包沙律菜好新鮮，配上車打芝士碎同酸酸地的醬汁，好開胃！餐湯係忌廉粟米蘑菇湯，味道濃郁，好creamy，蒜蓉法包好香脆，連湯一齊食更加好味香草牛油雜菜焗鮮三文魚柳 $190一上枱已經聞到魚肉同牛油的香味，伴碟仲有沙律、薯蓉、豆角，好大份！三文魚完全無骨，最適合我呢個懶人，Home Bar將魚柳焗得剛剛好，肉質嫩滑多汁，底下係燴牛油青瓜、蕃茄同翠玉瓜，雜菜吸收三文魚油，加上本身牛油香，食落口更加惹味紐西蘭牛柳配燒汁$220份量同樣驚人，兩塊紐西蘭牛柳非常厚，煎完之後脆邊，但入面好juicy，而且無筋，牛肉味較淡，所以食落唔會「漏」，配上燒汁好match，好好食！朱古力蛋糕（跟餐）食完主菜輪到甜品時間，朱古力蛋糕配忌廉同生果，蛋糕好軟綿綿，但中間層cream雪到好凍！超好食1664 呢杯1664只係$48，好抵！Vanilla Milk Shake $18 (跟餐優惠價）奶味好重，仲有一球呍呢嗱雪糕，兩者好夾，好飲今餐食到勁飽，Home Bar食物份量超大的，水準依舊維持在高水平，建議大家提早訂座…查看更多

今日放假去左元朗，由於天氣太熱，我都唔想食飯，經過千色附近見到新開一間麵店，叫佐料佑麵，見環境好似唔錯，就去左試酸菜桂花魚麵，凍水果茶 $69餐牌仲有豬手麵，牛腩麵，排骨麵等等選擇，不過我一見到酸菜桂花魚麵就兩眼發光，因為夏天食酸菜好開胃，而且我最愛就係桂花魚講返個麵，餐廳採用幼身的上海麵，質感同雲吞麵差不多，好爽口彈牙，桂花魚肉好鮮味，而且唔會一夾就散，不過份量較少，得三舊:(酸菜份量十足，酸酸地好開胃！湯底鹹度適中，整體配搭都very good…查看更多