wildpotato.kitchen的个人专页

最鍾意食嘅蛋糕店 @jenjen.bakerylove，好耐之前已經有留意jenjen(由佢做foodie開始已經有睇🤫)不過到上年八月先的起心肝試，好後悔咁遲先食到🥲▫️ 濃鐵觀音夾豆腐奶凍捲蛋上一輸搶唔到，今次成功買到🤤食落好濃鐵觀音味，蛋糕依然好鬆軟，cream食極都唔會覺得好漏(只會覺得好飽🤣)今次食到嘅豆腐奶凍勁正！又濃豆味又令到個捲蛋增添風味🤤🙆🏻‍♀️雖然佢比較難買到，但係佢嘅質素真係唔會令人失望🫡…查看更多

🥞嗰日食完飯想食疏乎厘pancake，俾👦🏻搵到apm有得食 即刻去試吓🙆🏻‍♀️▫️ Uji Matcha Soufflé 🍵▫️ Signature Pancakes - Mont Blanc🌰我哋食咗mont blanc pancake先，見佢擺盤好靚😍食落塊pancake鬆軟，栗子蓉味道濃郁，夾埋啲cream食啱啱好，唔會覺得好膩 👦🏻食得好開心🤣喺我哋暴風式吸入之後第二碟宇治抹茶疏乎厘pancake就上碟🤤見到佢上碟嘅時候凳吓凳吓好開心😆食落佢嘅抹茶蕨餅好煙靭，左邊嘅抹茶醬好濃 比起pancake上面嘅抹茶cream出色。個抹茶雪糕質地比較硬身，不過不失🤨不過紅豆蓉比較甜，有啲現成feel🥲講返個疏乎厘pancake主體，係好鬆軟，不過中間略嫌有啲未夠熟，口感上有少少失望🤫不過都總算滿足到自己嘅心癮 食完呢餐都好滿足🙆🏻‍♀️…查看更多

☕️Happy Friday 去咗一間位於旺角嘅打卡cafe🍽 @tearapy_tearapy 雖然出名打卡，但係佢嘅食物同埋飲品質素都唔錯🫣今次同埋屋企人兩個人去食，所以叫嘅嘢食唔多，諗住食完晚餐再出發去第二度食甜品。點知呢度嘅嘢食睇落唔多，但係食到最後變到好飽，最後都冇再食甜品🫠以下有🌟喺推薦菜式，大家可以bookmark定，下次去嘅時候可以叫嚟食😆▫️勁爆芝士牛肉漢堡(鳥籠漢堡)🌟▫️太平洋煎海蝦配藍青口白酒忌廉汁手工墨魚麵▫️髒髒黑糖珍珠鮮奶🌟▫️四季春芝士奶蓋🌟呢個鳥籠漢堡真係打卡一流(見到隔籬枱影得好開心哈哈🤣)，見到嘅時候好有驚喜😆當你影完靚相就可以叫店員幫你收走佢，另外仲可以係落order嘅時候揀將個漢堡切開一半，都幾貼心🤫呢碟菜式除咗有漢堡包，仲有薯條同埋沙律🥗個人覺得沙律同埋薯條好好食🫣漢堡嘅質素算係中上，不過啲芝士食到最後有少少膩，所以同埋朋友share啱啱好👍🏼👉🏼呢碟意粉嘅質素其實都OK，但係可能我見到手工意粉期望太高，所以就覺得呢碟菜式冇我想像中咁好食🫥佢嘅汁調配得唔錯，青口略嫌唔夠新鮮，但係呢個價錢配上呢個質素都收貨嘅🤫至於嗰手工墨魚麵就只係普通嘅意粉，食落都唔係好覺有墨魚味同埋手工意粉應該要有嘅質感🥲🌟呢杯招牌嘢飲又係打卡一流，同埋都好好飲，飲落唔算好甜。不過屋企人已經叫咗少珍珠，但係最後都飲唔晒🤣👉🏼最後呢杯四季春芝士奶蓋其實係幾好飲嘅，不過因為我哋叫咗微甜，令到成杯嘢飲嘅味道比較淡，茶味唔算濃🫣但係佢個芝士奶蓋係正嘅，唔會話覺得好肥膩或者好稠，我呢個芝士奶蓋愛好者係收貨嘅🤤整體嚟講呢間鋪頭算係顛覆咗我對旺角打卡Cafe嘅感覺，佢可以俾人打卡之餘又有一定嘅水準👍🏼佢未到超級好食，但係呢個價錢同埋質素都好唔錯🤫不過大家如果要食就可以預早book位，或者好似我哋嗰日咁樣早啲去Walk in，因為我哋嗰日七點幾食完離開嘅時候見到勁多人排隊入嚟🫣…查看更多

適逢母親節，提早尋晚同媽咪去餐廳慶祝😆媽咪想食韓國嘢，所以就去咗間位於炮台山嘅韓式料理——韓星星食韓燒🙆🏻‍♀️雖然openrice睇落唔多正評，但係我哋同屋企人之前去食又好okay，尋晚食咗好多唔同嘅肉同韓式料理，好滿足🤤以下有🌟喺推薦菜式，大家可以bookmark定，下次去嘅時候可以叫嚟食😆▫️烤雜錦牛肉拼盤🌟▫️烤五花腩🌟▫️海鮮煎蔥餅🌟▫️牛肋骨燉白菜湯▫️韓式手打麵(牛肉)🌟首先要讚佢嘅前菜同埋泡菜好好食！好食過平時去嘅連鎖韓國餐廳，同埋款式都多好多😆🌟烤雜錦牛肉拼盤入面嘅牛肉有牛味有肉汁又好食，又可以滿足你一次過食幾款肉嘅願望，推薦！🌟烤五花腩雖然好邪惡，但係燒到佢金黃色之後配埋生菜同蒜頭食簡直一流🤤🌟 海鮮煎蔥餅入口食到好香嘅麵粉味同蔥味，食落又好煙靭，四個人一人一大塊好滿足🤩👉🏼另外嘅牛肋骨燉白菜湯其實都唔錯，牛肋骨好冧，真材實料！仲配咗一碗白飯，不過落嘅黑胡椒比較多，食到尾嘅話會有少少重口味🤏🏻👉🏼至於韓式手打麵(牛肉)就唔太推薦，其實應該叫水冷麵會好食啲🤣個手打麵食落好似無乜特別嘅刀削麵/公仔麵咁，同埋可能加咗薯仔，個湯愈食愈稠🥲但係整體嚟講呢間鋪頭嘅嘢食都正嘅！入到鋪頭感覺好似去咗韓國嘅小店咁，店員嘅態度都好nice，主動幫手剪燒肉同幫牛肉起骨🙆🏻‍♀️…查看更多

今次介紹喺街市發現嘅生雲吞舖頭，雖然佢話自己係餃子店，但係佢個皮係用雲吞皮，所以我都歸類佢係雲吞🤣🙆🏻‍♀️▫️鮮蝦豬肉餃▫️菠菜豬肉餃首先佢嘅價錢唔算好貴，價錢牌可以碌去右面慢慢睇👉🏼而且佢哋嘅餃係人手即刻包，好食過平時喺超級市場買嘅急凍餃子🤤啱啱今日又去咗買，結果用咗$80買咗三盒餃(有54隻🤣)真係好抵👍🏼所以去開呢區嘅人可以試吓買😎有時去到都要排隊㗎，睇嚟都好受街坊歡迎！…查看更多

🍣襯夜晚堂食開返，即刻同屋企人食返餐日本料理，極度推薦呢間喺尖沙嘴嘅十和田總本店 @towada_sushi 🤤嗰日食咗好多菜式，魚生、海膽都好新鮮，食落好滿足🙆🏻‍♀️以下喺推薦菜式🌟大家可以bookmark定，下次去嘅時候可以叫嚟食😆▫️三色丼▫️火炙左口魚邊丼▫️海膽蒸蛋▫️蟹膏沙律▫️炸雞件▫️黑芝麻雪糕▫️海鹽雪糕其實好多菜式都好吸引，但係上面都係我食完之後覺得下次都想食嘅菜式🤤值得推薦🙆🏻‍♀️🌟招牌嘅三色丼簡直係一次過滿足你三個願望🤣🌟火炙左口魚邊丼呢個都好正，左口魚食落好肥美，連下面啲飯都吸滿曬精華🤤🌟海膽蒸蛋個蛋滑捋捋，海膽又好新鮮，正🤩🌟蟹膏沙律超級好味！(本人本身好鍾意食蟹🤣)勁大pat蟹膏同埋蟹肉，連埋啲生菜食非常夾🤤好味到我第二日都回味緊🤣🌟炸雞件雖然好邪惡，但係佢連個炸粉都好入味，驚喜之選🤫🌟最後梗係唔少得甜品啦，試咗三款口味入邊比較推薦黑芝麻同埋海鹽，食落比較濃郁😆…查看更多

🍜嗰日入去嘅時候見到鋪頭入面感覺唔算好日本風格，點知食落浸日本味出曬嚟🤤👍🏼▫️海老蝦味噌拉麵▫️魚介醬油拉沾麵▫️炸雞總括嚟講，佢嘅湯底好濃，麵底都好彈牙🤤食落比想像中好食，絕對有驚喜👍🏼碗拉麵嘅麵質有啲彎曲，所以有得掛湯🙆🏻‍♀️櫻花蝦嘅數量好多，個湯底又好濃郁，食得好過癮🤪沾麵嘅麵質相對比較冧，但係食落都好夾嗰湯👍🏼見人哋枱叫咗炸雞，即刻又order返碟先，炸雞嘅炸粉唔厚，食落熱辣辣 好食🤤…查看更多

🍡🍰屋企人好好咁排隊買咗 @the.mochiffon.cake 嘅麻糬戚風蛋糕 仲同人夾咗令到我可以一次過食曬四款口味😛🙆🏻‍♀️▫️Rich chocolate 🍫 ▫️Hojicha red bean☕️▫️Classic earl grey🫖▫️Matcha whiskey coffee🍵一食入口發現個麻糬真係好好食 睇落好似好乾咁樣 但係食落好軟熟 好似棉花糖咁樣😍😛另外蛋糕嘅質感都好鬆軟 味道方面 焙茶同埋伯爵茶好出色🙆🏻‍♀️ 朱古力就比較普通👌🏼而抹茶威士忌感覺上唔係好夾🥲 但係整體而言都係好好食嘅 推薦大家都可以試吓👍🏼🤤…查看更多

每一次食完都唔夠喉嘅餐廳，隔一排又會好想食😆▫️阿一豬扒麻辣米線▫️韭菜湯餃叫咗兩碗都係一樣嘅米線，因為佢實在太好食😛豬扒好入味，米線嘅湯底嘅辣度適中，食得好過癮🙆🏻‍♀️但係要注意個湯底應該都有味精成份，食完都需要飲多啲水。不過間唔中食一次，當獎勵吓自己啦😆至於碗韭菜湯餃嘅餡好足料，而且一碗大約有八隻，又有幾條菜，好抵食👍🏼另外，外賣嘅時候會係湯另上，咁就唔怕返屋企啲米線會索晒水😆…查看更多

無得去旅行 唯有出街止下癮😛今次去咗阿叔泰麵💛之前都已經去過元朗分店一次，發覺佢好食又大碗，所以再encore🙆🏻‍♀️▫️牛肉船麵(金邊粉)▫️豬肉船麵(金邊粉)▫️阿萊燒豬頸肉▫️泰式奶茶整體嚟講佢都大件夾好食😆船麵方面湯底好濃郁，牛肉船麵入邊嘅牛腩好冧好入味🙆🏻‍♀️另外好推介食燒豬頸肉，佢係有厚度嘅豬頸肉 食落都好有質感🤭泰式奶茶飲落幾正宗，好香煉奶味，喺呢排又熱又焗嘅天氣飲番杯凍嘅飲品簡直非常之爽👻…查看更多