巿井 owen的个人专页

今日收工約左Daisy姐開飯，人家住紅磡，講明唔去得遠，灰姑娘要12 點前返歸好好好，上openrice睇，見到呢間泰國菜有本事踩住澳洲牛奶公司個頭，一定有料到，好，反正揸車，就試下你打去book位，講明有車，店員話幫我安排，中環收工接埋Daisy姐行西隧，柯士甸道一轉就見，真係唔難搵，個經理仲驚我唔識路，打黎兩次教路，我係美國讀書唔代表我係美國仔不過都算係好心，由你，仲要真係有安排個車位俾我，泊正門口，方便入到去，裝修好有feel，最緊要Daisy姐鍾意，人家食慣好野，泰國菜貴極有譜，好在Daisy姐今晚願意降呢食平野真係平，開支紅酒四百有找，兩個人點了個海鮮粥底打邊爐，係，無錯，係粥底，經理介紹Daisy姐又鍾意，我最順得人粥底鍋有隻新鮮蟹跟上，我睇住個經理由門口個魚缸撈上，實新鮮啦Daisy姐話想開條象拔蚌試下，經理第一時間推介，話餐廳做緊promotion 法國貨象拔蚌賣$288，嘩，有冇咁抵，唔怪得見有幾枱人食我就點了個泰式餃子，都係獨家菜，有辣有唔辣，我鍾意辣，Daisy姐又話唔辣，頂，女人好煩，辣唔辣都要，放粥底煮超正還有牛丸，花膠，雪花肥牛，生蝦，墨魚滑，我最鍾意個肥牛，夠肉味食到咁上下，象拔蚌送上，即劏即片的刺身，好甜，我選兩食，個膽泡油，無得頂想講的是，粥底打邊爐夠創新，初頭都擔心會煲燶粥，但又估唔到完全無事，加湯時，經理走埋黎問想加粥定加湯，真係夠細心，但我好飽，加湯得勒，因為我放海鮮，臨尾整碗海皇碗食，超正最正係，Daisy姐成晚係咁贊我識飲識食，又講左好多公司秘聞我知，又話約我下星期再食過，話要試下門口d花竹蝦，好呀，我最鍾意食好野，呢餐飯收足料又做到野，抵呀:)…查看更多

唉，又係響朶累事九記牛腩，我細細個就去食，食到今時今日，出名到人人爭住去食，門外排隊等到腳軟都要去食有冇搞錯老實講，又係貼錢買難受的經驗，早兩日去食我至愛的上湯牛腩伊麵好衰唔衰，撞正一大班自由行幫襯我又係客佢又係客，人家有位先？搞錯再問阿九哥，九哥話係咁架啦，仲叫我再等等好，我等終於等到入座，馬上點個腩伊先都係果句，正！伊底真係無得頂，湯香，牛腩係阿九哥特別為我送上的九一坑腩 如果，我係話如果，如果九記無咁出名又唔使排隊，我諗我會當佢飯堂，一日三餐都得…查看更多

成日聽人講呢間拉麵好正，難得去太古見客，即管試下你 七點唔夠，門外排晒隊，諗住攞個籌去行下，守門口位小姐話唔得，見人入席，頂算，反正有部遊戲機打，就等，一等便是15分鐘好在門口位靚女都安排我坐梳化位，舒舒服服開餐，夫復何求點了個鹽味拉麵配咖喱飯餐，還有一客炸雞份量太細，拉麵兩啖食晒，咖喱飯多料少炸雞一客三件，都OK，算夠件頭拉麵有質素，彈牙，湯底都唔算咸咖喱飯係好香，可惜配料太少，可能係套餐點，所以份量有限定炸雞，正，絕頂，香滑，值得一讚…查看更多

因為唔使等位，所以同阿媽去飲茶，樂富中心重新裝修後，新富臨上場，裝修格局都唔錯時為早上十一點幾，待應送來一叠優惠點心紙，點心$8.8起，又有蒸飯又有粥，抵食同阿媽兩個人點了幾客點心，粥，腸粉老實講，平野未必一定無好野個粥唔錯，腸粉都夠滑之但係，去嘆特價茶真係要識點菜好似我咁就係失敗，點錯左春卷唔知想點，粒燒賣脹到散開，粉粿皮厚到無口感可言，我至愛的蒸飯直頭可以唔食簡單而言，得個平字…查看更多

火滾，真係火滾，出街食飯最氣頂就係被服務生寸，成日聽班Friend講落佐敦牛奶公司開餐，既然揸車經過，點都要試下你下晝三點幾，好多人塞在門口，使唔使咁多人以為有好嘢，等左十分鐘，終於有得”搭枱”點了個快餐，叉燒湯意加煎蛋，個阿叔係咁催我點茶，點咩啫，都未諗到想嘆咖啡定奶茶湯意粉好似唔使煮咁，極速送上，果位阿叔係咁埋嚟抹枱執牙籤筒，擺明催我食快d交枱，態度極差，又周不時故意大聲同另一待應講d有骨說話咁寸，好，睬你都傻，慢慢食就係咁，”搭枱”食客一個接一個，差不多換到第三位客人時，阿叔又走埋嚟問”哥仔，諗到想飲咩未？”聽到我話”未”就黑面走開如是者，我嘆慢板咁坐足一粒鐘，唔係標位夠鐘，都唔使旨意我會起身一間餐廳要留客，真係要顧及好多，好似呢位阿叔，好明顯要再培訓…查看更多