雪糕壽司為食豬的个人专页

一直都喜歡這間店的酸種牛角包及蛋撻等甜點，幫襯過幾次，不過今次有啲失望買完返到公司打開先見到店員俾左件個皮燶的蛋撻俾我，花了少許時間先整走啲燶皮我明白葡撻個啲個面都係燶燶地，但我無諗過蛋撻皮本身都係燶嘅，有點失望…查看更多

其實就算有無屯馬線，我同老公久唔久都會到九龍城食飯行下街，聽聞開通左屯馬線多左好多人黎，嘩，原來係真，平時幫襯開的泰國餐廳超多人等位，行左好耐終於搵到間唔算多人等位，睇過食評無喊喊咪打算試新野 🥲點知，真係超伏，老公話壞疑啲笑笑同ok點得返黎 等位等左半個鐘終於可以入座，不過個張唔似枱嘅枱係頂腳，我地成餐飯都則身坐，其實我地等緊位時已經諗好食咩，所以入到去未執好枱已經點餐，怎料……催了數次，連飲品都未上，態度一般的店員又堅稱已落單，無耐再等左半個鐘連餐具都未有……最後連遲過我地入座半個鐘嘅一行十人都已經食緊，我忍唔住繼續追問，最後先勉強上左杯飲品，超差食物方面，完全唔掂，點左芒果沙冰、咖哩雞、烤餅同柚子沙律，芒果沙冰，飲左一啖，好淡，似溝稀左嘅紙包芒果汁整成的，咖哩雞第一啖還可以，之後全部無味，烤餅較正常，但份量少，柚子沙律都較正常，睇落好似好多，其實只不過係塊唔食得嘅生菜好大塊咁解另外，望到廚房所有店員都無戴口罩，我明嘅，可以其實店都係咁……我明，不過本身餐廳環保衛生都好一般，絕對不會有下次…查看更多

近期屋邨商場開左幾間餐廳，見到有葡國菜的餐廳，好少見，所以試下之前見至食評講到麻麻地咁，不過價格又唔算好貴，所以打算試一次啦今次食左豬扒包同焗葡國雞配白飯其實都唔係想像中咁差豬扒包的豬扒煎得好香，麵包好脆，仲有沙律伴碟，不過家人話正宗的豬扒包中間好似無加沙律醬……我又無乜研究過 而焗葡國雞上碟好熱，份量很足夠，雞肉是有預先煎過之後先放碟焗，之前食過啲餐廳雞肉係無煎過的，不過味道就偏淡整體來說是滿意的，有機會都會黎試其他食物…查看更多

久唔久都喜歡同老公散步入石門食晚飯，試左幾間餐廳，之前經過蒸蘆都幾多人等位，所以無試過，而且夜晚好少食點心哩 不過今次經過仲有位，所以就試下食次點左黑金流沙包、咖哩魷魚同流心蛋牛肉飯，即叫即蒸好熱首先食黑金流沙包，餡真係超流，溫馨提示不小心熱哩，個人好鍾意食奶皇包流沙包等，但咁“流“真係第一次 咖哩魷魚好正，咖哩好香同惹味，另外有豆卜吸哂啲咖哩汁好入味流心蛋牛肉飯的份量好足，美味而美中不足係坐得有點迫，所以都係快快食就閃吧…查看更多

星期六同老公搭車去科學園，之後步行入大埔，晚上係大埔食日本菜，預先搵到呢間可以訂枱唔洗等位，去到時間剛好我地點左18件壽司餐、牛油果蟹肉沙律同玉子燒拼沙律玉子燒配燒汁，美味，而牛油果蟹肉沙律很足料，很多蔬菜哩首先食左2個沙律，已經都飽左一半之後先食壽司，有花之戀、三文魚、蝦、吞拿魚、海膽等，每款2件，最欣賞花之戀，份量剛好不會過大件，可一啖食壽司飯調味剛好整體很滿意，下次行大埔想食日本菜都會黎呢度哩…查看更多

復活假第一天同老公入東涌行郊遊徑，晚上選擇係東涌食才回家休息選擇左食咖哩，餐廳有室內及室外座位，今日食左蒜蓉烤餅、咖哩雞、辣肉腸pizza、芒果lassi同菠蘿芒果沙冰烤餅有好多種味道選擇，不過二人肚子空間有限，點左最想試的蒜蓉味，口感煙韌帶麵包的鬆軟，非常美味，隔離枱的熟客直頭話食過這家店的烤餅係返唔到轉頭咖哩雞的咖哩香辣帶點酸，食落不會太滯，辣肉腸pizza勁多拉絲芝士，但味道不會過咸亦不會覺得好滯。而我最鍾意都係芒果lassi，濃郁的酸酸甜甜乳酪，老公亦好欣賞杯菠蘿芒果沙冰好想試埋其他食物，下次黎東涌一定要再黎食…查看更多

好耐都無出街食晚飯了，更加好耐無食泰國菜，因為屋企附近沒有好食的泰國菜，就算買外賣都係食西餐、壽司、越南菜或茶餐……所以，終於有晚市第一時間揀食泰國菜今晚點左蒜蓉包、青咖哩軟殼蟹、沙嗲雞肉串燒、蝦肉柚子沙律同龍眼冰蒜蓉包香脆，點咖哩絕配；柚子沙律的汁有陣濃濃的椰香；沙嗲雞肉很惹味；軟殼蟹酥脆而且厚肉，青咖哩還有茄子伴菜非常美味，店外有炸蝦片賣，晚飯後買左一包回家下次想試芒果糯米飯，睇相片好像好吸引哩…查看更多

放工約父母食海南雞，以前同父母係新加坡旅行時食過，係香港就第一次試這間店。我地點左半隻海南雞、二人份油飯、炒椰菜花同蠔餅。原本我地打算點串燒，有6串，豬牛雞各2串，不過父親食牛肉會敏感，而我同母親又一般所以落單時問侍應可否轉其他肉，怎料我想開口講“我想問可唔……“未講到一半侍應立刻“不可以“回應我，勁嬲，態度仲要超差，真係隔住個口罩都知佢係黑口黑面不過，其他侍應態度良好嘅。講返食物，海南雞雞肉好滑，連雞胸肉都好似脾咁滑；油飯份量足，我地本身食量唔算多，所以足夠；椰菜花加左類似馬拉盞炒所以很惹味；蠔餅香脆，值得一試…查看更多

終於等到開心星期五，放工同老公係尖沙咀搵食，老公話好想食壽司魚生之類，每次經過厚福街都見到鉄火堂勁多人等位，見到人龍已經飽左不過今日六點半到剛好有位唔洗等，不過六點半都算早，如果等一陣都可以接受嘅！店員有禮耐心介紹餐牌的食物，我地點左厚切五色藍鰭吞拿魚丼同魚切雜錦魚生飯！兩款都超正，魚生鮮味厚肉，份量亦很足，如果飯唔夠可以添，不過我就食唔到咁多飯要少飯整體非常滿意，但如果一早決定試建議早啲黎食唔洗等太耐哩…查看更多

同老公去長沙灣行市集，之後搭車到荃灣行街今日想食漢堡包，但之前食過個間無開，所以試下呢間小店，店內唔算大，我地六點半到達，不過要等到七點先有位，好在門口有位可以坐住等，時間都算過得快哩😃最重要係七點就可以準時入座今次點左漢堡包及炸魚薯條，配上沙律，沙律的醬汁酸酸甜甜而且有水果其中，很開胃。漢堡包的包很美味，漢堡juicy 不過有少少鬆散，但整體滿意。炸魚是沾麵包糠炸個種，不太油膩，薯條香脆除此之外，店員態度友善，值得稱讚…查看更多

假期繼續在家休息，晚餐亦可以休息唔洗煮，今晚想食西餐，用openrice apps落單付款可以預計到幾時到店取食物，方便快捷!而且有85折之前都有約朋友係呢度食晚飯吹水，上菜快，食物味道亦不錯!今晚點左雞肉凱撒沙律、牛肉漢堡同松露醬炸薯條雞肉凱撒沙律同朋友堂食食過覺得雞肉很美味，當然堂食雞肉會排得靚啲，外賣拎回家好難保持原貌，但味道同之前食一樣，明明似雞胸肉但不會很“鞋“!牛肉漢堡的牛肉略嫌乾左少少，不過漢堡扒很大塊!炸松露薯條保持水準!…查看更多

放假在家休息，暫時都唔可以去街，不過難得放假，可以罷煮一日咁多，之前經過花園城發現有間越南菜價錢合理，今日決定試下!電話落單，10分鐘就有得拎啦，外賣自取有9折!今日點左香茅豬扒檬粉、蒜蓉牛油雞翼、扎肉蒸粉包同軟殼蟹米紙卷!牛油雞翼香脆充滿牛油香味扎肉蒸粉包同軟殼蟹米紙卷美味，特別一提其實唔係好多越南餐廳有蒸粉包，因為以前搵左幾間都無而我又好鍾意食哩！香茅豬扒脆而不油膩，檬粉份量好充足!整體非常滿意，一定會有下次，不過希望下次係可能夜晚堂食啦…查看更多

今日同老公想食越南菜，呢間食評不錯，係旺角行完街就黎試下啦！幸好我地早一步入座有位，幾分鐘後已經滿座，其他人要等位了！餐廳好細，坐得好辛苦，所以都係快趣點餐快點食！今晚點左烤牛肉檬、三文魚雞絲米紙卷、炸越南素春卷同薄荷青檸梳打！上菜速度都算快，烤牛肉味道香濃，但份量唔算多！三文魚雞絲米紙卷配搭新穎，但雞絲較少！炸素春卷皮香脆，我鍾意佢係素，中間無肉，平時食開個啲炸春卷中間總有鞋口的肉！所以這個值得推介！薄荷青檸梳打味道清新其實整體不錯，但座位好窄，冷氣不夠涼，我坐的位近門，門不停開關令熱氣湧入，好辛苦！另外同隔離枱距離好近，仲要隔離枱有個抽筋男突然手抽筋，食食下湯河，彈到啲湯汁去我老公隻手同我隻腳最大獲係個位窄到唔容許我幫自己抹到…查看更多

今日同老公由太子開始行街，行到6點左右剛到食飯時間，選了呢間餐廳。老公之前食過一次午飯，覺得味道不錯，佢話呢間出名干炒牛河，但一直未有機會試，今晚就試下啦！今晚點左干炒牛河同咖哩牛腩伊麵，原來呢度啲咖哩有幾款，我點左普通的咖哩，下次想試蔬菜咖哩！咖哩牛腩伊麵，咖哩汁香濃，牛腩好淋好好味，伊麵軟硬度剛好干炒牛河夠鑊氣而且不會太油，牛肉亦不會好韌，整體非常滿意，一定有下次再幫襯仲有幾款咖哩希望可以再試！…查看更多

同老公到荃灣行街，本身諗住支持下黃店，但全部都勁多人等位，至少等到9點，所以留返下次先幫襯吧！食返附近的日本料理，之前食過2次都不錯俾過好評，但今次第三次幫襯，感覺好差，食物同之前差不多，但店員無戴口罩，而且態度好差，真係無下次！今晚食左蟹膏玉子燒、鐵板牛肉飯同魚湯野菜鍋！之前都食過玉子燒同野菜鍋，無退步嘅，餐牌改左無魚生飯，所以點左鐵板牛肉飯，還以為已經預先炒好，但原來係同x x lunch一樣要自己整，味道都ok嘅！不過當前疫情全部店員都無戴口罩，態度又差，成餐飯感覺好差…查看更多