yanziyin的个人专页

今天看了幾個食評，講呢間餐廳幾好，於是一家大細共五人，特登去試下。大概七點三到，見得四、五枱客，完全唔駛等位。就坐後點餐，點完餐後，等上菜。原本無乜問題，可能當時無乜客，食物都好快到，叫佐三個扒餐，當扒餐送上時，要用紙巾擋住啲汁，但小朋友之前用佐張紙巾，於是問服務員攞紙巾，點知佢真係攞一張紙巾比我，哈哈，認真環保！當時我地叫佐一份牛柳併漢堡扒，但係上菜時送佐牛柳併豬扒，於是同服務員講送錯佐，但個服務員聽完後就同我地講，無理由送錯，菜牌上都無牛柳併漢堡扒，跟住仲去搵番張單黎同我地講係我地叫牛柳併豬扒！大佬，我係叫牛柳併漢堡扒，無論係佢地聽錯定我講錯，服務員都無重覆我地點佐咩，雖然最後都換番比我，但好似真係我叫錯咁都算數，繼續食，其實食物的味道尚算不錯，當食完後，叫餐飮，當餐飲送黎，當時成枱都係鐵板，碟，其實當時好明顯我地已經食完，碟上亦沒有剩下食物，張枱亦放滿碟，鐵板，根本已經無乜位放個幾杯嘢飲，但個服務員完全當睇唔到，上晒啲嘢飲算，亦無問過我地啲嘢仲要唔要就行開！於是我就叫佢，（其實全程我自問好有禮貌，唔該前唔該後，亦無黑面）指住我面前嗰幾隻碟，鐵板，叫佢幫我收佐佢，點知個服務員真係剩係收佐我講嗰幾隻碟，鐵板，其他嗰啲繼續堆係張枱度！仲有當收其中一個鐵板時，鐵板上有支叉幾乎跌落我老婆度，好彩我眼明手快擋住，嗰服務員亦當若無其事，完全無任何歉意！其實場內數埋都無十枱客，但有成四、五個服務員，個個都成碌木咁企喺度，我地五個人五杯水都飲晒，亦無話主動幫我地裝水！最後叫埋單，用信用卡比，個服務員收佐張信卡，過佐好耐都無攞單黎，見啲服務員又係企晒行度，完全無任何動作，但係成個場十枱客都無，有乜理由埋單都咁耐，終於我忍唔住問其中一個女服務員點解咁耐，個女服務員諗都唔諗同我講可能個收銀行開佐，然後有企喺度，完全無諗過幫我去收銀處睇下！…查看更多