kulo的个人专页

而家通常有啲質素嘅拉麵都要差唔多100蚊一碗， 最近海港城做緊優惠 ，我有一啲50蚊嘅coupon ，所以食呢間一幻拉麵就會好抵啦！ 第一玩嘅就係佢哋嘅叉燒撈麵， 再配上佢哋嘅香龍蝦汁,真係好好食！鍾意食乾身撈麵嘅可以試下呢一個！ 當然唔少得佢哋嘅招牌特濃蝦湯叉燒拉麵啦 ，其實佢哋係湯出真係好濃味又有濃郁嘅蝦味， 面嘅硬度亦都好適中 ,可以自由選擇 ，再加上去其他配料亦都唔錯好出色不過佢哋嘅湯汁就真係比較出色啦！ 而且如果可以坐入面就有無敵大海景!nice！ 疫情嘅關係 ，我見到其他嘅員工都好勤力把關， 每枱食完的客人， 餐桌同枱面都會進行清潔 ，切底進行消毒咁就食得安心啦！…查看更多

呢度嘅點心好好食， 即叫即包，最出名嘅就係小籠包， 平時都好多時係食一兩籠當中午餐， 我最愛呢度嘅素菜餃， 裏面嘅餡料切得好幼細， 味道啱啱好， 雖然小籠包食落去佢哋嘅肉鹹就好多汁 ，其實都好好味但係我會比較喜歡吃呢度嘅素菜餃， 因為食落好似唔會好肥咁食得多都唔怕， 25蚊一龍， 小籠包素菜餃以及其他搞大概都係25蚊一籠有四隻，我覺得非常之超值！ 呢啲咁好睇都小店記得去多啲幫襯， 支持一下啦！…查看更多

呢間麵店我好耐以前已經幫襯， 最近疫情關係好少嚟 ，今日見到人少少入去幫襯下 ，質素依然係咁好！ 我叫咗個獅子頭麵， 另外再加一個香酥雞！ 獅子頭已經係好出名嘅食物， 好鬆化而且好juicy咬落去好多肉汁， 而且味道帶有鹹香， 超級大過好滿足，另外， 剃鬚雞份量亦都好多只係加多三十三蚊已經好大件，大約有三至四塊扒到啦！ 炸得好鬆脆， 味道唔會太鹹， 亦都好多肉汁 /雞肉有彈性 ，而且帶有少少甘味！ 疫情關係度度都好少人幫襯， 希望呢間好吃嘅店舖頂得順今次嘅危機， 加油努力！…查看更多

K11 環境真係好靚又寬敞 ，就算佢哋foodcourt都係好好食 ，今日我特別介紹呢一間 ，唔多人幫襯嘅燒牛扒 呢個嘅燒牛扒係dry aged， 所以肉味特別濃縮 ，而且好juicy 肉質淋滑！ 原本我係買走返屋企食， 不過我見到佢哋 ，做緊今期特價嘅燒牛扒餐 ，我忍唔住叫咗一份試下， 如果你選擇其他冇特價嘅都可以， 加工費只需30蚊, 佢哋嘅燒爐係用酒店級數，所以燒出嚟嘅食物係好好食！ 就算側邊嘅炒雜菜都好好食！ 一個人嘅份量啱啱好 ，而家沒有碳水化合物的年代 ，一方面又有蔬菜又有營養 蛋白質 ,好適合女士減肥用 ，而且佢哋嘅脂肪亦都唔多佢哋選用嘅係用美國牛，質素好高， 如果你選擇用韓國牛亦都可以, 呢度提供多種選擇, 雖然呢度係food court ，但係佢哋嘅位, 十分寬敞而且舒服 ，另外亦都有七樓提供嘅戶外位置可以享用你哋嘅食物！ 抗疫關係買任何嘅套餐都可以送酒精洗手液一包❗…查看更多

相信大家都好清楚呢一間飲品嘅威力啦，喺大陸開到成行成市飲品嘅！質素非常高！ 呢一間開咗唔夠一年， 特別介紹呢一間！因為佢嘅海景真係好靚，好闊視野，好遠坐喺度一路！飲佢哋嘅高質素飲品又可以享受到海景， 簡直係开心！ 最近出咗限量飲品 ，楊枝甘露我推介畀大家，因為佢真係真材實料，你直情真係同樣枝甘露冇分別， 裏面嘅芒果肉一粒粒好大粒，而且仲有一啲嘅啫喱，食落很有口感， 而且椰奶好厚身，加上一粒粒嘅西柚粒，令到味道更加豐富，38蚊做緊特價，值得推介！ 另一推介係佢哋嘅芝士味雪糕，都係15蚊到，大大杯！就嚟夏天可以又係食雪糕嘅好機會啦！…查看更多

宜家嘅疫情嚴重， 個個都去行山，我都唔例外去咗魔鬼山行， 藍田出發行到去油塘， 喺油塘再揀一個地方落去就係鯉魚門 鯉魚門邨環境清新空氣好好，望著個大海心情都唔同曬， 行完山都好肚餓要去食下嘢， 下午時間去食海鮮食在太高消費啦 ，只好選擇一啲茶餐廳 我哋買完當地嘅牛肉乾豬肉乾， 之後就去 附近 一間茶餐廳到食嘢 ，當時好多人， 不過大家見到裏面嘅情景千祈唔好嚇親提一提大家， 職員會隻我愛警察嘅衣服，同埋我愛老闆娘嘅衫， 除咗呢啲食物質素都ok， 我個女就食咗呢個嘅芒果布甸， 味道同屋企整嘅質素都一樣咁好， 芒果好多！ 值得一讚既係呢度嘅紅豆冰， 我叫咗呢度嘅涼粉紅豆冰涼粉都好幼滑， 紅豆好大粒 ！好淋好粉，正！我另一半 喜歡呢度嘅香茅青檸蜜糖，味道清新怡人，好有消暑嘅感覺， 我返到屋企都立刻照樣做咗一個 !一樣咁好味！ 由於我屋企人有咳所以叫咗個羅漢果茶 ，好潤喉好舒服 ，冇加糖！好味！ 我會推介呢度嘅腐乳西多士， 佢哋咋得啲多士好鬆脆好好味，而且腐乳加埋呢個西多士嘅感覺都好好味，係鹹鹹甜甜 ，成為35蚊一件！…查看更多

呢間中式飲茶嘅地方就喺我嘅工作地點附近 ，呢間餐廳喺酒店入面 環境就唔使講，一定係比普通嘅茶樓舒適 ，相對地價錢一定比出面嘅普通茶樓貴啦 ，不過佢所有食物嘅水準都比一般嘅茶樓好好多 平時呢度下午時間 ，喺weekday 係book到full曬冇位淨， 喺宜家疫情咁嚴重嘅日子 ，好多茶樓都好吉 呢間嘅茶樓都， 比平時少咗好多人 大概有一半人倒啦 ！所以為與為之間嘅距離都可以有一張枱以上， 大家唔使擔心， 我特別介紹呢度嘅菠蘿叉燒包 ，比出面嘅更加豐富嘅餡料同埋結實 ，真材實料嘅感覺 另外佢哋呢度嘅牛筋都好冧！…查看更多

好耐冇嚟到九龍塘嘅又一城幫襯呀！又一城重開咗一排！今次都係第一次再返嚟呢一度！今日係平日， 午市時間推出一啲嘅set lunch大約102蚊，另有加1， 就可以有餐湯或者沙律加主菜以及飲品！我選擇咗沙律沙律味道，清新蔬菜新鮮，再加上佢哋嘅生果都好新鮮 配上酸酸甜甜嘅汁十分開胃， 餐包當然係唔使講佢哋嘅招牌啦！ 加上佢哋嘅香濃牛油配係一齊簡直係絕配！ 主菜我選擇咗盲曹魚， 啲魚皮好香脆，再加上佢哋嘅配菜同埋薯仔 ，食完嘅份量啱啱好！ 我就打咗15蚊叫咗 cappuccino， 估唔到佢哋嘅咖啡質素都好好， 泡沫打得好幼滑， 食完飯可以慢慢坐喺度嘆返一杯咖啡，人生樂事！…查看更多

我成日都經過呢間小店嘅門口想入去幫襯下，今次終於入去幫襯一下啦！小店嘅感覺果然同一般嘅連鎖店有所唔同有家嘅感覺， 呢度嘅地方佈置得好靚喺牆上面貼咗好多唔同嘅裝飾好似一幅的話咁，可以慢慢欣賞， 仲可以慢慢hea！ 我叫咗佢個channel同埋 伯爵茶蛋糕， 我覺得兩個味道都可以配搭得好好 ，好match ，好relax！ 我朋友叫咗手沖咖啡 同埋焙茶蛋糕， 我對咖啡嘅研究沒有太多 ，難聽 咖啡師所講佢哋會根據客人嘅唔同口味沖啲啱口味嘅咖啡畀佢哋，簡單嚟講即係tailor made！ 我同事話味道唔錯 ，有啲煙燻嘅味道 又有回甘 ，總之飲完都唔會夜晚瞓唔著啦 ，怎樣可以休閒下一個多小時唔錯呀！…查看更多

其實佢親西貢都唔係一定要食海鮮嘅！仲有其他嘅選擇我去親西貢如果一個人嘅時候都會去嘅餐廳！雖然佢個地方比較地踎啲！衛生環境有一般， 不過呢啲就係風味嗎！ 我次次都會叫佢哋嘅海南雞飯加燒肉飯， 海南雞肉質好嫩滑，而且佢哋嘅燒肉炸得好脆 ，點解佢哋嘅醬汁配搭得好好！ 佢哋嘅海南雞飯 即係黃油飯， 味道好香濃， 真係想食多碗飯， 推介畀大家一定要食！ 呢間餐廳嘅金邊粉我就覺得普普通通！我係一個好鍾意食柚子沙律嘅人嚟嘅 ！我每去到一間泰國餐廳 都會叫呢個有字沙律嚟試下！ 呢一間嘅泰國餐廳柚子沙律味道唔錯， 同出面嘅有啲唔同 ，佢哋有好多配料 同埋香料帶椰子絲同埋香茅， 不過價錢有啲貴！ 都係嗌一個飯抵好多！…查看更多

抗疫日子 以為街上面人數很少， 其實都唔係呀，同沙士比較並沒有少到許多， 起碼喺情人節我都要同人哋爭崩頭買蛋糕 ，想喺情人節買一啲比較好味啲嘅蛋糕真係好難呀！每間都要預訂而且價錢又好貴， 我經過呢間italian tomato 真係有好多蛋糕選擇，不過细嘅蛋糕都畀人哋買咗好多啦！ 我鍾意佢哋呢度嘅蛋糕唔會食到太過飽，而且份量又唔會太細，超鍾意佢哋嘅忌廉 蛋糕 ，佢哋有一個signature嘅士多啤梨蛋糕 ，我原本都好想買不過細嘅蛋糕，已經畀人買咗喇 ，我唯有選擇呢一個雜果先個蛋糕喇， 其實味道同士多啤梨嘅差唔多， 不過佢哋嘅上面嘅雜果 就唔夠士多啤梨咁靚呀 ，好在有一個情人節嘅朱古力牌送畀我唔會咁單調又好交代！…查看更多

我知道呢間十字冰室有好多間分店，但係我就比較鍾意喺呢一間度食啦！因為佢哋個位置就喺我工作地點嘅附近 ，尤其是下午茶時間可以嘆一嘆唞一唞簡直係人生樂事啦！ 呢個係用十字鮮奶所做嘅焦糖奶昔， 加上有塊心形嘅餅餅！ 味道唔錯！ 我嘅下午茶首選就係推介瑞士雞翼撈公仔麵，有成四隻雞翼咁多，而且隻隻都好大隻！這裏有好入味而且佢哋嘅公仔麵，唔會煮得太冧落單牙爽口！推介！…查看更多

只要你喺香港人，都冇一個人唔會唔識華星冰室！ 抗疫嘅日子有好多醫護人員走在最前線為香港人服務， 真係好感激華星冰室可以有呢個醫護人員半價優惠嘅計劃，全日任何嘅時間都有半價！ 的確幫我哋可以打打氣！ 奶茶香滑奶味香濃係茶餐廳嘅必飲之選！ 叉燒炒蛋味道都唔錯，聽說佢哋嘅叉燒係自己製造嘅！Yummy！ 呢個雞髀滑蛋飯再配咖哩汁嘅lunch，如果冇半價我都覺得好抵食， 更何況半價呢！ 雞髀夠曬熱，生炸雞髀唔係度度都有得食， 再配上佢哋嘅咖哩汁，加上薯仔好入味，正！ 全部員工都有戴上口罩，而且環境非常清潔，令你食得安心又放心！…查看更多

經過佐敦， 實在太多好嘢食啦 真係好鬼難揀 ，如果大家鍾意食新加坡嘢嘅，就一定要幫襯呢一間嘅喇沙喇！ 不過佢哋嘅位置就比較難搵啦 ！ 雖然都係喺商場入面 ，佢哋嘅地方唔係一間店舖裏面， 有啲似一個food court咁樣！ 佢哋嘅喇沙湯底充滿咗椰子香味又大鲜甜， 味道濃厚， 啲麵又有掛湯， 我通常都會叫海南雞喇沙，不過有點兒辣， 記得叫埋佢哋嘅桔仔水呀 !我哋會叫佢哋嘅美祿沙冰亦都係另一個推介畀大家！ 美碌嘅味道充滿曬成個杯好似食緊美祿朱古力！…查看更多

有時經過土瓜灣， 口痕痕想食蠔我哋都會去呢一間餐廳嗰度食 ，因為性價比高十蚊就有一隻， 而且質素亦都唔錯不過今次嘅經歷我就下次應該有一排都唔會去食啦 ！之前做緊優惠買四送一 ，不過剛剛過咗新年佢哋嘅優惠就停咗 ，我哋叫咗佢哋都價值百幾蚊嘅 ，牛扒餐包湯包飲品set lunch！ 第一次先嘅牛我話要五成熟點知送到嚟係九成熟! 換咗另一塊就要用咗成三個字 !我哋得一個鐘頭隻眼簡直係非常之倉卒， 第二次果然係五成熟 ，不過啲牛嘅質素真係比較硬，心想收得呢個價錢亦都冇優惠，我相信應該有咁上下嘅質素會提供， 這會令我比較失望了！ 我同事食嘅pizza餐，佢哋嘅午餐亦都會有經常供應 ，週不時會轉唔同嘅pizza款式！pizza質素亦都保持到 ，如果大家想保險嘅就再嗌都係叫pizza算吧啦！…查看更多