LaHaMo的个人专页

之前係屋企已經叫過孖寶發哥嘅外賣，覺得幾唔錯，就決定一個人去堂食試吓。 我叫左豬扒酸辣米線 (小辣) 拼 家鄉紫菜卷、凍檸檬茶。………………………………………………豬扒酸辣米線 ⭐️⭐️⭐️⭐️⭐️ $43 湯底只有清湯或者酸辣湯兩種，可以揀辣度，我就揀左酸辣湯小辣，湯底酸酸辣辣有鮮味，仲有酸菜、花生、芹菜、蔥。豬扒夠林夠入味。整體好食，食完唔會好口渴。家鄉紫菜卷 ⭐️⭐️⭐️⭐️⭐️⭐️依個要特別推介，因為一來唔係好多地方食到，二來真係幾好食。食到係用紫菜包住啲豬肉、馬蹄碎等炸成，做得好香口，浸湯食又幾吸湯。總之就好食啦。凍檸檬茶 ⭐️⭐️⭐️茶味唔夠濃，反而之前外賣好飲啲。P.S. 凍檸茶好似好少，其實我飲左一啖先記得影。………………………………………………孖寶發哥舖位唔大，平日晚市唔多人，主要外賣為主，如果想坐得舒服啲，我都建議買外賣返屋企食。…查看更多

富堡茶餐廳位於黃大仙鳳凰新村，係我心目中係依區最好嘅茶餐廳。佢嘅餐牌菜式極之多，茶餐廳基本要有嘅食物佢都一定會有，不特止，餐牌無嘅都可以試吓問下，都好大機會做到比你。………………………………………………菠蘿京都豬扒飯 ⭐️⭐️⭐️⭐️⭐️個汁酸酸甜甜，豬扒入味，好好送飯。粟米斑腩飯 ⭐️⭐️⭐️⭐️⭐️炸魚柳熱辣辣，粟米汁就係茶餐廳傳統個隻粟米汁，個人超鐘意。中式例湯⭐️⭐️⭐️⭐️例湯都好足料，有青紅蘿蔔同肉嘅鮮甜味。凍好立克 ⭐️⭐️⭐️⭐️⭐️富堡沖得好濃，奶味同好立克都好夠。…………………………………………………查看更多

Slow Cow 係一間主打食牛肉丼飯嘅餐廳，位於希慎地庫food court。喺收銀落order俾錢之後，等部機響就可以返去拎食物。落單都好簡單，首先揀肉類，然後主食同埋醬汁。………………………………………………我揀咗慢煮熟成美國牛肉（並盛），配蒜香醬油炒泰國絲苗米飯、砵酒黑椒昆布汁，另外加左流心香煎日本蛋。 ⭐️⭐️首先，齋講賣相真係唔錯，打卡一流。不過招牌的牛肉食落就令我有點失望，因為牛肉肉質好瘦，唔夠林之餘仲無咩牛肉味。反而醬油炒飯幾好味。而煎流心蛋就正常水平。配自家製鮮忌廉都幾特別，但我個人就覺得唔太夾。………………………………………………餐廳嘅食物係打卡able嘅，但係food court 餐廳嚟講，以依個價錢，唔難有其他更好的選擇。…查看更多

係旺角做完body check，個肚餓到打晒鼓，記起之前食過附近囍運冰室嘅下午茶都唔錯，就決定去食個早餐。………………………………………………早餐 I - 雪菜肉絲米粉 ⭐️⭐️⭐️早餐I 配3.6牛乳炒滑蛋＋自家製餐包，朋友表示味道正常。早餐 H - 豬扒煎蛋辛辣麵 （改牛扒）⭐️⭐️⭐️⭐️早餐 H 可以改牛扒或者雞扒，味道就普通茶餐廳質素嘅牛扒，但係辛辣麵煮得幾好食，個湯同自己屋企煮有啲唔同，好味啲。凍奶茶 ⭐️⭐️⭐️⭐️茶同奶比例平衡，唔錯。………………………………………………囍運冰室係我心目中唔係最好食嘅茶餐廳，但係質素算係唔錯，質素有返咁上下。…查看更多

睇演唱會之前喺紅磡食晚餐，搵到依間叫鮨岐嘅日本料理餐廳。餐廳有晚市定食，定食價錢包左茶碗蒸、沙律、麵豉湯同埋甜品。 而當晚嘅甜品係黃色嘅啫喱。………………………………………………四色魚生溫泉蛋丼 ⭐️⭐️⭐️⭐️⭐️ $138有三文魚、帶子、白身魚、北寄貝，同埋溫泉蛋，面頭仲灑咗好多蟹籽。魚生片新鮮好味，帶子鮮甜，整個丼飯都好食。什錦刺身壽司盛盒配牛肉烏冬 ⭐️⭐️⭐️⭐️⭐️ $138⭕️ 什錦刺身什錦刺身有三文魚、生蝦、油甘魚，魚生片一樣新鮮肥美，生蝦都新鮮甜美。⭕️ 壽司盛盒壽司就有三文魚、熟蝦、加州卷、玉子等等。壽司嘅三文魚就冇刺身咁肥美，不過都新鮮。⭕️ 牛肉烏冬烏冬爽滑彈牙，牛肉偏瘦但係唔鞋，生熟度煮得剛剛好，湯底都幾好味。………………………………………………鮨岐嘅晚市定食價錢唔貴，魚生質素唔錯，賣相都好好。整體而言，我覺得鮨岐係一間性價比幾高嘅餐廳。…查看更多

橫濱家系町田商店係一間日本的連鎖拉麵店，啟德Airside 嘅分店係香港第一間分店。今次已經係第三次幫襯，我哋叫左辣味噌拉麵 、魚介豚骨沾麵、餃子。我哋仍然覺得好好味，水準保持得好好。………………………………………………辣味噌拉麵 ⭐️⭐️⭐️⭐️⭐️麵條偏粗有咬口，係我鐘意個種。湯底好濃郁，辣度適中，咸香美味。配菜有日式叉燒、辣肉碎、椰菜、鵪鶉蛋。我個人好喜歡。魚介豚骨沾麵 ⭐️⭐️⭐️⭐️麵條偏粗有咬口，魚介沾麵汁好夠熱好掛麵，配料有日式叉燒、溏心蛋、紫菜、荀。朋友表示好味。餐廳仲有建議食法，可供參考。餃子 （6隻） ⭐️⭐️⭐️⭐️⭐️外皮雖然唔係好脆，但係肉餡肥瘦適中，好多肉汁，好好味，一個人都可以食晒6隻。………………………………………………拉麵店的座位幾闊落，同隔離枱有足夠嘅空間同距離，而且唔係傳統拉麵店個種bar枱，店員都好有禮貌，食得好舒服。…查看更多

佛卡夏餅店有兩間分店，一間係旺角花園街附近，而另一間就係觀塘街市。佛卡夏餅店的產品種類好多，有唐餅、西餅、麵包，甚至乎生日蛋糕都有。其實都幫襯過好多次，買過佢啲西餅同中式餅。西餅就比較普通，但係中式餅質素都幾高。………………………………………………摩羅蓮蓉酥 ⭐️⭐️⭐️⭐️外層係摩羅酥嘅質地，蓮蓉餡軟滑，好味，比較少地方有依款唐餅。蛋黃酥 ⭐️⭐️⭐️⭐️⭐️外層酥脆，餡料係白蓮蓉同咸蛋黃，白蓮蓉香甜，質感軟綿，咸蛋黃係原個，少少起油，好味。合桃酥 ⭐️⭐️⭐️⭐️⭐️口感好鬆脆，有牛油香味，食到停唔到口。………………………………………………總結嚟講，呢個好評係比佢啲中式唐餅。…查看更多

平日的晚上想係中環食到平民化啲嘅餐廳真係唔容易，好在中環街市開左個food court，不過其實啲價錢都真係唔平民。我哋揀咗「久久」依間台灣菜，見到枱面有介紹話電話落單可以有送餐服務，點知等左一段時間發現原來要自己取餐，店員的態度都麻麻地，令人有點失望。我哋每人叫左一份主食，再share 蛋餅同臭豆腐。………………………………………………久久紅燒牛肉手工麵 （川味） ⭐️⭐️⭐️麵質幾滑，牛肉都煮得夠霖，但係個人覺得湯底偏咸，整體一般。蜜汁滷排骨滷肉飯便當⭐️⭐️朋友表示麻麻地。古早榨菜肉鬆蛋餅⭐️⭐️室溫蛋餅，完全無溫度，餡料味道正常。麻辣臭豆腐（6件）⭐️⭐️⭐️唔熱，不過味道還好。珍珠奶茶（凍） ⭐️⭐️味道較清淡。………………………………………………見到OpenRice 好多好評，但係依間食落真係好麻麻，價錢又唔平，服務態度又麻麻，綜合考慮絕對值得拎一個劣評。如果係中環區要搵啲平民啲又性價比高嘅餐廳，真係建議行多兩步，近上環一點，會有更多好選擇。…查看更多

去完西貢時間都唔早，屋企人想唔煮飯出街食，咁就直接搭小巴出返九龍灣食晚飯。小巴一落車上2條扶手電梯就去到越南會館，相當方便。餐廳有晚市套餐，套餐包小食、主菜同飲品。我哋叫左3個套餐，再加左脆蒜牛油果米紙卷同蒜蓉炒椰菜苗share 食。………………………………………………西班牙黑安格斯生牛湯河+ 無骨海南雞飯套餐 ⭐️⭐️⭐️⭐️ 套餐 $138⭕️ 西班牙黑安格斯生牛湯河 ⭐️⭐️⭐️⭐️牛肉幾有肉味，湯底鮮甜，整體唔錯。⭕️ 無骨海南雞飯 ⭐️⭐️⭐️油飯同海南雞都唔錯，但大部分雞都係雞胸位，扣分。燒香茅魚露比目魚柳 配香葉、生菜及越南檬粉⭐️⭐️⭐️ 套餐 $148酸甜嘅魚露汁撈檬粉好開胃，幾好味，但係比目魚就比較普通。牛柳片秘製醬油炒越南粿條 ⭐️⭐️⭐️⭐️ 套餐$128秘製醬油同粿條、牛柳都好夾，炒得好均勻，粿條少少煙韌，好味。蒜蓉炒椰菜苗 ⭐️⭐️椰菜苗好生硬，味道都偏淡。香茅單骨雞翼 ⭐️⭐️⭐️⭐️外層炸到脫卜卜，好味。脆蒜牛油果米紙卷⭐️⭐️⭐️ $30 加購餡料好食，但米紙卷一分為二的地方無切斷，夾的時間夾到散晒，扣分。蜜桃冰茶 ⭐️⭐️味道較淡，麻麻地。………………………………………………越南會館裝修好有東南亞風，環境舒適，賣相精緻。不過價錢就少少貴，相對食物的味道比較普通。…查看更多

挽肉と米係牛角集團其中一間最受歡迎的餐廳，今次已經第二次幫襯，質素仍然保持到。挽肉と米嘅餐牌好簡單，只有一款$148套餐，套餐包括咗三件現烤牛肉漢堡扒、現煮白飯、味噌湯同埋雞蛋一隻。………………………………………………現烤牛肉漢堡扒 ⭐️⭐️⭐️⭐️⭐️每日用100% 新鮮牛肉現製成的漢堡扒，再用炭火新鮮現烤。店員會因應你嘅進度，逐塊漢堡扒送上。漢堡扒每塊大約90克，好多肉汁，炭火燒得好香，加埋餐廳提供的醬汁，好好送飯。現煮白飯 ⭐️⭐️⭐️⭐️用羽釜鍋現煮的白飯，用日本米煮到粒粒分明，軟硬適中，好食。，可以無限添加，我食左3碗。味噌湯 ⭐️⭐️⭐️⭐️味噌湯加左洋蔥煮，好味。雞蛋 ⭐️⭐️⭐️⭐️正常雞蛋。海苔沙律 ⭐️⭐️⭐️味道一般，不推介。菠蘿熱情果果蔬梳打 ⭐️⭐️⭐️⭐️⭐️⭐️依個好好飲，甜酸味好平衡，視覺效果都好靚。提供多款醬汁/調味料點漢堡扒，包括生醬油、青唐辛子鹽漬檸檬、油漬青唐辛子、椒麻醬、炸蒜碎、MOU先生的特製麻辣粉等，另外亦提供蘿蔔泥和柚子醋。個人比人喜歡油漬青唐辛子同麻辣粉。櫃桶亦都有鹽同胡椒。………………………………………………現場用餐環境同氣氛都好好，又唔算貴，值得推介。牛角金會員可以預訂海港城分店，不過餐廳訂座條件都好辣，如果即日取消可以免取消費，但之後取消最少都要比$50一位，如果當日no show ，什至會係信用卡扣款每位$178 。如果唔訂座，就要門口等執雞，等幾耐真係無人答到你，因為餐廳雖然已經開咗一段好長時間，但係仍然每日都近乎full booking。…查看更多

星期日諗唔到去邊，近近哋就去西貢行吓，西貢都有唔少餐廳，上OpenRice 搵到依間幾特別嘅茶餐廳食下午茶。我哋一共叫咗五個下午茶餐。………………………………………………炸雞髀配薯條⭐️⭐️⭐️⭐️薯條同雞髀都係即叫即炸，熱辣辣，個皮炸到脆卜卜，薯條炸到外脆內軟，好味道。西多士配火腿奄列⭐️⭐️⭐️⭐️火腿奄列正常發揮，西多士好有驚喜，裏面查嘅唔係花生醬，而唔係咖吔醬，炸之前浸蛋漿浸得幾夠，炸出嚟有啲蛋嘅燶邊，好食，如果淨係計西多士，我覺得達到5星好味。炸雞翼配沙律⭐️⭐️⭐️⭐️炸雞翼好味，但係沙律裏面有啲大粒嘅豆，個人唔太喜歡。西多士配豬扒包⭐️⭐️⭐️⭐️豬扒包餡料好足，有番茄、生菜、豬扒，屋企人表示好味。牛腩河⭐️⭐️⭐️⭐️有牛筋同牛腩，湯底濃郁，屋企人表示好味。凍檸茶 ⭐️⭐️⭐️⭐️茶味幾夠，唔錯。………………………………………………大笑爺餐廳的食物，食得出係用心製作出嚟，而且裝修都幾特別，好有香港懷舊特色，侍應亦都好好服務。…查看更多

十侍-棉花糖A5和牛壽喜燒專門店位於旺角豉油街，要搭升降機上去，入口有少少難搵。不過，少少困難係阻止唔到我哋搵好嘢食嘅決心。因為突發有事要慶祝，所以六點幾先打去book枱。好彩仲有bar 枱位可以Book ，唔使等位。去到餐廳一坐低就落左set $898的鹿兒島A5黑毛和牛套餐，另外可以加$198 要埋串燒拼同兩杯冇酒精飲品。………………………………………………鹿兒島A5黑毛和牛套餐 ⭐️⭐️⭐️⭐️⭐️套餐$898 包括約每人180g的鹿兒島A5黑毛和牛西冷肉眼、前菜、季節野菜盛合、自家製壽喜燒醬汁、日本蘭王雞蛋、讚岐烏冬或日本米飯 同埋 自家製雪糕。⭕️ 鹿兒島A5黑毛和牛西冷肉眼⭐️⭐️⭐️⭐️⭐️⭐️每人有大約180g嘅肉。肉眼會用一個木盒好靚咁樣裝住，仲會有一張由鹿兒島黑牛黑豚銘柄販売促進協議會發出嘅證書。店員會一塊一塊咁幫你煮好夾落你個碟。肉眼油脂分佈均勻，入口即溶，好好味。180g每人有3大片，好食到唔夠喉。⭕️ 自家製壽喜燒醬汁 ⭐️⭐️⭐️⭐️⭐️店員會先製作一個棉花糖，然後將自家製嘅壽喜燒醬汁倒落棉花糖上面，兩者最後溶為一體，十分特別，係屬於關東風嘅壽喜燒。⭕️ 前菜 ⭐️⭐️主要係海帶漬物，味道口感都麻麻地，而且分量好少。⭕️ 季節野菜盛合 ⭐️⭐️⭐️⭐️盛合有娃娃菜、冬菇、金菇、本菇、豆腐卜、豆腐、大蔥、蟹柳等，食材新鮮。⭕️ 日本蘭王雞蛋 ⭐️⭐️⭐️⭐️⭐️店員會將日本蘭王雞蛋打落一個好特別的金屬容器，再將攪勻好的蛋液打成慕絲狀比我哋點牛肉，十分特別，蛋香味濃郁，口感細滑。⭕️ 讚岐烏冬 ⭐️⭐️⭐️⭐️⭐️烏冬好滑好彈牙，用壽喜燒汁煮到甜甜地，好味。⭕️ 自家製雪糕 ⭐️⭐️⭐️⭐️Vanilla 雪糕，好味。串燒 Set ⭐️⭐️⭐️⭐️⭐️一共有五串，包括翠肉瓜、冬菇、秋葵、雞肉同 雞軟骨。即叫即燒，翠肉瓜、冬菇、秋葵都燒得剛剛好，充分保留到水份同蔬菜的口感。而雞皮都燒到脆卜卜，雞肉Juicy。巨峰提子乳酸梳打 ⭐️⭐️⭐️⭐️⭐️餐廳即調的梳打飲品，甜度剛剛好，不過細杯左啲。………………………………………………十侍用的食材都好高質素，製作亦都好用心。不過，我個人比較喜歡關西風的壽喜燒。如果鐘意食關東風壽喜燒，十侍絕對係唔錯嘅選擇。…查看更多

牛角燒肉部份分店出左個超破格值燒肉定食，德福廣場就係其中一間。定食包括是日前菜、沙律同埋昆布湯，仲可以免費無限追加牛角飯同飲品，都幾多選擇，有汽水、梳打水、蘋果汁、橙汁、烏龍茶、柚子蜜、茉莉花茶。而且仲可以用好優惠嘅價錢追加食物，例如加$3有兩片豬頸肉、加$6有兩片牛舌、加$9有兩片牛板腱。我哋就叫咗一個B餐定番日本國產牛、豚、雞四品燒肉定食，一個C餐燒肉&海之幸定食。………………………………………………B餐：定番日本國產牛、豚、雞四品燒肉定食 ⭐️⭐️⭐️⭐️⭐️有四款肉類，包括日本國產牛肩脊肉、牛頸脊、豚肉燒、日本雞爽肉。國產牛肩隻肉肉味濃郁，豚肉燒肥美香口。牛頸脊同雞爽肉就正正常常啦。C餐：燒肉&海之幸定食 ⭐️⭐️⭐️⭐️⭐️有五款食物，包括牛頸脊、牛五花、北海道豚梅肉、牛油廣島蠔、花虎蝦。北海道豚梅肉幾肥美，廣島蠔同埋虎蝦雖然係冰鮮貨，但係品質係唔錯嘅。牛五花就類似豬嘅五花肉，睇到明顯一層瘦肉一層肥肉。是日前菜、昆布湯、沙律⭐️⭐️⭐️是日前菜係中華沙律，同昆布湯、沙律一樣味道普通。鹽味北海道帆立貝⭐️⭐️⭐️⭐️另外都有用優惠價追加咗一啲牛頸脊啊豬頸肉啊等等。比較推薦嘅就係牛頸脊同埋鹽味北海道帆立貝。牛角飯 ⭐️⭐️⭐️⭐️正常發揮咁好食。牛角提供多款醬汁點燒肉，包括鹽醬、牛角燒肉汁、秘製燒肉醬、特製檸檬汁、辛味醬汁。………………………………………………今次牛角推出呢個定食其實真係幾抵食，不過就只有部份分店同埋部份時間供應。但係就成功令到牛角嘅晚市生意好咗。我哋嗰晚平日星期三 7:00pm鬆啲，都等咗大概10分鐘先有枱。…查看更多

星期六放假冇嘢做，見天氣很好，去咗赤柱行下，依家赤柱嘅舖頭同遊客都少咗好多，不過，赤柱大街啲餐廳酒吧個vibes 都仍然係咁Chill。行完赤柱熱辣辣，就揀咗Bistrocana 食個early dinner。………………………………………………英式炸魚薯條 ⭐️⭐️⭐️⭐️魚柳肉質幾好，外層炸得香脆，但唔係好食到正宗英式個種用啤酒嚟做脆漿嘅味道，不過我個人比較喜歡佢依個味道。薯條炸得唔錯，內脆外軟。辣肉腸薄餅 ⭐️⭐️⭐️⭐️辣肉腸切得幾薄，芝士足料，滴幾滴Tabasco ，好味。炸魷魚圈 ⭐️⭐️⭐️⭐️魷魚唔un, 但係又保留到魷魚應該要有嘅口感，外層香脆。朱古力蛋糕 ⭐️⭐️⭐️正常Brownie ，偏甜。Peroni 啤酒 ⭐️⭐️⭐️⭐️來自意大利的啤酒品牌，口感清爽。………………………………………………餐廳店員都好nice，比左個Happy Hour 價我哋，食飽左飲咗少少啤酒，仲有舒服到恰著左。事後寫依篇食評的時候先知道原來西貢都有Bistrocana 嘅分店，下次去西貢可以幫幫襯下。…查看更多

源自日本北海道嘅Tokachi Milky ，現時係中環同尖沙咀有分店。星期五夜晚去完PMQ，落返中環嘅時候經過見到依間裝修好靚嘅雪糕店，就決定入去幫襯。………………………………………………開心果朱古力雪糕杯 ⭐️⭐️⭐️杯底舖左一層開心果仁碎同開心果醬，再放北海道牛乳雪糕，然後頂部再加開心果醬同開心果仁碎，仲有蛋捲碎，賣相好靚好吸引。不過，雪糕唔算好重牛奶味，開心果醬亦都唔夠濃味，底部又太厚實，整體味覺同口感都麻麻地。唔係難食，但係普普通通唔值$58。………………………………………………開心果朱古力雪糕杯係期間限定嘅產品，如果有機會都想試下其他產品，例如藍天蜜乳，都係限定產品，睇圖片覺得好靚好吸引。…查看更多