taiknowshowtoeat的个人专页

位於紅磡的一間小店，王乡妹黔川米線，這碗羊肉麵線真不錯！麻辣湯底濃郁微辣，暖胃又開胃，帶著肉香和藥材味。麵線Q彈有嚼勁，吸滿湯汁更美味。羊肉片嫩滑，胡椒辣椒味濃，白菜和青菜爽脆，口感豐富。滷蛋蛋黃流心，與湯完美融合，香氣濃郁。香菜點綴添清新，味道平衡好吃。加罐可樂，午餐超滿足。湯頭會比一般麻辣湯底較為容易入口，不會過於嗆口，當中最出色嘅係配料，其中一個係筍條，比較少有喺其他四川麵線，或者羊肉粉見到有呢啲配料，相當特別。…查看更多

預祝各位平安節和聖誕節快樂，因為今個禮拜唔小心中咗COVID，所以就少咗出post，不過我仲係有貨嘅放心，聖誕除夕都會凍，咁凍當然去打邊爐，2022 年將至，數較為受歡迎嘅火鍋店應該有佢-斗滾，唔使我多講都知道有幾難book，佢係出名食到你飽食到你嘔，低至$268可以食到雞煲、燉湯、海鮮拼盤、全枱打埋卡可以食埋牛頸脊和椰汁雪宴，雞煲不過不失雞係滑既，職員好細心教我地要炒四次、焗四次，到咗打邊爐請嗌湯底我哋叫咗烏雞養生燉湯，唔錯，夠鮮但唔重藥材味；唔記得幫牛頸脊影相，一定要任食呢個，以放題來講叫高質素，牛肉味濃、肉質感嫩滑；至於個海鮮盛宴，食過就知排場有幾誇張，越多人食越誇張，有齊鮑魚、聖子、花蜆、龍躉、扇貝、海蝦；最後係壓軸預約前要預訂嘅象拔蚌刺身，合格水平，夠薄夠爽。#火鍋 #打邊爐 #斗滾 #斗滾火煱 #火鍋放題 #雞煲 #hk #hkfoodie #hkboy #foodie #foodporn #foodphotography #hotpot #seafood #happy #holiday #merrychristmas #christmaseve #taiknowshowtoeat…查看更多

2023 新年新氣象我都估我唔到我要為一間燒肉店而開一個新系列-試伏器。現時一人燒肉店開到成行成市，基本上肉質素唔差、環境整潔、通風系統可以，價錢合理已經可以合格有餘，何解呢間新店會令我給予伏評？首先，服務一開始已經好一般，店舖寫明營業之12:00，11:00 last order ，我和友人09:15 左右入店，竟然會以因為就快收工而不能夠開多個爐做一人一爐，明白好多一人燒肉店接待2 位客人也是比一個爐，我就算數，不過印象分已經大減折扣。其次，重點落係肉既質素，雖然佢無刻意表面佢係日式燒肉，但係叫一個極上和牛套餐，一見油花加上顏色已經好有問題，毫無血色及色澤，就等於用放題燒肉質素，或者可以用上火鍋用既牛肉黎做燒肉，牛五花油膏係好夠，但係肥膏同油香係二回事，燒完就等同食肥膏落肚，至於牛肉，無論係牛小排、封門柳甚至係a4 日本牛肉，每一塊燒完都係鞋口，越食越嬲，真係難得，如果你想試吓用放題打邊爐的劣質牛去燒肉，呢間就係。最後，價錢貴，呢個餐賣$198，如果同區你想食差唔多既野，而用同等價錢，但質素高一倍，同樣係一人燒肉，唔理黃藍，也應該揀燒肉like，旺角區食肆競爭激烈，如果再以呢個質素，這個新店的確令人擔心，祝君好運。#和牛 #牛五花 #牛小排#試伏器 #試伏專員 #燒肉 #難食 #打邊爐肉做燒肉 #hkboy #foodie #foodporn #distasteful #disappointed #beef #foodiehk #mongkok #restaurant #燒肉yuyu #yakinikujuju #happynewyear #2023…查看更多

終於試到人氣網紅店happy roller 既卷蛋，包裝及賣相都吸引，有層次既綠色，今日到旺角開心餅店購買時，永遠要睇彩數才知道還有什麼口味，今天開心果售完，還剩下抹茶麻糬、鐵觀音麻糬以及原味生乳，因為是日晚餐為盤菜以及打邊爐，甜品應該以濃味一點作結，所以挑選了抹茶麻糬，roller 質感軟綿，抹茶味濃，略帶苦澀回甘，茶控應該會特別喜歡，麻糬口感軟糯，給予卷蛋一個不同的口感，整體來講，值得一試。#卷蛋 #抹茶 #抹茶卷蛋 #綠 #綠茶 #麻糬 #綠茶麻糬卷蛋 #green #greentea #roller #happy #hkfoodie #foodie #foodporn #foodiehk #foodstagram #hkig #hkboy #foodphotography #handmade #taiknowshowtoeat @happyrollerhk…查看更多

何為一碗好食的拉麵？今日到訪的仍然係日本過江龍拉麵店，來自東京的久留米，位於旺角的背脂煮干拉麵，聽個名字已經夠有趣，不過睇相同介紹已經知道係油味十足的拉麵，不過見無乜人排，即管試吓佢，還點最近病完要bulk 反下。做了資料搜集，什麼叫做背脂煮干拉麵呢？煮干其實係指魚干（沙丁魚）湯底加醬油湯底，因為成條落，所以湯底特別濃，而背脂係指豬背部脂肪，因為日本冬天寒冷，加上背脂可以令湯底保溫，保持拉麵溫度，所以其實十分適合冬天食。首先，想先評論服務，不知道是否香港過江龍或非集團式的拉麵店，服務來到香港也是普通，唔係要你好恭違，不過連結帳也沒有一句多謝，我覺得是有點兒那過，雖然是沒有收加一，但是呢個亦是香港和日本在服務上的分差，不只一次，可能也是一種通病，不過有時做多一點服務可能就有一點不同。另外，講反拉麵本身，湯底夠熱，湯油而不濃，飲到醬油味，但飲唔到魚味，我亦無飲哂個湯，飲完應該爆今日個脂肪quota，目前為止只有一蘭拉麵我會飲曬個湯，可能我個人也是偏向豬骨湯底拉麵。其次，麵底有驚喜，麵底比一般拉麵為粗身、甚至有D似油麵，掛到湯，不過呢個涉及到個人喜好問題，唔係個個好粗麵。再者，配料上，有炙燒豬腩和慢煮豬肩叉燒，呢二個也是高質，入口即化，亦有甜洋蔥、青蒽、木耳解膩。糖心蛋有加分。總結，拉麵呢家野真係好睇個人口味，而香港的確好少地方食到背脂拉麵，對我而言，食過試過便是，唔會再試，但未至於需要比到伏評，就係甘。#拉麵 #日本 #日本拉麵 #東京 #久留米 #背脂 #煮干 #背脂煮干 #豬肩 #叉燒 #ramen #japan #japanesefood #tokyo #hkboy #foodie #hkfoodie #foodporn #foodiehk #foodphotography #foodstagram #foodlover #foodblogger @marumeramenhk…查看更多

新年一個人到訪外太空兔年新一貼，先同大家拜個年，祝福大家兔氣揚眉，食極唔肥，身體健康。猶豫了滿久，到底兔年新一貼應該post什麼，到底出反存貨還是去一間未去過的餐廳打個卡，今次應該用什麼方法演繹，走什麼風格好，還是依舊隨心隨筆寫好了，今次這間餐廳，令到我充滿靈感去為它寫一篇文章，身為一個小小創作者，這是一件值得興奮的事情，唔想為寫而寫，想有目的或得到啟發而寫。今日到訪土瓜灣的呼吸星球，其實一個人蠻怕去這些網紅打卡店，不過做完運動就是想喝一杯咖啡，一點甜，一入店，幸好沒什麼人，裝修的確滿滿懷舊感，令人頓時有點置身於其他星球，被有型老闆安排了坐喺窗邊二人枱位置，令我可以望住街境邊放空自己，邊吃著我的下午茶，這是一種小確幸，曾經我也希望之後我的工作便是坐係咖啡店的窗邊位置，望著人來人往的人們，邊悠閑處理我的工作，哈。呼吸星球，除咗滿佈充滿昭和日本復古裝修，彩色玻璃，碎花懷舊窗簾，加上沖繩風獅爺裝飾配合反石垣島和牛主題，還有大量令人花多眼亂的懷舊裝飾，有吊扇、玩具、英女王相片、舞獅大頭佛、蓮花、單車等，好像置身於一間博物館。而最大特色的風景，對我而言是那一位型格老闆，我估佢係老闆，見到呼吸咖啡呢個招牌，令我想起我係有去過旺角那一間，剛剛資料蒐集原來係有關連的，說回老闆，他明顯是一個健談的人，見我一枝公入黎，會主動同我講點解甘孤單，新年流流，我帶點靦腆回應到剛做完占嘛，佢亦道出我這個坐位係最感受到汽車經過震動的，因為這邊是舊區，大廈水土流失所以一有大型汽車經過，座位便會完全感受到，我覺得這份感覺好有古日本感覺，亦有台南感覺，我由裝修以至人情味，我感受到跟以往的網紅打卡店不一樣，是充滿溫度的餐廳，是另一個星球。到了餐牌，手繪餐牌，會寫埋介紹比你知selling point 係咩，應該欣賞什麼，點了熱特濃朱古力，正常發揮，欣賞杯和碟，充滿hand made 感覺，有瓷器拉杯感覺，加了一個鬆餅配是日精選雪糕，今日係開心果，D碟真係好靚，有啲似隕石碎片咁，有隻細瓷碟，是配合到開心果雪糕那種綠，我欣賞這種好art piece既執著，有時一套特色嘅碗碟係會為食物加分，開心果雪糕係全餐驚喜之作，唔會太甜，有開心果肉，加了少許熱浪薯片作點綴，視覺及味覺上也有衝擊，好食。鬆餅外脆內軟，配合雲呢拿子奶油或果醬，唔錯。總括然而，這間餐廳由裝修、店員、食物、餐牌設計、以至杯碟設計，我也覺得非常自成一格，人，有時候就需要逃離一下現實世界，找一個地方獨處放空一下，我覺得這個星球唔錯，其實除咗甜點佢係主打石垣牛，下次晚上可以再來吃牛、喝個酒啊。#星球 #咖啡 #朱古力 #特濃朱古力 #呼吸星球 #土瓜灣 #土瓜灣 #呼吸 #放空 #開心果 #開心果雪糕 #熱浪 #熱浪薯片 #石垣島 #沖繩 #高質 #新年快樂 #兔年 #人情味 #hkig #hkfoodie #foodie #foodstagram #foodporn #foodporn #foodiehk #chocolate #icecream #scone #hkboy #happy #holiday @fullcupcafe_planet…查看更多

韓式。大排檔這一間韓國餐廳一直book mark 了很久，位置於我兒時所居住的地方-大角嘴，大角嘴是一個滿有趣的地方，非常接近太子和旺角，但是又屬於一個較為清靜的社區，非常之自成一格，由豪宅以至唐樓也有，而近年來的發展下，多了為數不少的餐廳進駐這個社區，吸引不少外區人士前往打卡，有cafe，之前介紹過的poke，甜品店、拉麵店等等，所以要突圍而出，餐廳裝修、氛圍非常之重要，這間韓國餐廳裝修已經十分吸睛，走韓式大排檔風格，橙色圓形鐵筒坐椅，牆身貼滿韓國海報佈置，就算你未去過韓國大排檔，亦都會被個vibe 感染，即一定要點酒喝一杯。首先，必須預約坐位和日子之外，$198醬油蟹蝦拼盤是必須電話預訂先，我亦都是為呢個而來，沒有什麼腥臭味，亦有蝦膏蟹膏，沒有雪味，沒有死咸，但係總是差一點點的鮮味，但仍然是合格以上，會送上紫菜飯，可以試吓用蟹膏伴紫菜飯食。另外，為了夢王蛋而點的蟹膏夢王紫菜飯，賣相十分吸引，有加上蟹子增加口感，好食。亦都叫了牛肉紫菜卷、水冷麵、泡菜煎餅，全部不過不失，沒有太大記憶點。最令人深刻的反而是那壺韓國米酒，打卡able的古式瓶壺，可乘載近四五杯米酒，每一杯酒附送一支蜜糖，可以融合米酒。#韓國 #大排檔 #大角嘴美食 #大角咀 #韓國大排檔 #新沙洞 #醬油蟹 #醬油蟹海鮮拼盤 #米酒 #koera #koerafood #drink #relax #hkboy #hkblogger #foodporn #foodphotography #foodie #hkfoodie #foodstagram @sinsadong.pocha.hk…查看更多

今日推介我既私心選擇，好耐無食鴨血啦，呢間我之前成日都會幫襯，但因為近期要做占，需要更多的是蛋白質，所以少食左呢類型嘅食物，呢間米線店嘅鴨血，會被我稱之為世一，因為佢唔會好大塊，又唔會太薄，口感唔係實果種，係滑溜溜的啫喱口感，之所以會選擇鴨血粉絲湯，因為嗌米線嘅話，跟鴨血做餸無廿多，哈哈，之於湯底可以揀麻辣或者酸辣，正常發揮，麻辣湯底麻辣俱全。#鴨血 #鴨血粉絲湯 #油麻地美食 #油麻地 #麻辣 #好麵線 #小店 #hkfoodie #hongkongfoodie #hongkongrestaurant #spicy #foodie #foodiehk #foodinsta #foodporn #foodphotography #foodstagram #foodblogger…查看更多

這一年對於沉迷健身的我，如何吃是一個大學問，食太多又怕肥，食太少又會唔長肉，增肌減脂成了唔少都市人的課題，而當中蛋白質攝取佔咗一個頗為關鍵因素令你的減肥會係成功或失敗，簡單來講，無論增肌還是減重也要食得健康。所以今次推介的係近年也頗為流行既poke(夏威夷井飯），之前有試過一間普普通通，但係呢間係有令人驚艷，頭先賣相已經好得，拿不定主意嗌咗個什麼都有，碗飯有三文魚、吞拿魚、蟹子、牛油果、香菇、紫洋蔥、色彩繽紛，額外加咗$25慢煮雞胸，好過你就咁去買即食雞胸嚟食，唔知係咪慢煮嘅關係所以冇咁鞋口，果山葵蛋黃醬有錦上添花嘅作用，令人胃口大開，都仲有得飲protein shake ，對於健身的朋友，不亦樂乎。 #健康 #健身 #增肌 #減脂 #healthyfood #healthy #food #avacado #poke #delicious #hawaii #hkboy #healthy #foodporn #foodpornography #foodie #foodstagram #hongkong #foodblogger #protein @one_poke_rock…查看更多

一餐飯除咗食物、環境以外，最重要係個vibes,最近比較多朋友生日包括自己，哈哈，所以聚餐上對於餐廳的選擇上，會比較需要配合當晚的聚會主題而設，近日吃了一頓也頗為高質的西班牙Fusion菜。呢間餐廳the optimist本身已經bookmark好耐，一直聽人講話慶祝生日首選，十分好氣氛，不過一直被朋友落選，今日終於試到，哈哈。餐廳位於灣仔軒尼詩道，樓高二層，（應該有第三層，不過我無上去望哈哈），ground floor 係bar 位置，食bar food可以係可以揀坐果層，sofa 位置其實幾好feel，最後我哋被安排二樓餐廳位置，餐廳燈光較暗，但亦頗為浪漫。都幾多外國人聯群結隊的共聚晚餐。食得西餐，當然要全程講英文，事前做足準備功夫一定冇錯，就係嗌chef order ，甘係一定唔會尷尬，亦可以食到最signature 菜式，包括lobster risotto.同時，要叫西班牙果洒，三個人當然點一jar，個樽好靚，為一頓飯添上儀式感。首先，上左三道前菜，tuna tartare，padron peppers 、pan con tomate .三個前菜也做得好好，特別蕃茄麵包，個麵包好食到黐線，脆得黎亦有適當的濕度，配合蕃茄酸甜酸甜，十分開胃。peppers 十分新鮮，唔會好辣。tuna tartare ，tuna 加牛油果組合無敵。之後黎2個sides , black truffle croquettes, 一片的黑松露加薯仔波波，好食，第一次食到一片片嘅黑松露，香的黑松露但唔會漏。ham broken egg, egg Benedict 既味道加薯仔、煙肉，不過不失啦。Main dishes 係secreto pork 以及gambas , 前者係炭燒豬頸肉，嫩口唔鞋口，蝦我就覺得比較失色，大隻嘅新鮮的不過冇乜味。主角係lobster rice，喺大份既，震撼眼球既，味道夠濃，龍蝦都冇整得好老，整體唔錯。順帶一提如果你係慶祝生日嘅話，最尾上甜品會有生日歌聽，live 黎嫁。甜品碟寫哂名也是基本配置啦，整體大推大家黎呢度慶祝生日、或者特別節目啦。…查看更多