~~ 為食Be ~~的个人专页

同男朋友入西貢行下..之前已經留意到依間餐廳架啦, 但遠遠見到好似好貴咁,所以都係行過就算...今日唔知點解心血來潮走去睇睇佢個menu , 依又唔算貴喎..見到有個fish and chips or hamburger 加 lime soda or hoegaarden 既set,都係 $9x, 我地兩個人都係hoegaarden fans, 即刻扑搥入去..一坐底d staff 就拎左2杯冰水比我地啦..唔錯..唔錯..:), 2個set都叫左, fish and chips 黎先,好好味啊, 個fish 厚厚的肉, 個皮唔厚,炸得一d都唔油..chips 就不過不失啦, 比麥叔叔粗身啦, 但個人喜歡闊身既chipds..食到一半個 burger 都黎埋..依個portion好大啊, 有沙津又有chips 做伴碟喎..個包烘得外脆內軟,夾埋一大片蕃茄,洋蔥..加埋塊牛肉..一個字 - good 食完野同男朋友仔每人叫多一杯hoegaarden , 坐到11點幾就走人lu..p.s. : d staff 好好人, 見我比蚊咬, 主動問我要唔要搽"無比滴", 又幫我點左 2 個蚊香喎..…查看更多

之前係OR見到依間大排檔既任食邊爐好似好得咁, 星期三約埋一家人去試下, 點知係極度失望囉...無論環境,食物及服務都無樣得囉....先講服務,我地一行五人,其中一個係孕婦, 佢比左張細枱我地,我地見佢又唔係無枱咁就自行轉枱, 其中一個後生侍應即時黑我地面,之後呼渴我地要咩野湯底,由於要就孕婦所以叫清湯...個清湯黎到我地全部 , 個清湯竟然係熱水加2條菜..大佬你落少少雞粉都好啦, 無雞粉都落D鹽啦,我地同佢講轉湯底,佢大聲話唔得,咁我就同佢地講叫佢比D鹽我, 個阿叔係咁話打打下就有味,比左鹽你到時個湯底好咸既話佢地唔會幫我換...個一刻真係火都黎埋,同佢嘈左幾句,佢死死地氣入廚房拎左成碗鹽比我, 我頂,埋到明唔服氣啦, 本來想拉隊走, 不過家中兩老話算,唯有硬食講完服務再講下D野食,係有蝦, 賴尿蝦同蟹...不過蝦同蟹係霉, 只有賴尿蝦係新鮮的,可惜勁細隻,無肉食, D丸勁咸,好彩蟹柳正常, 無"善",得魚片,不過係勁"sang",肥牛超"un",有蠔,食左一隻正常,一隻臭,之後即刻唔敢食啦...全晚食得最多係不粟米同菜..最後環境, 講真去得大排檔都唔會諗坐得舒服, 但都唔好地下長期濕淋淋咁啦,好危險架麻, 好易"sin"親, 枱與枱太迫啦, 坐得好辛苦.......總括黎講,我覺得去鴻記正好多囉....…查看更多

6點幾行過諾士佛臺,落勁大雨囉..諗住求其入一間餐廳HAPPY HOUR...誤打唔撞入左依間...HAPPY HOUR Hoegaarden $44,勁抵飲...最鍾意佢兜nuts只有腰果,果仁同花生...飲到7點半左右見個天仲係咁大雨,唯有係依間餐廳食埋dinner,叫佢waitress比本menu睇睇,先知原來係食墨西哥菜..由於唔係太餓,所以只係叫左Tacos同Seafood Platter..Tacos : 我地耍牛肉..但d牛肉好似牛腩絲咁..淋淋地,唔un...有少少辣,d醬好好味..一碟有2個,食完已經半飽...Seafood Platter : 有青口,蜆,三文魚柳,魷魚同蝦,都幾豐富..海鮮好新鮮,不過魷魚就差d啦,無咩野味,但唔un囉...三文魚柳又係比軟淡口..青口,蜆同蝦就最好味..現場有2個人唱live..氣氛唔錯..services都好好啊...所以應該會有下次...…查看更多

同男朋友仔食完麻麻地既腸粉同燒賣之後我地又搵食搵到依間新香園...我地一個豬手麵同一個蛋牛治.豬手麵既梘水味好重, 豬手就太淋啦, 無咩口慼,同埋唔夠味,不過13蚊既價錢絕對超值...蛋牛洽反而幾好,用鮮牛肉混和蛋蛋一齊煎..好香..好好味...但見到隔離枱份蛋牛洽厚過我地個份好多哩..所得佢地既份量做得唔夠平均囉...不過d阿姐好好人啊,我地唔識路,問佢路佢都好樂意問我地啊,嗰陣佢都好忙架...…查看更多

同男朋友仔第一站黎左依度食...我地叫5蚊腸粉同燒賣..mm..mmm...我地都覺得麻麻地囉...腸粉 : 無食評講到咁滑囉...d醬就最差,麻醬勁油,甜醬太稀啦,落左好多都唔夠味..:(燒賣 : 7蚊得個3粒,好似貴左少少囉...普普通通咁啦..唔算好食但都唔難...依間野應該唔會有下次架啦...…查看更多

因為同男朋友仔都唔熟深水埗d 路,搵左好耐先搵到哩...一坐底叫左2碗凍豆腐花同一碟煎釀豆腐..好快阿姐就上晒d野比我地啦..凍豆腐花 - 好香豆味,不過可能叫凍既關係啦,所以覺得唔夠滑,但都不失為一碗好既豆腐花既.釀豆腐 - 依個就比較油左少少啦,又唔夠熱,不過好彩d豆腐夠香夠滑,都足夠彌補以上不足既...臨走嗰陣見到有煎釀豆豆卜囉,好似好吸引咁,下次一定要試下..…查看更多

因為有本月2個人生日,係OR睇到依間d食評好似幾好咁,噚日就去左試下...book左9點鐘,去到9:05,點知個reception 話我遲左,張枱比左人,要等囉....唉..平時book枱都會幫你留15分鐘啦...好彩等左15分鐘左右就比到枱我..入到去覺得好迫囉...我地叫左:新薯沙律配蟹肉 - 依個幾好,但沙律太多啦,攪到d蟹肉無味囉..羊扒拼紅酒洋蔥 - d洋蔥好好味,羊扒都唔錯,但個人覺得食羊要有羊蘇味,但依個無...海鮮中東麵 - 依個最得,我地有番叫..d芝士味好濃,但個人覺得太漏...芝士波菜酥 - 唔得囉,d芝士味蓋過晒所有味, d都食唔到波菜味...唔知咩鬼駝鳥肉 - 不知所謂,咸到苦,原全食唔落,換左第二碟都唔得,最後比我cancel左...但佢d cocktail都較得幾好, 可惜唔知點解生啤唔夠凍架囉...同埋d待應唔係太得囉,我地已經出聲話有2個人生日,但佢地完全唔個主動同你攪下d氣氛囉..同Balalaika差好遠..p.s. : 所謂既肚皮舞,真係不看也罷....我地4個人都一致認為依間野無下次...…查看更多

依間維苑食過幾次,好明顯佢星期日d質素真係好唔得架囉,一桌4個人,有3個都叫相同既西冷餐,但每一份既分量都係唔同的,雖然都知好多餐廳都會有咁既問題,但都唔好係同一張枱出現咁既情形囉..而我既木瓜鮮虾煙三文魚沙律就真係不知所謂,煙三文魚係梅既..鮮虾無味的..但如果你閒日去食,d質素真係好d...…查看更多

噚日一家人黎依度食飯...餐前小食-唔知咩野虾, 都ok好食..今晚叫左一口小籠包- 夠晒熱, 皮薄涵靚,唔錯唔錯..紅油抄手-唔錯,幾夠味..水煮魚 - 依個麻麻地,唔夠辣,d魚片無咩味..加埋又唔平,可以不叫..榨菜肉未跟叉子燒餅-好味,d榨菜肉未夾埋燒餅,勁正..干扁四季豆-麻麻地,偏油..桂花糕-23蚊 : 次次都會叫,真係好好味架,清清甜甜,超正啊...今餐姐夫請,,所以唔知價...…查看更多

早排見到有食友讚波仔糖水好味,今日特登去買黎試吓..買左3款.. 1) 椰汁紫米露- 超得啊..唔會一味死甜,好香既椰汁味,足料..2) 連子紅豆沙- 依個係爸爸食..爸爸話好味,d紅豆起晒沙,又有果皮既香..3) 芝麻糊- 依個係媽媽食..媽媽都話好味,唔會好"希"又唔會太杰喎..又有芝麻香味..最..最..最..good既就係平..只需10蚊就可以有一大碗,又足料又好味既糖水食..如糖水舗食一定食唔到囉...…查看更多

記得佢啱啱開張嗰陣,d野都幾好食,服務又唔錯..又唔駛加一兼有糖水送,所以平均一個月都會黎食一次...同爸爸見都有一排無黎食過,所以去左食..但點知勁失望..叫左個冬陰公-- 唔夠酸又唔夠辣...最重要係唔夠熱..黃咖哩雞-- 自己媽媽係屋企整既好食過佢多多聲..得個甜字,都唔係椰香既..炒金邊粉-- 一個字形容....油..全晚就好食既係送的糖水..點解會差左咁多架,但價$$係貴左好多囉..唔通真係因為佢係馬鞍山唯一的泰國菜館,唔休無生意????…查看更多

阿媽湯米線係我近期最愛去的餐廳..因為佢真係做到無味精..個米線又有咬口,有三個湯底比係自己選擇..又有好多配料比你簡..但我次次都會叫酸辣湯底,加粟米鯪魚用雲吞,個雲吞係佢地自創的,好好味架..粟米係原條"met"出黎,so 好鮮甜..…查看更多

係電視見到大快活出左新既早餐,好似好正好吸引咁..於是第二日即刻去試吓啦..一去到見到個餐又$23,心諗如果好食都值得既..懷著期待既心情排隊拎野食..點知見到成個餐之後個人勁dowm..勁少三文魚加埋個蛋好油..個包又"焊"得唔夠,攪到個牛油到溶唔到..返而個鮮茄脆皮腸通炒又ok喎..但整體係唔得囉..>_<…查看更多

本身我係一隻魚怪,餐餐都要有魚落肚先得,所以自問對魚既要求都幾高下..之前睇OR見到依間野已經好想食,但要去荃灣先可以,所以久久都未去食過..但竟然比我見到佢係大角嘴開左分店,lunch即刻去試下..叫左個完條大山班泡飯..魚都幾新鮮..魚湯都好鮮甜..但我覺得係有落味精的,因為食完之後,我個口乾乾地..但都可以接受的..始終如果要飲到一碗好既魚湯,還是要乖乖回家先可以...…查看更多

好耐都無黎食啦..有一晚同老公行過,見到有芒果味,所以就叫左杯中既黎食,加左7蚊要toppings...要左藍梅,香蕉,芒果,奇異果同士多啤利..芒果味yogurt都幾好味,有芒果既香味..但唔知點解今次d toppings比得好少..攪到好似食緊淨芒果味yogurt咁..…查看更多