kawing3310的个人专页

這次跟朋友來到這間位於尖沙咀的隱世居酒屋——南亭，CP值非常高，而且充滿風味，值得分享！串燒種類繁多，包括肉類、蔬菜、海鮮串燒，還有大量日本料理、主食、甜品等。我們點了很多串燒，當中的厚切牛舌芯更是招牌，厚切多汁又好吃。還有鴨舌、蘆筍豚肉卷、燒雞翼等串燒也不能錯過！蘆筍豚肉卷每一口充滿濃郁香味，清新的蘆筍與豚肉完美融合，燒豚肉令肉汁鎖上，鮮嫩又多汁，非常有口感。燒雞翼完美燒雞翼燒至金黃色澤，香氣撲鼻，外皮焦香，肉質細嫩多汁！鴨舌非常惹味的串燒，鴨舌吸收醬汁，燒烤過後，香氣十足，而且非常有口感！…查看更多

今次嚟到一間專吃串燒的酒吧餐廳，係以復古主題打造而成。牆上貼滿好多經典港產片海報，包括《色戎》、《英雄本色》、《阿飛正傳》等經典電影，場面非常震撼！餐廳內仲放置咗好多八十至九十年代絕版玩具，非常經典，老闆話如果遇到心頭好，又岩價錢係可以買走。呢度除咗有串燒之外，仲有30款雞尾酒可以選擇，可以以$99優惠價，任飲清酒、白酒、紅酒、啤酒3個鐘。最正係全景觀景窗台，可以一邊暢飲暢食，一邊飽覽風景，佢哋獨家城市天際線黃昏景觀時段為晚上18:30-19:30。重點推介美食蒜蓉燒生蠔 $138有半打，每粒飽滿大隻，上面仲鋪滿蒜蓉。燒過後，香氣十足，而且令蠔的鮮甜味道更突出！人均約$200左右 晚市套餐有九道菜係入面，含有海鮮燒烤、芝士濃汁大蘑菇、韓式海鮮湯、燒五花腩肉、鰻魚便當等，非常豐富！餐廳採用海鮮食材非常新鮮，大蝦、扇貝燒過後，鮮味十足！呢個餐非常抵食！十分推薦！…查看更多

行完將軍澳donki 係時候要去醫下肚仔，同朋友行完一陣最後揀左間好chill嘅泰式餐廳，無論門面定內部都好chill，岩哂打卡，Chilli Lime，餐廳位於將軍澳澳南海岸唐俊街23號MONTEREY Place地下G07號舖。坐位方面有室外同室內選擇，各有唔同嘅感受。串燒泰菜式沙嗲串燒同咖哩呢啲都係必叫美食！同朋友比較貪心，想食唔同嘅食物，所以叫得比較多，而食物份量都比好足料，如果細食嘅女仔記得唔好叫太多主食😂😂😂第一道菜 Pineapple Fried Rice正常發揮，原隻菠蘿上菜，炒飯粒粒分明，仲好香口而且海鮮好足料！有蝦肉、魷魚 、菠蘿、粟米、提子乾， 還有脆脆的腰果， 份量好多！水果嘅酸甜味令人胃口大開！第二道菜MIXED Satay 沙嗲串燒有牛同雞串燒，串燒燒得剛剛好，唔會乾燒得好juicy，味道好出，再配上沙嗲醬，有點花生醬味會有少少偏甜，但可以令肉嘅味道提升。第三道菜Mango Sticky Rice一上碟已經好吸引，芒果擺成心形圍住糯米糰子，黑白糯米好有咬口，上面仲有好多好香嘅椰漿，好滿足！第四道菜Yellow Curry Gol Gappa 呢個係黃咖喱蟹肉球，第一次試又幾好食，入口好creamy，黃咖喱蟹肉醬料入面仲有啲青椒粒，所以味道好香，亦都好有口感！為左唔好浪費D醬，所以追加左一份烤餅，必點！最後飲品Cocktail我哋揀咗Strawberry Delight （冇酒）、Chilli Lime Martini （有酒精），兩杯都好有賣相！特別係Chilli Lime Martini，好應景，萬聖節必點！辣椒惡魔角造型好正，朋友話飲落去仲有少少辛口，但好過癮！Strawberry Delight好濃郁既士多啤梨味，但又會好清爽，配食重口味野最岩！…查看更多

今次係中環區發現一間食專食川味嘅餐廳，而且係樓上店。呢度裝修好有特色，而且食物都好正宗，今次真係同朋友冇嚟錯地方，而且眼見係平日有好多officer係呢度食lunch套餐！佢哋嘅套餐係自選内容，而我哋都各點一份A+B+C+D套餐，可以自己揀自己鍾意嘅嘢食同配料！前菜 （瘋狂小吃）木耳 + 泡椒鳳爪先食一食兩款開胃小食！木耳爽口帶辣，當中仲有啲蒜頭香味！泡椒鳳爪口感爽脆，味道酸甜帶辣！主食（瘋狂小面）瘋狂擔擔面 （另+牛肉）平時外面食嘅擔擔麵都係奉湯上，而呢到嘅擔擔麵係乾撈的，再撈埋麻醬一齊食，又香又好味！另外再加餸，叫咗一份牛肉撈埋一齊食！酸辣粉 （另+牛舌）正宗酸辣粉，湯底煮得好好，令薯粉入晒味，而且薯粉口感煙韌，好有口感！瘋狂飲品揀咗烏梅汁，係消暑解渴飲品之一，而且可以開胃同解辣！瘋狂甜品期待已久嘅成都老粉冰，呢款甜品清甜，可以中和之前食過嘅辣味。值得一試！…查看更多

越瀧棧位於粉嶺粉嶺聯和墟！今次嚟叫外賣打包返去屋企食！一入餐廳，餐廳裝潢充滿風情，店員都非常有禮貌！餐廳裝修優雅，環境舒適，可以享受到東南亞風情！好寫意！下次可以再同家人或者朋友嚟食飯！今次點咗香芧豬扒飯，呢款香茅豬扒味香甜，送飯一流 !豬扒切開左，方便一口一件，其實份量都好大份！而且好香口！好值得推介！而小食面，就點咗一份越式春卷！一份有３件，就算外賣，拎到返屋企依然都係脆！因為春卷炸得夠香脆！當然唔少得嘅係特飲，揀咗一杯珍多冰！椰漿都係經過特別調製，增加椰奶甜味，令椰漿的味道更香濃。仲有粒粒粉條，十分有口感！…查看更多

今晚同朋友去麻辣Doi，真係好滿足！係冬天呢種天氣，除咗打邊爐之外，仲可以揀食熱辣辣嘅麻辣菜！今次點咗 牛肉香鍋 同 大盆水煮魚片，非常好味，愈辣愈過癮！仲好暖身添！一大盆酸菜魚片，而且酸菜魚湯好出色！湯好鮮甜，而且魚片份量多，魚肉口感非常嫩滑！牛肉香鍋好精彩！成個鍋上枱，熱辣辣出晒煙，而且份量好多，味道仲好香！成陣香麻味出晒嚟！仲有好多配菜一齊炒！有油麥菜丶午餐肉丶魚腐丶牛柏葉丶金菇丶雞肉，好豐富！下次可以再約朋友去食！…查看更多

今晚同朋友揀咗呢間餐廳食晚飯，非常滿意！地方潔淨，環境舒適，服務員態度非常親切，不時會幫忙加茶水。講到古今二嘅食物，點少得呢度嘅特色卷物！今次同大家分享一下有咩好食:龍捲風沙律二人份量！份量十足嘅沙律！裏面食材十分精彩！新鮮爽口生菜丶中華沙律丶蟹籽丶大量蟹柳絲，而且入面仲有粒粒脆片，令到口感好豐富，又香口。沙律伴上祕製醬汁，好開胃，好適合作為前菜。火山呢一款火山，外型獨特，非常有創意。其實上面係一層厚厚嘅蟹柳絲，下面係一層被覆蓋嘅卷物，係以青瓜牛油果做嘅卷物非常豐富，又美味！辣妹呢一款卷物係以辣味呑拿魚丶忌廉芝士丶炸蝦整作而成，其實味道唔太辣，而且好香口，芝士味香濃！建議先細味辣味呑拿魚，因為魚蓉味道十分鮮甜！埼玉網燒牛舌新鮮燒製上枱，非常好味！鹽味牛舌柔軟而有彈力，配上嘅袐製醬汁，有好香嘅麻油味，大家不妨點一點醬汁食！有意外驚喜！宮崎黃金炸豆腐非一般嘅炸豆腐，炸到金黃色，再淋上燒汁，味道好似章魚丸子，但入口係又滑又嫩嘅豆腐西施，好味！今晚真係大飽口福！…查看更多

今次嚟咗呢間朋友推薦的餐廳，感覺唔錯！餐廳環境非常有格調！而且好舒適！揀咗坐外面的位置，晚上進餐一啲都唔熱，仲可以感受自然風，係同朋友暢談的好地方！而且餐廳係有水煙供應！呢餐飯真係非常滿足！我哋今次揀咗呢幾款意大利火腿水波蛋卡邦尼沒有最邪惡只有更邪惡，加上水波蛋嘅卡邦尼意粉，更加好味！啖啖蛋香！而且呢款意粉嘅醬汁都煮得好好，香濃入味！野菌忌廉汁蟹肉意大利飯一個出色嘅意大利粉，十分有口感！而且味道好有層次感，同香濃嘅味道，特別係蟹肉+蟹膏+忌廉汁嘅配搭，非常美味！Classic Cocktail - Green Apple Martini好飲嘅cocktail，十分推薦！淡淡青蘋果香味，與酒精完美結合，味道十分清香！好飲！Mocktail - Sex on the Peach一杯有賣相嘅沙冰，而且甜甜的味道，好有少女感覺！…查看更多

爆丼屋搬遷後，到咗山東街位置，仍然保持水準，一啲都冇失色！新裝修，樓底高，坐位位置好舒適，而且食材高質素，值得一去！今次同朋友叫咗兩種丼飯同兩杯特色飲品！餐前慣常會附帶一碗湯！今餐真係大滿足，冇得輸！三色海膽盛丼三種海膽都好肥美超大塊！入口即溶！三種海膽味道都略有不同，由鮮到甜！每一啖都有鮮甜味！又大碗又新鮮！超抵食！夢之丼 （夏祭限定）特別限定丼飯！有七大食材，大拖羅丶油甘魚丶帶子丶三文魚腩丶甜蝦丶蟹肉丶蟹籽。新鮮程度極高，刺身大集會，超豐富！特別係大拖羅同埋三文魚腩！大拖羅入口即溶，三文魚腩厚切有口感，帶鮮甜！bubble bath smoothie一開始杯飲品係藍色，感覺好夢幻！飲落去好驚喜，味道係雲呢拿味沙冰，上面再加上脆トト嘅焦糖爆谷，超好味！如果將爆谷浸軟咗係杯飲品度，飲落去仲會帶香香玉米同焦糖味！好特別！制霸魚缸沙冰 （大大杯）其實係芒果沙冰，一嚟到上枱，個size大到足以2個人飲！最驚喜係飲品嘅味道，有好香嘅芒果果香，cream 好smooth好滑，仲有粒粒芒果係飲品上面，超有賣相，極度推介！…查看更多

元朗區，美食集中地。想食川菜，所以今次揀咗一間新開冇耐嘅麻辣doi！同朋友一齊揀咗食晚市烤魚套餐，老壇酸菜湯底 配 油麥菜+午餐肉。食物上枱，第一件事係先飲一啖酸菜，好開胃，又暖胃！烤魚有煎過，再放上盤同酸菜湯一齊煲，好香！烤魚肉經烹調後，魚肉帶實，食入口好有口感！最冇揀錯係加配咗午餐肉，呢度嘅午餐肉，係經過煎炸後先再放入酸菜魚煲，所以令到午餐肉口感提升！主食薯粉比出面⼀般麵檔嘅薯粉好食，好有口感！同老壇酸菜湯底真係絕配！perfect match！…查看更多

上海菜式其實好多都好出名同出色，個人喜愛食上海麵，因為有口感！而今次係大埔行行下，發現呢間餐廳，忍唔住入去試下。今次冇叫到上海麵食，揀咗一份午時客飯 - 鱔糊菜飯，仲有跟湯！呢份饍糊跟豆芽一齊炒，入口有口感，而且味道唔咸！再配上好經典好香嘅菜飯！正！…查看更多

講起甜品，依家真係好多選擇。但要食返正宗傳統嘅糖水，依家真係少咗好多。今次外賣咗紅豆沙返去食，真心食完呢間，覺得佢哋煲得好靚。紅豆煲至起沙，仲有糖水結身，仲好足料！…查看更多

今次都係叫外賣自取，咁會快啲食到晚飯。因為一到晚飯時間，又係好多人。揀咗一份腿茸雞鮑翅飯，拎到返去食，都keep住熱辣辣！好新鮮，粒鮑魚size都好大粒，即刻覺得個飯抵食晒！…查看更多

今次嚟到旺角分店打邊爐，晚上都好多人等位。入到去有得揀2種湯底同揀級數牛，而且價錢係任食任飲！冇記錯係揀咗中間個級別，而且牛肉質質都靚！我同朋友都食咗好多盤！最開心係有甜品食，係牛乳雪糕同伯爵茶雪糕，伯爵茶味道好甘香，不過個人喜歡牛乳雪糕，但咁啱當日得番好少，所以唯有下次去食。…查看更多

今次同家人到茶木食晚飯，其實都嚟過幾次，最想飲到養生湯，不過今次佢賣晒，好可惜！不過點咗其他野食，每人一個主食，再加咗一份台灣小食。食物質素係有，不過家人覺得份量係偏少，而我就覺得剛好。應該咁講，份量係比普偏女生食，咁就啱啱好。自己點咗一份炸豬扒台灣麵，炸豬扒份量多，好大塊！炸至金黃色，非常香脆。台灣麵麵質好有口感，加埋啲湯，好香濃，忍唔住想飲晒！鐘意食開湯麵嘅我，只係覺得湯份量唔夠多，好想佢哋會比多啲台灣香腸作為一份小食都唔錯，一口一片，切得好精緻！…查看更多