天氣凍，諗住食碗拉麵暖一下。叫咗雞白湯拉麵，平身怕叫濃厚會太咸頂唔順😓（之前食第二間試過）等咗一段時間，餃子都食晒，碗拉麵都未到。心諗應該人多，未煮到姐，等多陣🙂OK，過多陣碗麵終於到，咁就當然係試啖湯先。😳😳😳個 湯 凍 嘅？個 味 咁 淡 嘅？😳😳😳只可以話同之前食過嘅雞白湯有啲唔同。呢碗食落成口cream咁，口感偏薄同淡，唔係好啱我口味。碗麵唔係好咸，但食完有啲口乾。見佢好多客人都有join membership，可能咁樣先留得住客啦🙂↕️🙂↕️不過本人就唔會再去食啦。…查看更多
金鶴拉麵 (利民大廈)
2024-11-29
以上食记乃用户个人意见 , 并不代表OpenRice之观点。
赞好
用餐途径
堂食
人均消费
$150 (晚餐)
可能因為夜晚10點幾去，不用排隊就有位！本身只係諗住食甜品，但係因為太吸引，所以食飽飯去都要叫多個烏冬！叫左抹茶蛋卷-大($30)，檸檬撻($40好似係)同埋冷烏冬($58)兩個甜品好快就到，（因為就咁雪櫃拎出黎），不過賣樣都好吸引
抺茶蛋卷好有抺茶味，適合喜歡不太甜的朋友吃，食落仲有少少奶味。另外啲Cream打得幾滑，蛋糕都好鬆軟
。不過本人比較喜歡苦澀味重的抺茶，呢個就唔係了。不過整體黎講都係好味既！檸檬撻既面頭有一層厚厚既蛋白，應該上面加左焦糖，OK甜。下面既檸檬餡酸酸的，兩者加埋一齊，酸酸甜甜，幾好味既。本人最推介既係冷鳥冬！
佢既賣相比一般食既吸引好多！首先，個烏冬係冰鎮既，下面有個碎冰底。另外，佢既烏冬唔係一般白雪雪既樣，而係好似蕎麥麵咁，應該好健康！而且仲好貼心咁放左個濕紙巾係托盤，貼心貼心
。仲有一碗沙律，呢個就一般。。。個醬係咸咸地既芝麻醬，入面係生菜絲、粟米粒、蕃茄仔咁，無咩特別。味道方面都好好！個汁甜甜地，唔係太咸，撈左wasabi之後好正！個wasabi有粒粒係入面，好好味！冷烏冬凍冰冰，夏天食一流！話咁快就一口一口咁食晒！仲想食多個添！總括黎講係值得一試！特別係如果你係抺茶既fans！因為舖頭有兩個抺茶既甜品set（好想試！！！）
