hoishan2003的个人专页

天氣轉涼，想食番碗糖水暖下身！本身諗住自己煲，但上網見到呢間糖水店menu幾吸引，一於一試！糖水小店座位舒適，乾淨企理，女店主好nice, 指定糖水更做緊下午茶優惠！腐竹薏米蛋花糖水只需$18，再加$7湯圓，都只係$25，非常抵食!可惜味道差，一d腐竹味都冇，食落似蛋花糖水，唔似有加腐竹一齊煲，腐竹係一片片的狀態，薏米份量亦少，不是我喜歡的味道! 湯圓一共有3粒，2粒芝麻，1粒花生，外形較細粒，皮厚餡少，而且皮未煮熟，真係好失望！本身諗住外賣多碗糖水，最後都係唔敢試！…查看更多

最近不斷試burger，見到旺角，轉登試下!牛牧首選漢堡【$69包薯條＆沙律】~包味道偏甜，烘得唔夠脆，牛肉漢堡扒好細塊，而且口感差，似加咗麵粉嘅肉餅，更食到有梳打粉味！芥末醬份量好少，明明餐牌寫係炒蛋，又變咗煎熟蛋，整體食落口感好乾!~跟餐的波浪薯條好味！好粗身，薯肉好豐富，而且份量多，超抵食！~跟餐的沙律用咗芝麻醬，可惜醬太少凍mocha【跟餐+$18】~太甜，唔好飲:(整體食物令人失望，以為係一間主打食牛嘅餐廳，點之牛漢堡質素太差!但餐廳環境舒服乾淨，又設有廁所，侍應非常有禮，如果能改善食物品質，就必定會再幫襯!…查看更多

喺九龍城食完tea，順便去潮州合成糖水買外賣！今次喺第一次食，滿心期待！本身想食香芋椰汁西米露，可惜呢度冇，改為食腐竹薏米加配湯圓！【腐竹薏米$31】【加配湯圓$10】＜外賣加$1＞用咗生熟薏米煲，而非洋薏米，所以糖水唔夠黏稠滑溜，口感較水，似飲糖水，好甜！雖然加入一片片腐皮豐富口感，但腐皮味道未能溶入糖水中，整體味道比起其他小店差！😔加配的芝麻湯圓只有兩粒，雖然較大粒，但內餡並非流心，而且湯圓皮好難食，似利川湯圓，加$10確實唔值!…查看更多

喺旺角食完lunch，想搵間糖水舖試下！剛好經過呢間主打中式糖水的小店，門口又貼晒報章報導，應該品質唔差瓜！~芋茸蓮子西米露$26(另加湯圓三粒$8)本身諗住試兩款糖水，但怕中伏，於是只叫咗(熱)芋茸蓮子西米露+芝麻湯圓(3粒)試試先!西米比例好少，好細粒，而且仲要溶晒，冇口感；蓮子又冇味，全碗只得2粒，完全係可有可冇！感覺好似食緊芋頭糊，毫無口感！至於芝麻湯圓，味道正常，但偏細粒，餡料較少！試完呢款糖水，搞到我都唔敢再試其他款😔!雖然糖水唔好食，但老闆好nice好有禮貌，服務態度值得一讚👍！不過始終唔會令我回頭再食😖…查看更多

週日大圍真係好難搵位食嘢，難得見到呢間冰室冇人等位，而且又有卡位，下午茶選擇又多，於是決定一試！一共order兩個下午茶餐：1）鮮茄焗豬扒飯$42一上枱，個外觀好吸引，芝士焗得焦香，滿是期望，點知係虛有其表！😑首先豬扒(切條)好鞋，份量好少，只得幾條，而且多骨多肥膏！個汁好鹹，一d蕃茄味都冇，連一舊蕃茄都冇，只得幾片洋蔥和紅蘿蔔，最後要叫侍應攞茄汁拌飯食先食得落😅！唯一可取係個炒飯底，炒得粒粒分明，有口感。 2）法蘭西多士$30麵包好薄，炸得好淋，花生醬餡太少，糖漿只得一小兜……真係冇諗過咁簡單嘅西多都咁差😔 跟餐餐飲要咗凍華田和凍檸茶，兩者都超甜，要額外加水先飲得落😅 整體來說，非常失望，應該不會再幫襯！…查看更多