K小姐美食記的个人专页

Happy Friday 見好耐無出過去食lunch 就係附近搵左間餐廳  聽同事講話味道都唔錯 仲有個大海景 今日就一於同我老公去個度食叫左呢個炭燒雞脾扒意粉配燒汁($74連野飲) ,啲意粉感覺係灼 好多水份 唔似出面食個啲咁乾身 同埋無咩味  雞脾肉味道都可接受 但柚子雞翼($28)係令我最失望 當我以為食雞翼無死喇~ 結果雞翼完全同柚子味係分開 啲柚子醬痴左係個mini pan度 而雞翼味道又係無味道 感覺都係似係烚咁~ 都加左$8 配個栗米湯 都無咩expectation 嘅罐頭湯食完呢個lunch 不停諗點解同事同我講唔錯 不過味道呢樣野因人而異 但我又唔會再揀呢間 ~…查看更多

今次終於帶埋男朋友嚟食喇>< 雖然佢都有食過呢間嘅lunch 但就未食過呢間嘅dinner !! 但佢話dinner係好食過lunch 好多的 今次嚟係星期三 ,所以唔洗等位之餘仲可以自己揀坐邊 今次係店員推介下叫左個湯, 味道好濃郁 同好好味 好想再叫多碗嚟飲 跟湯嘅蒜蓉飽依然都係咁好食 係我地兩個至愛嘅羊架 肉質好嫩又唔韌 食落去口感一流 同埋啖啖肉真係好正好juicy 蕃茄汁大蝦扁意粉  - 上次食過意粉 實在太好味 但今次叫扁意粉 都唔錯 我相信好快會再encore …查看更多

又嚟到食大閘蟹嘅季節 , 係網上面見到呢間係元朗新開嘅任食大閘蟹 同屋企人都心意意好想試  最後就當然用行動嚟表示真係好想食 大概係5:50PM 嚟到餐廳 門口已經好多人等侯入座 餐廳環境唔算大 今次我地8個人都係兩張枱拼埋一齊 但位置就相當逼 每一次出去拎野食都會撞到隔離枱 .呢度全部野都係任食 雖然款式唔多 但係都足夠 海鮮方便 都係急凍 因為全部都係結冰的 所以我地都要拎番埋位攤一攤先可以燒 扇貝同蠔都幾好  面頭嘅蔥蒜辣椒都要自己調配 , 另外呢度都有原條大眼雞魚 但掛住食所以無影到相 配埋呢度嘅泰式辣醬 就會勁正 都似係係泰國食烤魚嘅個種味道  雞扒係要必要 (因為又係掛住食 無影到) 啲肉好嫩同埋調味好正 >< 所以都食左兩塊 至於 我地嘅主菜 - 大閘蟹都係蟹公為主 ,大概15分鐘上一次  熱辣辣 雖然啲蟹膏未去到爆曬膏咁 但係我地食左4隻之後都開始投降 因為真係太飽 同埋想試其他野食 , 所以去到最尾個幾round我地都唔再拎蟹  同埋呢度啲薑茶都好正 >< 飲完都覺得好舒服 呢度都有蟹粥但就無試到 野飲方便都係汽水 同紙包野飲   價錢方面 :$288 一位, 長者同小童就 $188 一位 (無加一)時段方面 分左兩段 : 6PM-8PM / 8:30PM-10:30PM  …查看更多

今晚同朋友原本想食後兩條街嘅餐廳 點知唔記得左book位 所以去左另一間我一直好想試嘅餐廳 - Thirty First of May好好彩今晚唔洗等位 但餐廳內嘅位置剛好靜係一張2人枱 餐廳內嘅裝潢都好適合閨蜜談心 或者同伴侶撐枱腳 香草蒜蓉飽 龍蝦汁蟹肉鮮蝦海膽意大利飯 蒜片辣椒大蜆意粉 因為今晚得兩個人食飯 所以唔係叫左好多樣野食 但叫左以上3款嘅野食 我都覺得味道唔錯 會好想下次帶埋男朋友再嚟食!!…查看更多

星期日嘅晚上 朋友介紹下 嚟左呢間餃子店  店內裝潢普遍 只有3張枱 (2張4人枱同一張較長小小嘅枱,大概可以坐8個人左右)嚟到見到有12款唔同餡料嘅餃 但比較想試嘅都係芹菜豬肉餃 $32/6隻 本身想試煎餃 但店員話今日太多單 煎餃需要額外等多3-4個字 所以都係叫番湯餃 湯底超好食 好似係籮白栗米湯 , 飲落去覺得都好似屋企煲嘅味道 感覺好健康, 至於主角餃子 十分足料 夠大隻 所以叫左6隻都夠飽 因為餐廳位置較小位置 大多都係一食完就會離座 但係呢間餃子應該係近期食過嘅餃子最好食嘅一間 …查看更多

慶生之又係自助餐 , 今次係男朋友生日 一路R爆頭諗左好耐 到底揀咩餐廳嚟慶祝好 突然間諗起黃金海岸嘅buffet 一早打去book枱 然後打算比個surprise男朋友 點知往往surprise都係會比人識穿了 今次 準時6:30 到達 已經見到reception 長長的人龍等侯入座  唔知今日係咪星期日嘅關係 幾乎全場滿座 食buffet 我比較鍾意食凍盤 >< 呢度啲凍盤有曬我鍾意食嘅 龍蝦 ,蟹腳同蝦 好fresh 同埋無咸味 好鮮甜 所以我都食左3 round 凍盤 壽司刺身方便都拎左幾舊試下 帶子係超好食的 戶外區 有羊架 雞翼 串燒 乳豬 同埋扇貝  不得不介紹呢個鴨湯米粉 味道真係超正 同埋湯底好濃郁到最後 係book枱個陣都麻煩左餐廳幫我order 定一件芒果千層酥再寫上Happy birthday 哈哈 呢個千層酥我同男朋友都覺得超好食 雪糕方面 有movenpick 同 haagen dazs 但係movenpick係一早已經清空了 之後再refill的都係haagen dazs所以最後係無食到雪糕 哈哈 很滿足的一餐 …查看更多

上網不停搵荃灣有咩好食  嚟左呢間係街市附近 但餐廳內環境都幾適合同朋友暢所欲然 好好彩係無預約下 都吾洗等位 同朋友都好鍾意食泰菜 所以一坐低見到MENU 都瘋狂想嗌 但今晚得2個人食 所以真係好節制地叫左3樣野食 小食拼盤 - 有2件蝦餅 (蝦餅比我想像中大件 同平時係出面食嘅size 真係好唔同 )  , 2件春卷(切開成4件) 同4件泰國雞棗 ( 呢個超級好食)  大蝦柚子沙律 - 份量比想像中大份 味道亦比起以前係出面食嘅都好食 大蝦再MIX 柚子呢個配搭亦係我最鍾意食嘅沙律之一 大蝦炒金邊粉 - 唔算辣 同埋配料剛剛好 椰子開心果沙冰 - 真係堅重椰子味 好fresh 但係我都係最鍾意飲Thai Milk  Tea  總括而言   呢間餐廳無論環境同食物質素都頗高 另外 價錢方面 亦都算合理 所以期待下次再叫多啲人一齊再嚟食飯 …查看更多

一直都未試過韓式炒雞 ,係男朋友不斷引誘下終於要一試 "柳氏家" 所以係前一晚就用app book位,今晚就一於兩個人去試下係咪真係咁吸引同咁好味先 7:30 去到 , 餐廳內都已經full 曬 好彩有book位如果唔係walk-in 應該都吾知要等幾耐了 ,今次就叫左"柳氏家辣炒雞" 正常年糕分量 無加芝士 叫左炒麵  好吸引啊 店員會先講解點樣炒雞喇 大概係每邊兩分鐘 然後反去另一邊兩分鐘 再炒多4分鐘 total 8分鐘後 店員會再過番嚟幫我炒炒麵 炒麵份量都多 一路望住就一路好想快啲食 8分鐘後 就變成咁了 味道都好惹味 好吸引啊 忍吾到不停食同食出面會有自助沙律吧 但小妹實在唔係太好沙律所以就只係拎左好多生菜 用嚟配肉食 配料方便都好充足 有肉類同海鮮類 同有蔬菜類 但蔬菜類忘記了影相 但係都有我最愛嘅秋葵 係食完炒雞加炒麵後 如果要食出面嘅自助吧食物就要通知店員 店員會幫我地換左個鑊 然後我地就可以慢慢食出面嘅野食 ,因為我吾太好肉類 所以大多都係食海鮮類同蔬菜類多餐廳送左兩塊護心肉比我地 , 味道係黑椒味 好match 同埋肉質好軟 最重要係唔韌啊嘛 最後 梗係要試埋佢個昆布湯喇 昆布湯味道同出面嘅都係差唔多 但比起出面就比較濃味 所以小妹都飲左3碗先走 呢100分鐘嘅炒雞放題實在太滿足 價錢都係$198+10% 但我地係會員有9折再扣埋$50 coupon 最後埋單都係 $346 兩個人 ~ 大滿足  …查看更多

一直都好想去試The Ritz-Carlton嘅tea ,但一直都未有機會 終於今年生日月可以嚟試下 今次友人買左兩張套票($608) ,套票係包括 兩張SKY100入場門票 再加一張TEA SET TICKET.好耐都無上過去 但今日天氣嘛嘛地 所以都係行左一圈就即刻搵位坐低 ,但原來我地想book個間吾係呢間 而係CAFE 103 ,但誤打誤撞左嚟左呢間 質素都吾錯 , 同朋友都係叫左earl grey tea,呢度係用TWG TEA BAG 味道好好飲 ~呢個TEA SET 雖然款式吾係好多 但係都夠飽 , 呢款Tea set有最常見嘅Scones 配果醬奶油 呢個亦都係我最期待的 因為普遍都幾好食 另外四款甜食:港式奶茶慕斯、荔枝啫喱配上雲呢拿慕斯、芒果布丁配柚子芒果莎莎同鬆軟的甘筍忌廉芝士蛋糕   ,三款鹹點:雞肉及紅波椒沙律包、醃製三文魚及細香葱三文治、意大利火腿配水牛芝士及蜜瓜,但我地兩個最鍾意食嘅都係芒果布丁配柚子芒果莎莎 有啲似楊枝甘露嘅感覺 對住呢個view,實在太舒服 可以同朋友暢所欲然亦能夠好好放鬆一下 但依然想試係佢樓上的cafe 103 …查看更多

終於 ! 終於 ! 又6月經過見到荃灣廣場地下 丸亀製麵嘅圍板已經好期待佢開張  因為細個個陣最鍾意同朋友去食烏冬 !!今次去 就要係門口等左一陣 大概5分鐘左右 就有職員安排位置比我地坐 然後就貪新鮮試下呢間鋪嘅新出品 蜆烏冬 : 好好彩買到last 個份烏冬 蜆嘅份量比我想象中多同埋無咩沙 ! 另外加左件炸蝦餅 味道都係同以前一樣 無咩特別 !!~ …查看更多

每一次聚會都提議打邊爐 一嚟可以一齊傾計傾耐啲 二嚟係我個人真係太鍾意打邊爐 今次同男朋友再加一個準備移民嘅朋友嚟到 616 ,因為之前試過一次  所以打算帶朋友嚟一次 咁岩佢又未食過呢間鋪裝修係主打懷舊風 同埋最鍾意係呢度牛嘅選擇有很多 同埋平均都係50-60蚊一碟左右 性價比高 今次就叫左 鴛鴦酸菜牛骨湯 - 酸菜味都算重 沒有太重辣味的 同埋酸菜份量都算okay 呢個鴛鴦餃都好正 , 麻辣牛肉餃夠辣同好juicy 如果吾係個日叫嘅份量都夠飽 應該會再encore 多碟淨麻辣牛餃啲牛肉嚟到 其實我都吾係好識分到底係咩肉打咩肉 但每一款都係真心超正 , 但最最最鍾意食嘅都係呢度嘅牛丸 自從上次食過之後非常爽口 兼重牛味後 去到其他地方食牛丸都會第一時間醒起呢度 !! 雖然吾知佢有無得就咁買淨牛丸外賣 但每次都有衝動好想問佢地可吾可以買 整體嚟講 : 同男朋友係十分滿意呢間打邊爐 一嚟價錢吾錯 同埋份量都岩岩好 可以試多啲吾同嘅款 三個人食最後埋單都係600幾蚊左右 最重要係友人都覺得滿意 所以係大滿足 !!!!…查看更多

係荃灣廣場個頭返工 一直都等緊呢間老媽拌麵開 咁岩今日行過見到佢試業中 就同同事入去試下  仲要難得唔洗等位 ﹐餐牌上嘅野食款式都正正常常 本身想叫一個蕃茄蛋拌麵 但係店員話未供應 ... 所以叫左個老成都擔擔麵 ($52) 無加野飲 賣相都幾好 但味道就一般 花生味都足夠嘅同埋開頭食唔覺得辣 但慢慢就越食越辣…查看更多

近三年生日都選擇左係 Mr.Crab by the captain’s house 做晚餐 今晚 大概6 點入座 人流不算多 而呢度嘅氣氛亦幾好 今晚播嘅音樂大多都係輕快嘅音樂 聽落唔嘈之外 亦有種喜悅心情🥰而家逢日至四都有指定款式有折 今日係星期日所以湯類同甜品類 一坐到 餐廳職員就上左一碟爆谷比我地 湯方面叫左 周打蟹肉湯 - 滿滿嘅配料配上蟹肉鮮甜嘅味道 再加個蒜蓉包 味道好夾seafood bag方面 有得tailormade 或者揀combo 職員向我地介紹個陣就話combo set 比較抵食 咁我地兩個人就揀左combo B - 海鮮就揀左 蝦， 扇貝， 小龍蝦 ，八爪魚，蜆 配左 MR.CRAB CAJUN SAUCE嘅小辣 如果食得辣嘅可以叫中辣 因為小辣係無辣味 除左海鮮 入面仲會有粟米 腸仔 同埋薯仔 今次薯仔無咩味 就算點左啲汁都係無味 但除左呢點 其他都好好食😍😍仲叫左個蒜蓉包去點sauce食 太滿足了！！水牛城雞翼 亦都係三次都有叫嘅 外脆內軟味道好足 所以每次都必叫 飲品方面 叫左杯fresh jade 飲落真係好fresh 有青瓜 同埋蘋果汁味 …查看更多

適逢星期六 又早起 ，可以陪下媽媽飲個茶食下點心😚就醒起「八月花」 每次早上行過都見到門外好多人等位， 但好彩 有 FOODGULU可以提早拎定飛 所以係出門口個時拎定 大概半個鍾後就有位一場嚟到 就唔想飲平時叫開嘅普洱 香片 ，試下呢個金盞飄香 味道有啲似菊花咁 但吾濃味芝麻卷（菲林） 已經唔係道道有得食 所以見到就好想試下 口感唔錯 但唔重芝麻味韭黃鮮蝦腸粉 - 雖然出面酒樓都有 但都想試一試呢度有無啲咩唔同 味道幾好 啲蝦都算大隻 鮮蝦鳳冠餃 - 即係蝦餃類 餡好實有蝦味 同埋餃皮唔會同肉分開 燒鵝米粉 - 個燒鵝好juicy 同埋夠肥🤤🤤🤤 米粉又煮到岩岩好 唔會太軟 同埋唔會好散整體嚟講 ： 同媽媽都好滿意八月花 ， 員工服務態度幾好 同埋食物質素亦都幾好 所以會帶媽媽一齊再食過🤤🤤🤤🤤🤤🤤🤤…查看更多

今年係最後一年single 的生日， 所以想係生日前夕食一餐比較多選擇嘅自助餐 同埋本身有coupon 所以就選擇左 - 花月庭 皆因我地張coupon 係無時間分 所以係全時段 由6 點至10 點 🤤 今次係第二次食花月庭 比起早幾年食的確吸引左好多 種類有好多 凍盤方面 - 對我嚟講 蝦同 蟹蚶係最重要🤤 芝士焗龍蝦配海膽汁 ： 但唔重海膽味 但龍蝦係幾fresh生蠔 ： 好新鮮 size有大有細 但洗得好乾淨 青口： 鮮甜 無沙 好surprise 有片皮鴨食 係中菜方面其一最鍾意食嘅野 好juicy 🥰🥰我地係全時段嘅關係 職員會比兩個籌碼我地去拎芝士焗帆立貝 薯蓉同芝士味都好濃郁 creamy 但無蓋過帆立貝嘅味道 粟米羹 無咩特別 好「潔」 😂😂肉眼 - 口感唔錯 唔韌最後呢度啲甜品款式太多但食左好多野 完全食唔落 所以揀左仙草芋圓 雪糕係movenpick 🤤但呢度啲侍應實在太勤力收碟 有兩次碟上仲有野食都收走 同會不停行嚟行去睇下有無野收同埋仲有一個吸引之處係佢有自助飲品吧 可以無限添飲檸茶 檸水 同埋汽水 💛…查看更多