hayman1的个人专页

假日去行街 。本身諗住食牛角，由於要等太耐位就周圍行吓 我發現呢一間薄餅店唔需要等位 本身冇聽過呢間舖頭 見佢有啲好大件嘅Pizza賣，而且啲味道有啲特別。例如有肉醬意粉bolognese 口味，於是放棄燒肉，膽粗粗一試 。叫咗一個細批同埋一個醬燒豬仔骨加薯條。佢係半自助形式自己攞餐具自己攞碟 。侍應會送到你嘅枱。熱辣辣嘅Pizza真係好好食，比起連鎖嗰啲好食好多好多，尤其係佢落咗好多茄膏，雖然略嫌佢嘅牛肉比較少，但係個餅底已經足夠掩蓋呢一切 。 豬仔骨同薯條亦都整得好好。 …查看更多

上網睇咗好多評論都話呢間燒味好食，但當時只有灣仔分店，住新界的我因為太遠，所以冇機會去。但係佢竟然喺大埔開咗分店，路程近咗所以就梗係去試下啦。去到見到都有幾多人排隊買外賣，大家都是買燒味。燒味有得揀雙併，我揀咗叉燒燒腩仔雙併。價錢都唔平，尤其係乳豬或者燒鵝嘅雙併。我買咗嘅叉燒半肥瘦，少少 燶邊，又淋。食得出用咗靚豬肉，好好食 值得一試。相反，燒腩仔一般質素。亦有啲太咸。見到店舖重點宣傳燒味係燒鵝，有機會都想試吓。…查看更多

第一次食，見佢menu好多選擇。除了午餐餐牌之外，各樣意粉焗飯都有。連三文治，炸脾，薯條，沙律都應有盡有。午餐餐牌亦分為包例湯和飲品或者包嘢飲嘅。我朋友就叫咗一個肉醬意粉啦，我就叫咗一個牛魔王炒飯。開頭睇佢個英文睇吓牛魔王有啲乜嘢。 不過發現佢串錯字。ox tongue 寫咗xo tongue ,不過都唔係重點。重點係佢冇寫住係辣椒炒，仲要係每一啖都有個辣椒。 超級辣！只能夠盡量撇走啲辣椒。 而且嗰啲牛肉完全冇味道好似就咁白烚。如果食得辣嘅人應該會覺得好食嘅，除咗啲牛肉 …查看更多

平日的午餐時間，因為啱啱開學都有好多中學生幫襯，難得有兩個位同朋友一齊食。咁啱我哋兩個都叫咗鮮蝦喇沙摻摻。仲有杯嘢飲可以跟我要左吉仔紅茶我朋友就要咗芒果沙冰。摻摻係有油面同埋湯米粉組成。 一碗入邊有晒兩種面。鮮蝦喇沙個喇沙湯底好香有少少辣，亦都好好味。 但係鮮蝦係咁多個入面最貴嘅，但係佢只有三片蝦，唔係三隻。因為每一片蝦都係得半隻。如果係咁就覺得好似唔係幾抵啦。成$79 碗。至於嘢飲個桔仔紅茶非常之澀。已經出盡力加晒啲桔仔肉都冇辦法。最後放棄咗。 …查看更多

黑雨後一直雨天，回家途中經過太和，想食泰式炒飯。叫咗兩個午餐，一個黃咖喱牛腩飯加凍檸茶。另外要再一個馬拉盞肉碎炒飯，配柚子蜜。個炒飯唔太鹹好香好好味。肉碎好粥了，而且都幾大盒。黃咖喱好香椰汁味又唔會好辣，$60有7-8件牛腩，而且都幾大件。啲薯仔應該有走油炸過，好香口也入味。但係個凍檸茶真係嚇死人。平時都會飲唔走甜嘅凍檸茶。但係從來未試過甜到咁樣。甜到直頭係即刻想吐出來。非常得人驚。希望只係一時唔小心落多咗糖啦。…查看更多

開張咁耐，第一次食壽司郎全因為佢唔使排隊。啱啱5:30經過，晚市開始，竟然可以直入。無可否認，有好多是$12 一碟又真係唔貴，但真心覺得元氣（已冇食好耐、也不打算再食）好食過壽司郎。最難食竟然係個蜜桃芭菲。唔知食緊咩。啲壽司樣樣冇乜味，不過兩件拖羅都正常味道嘅，性價比算ok 而好多人話好食嘅薯條，果然真係好好食。熱辣辣脆卜卜炸粉都做得好好，不過略嫌佢冇乜味… 如果可以講多少少鹽或者其他味道就更加好。總括來說，我其實都冇乜好大嘅期望。…查看更多

出晒名的小店，一直冇機會試。 屋企人一直都話好貴，咁我見我一個人又有下午茶，入去！都好多嘢揀，仲可以跟餐湯加$20。 我揀左個最平的卡邦尼意粉$58。舖頭當時一個人都冇，而家香港地做生意真係好艱難。½嚟到。我嘩一聲 ，$58 食到呢個質素，淨係睇啲巴馬臣芝士碎都夠晒正，材料都唔算多，淨係煙肉同洋蔥🧅，但係夠晒味，意粉煮得啱啱好！唔會太林唔會太韌，個汁又唔會好杰，又香！見佢仲有魚生飯可以叫，真係乜野都有！…查看更多

而家出街食晚餐閒閒哋 $8-90 走唔甩。開頭見到餐牌諗住$85 一個海南雞飯話貴唔貴，過平唔平咁啦。諗住叫黎試下，點知用手機落單嘅時候發現，佢係有湯有前菜仲可以叫兩個小食。咁$85 又抵喎。開頭預期啲小食係一件咁就算，點知雞翼有三件，炸雞粒都五六件，非常之飽！海南雞份量都幾多，有成十件，雞好滑而且個醬好好食，好少食海南雞個醬有白色的，好香蒜味。另外叫咗碗牛腩金邊粉，不過不失，湯底味道唔算特別，但呢個價錢，物超所值。 …查看更多

午餐時間聯和墟有好多選擇，但係好多都好多人。諗住八方雲集又方便，又飽肚。午餐時間都有好多選擇首先佢嘅鍋貼有好多味道揀，仲可以雙拼咁樣叫。最平$40就可以有原味嘅鍋貼仲會有嘢飲。我就嗌咗一個雙拼要咗粟米同埋咖哩。嚟到嘅時候咁即係黃色，我以為咖哩係黃色嘅，原來黃色係粟米。咖喱香辣程度適中粟米就非常好味香甜而且煎得啱啱好飲品可以減$18以下嘅飲品包括珍珠奶茶嗰啲種類都可以嘅。除此之外仲可以揀湯品 我就叫咗貢丸湯。之前鱈魚丸湯自己覺得唔好味 …查看更多

而家喺沙田想食個下午茶冇$100都唔可以落樓 ，有好多餐廳仲要冇下午茶可以揀啦。 成10年冇食過意粉屋，但係佢竟然最平四$50有個下午茶餐食，行到攰攰地就入去啦，又唔使等位。餐牌寫住漢堡包要等20分鐘，但係我朋友好想食，所以都照叫咗點知落咗單之後七至8分鐘就到咗了樣樣嘢都係熱辣辣，不過略嫌個薯條唔係好夠脆，另外叫咗一個炸魚薯條平平哋好似50幾蚊，都係熱辣辣嘅樣樣嘢都係中上。 如果要挑剔嘅話個漢堡包嗰塊牛肉就好多筋，不過呢個價錢已經冇乜嘢可以要求了。…查看更多

第一次嚟流浮山食海鮮，屋企人呢間森城有一樣嘢好抵食，就係佢嘅海鮮湯飯。幾時五個人就叫咗兩大碗嚟試吓。 估唔到真係好大碗而且仲有蝦有蟹蟹嘅數量都幾多我而且啲鞋係有肉膏，$58一碗直頭超值。另外仲叫咗酥炸生蠔。我曾經喺茶餐廳度食過$55.1隻酥炸生蠔，但係呢度六隻都係$150而且炸得好酥脆生蠔好新鮮。另外仲叫咗時菜班塊，同埋鹽焗奄仔蟹。第一次食奄仔蟹 $150 隻唔知道算係貴定係算係平但係好多高而且好好味。…查看更多

應該十年冇黎過呢間餐廳，以前可以溜完冰有條樓梯直接上黎食嘢，而家條樓梯已經冇咗了。見佢下午茶茶餐牌都幾抵就入去食。朋友話唔係好餓，於是就點個二人拼盤些牙。薯塊好香脆好食，窩夫有朱古力🍫士多啤梨🍓，細細件唔太甜剛剛好。漢堡扒有芝士係上面，加埋番茄🍅醬唔太咸，很惹味。 我平時唔食生的菜沙律，但係佢個沙律🥗加左一啲粉紅色的汁好好味，蓋過咗草青味，意外地夾又好食。 飲品可以加錢轉鮮榨果汁，我哋冇轉，要咗洋甘菊茶和熱檸水。…查看更多

呢間餐廳之前係高級意大利菜，變咗身後都冇幫襯過。 今日一試，裝修差唔多都冇郁過，可能之前食過意大利菜，今日有少少格格不入的感覺。 叫咗四個小菜，豆腐煲好味，不過略嫌份量少咗啲，同區有其他餐廳同樣價位多啲份量。和不同材料。芥菜豬骨煲個湯好正，建議可以加啲粟米🌽塊，睇落去滿啲豐富啲。 蜜椒雞煲熱辣辣上菜，咋咋聲，仲比佢啲油彈親，證明唔係煮完放落個煲上菜果啲。香口美味。酸菜魚個魚湯又係好好味，仲有薯粉在內係驚喜，…查看更多

一個十室九空嘅商場，得一間老人院一間茶樓一間超級市場同埋一間麵包舖，居然隱藏一間高質嘅酒樓。一坐低經理就問你要唔要留一份叉燒因為係佢哋嘅王牌。咁梗係要試吓啦百幾蚊得五件，講真就幾貴嘅。但係佑林又滑，而且冇騷就真係好好食。另外再叫咗一啲點心。點心種類唔算多，但係樣樣都啱啱好，尤其係春風得意腸非常驚喜。平時食嗰啲一係太淋一係太乾。呢度嘅又香脆又好味。豬潤燒賣都非常好食，整得好食嘅豬潤唔容易，但係佢做到了。…查看更多

親戚住喺附近特登去買咗一盒送咗一盒俾我屋企人、本來冇聽過呢間舖頭，上網一查講到好勁咁樣😌好似好大期望去試。老實講佢人手整係真係好鬆脆架，其實好多食評都寫明咗佢冇用牛油因為老一輩嘅人唔鍾意。所以如果你好似我咁期望有牛油香味咁佢就冇喇，而且佢係少甜嘅，所以完全唔係你喺大型連鎖店買得到嗰啲味道。但係如果你係追求好健康或者係好想試吓懷舊蛋捲嘅真正味道，咁都值得一試嘅。留意番佢係每一條都係人手製作所以都唔平㗎。…查看更多