A381648582的个人专页

環境非常老舊，座位很窄，坐得唔舒服。酸辣土豆絲，死酸（一攞埋黎已經好大陣酸味）。正常酸辣土豆絲酸度3，佢個土豆絲起碼有10。叫小辣變左大辣，和店員反映話我地係叫小辣點解都咁辣，店員反問我地有微辣你做咩唔叫？基本刀功都冇。蒜泥白肉冇蒜泥，厚切，而且冇味。辣子雞。上漿炸，好似韓國炸雞咁，明明係叫辣子雞，可以麻到成個嘴冇知覺，咁點解唔叫麻辣雞呢？真係覺得跌錢，叫三個餸200幾蚊，出品質量仲衰過40蚊三餸飯 。…查看更多

話說元朗宜家串燒鋪真係唔係好多，最近發現安興街有一檔新開張的串燒，就約埋三五知己去試一試佢。到店內發現座無虛席，環境和裝修都比較年輕化，地下好乾淨，因為通常啲串燒鋪張檯非常油立立，同埋地下有好多垃圾同埋竹籤。佢哩度會俾埋骨碟同埋一個桶嚟擺垃圾同竹籤！嘢食都係大路野，牛肉串燒最好食。同埋有的比較新鮮的海鮮選擇。價錢尚可不算太貴，可能係新開張想多吸引客源。啤酒都係廿幾蚊一支仲平過大排檔。食物方面，除咗上餐速度比較慢之外（可能爆棚導致），食物嘅質素以咁樣嘅價錢都算非常之好。同埋員工無論係廳面定係廚房多數都係後生靚女，可以大飽眼福。總的來講係一間值得一試既餐廳。…查看更多