Reikolai的个人专页

兩個人叫左兩份壽司，俾錢時店員提供一雙筷子於是問麻煩俾多對。店員回答“你呢張單只有一對筷子，我地每$50先跟一對” 跟住我地黑人問號，即係點，我地張單只可以一對筷子？然後店員見我地望住佢先再講 “如果要多對你地就要加一蚊”。全店無寫明呢啲額外收費，同埋宜家一對木筷子好貴？(淘寶十蚊200對) 寧願同個客拗一蚊對筷子令人不再回頭，唔知呢啲係咩生意邏輯，唔掛得知執淨一間分店。或者可能生意太差要靠賣筷子匙油先夠錢交租卦。…查看更多

兩個人星期五揀左呢間食lunch, 裝修同環境係靚嘅，服務亦OK。出餐速度差唔多同澳牛一樣咁快，不過兩個set lunch由湯，餸同飯全部都唔熱，唯一係個加錢嘅甜品 creme burlee cake比較好食(因為呢個唔需要煮熱🤣)。有啲失望，除左環境靚之外食物比較難吸引再回頭。…查看更多

有一排無黎，發現丸茶已經換左新menu，加左幾款新產品。見到推介有款仙氣打卡飲品叫荔映茶樹，有茶樹花同耶果係杯野度飄飄下，好似幾靚就叫黎試下。甜度同配料都已經固定左，等左大約五分鐘就有得拎。杯野飲落酸酸甜甜，係荔枝汁同水蜜桃果泥混合而成，加埋耶果都幾清新，外型真係幾靚，打卡一流。 葵廣珍奶店黎講呢間都算幾大，見佢場內仲整左兩張高檯畀客人，買完野飲可以有位飲埋先走，唔使係出面走廊咁逼，如果成手都係野食野飲真係幾方便。整體黎講價錢亦唔算貴，大部分飲品都係二十幾蚊，種類選擇亦算多，如果行開二樓掃街都係一個唔錯既選擇。…查看更多

約左兩個女仔密友放工食飯密密針。上網見到呢間食物幾精緻又係中心點尖嘴就早兩日訂定位。佢位置其實係海港城最盡頭，要過晒連卡佛行到尾所以人流都比較少，去到時都仲有少少吉檯。餐廳留左個靠窗位畀我地，景觀超有驚喜，基本上係望住成個維港。食物都係同網上見到的一樣精緻，我地三個女仔叫左一個美人鍋，追加雜炊，另外兩個卷物，再加甜品。通常精緻都會份量偏少，所以其實圍觀附近食客都以女性為多。最後埋單每位大概接近300一位，以咁既位置，景觀和食物質素算係Ok啦。幾個女仔傾下計算係唔錯既選擇。…查看更多

recommended by a friend who’ve tried their wan chai branch. we went on a Sunday during lunch hour and there was no line and we were happy to get a table right away. we ordered their signature dishes and the pasta were amazingly good. you can definitely tell the difference of these hand made ones than any other restaurants. the most impressive goes to dessert, we tried both their tiramisu and penne cotta, just simply a feeling of bringing you back to Italy. their tiramisu is so authentic that basically it's one of the best I have had in Hong Kong. worth a try!…查看更多

天氣咁凍最好打邊爐。今次朋友搵左呢間係銅鑼灣上樓的火鍋店，其實好耐之前我地已經好想試，不過個次無訂位所以無檯。今次好彩朋友一早訂左，去到個時其實都全店滿座。佢地請左好多企檯，所以服務效率都幾高，上菜同收野都好快手。食物方面質素好好，尤其是炸響鈴同紫菜響鈴，非常好食。另外我地叫左一碟手切肥牛都好新鮮。湯底我地就揀左花膠雞湯，入面都有好大舊花膠。最後六個人埋單大概四百一個，銅鑼灣黎講質素同價錢都尚算合比例。…查看更多

一行四人夜晚約十點時段到達，因為夜的關係餐廳並沒有太多人反而坐得幾舒服。揀左接近三百蚊一位既澳洲m5和牛放題，老實講第一盤黎既時候係超有驚喜的，之後雖然叫同一種不過好似已經不一樣，尚算一般。蔬菜和飲品款式亦算多，可能太夜既關係，炸爐用晒粉漿都無再添加，唯有就咁炸魚蛋蕃薯另外刺身都算好新鮮，總括來說食物質素算幾好。服務方面員工都加湯加得幾頻密，不過最後想加牛時佢地話要睇下廚房收左機未，但係可能之後有人黎佢地最後都有上到畀我地，如果下次講聲last order會好點...有機會會再黎的…查看更多

葵廣珍珠奶茶好多間，但係好飲既真係唔多。之前聽過丸茶，成日見報紙電視有報導呢間何文田小店，難得葵芳開左所以即刻走去試。最近撞奶大熱，之前睇蘋果日報報導過全港三強有龍頭老xx，鹿xx, 同呢間，所以叫左杯黑糖珍珠撞奶黎試。$28蚊，講真價錢算係好公道，雖然好多人排隊但係出野飲速度都算好快，幾分鐘就拎到。講返杯野飲，虎紋不算明顯，但飲落個奶真係好香好滑，黑糖味剛剛好，珍珠暖暖地，真係好好味!!!!!!!!! 下次仲想試埋佢個桂花珍珠。…查看更多

之前黎過一次，覺得都幾好食所以同朋友番call，點知今次d野食失晒水準仲要食到一肚氣。話說我地一行六個訂左位食晚飯。都係叫返佢所謂既招牌菜。叫左一隻奶奶雞，基本上成碟雞都係得骨同皮。因為佢限時既關係，未夠一個鐘我地重食緊個waitress已經攞住張單走埋黎話如果無last order張單係度你地重有半個鐘...宜唔係問你重有無野加....可能佢地真係生意好到唔愁做，所以淨係想叫你走掛？其實個日我朋友準備左蛋糕同另外個frd慶祝，一坐低我朋友就話比我地聽個waitress同佢講因為我地有蛋糕如果係度食要收50蚊切餅費， 我地都不以為意諗住比個切餅費.. 點知我個frd話個waitress話係每個蛋糕收我地50, 因為我地唔係大蛋糕用左九個小cup cake 關係，即係9乘50=450？！？ 開頭以為自己聽錯，跟住食完飯攞出黎比朋友影完相之後，個waitress衝埋黎好串咁話"唔-食-得！我已經同你朋友講左每個要收50蚊！" o左嘴，唔理你比唔比切餅費，直情同你講唔食得，掂晒。以後都唔會再去，好既韓國餐廳香港大把，仲越開越多。要食要揀間食得開心既:）…查看更多