JaneLai7625的个人专页

平時經過見成日好多人，之前食過1次堂食，很不錯，今日年末，諗住冇咩人返工會好快，所以試外賣，點知明明4餸，竟然比少左個餸，佢價錢已經唔平，個個餸都$14蚊咁濟，外賣又要加幾蚊，比少左個餸外賣嚟講真係接受唔到，因為冇得投訴，亦都唔會係有限嘅lunch time 去攞返，希望餐廳注意下！…查看更多

諗住行山前食個靚早餐打下卡，因為落雨，又係星期五嘅關係，今日成間cafe都冇咩人，幾好，幾舒服，但因為坐左係卡位，幾乎所有人都坐係附近，唔係好寧靜。建議可以坐自閉望街景位，有feel好多。食物方面，相片係幾吸引，但實物係有少少落差，食左龍蝦包薯條，個份量就唔係太足；另外我朋友食左粟米toast，但成件都好凍，連d睇落roast左ge粟米都係凍的，唔知係咪我地誤會左d野杯啡就飲左hazelnut mocha 同piccolo, 個啡係ok,但問題係唔夠熱，感覺差一截。因為之前係碼頭附近都試過間有景又靚的打卡cafe,比較之下，呢個價錢同份量，呢度就真係性價比比較低，我再食都係會食返碼頭個邊。…查看更多

差唔多試晒佢d便當，款款都好食，有時天氣太熱，想開胃d食清d，呢間就啱哂，便當入面嘅kimchi仲要次次食都唔同配搭，好有新鮮感！如果鐘意食kimchi仲可以剩買各色各類kimchi加餸，可以餸幾碗飲！推介佢個牛肋骨湯，很清甜，不過夏天食會好熱，冬天食仲正，適合鐘意飲熱湯嘅人，不過佢個Kimchi 豬肉湯個人覺得咸左少少，比較重口味！我最鐘意佢個5式便當，因為夠晒飽之餘仲可以一次過滿足晒試不同kimchi 的願望！會一再再幫襯！…查看更多

好耐冇食扒，需要補鐵，所以中午都要据扒近近地去沙田試新野。因為第一次食呢間，所以試個最平的，結果係物超所值！肉質嫩，火候剛剛好，我點的是medium rare,有d餐廳會煮得太熟，但呢度剛剛好，入口很嫩很juicy！我覺得女生的話份量剛好，仲可以食埋side dish 同薯條，但食肉獸的話可能會唔夠，不過唔緊要，佢加$50就可以多一倍份，超值！不過我個人都好欣賞佢個任食薯條，不是普通薯條，有調味，而且熱辣辣即炸，好開胃，唔夠可以食到飽要提一提佢杯檸茶，不是普通檸茶，用檸檬糖漿，唔識點形容，但好好飲！個扒唔需要點任何野已經好鮮味，其實係真係唔好用芥辣之類，因為本身已經好好味！一定會再嚟，下次要試慢煮牛！…查看更多

係附近返工，見外賣app自取有8折，d枂賣相又幾吸引，所以試下，食左滑蛋炸蠔飯，15分鐘路程返到寫字樓，蠔都仲脆的，蠔好味，有4粒，蛋就少左d，飯就太多，因為冇咩汁又冇咩滑蛋，所以好難送飯，食晒d餸就唔想食飯啦，成個飯賣相係吸引的，如果可以有埋野飲就更好，普通奶茶檸水都ok,性價比就更高！…查看更多

話說此店剛開時食過一次，雖然好幾年前，但當時感覺不錯，食物質素很好，環境很有日式風味，雖然都有限時，但度度都有好正常。最近朋友想食燒肉，近近地就同朋友推介下，點知未成功食到就要受氣，open rice剛訂枱即刻有人打嚟話有最低消費$2500，感覺唔好囉，雖然我地6個人要食2500應該唔難，但依家個感覺比人覺得係如果我地冇呢個budget就唔該唔好阻住佢張枱咁，都唔好計佢之後會有限時，雖然五六日出去食野都預左，但好似咁未食就一肚委屈都唔會想去食，仲要特地推介比朋友，野都未食就要問朋友介唔介意有最低消費，講真，我朋友一聽已經忍唔住話間野係咪好巴閉，要轉場。大家去唔去食，自己判斷LA,我就pass LA.:(…查看更多

同朋友一行2人，因為有滿$300減$100 coupon，所以諗住試下佢個tea，但最終因為個tea唔係好吸引，價錢都有點貴，要成$528，加上有2款自己唔食嘅野，好似唔係好抵咁，又有點餓，因為我地本來就打算當brunch咁食，所以最後選食意粉:)意粉其實味道係正常西餐，唔可以話唔好食，但如果呢個價錢就有點普通，份量有d細，所以我同朋友又叫多左個公司三文治同cake set，公司三文治坦白講只係入面d料靚過茶餐廳，但味道同配搭的話個人覺得大家樂更勝一籌，但呢度嘅價錢係3-4倍佢個朱古力係真係好飲，好濃郁，而佢個開心果milkshake 仲有驚喜，本身佢就出名朱古力，但竟然當日冇朱古力shake,所以叫左開心果，好清新最後佢個cake我地選左blueberry cheesecake ，唔膩，佢唔係hard cheese cake，幾好味。海港城呢間cova就冇咩景可言，因都係坐open area,會有人成日行嚟行去，但服務都還可以。埋單連加一扣左$200 coupon都要每人$350，都係個句，呢個價位，性價比就真係低左d.…查看更多

見新開，一行5人試下晚餐，煩忙時間限時個半鐘間間餐廳都係，明嘅，但佢直情想你坐半個鐘好走！不斷催你落柯打，然後秒速收碟，真係快到嚇一嚇，剛攞起最後一片pizza,下一秒碟都收埋你！我個朋友剛食完餐碟上意粉，明明枱上仲有其他野未食完，都照收埋佢隻碟，真係O左嘴！冇服務之餘，野食只係普通西餐意粉pizza,以為主打意大利菜會有咩特別，係・完・全・沒・有！然後埋單竟然只收現金！！明明見佢有卡機。我覺得應該預先入座前同個客講聲只收現金，今時今日唔係個個有咁多現金係身。總之，新城市有更多更好選擇，最少其他餐廳食物普通，但也有服務。這間？不了！…查看更多

好友相聚，試新野！3個人，3個菜+啤一啤，一早訂左位，限時90分鐘，食得有少少趕，因為佢份量都幾足，當然價錢都唔係平，但合理。食炸雞一定要配啤酒，今次仲加左個炒清菜，覺得可以中和一下油膩，剛剛好！下次會試下魚糕，同部隊鍋，但就要再多d人先可以食到…查看更多

午飯時間經過，見冇咩人，又有位，加上算新開，就入去試下。面包選擇真係少，可能得4～5款，提供沙律，甜點，每樣都係得幾款，完全同附近連鎖店冇得比，加上價錢比連鎖店稍貴，就似乎冇咩競爭力。不過賣相同份量算正常。出面好少包係配tacos，幾新鮮，而且幾好味，雖然都知係來貨。 叫左個蟹肉bagel配cappuccino,因為咖啡先上的關係，由於咖啡賣相唔好，冇拉花，所以印象分先打折扣，幸好主菜味道唔錯，蟹肉足料，tacos加沙律個配搭幾好。如果係食包，未必會再嚟呢度，因為附近有更多性價比更高的選擇。如果純支持下社企都可以，但附近都有其他做得更好的社企。…查看更多

食過幾次外賣自取，質數同份量都好足，食過炒貴勺、海南雞同豬手，最欣賞係豬手飯，啖啖肉，又唔肥，好惹味！不過唔係成日有，可遇不可求。灣仔好多泰式野食，呢間無論味道同價錢都有競爭力，會keep住幫襯。仲有店員細心，真係有安排走餐具，自備購物袋，為環保出一分力，雖然食外賣就已經係唔環保，不過能力範圍內盡做LA。…查看更多

地點方便，靜中帶旺，豆腐海鮮湯真材實料，各款前菜都好好味，有起碼十種，雖然價錢略高，但食物有質素亦有服務，物有所值!今次2人同行食左燒肉加海鮮湯加米酒一枝，6周年慶85折後人均消費約$450，坐得舒服亦冇限時，很好!下次想試試醬油蟹…查看更多

環境不錯, 食物味道不錯,但食物等候時間太長,最少要預兩小時才可舒服食個午飯! 只有兩個服務生負責全場, 繁忙時間有點吃不消, 但見他們已盡力! 餐飲選擇比較少, 咖啡是溫的!大失所望! …查看更多

終於有間近近地食靚肉的日式燒烤!今次同朋友4個人早成個月就已經要訂枱都只係得18點同21點有時間,唔知係咪分左兩個時段, 但佢有限時2個鐘左右, 都夠時間慢慢食!上菜唔算快, 不過肉係靚嘅,但因有點慢所以食極都唔係好飽咁!前菜選擇比較少, 剩食肉有點肥膩,甜品更少選擇!呢方面可以改善下!冷氣同地板都好凍, 因為我地坐日式個邊, 而且個爐放左係一邊, 其實得兩個人燒, 個火好遠就更凍:)但肉係靚嘅, 個人覺得宵夜時間三五知己慢慢飲慢慢食仲正!…查看更多