CuteCute的个人专页

尋日睇左食評，見大部份評語幾好又想試下新野，就黎試下啦~2人叫了兩個套餐，雞扒同豬扒都幾有水準，但我prefer 雞扒多０的，好淋又入味，容易切得開。薯蓉係最好食既，推介。飲品叫左青蘋果冰同雪梨+水蜜桃冰，我覺得同7記既思樂冰冇乜分別。甜品+$5叫了心太軟，朱古力味香濃、內裡微熱，男友話太甜但就好岩我呢個甜品迷。Tiramisu就麻麻地，冇乜tiramisu味又唔結實。埋單百多元都唔係貴，食物又比我預期既好。不過星期六夜晚都係得我地一台客，好似包場咁，睇黎老闆真係諗下點吸引多些人流了。…查看更多

好耐之前已經想試新德里，又係經過一場歷險之旅後，終於安全抵步。我同男友二人叫了三樣野：咖哩雞－咖哩雞係碟上的，細細碟的份量都足夠。佢０的咖哩汁係紅色的，一點都唔辣，唔同港式咖哩咁熱氣，重好香好野味添～烤餅－初頭我地一坐低，侍應就俾左兩塊好似薯餅既物體俾我，我地重以為係烤餅，原來係每台加$2就有既。講返烤餅，有3大塊，唔算好脆但都幾香口，用黎點咖哩汁一流。新德里炒飯－最後黎左個新德里炒飯，０的飯五顏六色的賣相一流。配料有牛肉、羊肉、尤魚、香蔥等等，炒得又熱又香，不過稍為辣左少少，值得推介。呢度價錢相宜，地方都算好整潔，如果唔係要過五關、斬六將咁先入到去，我都會再黎食。…查看更多

今日Happy Friday，lunch time 唔留係公司，同同事出去搵野食。一提起翠華，第一個感覺就係好迫同貴，不過有個同事話想食，我都冇乜所謂。一入到去只見人頭湧湧，好不容易先搵到位安頓。唔想麻煩諗食咩，3 個人都叫了一樣既set lunch。先來南瓜湯，熱呼呼的南瓜味十足。之後再來個洋蔥牛扒伴天使麵／薯仔，幾十蚊既快餐都唔預佢會好好食，０的牛扒雖然見血既，但係切落感覺非常韌，加上佢個把唔係用黎切牛肉既餐刀，我地幾個出盡九牛二虎之力先搞得掂塊扒！同事重笑謂食完重餓過未食，因為用哂０的力黎切扒。伴碟一碗小小既天使麵，混合洋蔥汁一齊食，又幾好味喎！最後一杯熱檸茶味道略酸，不過不失啦～食過lunch話咁快又要開工，翠華內既繁忙正好配合一眾打工仔的步伐，大家都係咁匆匆忙忙。…查看更多

平日返工食lunch 都黎過幾次，覺得呢度０的湯濛幾好食，就叫埋男友黎試下啦。二人叫了牛肉湯濛、札肉湯濛同一碟炸春卷。札肉湯濛係必叫既，分量雖少但係０的濛好爽口，配埋個香茅湯底真係幾好味，我次次食都忍唔住飲哂０的湯。男友怕食生野叫了熟牛肉，不過我見人地０的生牛肉肉質紅紅地，好似好正咁，下次再黎會試下。個炸春卷係包生菜食既，春卷炸得幾香脆，皮唔會過厚，不過我唔係好識包，食既時候有０的狼狽。呢度既服務一如其他食客所講咁差，女侍應個個都晚娘咁款，見到佢地０的嘴臉都倒胃。佢地真頭係“指揮”０的客坐邊度邊度，我見到格離對男女被佢地點到頭暈暈。雖然０的野食唔差，不過服務態度唔好就咩都補唔返。…查看更多

係銅鑼灣行黎行去，一時間都諗唔到食乜好，味千既食物一向都中規中舉，懶得諗去邊度食就黎左呢度。二人叫了兩碗拉麵加一碟炸軟殼蟹：豬軟骨拉麵；豬軟骨幾淋都算入味，不過好大舊好似未切好咁，配料有蔥、紫菜、銀牙。叉燒拉麵；叉燒得好少，兩下手勢就食哂啦，太孤寒啦！拉麵味精味好重，都唔預佢會好好食。炸軟穀蟹都炸得幾脆，伴碟有一少舊檸檬，$18一碟分量冇我想像中咁少。食第一舊時都覺得幾脆幾香口，點之我手多多落左檸檬汁之後就好酸了，下次都係味咁手多。埋單一百，普通既價錢普通既食物普通既服務，好普通的一餐。…查看更多

自從畢業之後好耐都冇去過滿記，有掛住佢既班戟就黎食啦～我地幫襯樓上個間，大約九點幾十點去到，都幾多人，等左一陣先有位。我地叫左個椰汁西米露涼粉，當然重有芒果斑戟啦～涼粉既材料充足，食到啖啖都係西米露，味道略嫌不夠甜，椰汁亦不夠香，沒啥特別的一個甜品。芒果班戟則保持水準，班戟皮薄薄的一吃便能撕開，入面既芒果都新鮮好食。不過我最鍾意都係０的忌廉，滑滑的分量不多不少，唔會食到一口都係。滿記既出品始終最好食既都係芒果斑戟，其他既同普通糖水鋪都冇咩分別。能夠做到今日成行成市，都多得科大友唔少。…查看更多

同朋友係旺角行街街，行到腳仔軟見呢間caf人少少，就入左去歇下啦~$30 一個set tea, 有一個cheese cake+一杯野飲，我要左個藍莓cheese cake，入口算鬆化但芝士味不太濃，食得出係自製cake既味道。Friend 要左個雲石cheese cake，同我個藍莓cheese cake 既味同料都係一樣既，爭在冇左０的藍莓only，呢道０的cake都okay 好食，不過飲品就唔得了。我杯凍奶茶水水的冇咩味咁，friend 杯熱咖啡都唔見得好飲。呢道得幾張sofa其他都係普通硬椅，本來我同friend 重好開心有sofa 坐，點之一坐落去先發覺０的sofa 都係淋淋的，一０的都唔好在。坐坐下重聞到唔知邊道傳來好重既油煙味，呢道既環境真係要改善下，如果唔係盞趕客。…查看更多

好耐冇去過和民食，想睇下有咩新野。呢間和民好細，等了一會先有位。呢間有好多waiter ，但係又個個都好忙好唔得閒咁，等左好耐先有人理下我地。間野咁細waiter 又多，都唔知點解可以咁忙咯，定係佢地手腳慢！二人叫了四樣野。炸豪炸得好脆好香口，但略嫌有少少熱氣。一口牛柳０的牛柳有少少韌，冇乜牛肉味！另外海鮮飯同叉燒拉麵都係舊有既菜色，一貫既水準－冇咩特別。和民既菜色實在太少，食兩三次都食哂咁濟，唯一既好處係勝在好坐咯，睇黎食完呢次之後又係有排都唔會再去的了。…查看更多

同男友慶祝兩周年，一早係office 收到花已經好surprise，晚上去邊度食當然由佢話事。不過當佢帶我去佐敦既時候，醒目既我已經知道係黎Marco’s 食了。一入到去見到大廚Marco 即席煮野食俾０的顧客，又有一個賓籍人士係度彈結他唱懷舊歌。本來都幾好feel 既，可憎食客太多又太噪，破壞了氣紛。我地點了海鮮飯、牛眼扒配薯菜同埋一客香煎鵝肝。先來一盤麵包同湯，羅宋湯幾好但係個薯仔湯就唔掂了，冇乜薯仔味好似飲緊清湯咁。然後就到Marco牌鵝肝，鵝肝外脆內熱煎得剛剛好，只係$58 蚊就有大師水準既鵝肝食，幾抵呀～海鮮飯既料都好足，有大大隻既蝦同帶子，芝士味濃。普普通通不算特出的一道菜。牛眼扒男友原本要八成熟，我話七成好了，太老了會唔好食。個扒都係煎得剛好，不過我嫌有少少咸，反而０的薯菜重得我歡心，不消一會已經俾我食哂了。成餐飯我最鍾意的都係個菲藉人係度彈結他，首首歌我都鍾意，一路食飯一路有特別既歌聲伴奏著，好好feel! 可惜食客都各自小聲講大聲笑，好似冇乜人欣賞咁>.< Anyway，好多謝男友俾我一個愉快和驚喜的兩周年。…查看更多

因為要同個friend farewell，一斑人想玩又想吹水，最好既選擇就係去樓上caf敿~睇過各食客既食評後，便鎖定黎Peace Square。我係當日下午先book 位的，好在重有一張4人台。我地有5 個人，侍應問介唔介意坐迫少少，態度都好親切。Caf以白色裝修為主，俾到人一種舒服，relax 既感覺，不過食客真係好多，細細間的caf不夠八點已坐滿人。我地叫了公司三文治、法式多士、雞翼、煙肉腸仔、同埋是日精選意粉，雖然menu 有既都係一般家庭式既手作食物，但係味道都唔差，樓上caf黎講質素算是不錯。食飽飽就開始我地既遊戲大會，我地一口氣玩左uno、層層疊、有口難言、蘋果棋、重有馬騮樹，一班friend 玩玩game、說說笑真係好開心，大家都盡興而回。時間話咁快就過，下次再去一定要早０的book !!…查看更多

返大學影完畢業相，friend 話坑口有平野食，就一行3 人黎到五十嵐啦。$30 既拉麵餐有一碗拉麵+3 件壽司同一杯特飲，真係抵到爛! 雖然價錢咁平，但係質素就一0的都唔差。我食既九州拉麵配料充足，0的麵都幾爽口。壽司有三文魚、墨魚同蛋，味道都過得去啦，$30都唔期望佢好會新鮮~ 特飲叫左朱古力雪香、芝麻雪香同香芋雪香，香芋最香濃，芝麻就太甜。雪香既份量太多了，搞到好似飲麥皮咁。$30 有咁多野食，地方都坐得幾舒服，真係好抵。…查看更多

成日都想試下唔同既樓上caf憿A 鍾意靜靜地同一兩個friend 傾下計既感覺，但係樓上caf既食物質素一向都唔會好好，今次黎個間都唔例外。成間鋪既面積唔算大，白色的台同椅，一排排似餐廳多過caf憿C 食物質素好一般，set dinner 得腸仔、豬扒、雞翼etc + 少少飯／意粉同一杯$15 以下既野飲。０的野唔係唔好食，不過好住家feel 咯，十分之易整完全冇難度可言。餐飲我叫了凍朱古力，水水的朱古力味道好淡。食野既時候隔離台有人不停吸煙，如果唔想食二手煙我建議你去第二度。…查看更多

Lunch 想食粥，諗到威記又平又幾好食就黎左啦。Lunch hr 好多人幫襯，唔想坐出面既，搵位就要快啦～最鐘意食呢道既蘿蔔糕，初初見到０的蘿蔔糕成塊餅咁，賣相一０的都唔好。不過唔好俾佢既外型呃到，一食落口就覺得煙煙韌韌，加埋０的豉油，真係食到唔停口。其他如皮蛋艇仔粥、炸兩、咸占餅等都okay好食，最差既係炒麵，０的麵淋淋的，我估計佢係炒左好耐淋哂，完全唔似炒過咁。…查看更多

補祝朋友生日+ladies’gathering，女仔都係鍾意食甜野，咁就黎左呢度啦~以前都黎過慶生，印象中食物okay、0的cake 重唔錯添！點之今次實在係大失所望。我地６個人都叫set dinner，一入到去侍應就話8.30 pm後做buffet，要我地等sofa。又話最多食到8.30，完全係趕客姐！食物唔好食，我個豬扒飯0的豬扒勁薄又唔煙韌。杯檸檬茶完全冇味的，我地已經加左好多糖漿都冇用，個個friend 都話好似飲緊水咁。Italian 以前9的cake 都幾有水準，等我重抱有期望。今次食個咖啡cake都唔好食既，又唔新鮮又唔香。個度人多又迫，熱都不特止，重有一樣野要投訴既係有個waitress 服務態度勁差，對住0的食客都呼呼喝喝。我同另一個friend兩個人出去counter 叫6 個set dinner，找錢既時候我錢都未收好，個waitress 已經叫我: “唔該快0的攞走0的餐盤同食物，唔好阻住後面0的客！”　嘩～完全唔知咩服務態度咯，雖然呢度唔收加一，但都唔代表我地要受０的咁既氣呀？！今次Italian 俾我既印象真係好差，直頭要blacklist，以後都唔會再去。…查看更多

上兩個星期去阿拉麵館食dinner，不過一直都好忙，而家先補寫返個食評。同男友二人叫了三樣野: 麻辣醬爆雞，有好多紅辣椒，可能我唔食得辣啦，真係好辣呀！我重唔少心食左啖，不過又幾好味喎。海鮮菜飯，有蝦、帶子、魷魚、青瓜。０的蝦雖然得幾粒，但係就好新鮮好好味。菜飯口感好特別，一咬落去覺得好腍、好似食mum-mum咁，不過係好食個隻！令人越食越想食！份量略為多少少，兩個人share 都好足夠。招牌牛肉麵，配料就冇乜啦，勝在０的麵爽口彈牙，個湯底係非常之美味，不一會已經俾我地食清光。成日覺得阿拉麵館唔乾淨，其實都係個別事件。呢度既食物水準都算中上，再睇埋價格都食得過。…查看更多